Egungo Euskararen Hiztegia (EEH)

sekula (5779 agerraldi, 250 liburu eta 674 artikulutan; orobat sekulan 963 agerraldi, 54 liburu eta 438 artikulutan; Euskaltzaindiaren Hiztegian sekula agertzen da) 1 adlag inoiz ere ez. (ezezko esaldietan; ez partikularen ezkerrean)

Sekula ez naiz lapurretan aritu. Jose Morales «Arima hilak» - Nikolai Gogol, 1998 - 205. orr.

Sekula ez naiz horretaz libratuko. Xabier Olarra «Antropologo bat Marten» - Oliver Sacks, 2003 - 102. orr.

Sekula ez zuen halakotzat hartu bere burua. Mirentxu Larrañaga «Hona hemen gu biok» - Dorothy Parker, 2006 - 42. orr.

Sekula ez dut halakorik ikusi Italiako lurretan. Felipe Juaristi «Airezko emakumeak», 2003 - 80. orr.

Hortaz, sekula ez zara Brasilen izan. Iñaki Mendiguren «Harry Potter eta Azkabango presoa» - J.K. Rowling, 2002 - 30. orr.

Baliteke berak ere sekula ez jakin izana istorio osoa. Oskar Arana «Brooklyngo erokeriak» - Paul Auster, 2006 - 17. orr.

Zin egin nuen sekula ez nituela ahantziko. Felipe Juaristi «Airezko emakumeak», 2003 - 201. orr.

Ez dut sekula ahaztuko. Xabier Olarra «Antropologo bat Marten» - Oliver Sacks, 2003 - 88. orr.

Itsasoari esker bizi bazen ere, sekula ez zuen Nikola Saltzek itsasorik ikusi. Felipe Juaristi «Airezko emakumeak», 2003 - 257. orr.

Sekula tratatu ez dugun jendeaz ere aise lor genezake informazio baliagarria. Iñaki Segurola «Gaur ere ez du hiltzeko eguraldirik egingo», 2005 - 48. orr.

Basa gauzatxo bat sekula kontatu ez nizuna gure topaketa laburrean. Iñaki Mendiguren «Harry Potter eta sorgin harria» - J.K. Rowling, 2000 - 348. orr.

Banning Cocq eta Willem van Ruytenburgh, esaterako, gizon printzipalak Amsterdamen, sekula tiro bakar ere egin ez zutenak. Felipe Juaristi «Airezko emakumeak», 2003 - 217. orr.

Ama batek sekula izan ez duen umearen mina bezalakoa, aberririk sekula izan ez duen abertzalearen mina bezalakoa. Felipe Juaristi «Airezko emakumeak», 2003 - 158. orr.

Big Joek bizirik iraun zuen, eta onera egin zuen, nahiz eta erabat sekula ez. Mirentxu Larrañaga «Peaceful soldadua» - Michael Morpurgo, 2006 - 20. orr.

Hobe da berant, sekula ez baino. Berria - Euskal Herria 2004-10-13

Sekula ez, edo oso gutxitan, eraman nahi izaten zuen oihal berrizko tunikarik. Berria - Gaiak 2004-11-02

Geroztik, sekula Hannaren berririk ez. Joxe Austin Arrieta «Homo Faber» - Max Frisch, 2001 - 83. orr.

· Zorte hark sekula ihes ezin egingo zioneko pentsamendu lausoa baitzuen buruan. Harkaitz Cano «Pasaia blues», 1999 - 14. orr.

Sekula ezingo dizut adierazi galera horrek eragiten didan samina. Juan Martin Elexpuru / Bego Montorio «Filosofia apaingelan» - Sade, 2001 - 28. orr.

2 (ezezko esaldietan; ez partikularen eskuinean)

Ez dut sekula gizon hori ikusi, ez dut ezagutzen. Oskar Arana «Brooklyngo erokeriak» - Paul Auster, 2006 - 150. orr.

Ez zen sekula argitu ea gaixotasun akutuak eragin zion erretinetako lesio hori, ala erretinen endekapena sortzetikoa zen. Xabier Olarra «Antropologo bat Marten» - Oliver Sacks, 2003 - 122. orr.

Ia bi hilabete iraganak ziren jada: erantzuna ez zen sekula iritsiko. Juan Garzia «Sistema periodikoa» - Primo Levi, 1998 - 285. orr.

Infernuak ere ez du sekula halakorik kanpora jaurti. Juan Martin Elexpuru / Bego Montorio «Filosofia apaingelan» - Sade, 2001 - 23. orr.

Jesu Kristo gure Jaunaren izenean ez dezazuela sekula zerupean besterik ezer eduki nahi. Askoren artean «Asisko Frantzizko, Asisko Klara», 2002 - 157. orr.

Garbi zeukan ez zuela sekula inor tirokatuko. Harkaitz Cano «Pasaia blues», 1999 - 88. orr.

Ez didala inork sekula mundu honetan gaur zuk egin didazun bezainbat ohore egin. Oskar Arana «Brooklyngo erokeriak» - Paul Auster, 2006 - 296. orr.

Ez nion berriro sekula deituko. Oskar Arana «Brooklyngo erokeriak» - Paul Auster, 2006 - 134. orr.

Ez diot inori hitz egiten, sekula; ez dut deus hartzen, ez dut deus ematen. Monika Etxebarria «Goragalea» - Jean Paul Sartre, 2003 - 33. orr.

3 (baldintzetan)

Baina baldintza honekin, hots, sekula frogatzen baldin bazen heretikoa zela, bera izanen zela haren kondenatzaile lehena. Piarres Xarriton «Enkiridion» - Martin Azpilkueta, 2006 - 23. orr.

Peter, halaber, sekula herriratuko balitz arras bestelakotua atzemanen zuketen otsabidetarrek. Itxaro Borda «Zeruetako erresuma», 2005 - 44. orr.

Frantses Estatuak sekula onartuko balu Iparralde mailan departamenduaren inguruko galdeketa bat egitea, nonbait Iparraldearen ezagupenari buruz aitorpenaren hastapena litzateke. Berria - Euskal Herria 2006-02-01

4 (galderetan)

Kontatu diat sekula nire kosmosaren ikuspegia? Harkaitz Cano «Pasaia blues», 1999 - 75. orr.

Jakin al dugu sekula, nere arbaso gaxte begi-ederrok? Iñaki Segurola «Gaur ere ez du hiltzeko eguraldirik egingo», 2005 - 292. orr.

Uzten al diogu sekula bakarrik egoteari? Ana Urkiza «Zortzi unibertso, zortzi idazle», 2006 - 263. orr.

Zuen aitak sekula jan al du emandako hitzik? Sekula sentitu al dugu, bada, geure ona beharrean inorena hobestera eraman gaituen berezko bultzadarik? Mirentxu Larrañaga «Hona hemen gu biok» - Dorothy Parker, 2006 - 52. orr.

-Fantaisi polonaise hura... jo al huen tropikoan sekula? Xabier Olarra «Azken hitzordua» - Sandor Marai, 2003 - 108. orr.

5 (bestelakoak)

Doinu bat etorri zitzaion orduan, gela hartako bazter batetik sortua, sekula ordu arte entzun gabea bera. Felipe Juaristi «Airezko emakumeak», 2003 - 31. orr.

Haiek ziren gela hartan sekula ukitu gabeak ematen zuten gauza bakarrak. Iñaki Mendiguren «Harry Potter eta Azkabango presoa» - J.K. Rowling, 2002 - 39. orr.

Ezein gizakirengan sekula ikusi den jarrerarik errukarrienean baitzegoen. Jose Morales «Arima hilak» - Nikolai Gogol, 1998 - 133. orr.

Hitz batean, ederra zen dena, naturak edo arteak -zeinek bere aldetik- sekula asmatuko lukeen baino ederragoa. Jose Morales «Arima hilak» - Nikolai Gogol, 1998 - 170. orr.

Sekula idatzi den libururik ospetsuenetakoa. Oskar Arana «Brooklyngo erokeriak» - Paul Auster, 2006 - 147. orr.

Orduko hura ez zen borondatezko isiltasuna izaten, han denek baitzeukaten zer esana eta zer iritzia, sekula baino gehiago gainera. Hasier Etxeberria «Arrainak ura baino», 1999 - 18. orr.

Sekula halakorik! Lopez de Arana «Manhattan Transfer» - John Dos Passos, 1999 - 23. orr.

6 sekula baino

Gauza asko -sekula baino gehiago- esanarazi behar zaizkio artelan garaikideari, bera berez gutxi -sekula baino gutxiago- delako, edo batere ez. Iñaki Segurola «Gaur ere ez du hiltzeko eguraldirik egingo», 2005 - 136. orr.

Denek baitzeukaten zer esana eta zer iritzia, sekula baino gehiago gainera. Hasier Etxeberria «Arrainak ura baino», 1999 - 18. orr.

Gau hartan hondarrean etxeratzean, sekula baino gehiago, hozkailuan gasnaren ez atzematea deitoratu nuen. Itxaro Borda «%100 basque», 2001 - 162. orr.

Sekula baino hobeto. Oskar Arana «Brooklyngo erokeriak» - Paul Auster, 2006 - 338. orr.

Goiz hartan sekula baino lehenago jaiki nintzen. Jasone Osoro «Korapiloak», 2001 - 30. orr.

Sekula baino tristeago iritzi nion hots betibateko hari. Alberto Ladron Arana «Eguzki beltzaren sekretua», 2004 - 39. orr.

Eta beroa ere sekula baino pixuagoa. Joxe Austin Arrieta «Homo Faber» - Max Frisch, 2001 - 77. orr.

Ezkutu bat, gaur munduak sekula baino beharrago duena. Iñaki Segurola «Gaur ere ez du hiltzeko eguraldirik egingo», 2005 - 192. orr.

Sekula baino harrituago nengoen. Janbattitt Dirassar «Bihotzeko mina», 1997 - 103. orr.

Gryffindorreko taldea sekula baino gogorrago ari zen entrenatzen Hooch andrearen begiradapean. Iñaki Mendiguren «Harry Potter eta sorgin harria» - J.K. Rowling, 2000 - 139. orr.

Etxean sekula baino krisialdi luzeagoa, zaratatsuagoa eta larriagoa izan zen. Jesus Mari Mendizabal «35 kilo esperantza» - Anna Gavalda, 2004 - 30. orr.

Nikolas Pigassof, aldiz, sekula baino sasoi hobean zegoen. Karlos Zabala «Mikel Strogoff» - Jules Verne, 2002 - 356. orr.

Big Lanniek sekula baino arrazoi handiagoz bedeinkatu zuen dama andrea. Mirentxu Larrañaga «Hona hemen gu biok» - Dorothy Parker, 2006 - 266. orr.

7 sekula betiko adlag

Demostraziook sekula betiko gal ez daitezen. «Loroaren teorema» - Denis Guedj, 2006 - 98. orr.

Lo suspergarri bati emana ote, ala koman eroria sekula betiko? «Loroaren teorema» - Denis Guedj, 2006 - 23. orr.

Askotan maletak itxita geratzen ditun, sekretu guztiak barruan gordez sekula betiko. Harkaitz Cano «Pasaia blues», 1999 - 198. orr.

Ez dut gehiagorik galdatzen, non ez den gure adiskidantzak iraun dezan sekula betiko. Adio, jauna; zure jokabideak dit erakutsiko zer nolako sentimenduz behar natzaizun izan, sekula betiko. «Harreman arriskutsuak» - Choderlos de Laclos, 1997 - 80. orr.

Hala jokatuta, gera zitezen, lur gainean gizona, bizialdirako aske, eta lurpean emakumea, sekula betiko preso. Felipe Juaristi «Airezko emakumeak», 2003 - 41. orr.

8 Sekula Betiko Lurralde

Peter eta Wendy horretan agertzen dira, jakina, Sekula Betiko Lurraldea eta Kako-oker kapitaina. Julen Gabiria «Peter Pan» - James Matthew Barrie, 2004 - 11. orr.

Sekula Betiko Lurraldea Barrieren lurralde desiratua da, haurtzarokoa. Julen Gabiria «Peter Pan» - James Matthew Barrie, 2004 - 12. orr.

Irla zoragarri horietatik, goxo eta erosoena Sekula Betiko Lurraldea da. Julen Gabiria «Peter Pan» - James Matthew Barrie, 2004 - 32. orr.

Sekula Betiko Lurraldean umeen eguneroko bizitza etengabeko jolasa da, baina jolas horretan hil egin zaitezke, edo norbait hil dezakezu. Julen Gabiria «Peter Pan» - James Matthew Barrie, 2004 - 20. orr.

9 sekula ere adkor sekula. (ezezko esaldietan; ez partikularen ezkerrean)

Sekula ere ez naiz berriz liburutegira joanen. Monika Etxebarria «Goragalea» - Jean Paul Sartre, 2003 - 167. orr.

Bapo! ez nintzen sekula ere hara azaldu. Txillardegi «Putzu», 1999 - 379. orr.

Halako desengainu katean ari zen Hadass sarrarazten eta ari zen bera sartzen, eta hainbeste arau ari zen urratzen, non sekula ere ez baitzen gai izango haien guztien zigorra ordaintzeko. Koro Navarro «Zortzi kontakizun» - Isaac B. Singer, 2002 - 203. orr.

Baina sekula ere ez dute esan nahi Jainkoak (gorets bedi!) hotsen edo hitzen bidez hitz egin duenik. Xabier Kintana «Alderraien gidaria» - Mose ben Maimon, 2006 - 166. orr.

Orduan eskubiderik ez zen, eta sekula ere argia ikusi ez duten euskal esparru batzuk, esparru berriak, ditugu orain eskura. Pello Salaburu «Euskararen etxea», 2002 - 56. orr.

Han aurkitzen dira amets ere egin daitekeen mendeku gai ederrenak, mendeetako gorrotoak, aldi batez baketuak, baina sekula ere ez itzaliak. Josu Zabaleta «Fantasiazko ipuinak» - Guy de Maupassant, 2000 - 184. orr.

Beti puta, sekula ere ez maitale, maitasunari ihes eginez, plazera adoratuz. Juan Martin Elexpuru / Bego Montorio «Filosofia apaingelan» - Sade, 2001 - 197. orr.

Ezkonduta gero morroiak hartu, sekula ere ez maitaleak. Juan Martin Elexpuru / Bego Montorio «Filosofia apaingelan» - Sade, 2001 - 149. orr.

Sekula ere ez berriro! Joxe Austin Arrieta «Homo Faber» - Max Frisch, 2001 - 89. orr.

Hara, eskatu egiten dizut, ez berriro hona deitzeko, sekula ere ez. Oskar Arana «Lotsaizuna» - John Maxwell Coetzee, 2004 - 18. orr.

Orain ala sekula ere ez. Hasier Etxeberria «Mutuaren hitzak», 2005 - 65. orr.

· Karpeta urdinean gordetzen zuen eskuizkribua sekula ere abandonatu gabe. Harkaitz Cano «Belarraren ahoa», 2004 - 84. orr.

Esanen dut, bestetik, nolako belazeak ikusi nituen, ordu arte nik sekula ere ikusi gabeko belaze handiak. Fernando Rey «Paradisuko Almanaka» - Gianni Celati, 2005 - 11. orr.

10 (ezezko esaldietan; ez partikularen eskuinean)

Ez duzu sekula ere probatu? Aingeru Epaltza «Rock'n'roll», 2000 - 357. orr.

Ez da sekula ere abiaburutzat hartu eskualde ahul eta atzeratu bateko hizkera. Koldo Zuazo «Euskararen sendabelarrak», 2000 - 70. orr.

Ez diote sekula ere elkarri aditzen. Monika Etxebarria «Goragalea» - Jean Paul Sartre, 2003 - 92. orr.

Ez zuen sekula ere inor egin sentimendu horren partaide, eta damu zuen Amianorekin zenbait gauzatan, sakonera heldu gabe, azalean geratu izana. Ramon Saizarbitoria «Gorde nazazu lurpean», 2000 - 15. orr.

· Ezin izango ziokeen barkatu, sekula ere, 600 librako ezpatarraina harrapatu barik joaten utzi izan balu. Edorta Jimenez «Hemingway eta euskaldunak zerbitzu sekretuetan», 2003 - 186. orr.

11 sekula ez bezala

Sekula ez bezala artatua eta gozatua sentitzen zen. Itxaro Borda «Zeruetako erresuma», 2005 - 65. orr.

Ongi mereziak nituen gainera, sekula ez bezala gezurretan ibiltzeagatik. Hasier Etxeberria «Arrainak ura baino», 1999 - 69. orr.

Stalingradon, ordea, soldaduek sekula ez bezala aritu behar izan zuten, alemanek gogor erasotzen baitzieten egunez nola gauez, airez nola lurrez. Felipe Juaristi «Airezko emakumeak», 2003 - 191. orr.

Arte garaikideak zerbait esan nahi badu, sistemaren garaipena esan nahi baitu: [...] esanahi handiko ezerezarekin eta ezerezaren esplikazioarekin gizabanakoak sekula ez bezala entretenituz itxuragabeko arte-dirua mugiarazten duen sistemarena. Iñaki Segurola «Gaur ere ez du hiltzeko eguraldirik egingo», 2005 - 136. orr.

Aparteko ezer aipatzekorik ez zeukan andre baten gose nintzen, sekula ez bezala. Hasier Etxeberria «Arrainak ura baino», 1999 - 44. orr.

Tootlesen aurpegia zuri-zuri zegoen, baina duintasuna ere nabari zitzaion, ordura arte sekula ez bezala. Julen Gabiria «Peter Pan» - James Matthew Barrie, 2004 - 96. orr.

12 sekula guztian adkor sekula.

Baina nor zara zu niretzat, sekula guztian ezagutu ez nauzun hori, [...] beti aurrera eta aurrera eginez amaigabeko itxaronaldian uzten nauen hori? Eduardo Matauko «Emakume ezezagun baten gutuna» - Stefan Zweig, 2005 - 57. orr.

Horrexegatik, erran ez zuelako, ez-osotasun kutsua txertatu zion esaldiari, zerbait falta balitz bezala eta huts hori sekula guztian ez betetzera kondenaturik balego bezala. Aingeru Epaltza «Rock'n'roll», 2000 - 221. orr.

Liburuari esker, hilabeteko epean ikasten duzu adituen ahotik "sekula guztian" ikasiko ez zenukeena. «Loroaren teorema» - Denis Guedj, 2006 - 247. orr.

Gero, arratsalde haren oroitzapena biziro gorderik geratzen zaizu gogoan, behin betiko, sekula guztian, eta zehatz-mehatz oroitzen duzu hain egun gogoangarrian gertaturiko guztia. Jose Morales «Arima hilak» - Nikolai Gogol, 1998 - 465. orr.

Orain galdezka ari zara, ene maitea, zergatik gorde dudan isilpean haur hau urte luze guztiotan eta ez dudan egundo bera hizpide izan, hemen ilunpean lo datzana, betiko loan, joateko eta sekula guztian ez itzultzeko prest, sekula guztian ez! Eduardo Matauko «Emakume ezezagun baten gutuna» - Stefan Zweig, 2005 - 39. orr.

13 sekula santan (86 agerraldi, 41 liburu eta 6 artikulutan) adkor sekula. ik santa 5.

Sekula santan ez zen gerezi-ondoaren azpira etorriko. Daniel Landart «Anaiaren azken hitza», 1999 - 189. orr.

Sekula santan akabatu behar ez zuen hilabetea. Jesus Mari Mendizabal «35 kilo esperantza» - Anna Gavalda, 2004 - 39. orr.

Ez dut sekula santan denborarik alferrik galdu literatur kritikoen terminologia antzu, berbaro zuri eta nahitanahiez guzia sailkatu behar larriaren sasi zikinean. Patziku Perurena «Trapuan pupua», 2001 - 313. orr.

Nik ez zioat Eñauti sekula santan neskarik ezagutu. Sonia Gonzalez «Ugerra eta kedarra», 2003 - 170. orr.

Bere ezpainetatik ez zen sekula santan halako eskaerarik jaulkiko. Anton Garikano «Bederatzietatik bederatzietara» - Leo Perutz, 2003 - 127. orr.

Uriel da Ruaren begi inozo ongira eginek ez zuten sekula santan halako bortizkeriarik ikusi. Felipe Juaristi «Airezko emakumeak», 2003 - 27. orr.

Baditugu ur-erlojuak, itsaso guztietako ura jaso, bildu eta gero gora botatzen dutenak, sekula santan gelditzen ez den iturrian. Felipe Juaristi «Airezko emakumeak», 2003 - 7. orr.

Zin egin zuen ez zela berriro sekula santan taberna batera sartuko. Bego Montorio «Napomuceno da Silva Araujo jaunaren testamentua» - Germano Almeida, 2003 - 139. orr.

Ez dit axola sekula santan ikusten ez badut ere berriro. Mirentxu Larrañaga «Hona hemen gu biok» - Dorothy Parker, 2006 - 115. orr.

-Sekula -esan zuen-, sekula santan ez du agertu hain jokamolde txarrik. Mirentxu Larrañaga «Hona hemen gu biok» - Dorothy Parker, 2006 - 248. orr.

Eta esan zuen, ezohiko irmotasun erabatekoz esan ere, ez zituela sekula santan ikusi nahi ez kautxu-lantegia, ez Ruby, ez eta Durant jauna ere. Mirentxu Larrañaga «Hona hemen gu biok» - Dorothy Parker, 2006 - 47. orr.

Ez da ordea, hizkuntzen zentzua gure filologoena bezain simetrikoa izandu sekula santan. Patziku Perurena «Trapuan pupua», 2001 - 250. orr.

14 sekulako ik sekulako.

hitz multzoen maiztasunak (gutxienez 7 aldiz agertzen direnak)

baina sekula ez (89)

ez baita sekula (13); ez baitu sekula (8); ez baitut sekula (8); ez baitzen sekula (13); ez baitzuen sekula (14); ez da sekula (149); ez dela sekula (28); ez diat sekula (12); ez dio sekula (11); ez diot sekula (15); ez dira sekula (46); ez dit sekula (9); ez ditut sekula (11); ez dizut sekula (7); ez du sekula (105); ez dudala sekula (9); ez duela sekula (33); ez dugu sekula (31); ez duk sekula (17); ez dut sekula (149); ez dute sekula (22); ez dutela sekula (9); ez duzu sekula (16); ez gara sekula (11); ez genuen sekula (13); ez luke sekula (7); ez naiz sekula (77); ez nau sekula (11); ez nintzen sekula (23); ez niola sekula (7); ez nion sekula (9); ez nuela sekula (16); ez nuen sekula (68); ez sekula (22); ez zaio sekula (11); ez zait sekula (19); ez zaitut sekula (8); ez zela sekula (30); ez zen sekula (114); ez zidan sekula (15); ez zion sekula (26); ez ziren sekula (19); ez zituen sekula (7); ez zitzaidan sekula (10); ez zitzaion sekula (11); ez zuela sekula (27); ez zuen sekula (163); ez zuten sekula (32)