Bilaketa aurreratua

Ogi apurrak

Egungo Euskararen Hiztegia (EEH)

sos 1 iz liberaren hogeirena balio duen txanpona; liberaren hogeirena.

Zilarrezko liberaren hogeirena zen piezari, sos deitzen jarraitzen zaio, nahiz eta ez izan dagoeneko liberaren hogeirena.     «Legeen espirituaz II» - Montesquieu, 1999 - 69. orr.

Inork franko bat, barbaro bat edo lege salikopean bizi zen gizon bat hiltzen zuenean, berrehun sos ordaintzen zizkien ahaideei.     «Legeen espirituaz II» - Montesquieu, 1999 - 194. orr.

-Ezagutzen duzia Ziriki, oskol biltzailea? -galdegin zion jaun handiak, zilarrezko hiru sos mahai gainean utziz.  Elena Touyarou   «Hautsi da katea» - Toti Mtz. de Lecea, 2004 - 258. orr.

Zenbait sosen zilarrak ñir-ñir egin zuen nire eri artean.  Aingeru Epaltza   «Mailuaren odola», 2006 - 292. orr.

Hiru sos sari exekuzio bakoitzeko, eta bi azotaldi bakoitzeko.  Aingeru Epaltza   «Mailuaren odola», 2006 - 65. orr.

Franko batek hirurogeita bi sos eta erdi jasotzen zituen lapurreta egin zion erromatarragandik.     «Legeen espirituaz II» - Montesquieu, 1999 - 194. orr.

Bost sos zeuzkaten diru-poltsan, eta zerbait erosi orduko [...] berritu egiten zitzaizkien diru-poltsako zilarrezko bost sos zaharrak.  Anjel Lertxundi   «Azkenaz beste», 2005 - 54. orr.

Jauna, Ruspit nauzu, nik ere badut kupe bat, hirurogei sos aulkia.  Koldo Izagirre   «Idi orgaren karranka» - Victor Hugo, 2002 - 56. orr.

Hiru sos balio zuen.  Karlos Zabala   «Parisen sabela» - Emile Zola, 2004 - 334. orr.

Egunero sos bana ematen zien zintzo-zintzo, agindu bezala.  Karlos Zabala   «Parisen sabela» - Emile Zola, 2004 - 241. orr.

Rouendik, ordea, oinez abiatu behar, hogeita hamar sos besterik ez zuen eta.  Karlos Zabala   «Parisen sabela» - Emile Zola, 2004 - 21. orr.

Bere bost sos zaharrak atera zituen gero patrikatik.  Anjel Lertxundi   «Azkenaz beste», 2005 - 58. orr.

Gainerako bidaiariek ere nik bezala ordaindu zuten, hamabosna sos.  Koldo Izagirre   «Idi orgaren karranka» - Victor Hugo, 2002 - 58. orr.

Grande-Truanderie kaleko frijitzaile batek bi sosen patata frijituak saldu zizkion zorrean.  Karlos Zabala   «Parisen sabela» - Emile Zola, 2004 - 264. orr.

2 diru xehea; oso balioa gutxiko dirua.

Osaba Gradelleren denda hura, non bere altxorra bildu baitzuen sosez sos, halako sabel beltz bat zen.  Karlos Zabala   «Parisen sabela» - Emile Zola, 2004 - 84. orr.

Sos hauekin ez diat hik irentsitako mama-gorriaren laurdena ere ordaintzeko adina.  Anjel Lertxundi   «Azkenaz beste», 2005 - 59. orr.

Koinatua diat suge zirtzil hori, baina ez nikek haren askatasunaren ordainean sos bat ere pagatuko.  Aingeru Epaltza   «Mailuaren odola», 2006 - 158. orr.

Bihotzez eta amorrazioz esaten diet, nik ez dudala sos baten irabazirik atera liburu honekin.  Patziku Perurena   «Trapuan pupua», 2001 - 20. orr.

Nahiago hamar bider urkatua izan emakume horri beste sos bat eskatu baino.  Oskar Arana   «Brooklyngo erokeriak» - Paul Auster, 2006 - 125. orr.

3 adkor dirua.

Jatekoa eskas zuten, sosa ere bai.  Angel Aintziburu / Jean Baptiste Etxarren   «Luzaiden gaindi», 2002 - 83. orr.

-Hortakotz anitz sos behar da!  Menane Oxandabaratz   «Ez da musik», 2006 - 31. orr.

Horixe izan zen sos batzuk irabaztearren nik egin nuen lehenengo lana.  Pello Lizarralde   «Denak hasperenka» - Gianni Celati, 2005 - 170. orr.

Sos batzuk aurreratuak zituen, uda partean Gernikako taberna batean egiten zuen lanari esker.  Patxi Zubizarreta   «Jeans-ak hozkailuan», 2000 - 270. orr.

'Zenbat da?' esango duzu poltsikotik sos batzuk bilduta.  Joseba Sarrionandia   «Lagun izoztua», 2001 - 142. orr.

-Sosak xahutzeko dira, gure eskuetatik besterenera pasatzeko.  Unai Iturriaga   «Berandu da gelditzeko», 1999 - 126. orr.

Marieren aitak utzitako sosek lanik egin gabe bizitzeko lain eskaintzen zieten.  Joxemari Urteaga   «Ordaina zor nizun», 2001 - 195. orr.

Lehengaia ona izaten da gehienetan, baina sos ugari utzi beharko dituzu nagusiaren B kontuan.  Edorta Agirre   «Baietz okerreko bidea aukeratu! », 2006 - 125. orr.

Sei-zazpi hilabete Arizonako edo Mexiko Berriko basamortuetan artzain zinpurtu eta, sosa sakelan Durangoko Basque Hotelera hurbiltzen zen.  Itxaro Borda   «Zeruetako erresuma», 2005 - 43. orr.

Sos guztiak xahutzeko beldur etengabea.  Joseba Urteaga   «Lekua» - Annie Ernaux, 2003 - 29. orr.

Soldata ona izan arren, sos guztia gizonak kentzen zion eta hilean 400 pezeta uzten zizkion.  Gotzon Garate   «India harrigarria», 2001 - 100. orr.

-Ontziaren sotoak handituko ditut zure sos hauei esker, aurrerapenak merezi baitu hainbeste.  Anjel Lertxundi   «Azkenaz beste», 2005 - 110. orr.

Gaztelu hau gotortzen xahutu ditiat nire zaintza-sariko sos gehienak.  Aingeru Epaltza   «Mailuaren odola», 2006 - 119. orr.

Nafarroako altxorrak eskertu zuen, espainolak sos anitz galdatzen baitzuen haren askatasunaren ordain.  Aingeru Epaltza   «Mailuaren odola», 2006 - 53. orr.

Badakigu, bai, sakrifizioak beharko ditugula egin guk ere, zuregana jo aitzin diru eske bide berriarentzat, baina gure herriak sos guti du.  Angel Aintziburu / Jean Baptiste Etxarren   «Luzaiden gaindi», 2002 - 170. orr.

Ihizi leku batentzat hoinbeste sos ordaintzen dutenak ere zuzen da josta daitezen.  Angel Aintziburu / Jean Baptiste Etxarren   «Luzaiden gaindi», 2002 - 88. orr.

Anaia Kalifornian zen, han sos eginik etxera itzuli eta etxaldea garatzekotan.  Piarres Aintziart   «Azken apeza», 2005 - 100. orr.

Irabiagailua berarentzat jiraka, sosak egiteko makina baten gisa.  Juan Garzia   «Sistema periodikoa» - Primo Levi, 1998 - 215. orr.

4 (izenondoekin)

Etxegintzatik ere sos ederrak jasotzen dituzte, etxegileei ematen dieten babesaren truke.  Gotzon Garate   «India harrigarria», 2001 - 210. orr.

Llum oso ona da ordenagailuarekin, eta sos ederrak irabazten ditu.  Antton Olano   «<//jokoa.com>» - Gemma Lluch, 2002 - 23. orr.

Zer dion sos polit honen aurrean?  Lopez de Arana   «Manhattan Transfer» - John Dos Passos, 1999 - 216. orr.

Amamak, medaila eta sos zaharkituen artetik, erretratu txiki bat atera zuen.  Joseba Sarrionandia   «Lagun izoztua», 2001 - 258. orr.

Enpresa eta erakunde pribatu anitzek sos publikoa eskuratzen zutela ahalkerik gabe.  Itxaro Borda   «%100 basque», 2001 - 87. orr.

Gure alabaren neskame leialak, sos gutxi batzuen truke, alabak bat-batean ihes egin duela jakinarazi didanean, [...].  Antton Olano   «Fidel izan beharraz» - Oscar Wilde, 2000 - 143. orr.

5 (hitz elkartuetan lehen osagai gisa)

Bozek Eusko Armadaren sos kutxa ebastea leporatzen ziola.  Itxaro Borda   «Hiruko», 2003 - 65. orr.

Zapatagin ohiak, berriz, aspaldi ez zuen patrikan sos-hotsik aditzen.  Aingeru Epaltza   «Mailuaren odola», 2006 - 51. orr.

Ordainketa dirutik sos tanka bat aitzinatu zioten.  Elena Touyarou   «Hautsi da katea» - Toti Mtz. de Lecea, 2004 - 198. orr.

Mezara heldu zen jendeari Domine ne esateko atean sos-galde zegoela, heldu zen emazteki luze bat.  Pablo Sastre   «Eguzkipekoak», 2003 - 246. orr.

6 (hitz elkartuetan lehen osagai gisa, elkarketak izenondo balioa duela)

Guru sos-harrapatzaileren baten eskutik aztikerian sartuen zebilen garaietan.  Aingeru Epaltza   «Rock'n'roll», 2000 - 363. orr.

Ikasle sos gabeen eta errondari adinekoen behialako bilgune, bere bezeria goratzea lortzen ari zen aspaldi horretan.  Aingeru Epaltza   «Rock'n'roll», 2000 - 138. orr.

7 (hitz elkartuetan bigarren osagai gisa)

Publizitate-sosen ordainetan, hedabideek berez zuena baino garrantzia handiagoa ematen diote gertaerari.  Pako Aristi   «Note book», 2005 - 101. orr.

8 sos-erdi

Holandan florin deritzan txanpona dute; florinak hogei sos balio ditu, edota berrogei sos-erdi.     «Legeen espirituaz II» - Montesquieu, 1999 - 75. orr.

Kanbioa berrogeita hamalautan badago, hiru liberako ezkutuak berrogeita hamalau sos-erdi balioko du; hirurogeitan badago, hirurogei sos-erdi balioko du; zilarra Frantzian urri bada, hiru liberako ezkutuak sos-erdi gehiago balioko du; ugari bada, berriz, sos-erdi gutxiago.     «Legeen espirituaz II» - Montesquieu, 1999 - 75. orr.

Hiru liberako nire ezkutuaren truke Holandan dituen berrogeita hamalau sos-erdi ematen didanak berrogeita hamalau sos-erdiko kanbio-letra bat eman beharko dit Holandaren gainean.     «Legeen espirituaz II» - Montesquieu, 1999 - 75. orr.

Puta haiek ezin pobreagoak zirenez gero, beren seme-alabei jaten emaiteko sos erdirik ere ez zutenak.  Joan Mari Irigoien   «Lur bat haratago», 2000 - 492. orr.

9 bi sos diru gutxi.

Etorri zen emakume alargun behartsu bat, eta bi sos bota zituen, huskeria bat.  Elizen arteko biblia   Mk 12,42

Vernonen azken bi sosak gastatu zituen, ogia erosteko.  Karlos Zabala   «Parisen sabela» - Emile Zola, 2004 - 21. orr.

Etxetik irten nintzen, poltsikoan bi sos besterik ez nuela, eta errepideko geltokira joan nintzen.  Juan Kruz Igerabide   «Nire aitaren fusila» - Hiner Saleem, 2004 - 93. orr.

Betileak erre beharrean aritu zela Parisko inprimeria batean bi sosen truke lanean, eta ikasteko aprobetxatu zituela sos horiek.  Inazio Mujika Iraola   «Gerezi Denbora», 1999 - 89. orr.

Holako batean, jendetasunez eta elkartasunez, bi sosen zentzua baduen jendea bera ere "amerikanotzen" da nolazpait...  Herria   2001-09-20

Kalitatezko eta ez kalitatezko liburuak, bi sosen truk metroan edo autobusean irakurtzen eta gero uzten diren liburuak ere.  Ana Urkiza   «Zortzi unibertso, zortzi idazle», 2006 - 158. orr.

 

Nodoa: liferay1.lgp.ehu.eus