Egungo Euskararen Hiztegia (EEH)
soiltxoGizona ez dela gorputz eta arima, osotasun eta soiltasun, baizik eta esperientzia oro unitario dela. Patziku Perurena «Trapuan pupua», 2001 - 27. orr.
Urteekin, gero eta hitz gutxiagoko bihurtu zen; halako soiltasun lehor eta gupidagabe batek hartu zuen, bizitzako abentura guztiak gozatuak izango balitu bezala. Ander Irizar «Eszterren ondarea» - Sandor Marai, 2003 - 22. orr.
Barrenean dekorazioaren soiltasun orokorra nabarmena zen eta ez zeukan estatubatuar film puztuetan agertzen diren publizitate konpainien luxu faltsua. Iñaki Zabaleta «110. Street-eko geltokia», 2003 - 32. orr.
Eszenatokiari dagokionez, soiltasuna da nagusi, taula gainean mahai metaliko bat, jesarleku batzuk eta burdinazko lau panel haietariko bi atedunak besterik ez dagoelako. Berria - Kultura 2004-11-07
Kasu bereziak eztabaidatzerakoan, erabaki batek edo bestek soiltasun orokorrari nola eragingo dion iradoki baino ezin dugu egin. Itziar Laka «Egitura sintaktikoak» - Noam Chomsky, 2003 - 81. orr.
Zenbait goiargik Putzu-ren soiltasun formala mespretxuzko imintzio aristokratiko batez arbuiatzen du, ez baitu ez dakit zer xilipurdi nouveau baliatu. Markos Zapiain «Errua eta maitasuna», 2002 - 146. orr.
Ez al dator koadrila hau, jakinduriaren moda eta modista "konplikagarri" guziak saihestu nahiz, soiltasun xalo baten indar bila? Patziku Perurena «Trapuan pupua», 2001 - 339. orr.
Zoragarri zaio tenpluaren soiltasuna. Alberto Barandiaren «Mundu txikia», 2005 - 53. orr.
Bizarra ugaria zuen, luzatzen uzten ez zion arren; burua, berriz, gaztetatik soildu zitzaion, baina soiltasun hura ongi estaltzen ikasi zuen, birreta gainean jarrita. Joan Mari Irigoien «Oilarraren promesa», 2003 - 37. orr.
Gavoillek, soiltasun guztiaz, izterrean hazka jarraitzen zuen. Josu Zabaleta «Gerrako pilotu» - Antoine Saint-Exupéry, 2003 - 144. orr.
Hitzak bere soiltasunean hartuko ditugu, kasu atzizkirik gabe, hiztegi batek jasotzen dituen -jasoko lituzkeen- eran. Iñaki Arranz «Hitza azti», 2006 - 220. orr.
Bertsolariek eta beste kultura batzuetako inprobisatzaileek batera eginiko saioetan, aldiz, entzule gehienek, bertsoen testua ez ulertu arren, generoaren aberastasun erantsi gisa, eta ez akats gisa, jaso dute bertsolaritzaren musika-soiltasun hori. J. Garzia / A. Egaña / J. Sarasua «Bat-bateko bertsolaritza», 2005 - 225. orr.
