Egungo Euskararen Hiztegia (EEH)

Badira hor teologo, soziologo, legelari, irakasle jakintsuen hitzaldi interesgarriak.  Piarres Xarriton   «De re publica edo politikaz», 2003 - 7. orr.

Azken urteetan onddoak udazkenean bezala agertu dira kazetariek, politologoek, ekonomialariek edo soziologoek egin izan dituzten azterketa eta analisiak [...] gehienetan sen onak eta begi erne batzuek, besterik gabe, erakusten digutena paperera eramanez.  Pello Salaburu   «XX. mendearen argi-itzalak», 2001 - 10. orr.

soziologoak hasita zeuden kontsumoaren gizarteak zekartzan kalteez abisatzen.  Anjel Lertxundi   «Italia, bizitza hizpide», 2004 - 25. orr.

Soziologoek analizatuko dute, eta psikologoek esplikatuko, nola joan ginen gerla ondoan seminario eta komentuetara, orgataraka.  Piarres Aintziart   «Azken apeza», 2005 - 145. orr.

Soziologorik zorrotzena baino lehenago eta sakonago aurreratu zen Kafka burokraziaren makinariak ezdeus bihurtzen gaituela esatera.  Anjel Lertxundi   «Mentura dugun artean», 2001 - 48. orr.

Alor honetan egin izan diren lanik interesgarrienak ez dituzte askotan soziologoek egin, historialariek baizik.  Josu Zabaleta   «Irudia» - Jacques Aumont, 2004 - 176. orr.

Bernard Duperrein, Paueko unibertsitateko soziologoa.  Herria   2001-10-18

Iñaki Larrañaga, Legazpin sortu baina Itsasondon erretore dagoena, soziologo ezagun eta soziolinguistikazko lan garrantzizkoak egindakoa.  Xabier Mendiguren Elizegi   «Arbelaren gainean», 2004 - 9. orr.

Hala egiten du James Baldwin idazle estatubatuarrak, baita Jean Baudrillard frantses soziologoak ere.  Joxemari Urteaga   «Ordaina zor nizun», 2001 - 73. orr.

Piaget bezalako psikologoak, Freud edo Lacanen kide psikoanalistak, Levi-Straussen lagun soziologoak, Wittgenstein edo Ricoeur iduriko pentsalariak.  Piarres Xarriton   «De re publica edo politikaz», 2003 - 176. orr.