Egungo Euskararen Hiztegia (EEH)

segida (orobat segida g.er.) 1 iz kideko diren eta hurrenez hurren dauden gauzen multzoa. ik sail; serie.

2000. urtean giza genomaren segida aletu edo sekuentziatu dela iragarri zen. Askoren artean «Filosofiako gida», 2004 - 290. orr.

Galdera-erantzun-zalantza segidaren kalbarioari ekin behar diogula dirudi. Iban Zaldua «Gezurrak, gezurrak, gezurrak», 2001 - 70. orr.

Irudi mugikorrez osatutako segida ordenatu bat. Josu Zabaleta «Irudia» - Jacques Aumont, 2004 - 154. orr.

Letrak segida jakin batean ordenatzen ditu alfabetoak, eta hurrenkera horrek aurrera/atzera egiteko bidea zabaltzen digu guri. Iñaki Arranz «Hitza azti», 2006 - 93. orr.

Osagaiak segida jakin batean antolatzen dira, eta segida hori markatzea edo azpikoz gora jartzea, horiexek dira aukeran dauden bideak. Iñaki Arranz «Hitza azti», 2006 - 88. orr.

Fonazioak inplosio eta esplosio segida bat izatea eskatzen du, eta hau da silabazioaren baldintza funtsezkoena. Isabel Arrigain «Hizkuntzalaritza orokorreko ikastaroa» - Ferdinand de Saussure, 1998 - 89. orr.

Esan daiteke, adibidez, segida bereko edo sekuentzia bereko bi irudi finkoren artean badela bitarte bat (denborazkoa). Josu Zabaleta «Irudia» - Jacques Aumont, 2004 - 223. orr.

Segida horretako zenbaki bakoitza aurreko bien batura da. «Loroaren teorema» - Denis Guedj, 2006 - 277. orr.

Arau horiek erabiltzen ditugunean hizkuntzako sintaxiaren oinarriak jartzen ari gara, eta beraien bidez zehazten dugu gure logikan sinboloen zein segida den onargarria eta zein ez. Askoren artean «Filosofiako gida», 2004 - 141. orr.

Onargarriak diren segidei hizkuntzako formulak deituko diegu. Askoren artean «Filosofiako gida», 2004 - 141. orr.

Denbora berari segida bat atxiki nahi izango bagenio, beste denbora bat pentsatu beharko genuke, bertan segida hori ahalgarria izan zedin. Ibon Uribarri «Arrazoimen hutsaren kritika» - Immanuel Kant, 1999 - 105. orr.

Bakoitza bere leku horretan aipatuko nuke, segida horretan: zarata, argiak, kea, jendea, beroa. Pako Aristi «Urregilearen orduak», 1998 - 290. orr.

Gero lana galdua eta beste segidarik ez dut nehon kausitzen. Janbattitt Dirassar «Bihotzeko mina», 1997 - 20. orr.

2 (-en atzizki pluralaren eskuinean)

Untxi-bikoteen segida hori erakutsiz, zenbakien segidaren nozio matematikoa asmatu zuen Fibonaccik. «Loroaren teorema» - Denis Guedj, 2006 - 277. orr.

Sintaxiaren arloan gaudenean, formulek ez dute esanahirik, sinboloen segidak dira soilik. Askoren artean «Filosofiako gida», 2004 - 141. orr.

Aitatxi Migelek mihi naroa zuen gertakarien segida hari batean lotzeko. Aingeru Epaltza «Mailuaren odola», 2006 - 55. orr.

Askotan, kronologikoki antolatutako autoreen segida hutsari filosofiaren historia esaten zaio. Askoren artean «Filosofiako gida», 2004 - 16. orr.

Teorema baten froga formulen segida finitu bat baino ez da. Askoren artean «Filosofiako gida», 2004 - 142. orr.

Arrazoi ezkuturen bat egon behar zuen kointzidentzien segida hartan. «Kuskue tanden», 2004 - 101. orr.

Saltoki gorrien gas argiek ilunpeak urratzen zituzten, kolorea ematen zioten etxe grisen segidari. Karlos Zabala «Parisen sabela» - Emile Zola, 2004 - 34. orr.

Ibiltari erneak noizbait antzemango dio sistole-diastoleen segida horri. «Kuskue tanden», 2004 - 207. orr.

3 (hitz elkartuetan lehen osagai gisa)

Jean-Louis Schéfer-ek, historiako segida-ordena atzekoz aurreratuz, antzerkiko eszena-antolamendu bat balitz bezala aztertzen zuen XVI. mendeko koadro bat. Josu Zabaleta «Irudia» - Jacques Aumont, 2004 - 214. orr.

4 (hitz elkartuetan bigarren osagai gisa)

Kamioi segiden mugimendua jarraitzeko gauza da. Berria - Gaiak 2004-12-19

Hogwartseko zuzendari-segida luze batek ez badu ezer aurkitu... Iñaki Mendiguren «Harry Potter eta sekretuen ganbera» - J.K. Rowling, 2001 - 130. orr.

-Nire bizitza dimisio-segida baten historia da. Jon Alonso «Erretzaileen eremua», 2006 - 28. orr.

Egiantzarik gabeko egitate segida bat. «Harreman arriskutsuak» - Choderlos de Laclos, 1997 - 258. orr.

Zergatik egin zuten Parisko Clignancourteko Arkakuso Merkatuan bat bi gertakizun-segida horiek? «Loroaren teorema» - Denis Guedj, 2006 - 503. orr.

Gertaera-segida esanahirik gabea, hogeigarren mendeko eleberrigile ingeles batek [...] Odtaa deitu zuena, horrekin esan nahi zuelarik "gauza zahar bat beste baten atzetik". Iñaki Mendiguren «Historiaren azterketa II» - A.J. Toynbee, 2000 - 306. orr.

Hots segida hori, hots soilak diren aldetik hartuak, fisiologiaren eremuari dagozkio. Isabel Arrigain «Hizkuntzalaritza orokorreko ikastaroa» - Ferdinand de Saussure, 1998 - 137. orr.

Distiraldi-segida bat, elkarren segidan oso bizkor, tarte kritiko bat baino bizkorrago gertatzen baldin badira, pertzepzio bakar batean "bateratzen" dira distiraldi guztiak. Josu Zabaleta «Irudia» - Jacques Aumont, 2004 - 35. orr.

Arrazoinamendu-mota hori indukziozkotik eta dedukziozkotik bereizten da, datu-segida bat azaltzerakoan hipotesi bat aurreratzen duelako. Askoren artean «Filosofiako gida», 2004 - 117. orr.

5 jarraipena, jarraitutasuna.

XL. gutunaren segida. «Harreman arriskutsuak» - Choderlos de Laclos, 1997 - 137. orr.

"Dominus vobiscum... Oremus..." eta segida. Michel Oronoz «Oilandoiko ermita», 2001 - 159. orr.

Segida helduden astean. Herria 2002-07-18

Segida ondoko astetan. Herria 2004-07-08

Hona Jakoben historiaren segida. Jose Antonio Mujika «Agindutako lurraren bila I», 2002 - 103. orr.

Burua makurtu zuen Gure Aita zeruetan zarena murmuzikatuz, segida bitxiki erabat ahantzia zuela konturatuz. Itxaro Borda «Zeruetako erresuma», 2005 - 61. orr.

Segida irakurri nuen mahai gaineko paper zigortuan. Aingeru Epaltza «Rock'n'roll», 2000 - 68. orr.

Eta tituluak baldin badu gustu edo... grazia pixkat, gero haren segida irakurtzen dut. Menane Oxandabaratz «Ez da musik», 2006 - 180. orr.

Jazoeren segida hutsa eta hotza nagusi ez dadin. Aingeru Epaltza «Rock'n'roll», 2000 - 259. orr.

[Begiak] segundoko 6-8 distira kolpetik gora, esate baterako, ez ditu gertaera desberdinak balira bezala bereizten, segida bat bezala baizik, baterakuntza-fenomeno baten eraginez. Josu Zabaleta «Irudia» - Jacques Aumont, 2004 - 33. orr.

Hau izan zen Ameriketako ekaitz erraldoi bati segida egin zitzaioneko lehen aldia. Pello Zabala «Naturaren mintzoa», 2000 - 445. orr.

Aldi berria abian da, segida ez da eten, ez kalean, ez lantokietan, ez itzalpeko ostatu hauetan. Jokin Urain «Errotarria», 2006 - 96. orr.

30 bat urte izango zituen behintzat ezkondu zenerako: adin handi samarra, baserriaren segida ziurtatuko zuen beste gizonezkorik ez zela gogoan hartuta. Xabier Mendiguren Elizegi «Errekarteko koadernoa», 2001 - 73. orr.

Alta bada, ez nezakeen etxondoa segidarik gabe utz! Daniel Landart «Anaiaren azken hitza», 1999 - 31. orr.

Eugin bildu esperientzia baliatu zuten arras ontsa Orbaizetako olaren eraikitzeko eta ibilarazteko, Rostaing arduradunarekin, zeinak Eugiko olaren segida eraman baitzuen urte parrasta batez. Angel Aintziburu / Jean Baptiste Etxarren «Luzaiden gaindi», 2002 - 66. orr.

6 (izan aditzarekin)

Espainiako administrazioak historikoki diseinatu dituen zapalketa neurriek segida izan dute Iparraldeko lurraldeetan. Filipe Bidart «Bakartasunaz bi hitz», 2004 - 19. orr.

Hau ez da hasi besterik egin, segida izango du. Anjel Lertxundi «Zorion perfektua», 2002 - 121. orr.

Inoizka, borrokaldiak handik kanpo izaten zuen segida, leku bakartuagoetan. «Kuskue tanden», 2004 - 26. orr.

Langile eta ikasle frantsesen 68ko maiatzak Italian izan zuen, handik gutxira, segida. Anjel Lertxundi «Italia, bizitza hizpide», 2004 - 25. orr.

Esketxak bere segida izan zezan, nik halaberean ihardetsi behar nion. Aingeru Epaltza «Rock'n'roll», 2000 - 135. orr.

Ez uste ohartzen ez naizenik ezen nahiagoko zenuela delibero hori lehenik zeuri burura zekizun, eta Valmontena ez zedin izan zurearen segida baizik. «Harreman arriskutsuak» - Choderlos de Laclos, 1997 - 416. orr.

· Gure eskariak segidarik ez zuen ukan. Marzel Etxehandi «Alemaniara deportatua» - Grégoire Joannateguy, 2003 - 21. orr.

7 (hartu edo eman aditzekin)

Biak ala biak [...] joka hasi ziren elkarrekin, eztei-kantari segida emanez, eztei-kanta hura amaieraraino eramanez. Felipe Juaristi «Airezko emakumeak», 2003 - 126. orr.

Aitaren politikari segida eman zion, aldi berean habsburgotarren eta kalbindarren kontra eginez. Aingeru Epaltza «Mailuaren odola», 2006 - 309. orr.

Aspaldian ahaztuta zeukan oharren zirriborroari segida emateko bulkoa sentitu zuen. «Kuskue tanden», 2004 - 159. orr.

Tenorez etorri zen premu berria dinastiari segida ematera. Aingeru Epaltza «Mailuaren odola», 2006 - 73. orr.

Salomon da Dabiden erregetzari segida ematen diona. Jose Antonio Mujika «Agindutako lurraren bila II», 2002 - 17. orr.

Duela lau urte hartua zuen etxaldearen segida. Daniel Landart «Anaiaren azken hitza», 1999 - 148. orr.

Menaud hil eta haren seme Antoniok leinuaren segida hartzean, ez ziren moztu elkarrekiko harremanak. Aingeru Epaltza «Mailuaren odola», 2006 - 237. orr.

Ziburun, Jean Elissagaray apeza jarri da erretor, Jean Pierre Etcheverry-ren segida hartuz. Herria 2004-10-07

Gero Antipater ikasiak hartu zion segida, eta baita Atenodorok ere. Santiago Iruretagoiena «Arkitekturaz hamar liburuak» - Vitruvio, 2000 - 4430. orr.

Haren seme Domingok hartu zuen segida aitaren ofizio nagusian nahiz gainerakoetan. Aingeru Epaltza «Mailuaren odola», 2006 - 73. orr.

8 (hitz elkartuetan)

Ttipik ni hautatu ninduen porru-jiraren segida-emaile. Aingeru Epaltza «Rock'n'roll», 2000 - 23. orr.

9 segida batean adlag etenaldirik gabe.

Irakur ezazu liburu hau -segida batean nahi baduzu edo atal solteka bestela, inoiz atal bat eta hurrengo batean beste bat-. Jose Antonio Mujika «Agindutako lurraren bila I», 2002 - 10. orr.

· Eta segida batean konturatu zen lehen ez zela hain antiklerikala, errespetuzko zer bat gordetzen ziola elizari. Karlos Linazasoro «Ez balego beste mundurik», 2000 - 73. orr.

10 segidako izlag hurrengo, ondoko.

Egia da interpretación gisa bataiatzen duela bere saioa, baina egia da Oteizak idatzi zituela segidako hitzak ere: [...]. Anjel Lertxundi «Mentura dugun artean», 2001 - 138. orr.

Halako begiratu bat eman eta gero, segidako oharra idatzi zuen: [...]. Josetxo Azkona «Patata soro bat», 2004 - 10. orr.

Arte Eder museoan azter daitekeen segidako lanean, Barbarigo jauregia pintatu zuen Canalettok oihalaren alde batean. Berria - Kultura 2004-07-27

Halaber aurkitu dugu, aztertu ditugun gizarte-desintegrazioko iragan kasu guztietan, segidako etapa berberak hurrenkera berean gertatzen direla beti, etapa bakoitzak gutxi gorabehera denboraldi bertsua hartzen duelarik. Iñaki Mendiguren «Historiaren azterketa II» - A.J. Toynbee, 2000 - 330. orr.

Poloniarrei hainbat hiri kendu zien arren, Jusuf Khanek ez zuen grina handirik erakutsi segidako suntsiketan, segidako lapurretan, gainerako soldadu eta mertzenarioek bezala. Felipe Juaristi «Itzarri nahi ez zuen printzesa», 2002 - 170. orr.

11 (-en atzizki singularraren eskuinean)

Palestinanbozak eman dira igandean Yasser Arafat zenaren segidako buruzagiaren hautatzeko. Herria 2005-01-13

Haren segidako heste lodiak baino diametro txikiagoa duelako esaten zaio meharra (2-5 cm). Irene Aldasoro «Giza gorputza lanean» - John Lenihan, 2006 - 209. orr.

Haiek osatzen dituzten parteek ez diruditelako bata bestearen segidakoak. Juan Garzia «Ipuin hautatuak» - Jorge Luis Borges, 1998 - 150. orr.

Elkarren segidako hiru larunbatez, ez zuen hitz bat esan. Oskar Arana «Brooklyngo erokeriak» - Paul Auster, 2006 - 310. orr.

Denbora tartea luzeegia baldin bada, berriz, elkarren segidako bi gertaera berezi bezala pertzibitzen dira. Josu Zabaleta «Irudia» - Jacques Aumont, 2004 - 49. orr.

12 iraunkorra, etenik gabekoa.

Segidako amodio bero eta sano bat ez zitekeela enetzat ilusimendu huts baizik. Janbattitt Dirassar «Bihotzeko mina», 1997 - 75. orr.

Bizpahiru miliun gizon eta emazte badirela segidako lanik gabe. Herria 2005-06-30

Segidako paperik ez dute aise ardiesten. Herria 2003-07-03

Uda nahasia dugula, ez da besterik aditzen; "ez da segidako denbora ederrik eta ez da segidako denbora txarrik, ardurenik bien arteko aro bitzi bat..." horra zer zion joanden egunean hazpandar laborari batek. Xabier Mendiguren Elizegi «16 ipuin amodiozko», 2002 - 215. orr.

EAEn migrazio saldoa positiboa den segidako bosgarren urtea izan zen 2004a. Berria - Euskal Herria 2006-02-18

· Halaz, etxeko zazpi haurrideetarik bat segidako geratu zen, bi neska seroratzeko Filles de la Croix komentura bidali ziren eta gainerako laurak, Xarles bezala, Parisen ziren sehi eta mutil. Itxaro Borda «Zeruetako erresuma», 2005 - 73. orr.

13 segidan ik segidan.

hitz multzoen maiztasunak (gutxienez 3 aldiz agertzen direnak)

agerpenen segida (3); aitaren segida (4); argazki segida (3); asteko segida (3); badu segida (3); batasunaren segida (3); bere aitaren segida (3); bere segida (5); beren laneko segida (3); biziaren segida (4); denbora segida (4)

ekimenak segida izango (3); elementuez osatutako segida (3); etxaldearen segida (9); etxaldeen segida (3); etxeko segida (13); etxeko segida hartu (4); gertaera segida (3); gertakarien segida (3); gobernuburu ohiaren segida (3); haikaren segida (3); hartuko du segida (3); hartuko duen segida (3); hitz segida (6)