Egungo Euskararen Hiztegia (EEH)

propio (orobat propi g.er.) 1 izond berezia, berekia.

Euskal idazleek edo euskal literaturak atzerrian ideia berezi, ezberdin edo propio bat saldu dezakeela esango zenuke? Ana Urkiza «Zortzi unibertso, zortzi idazle», 2006 - 222. orr.

Fraide mendikanteek Elizan beren bizimolde propio eta bereziaren arabera bizitzeko zuten eskubidea legitimatzeko. Askoren artean «Asisko Frantzizko, Asisko Klara», 2002 - 908. orr.

Irakurlea ohartuko zen aurkezle bakoitzak bere izaera zuela, desberdina, propioa. Karlos Linazasoro «Ez balego beste mundurik», 2000 - 171. orr.

Etiko izendapenean bi termino bateratzen direla: êthos (eta letraduna), bizilekua, egoitza; eta éthos (epsilon letraduna) norbanakoaren profila, izaera propioa. Piarres Xarriton «Etika» - Spinoza, 1997 - 9. orr.

Arraza bat posible da bere izpiritu propioa gabe, izpiritu propio bat ez hizkuntza propioa gabe. Joxe Azurmendi «Espainiaren arimaz», 2006 - 127. orr.

XIX. mende hondarrean, bi bizkaitar gaztek, Luis eta Sabino Arana Goiri anaiek piztu zuten euskal bihotzetan nazio propioaren aldeko sugarra. Piarres Xarriton «De re publica edo politikaz», 2003 - 30. orr.

Nazio bakoitzak bere estatu propioa izaiteko duen eskubidearen aitzakiaz, [...]. Piarres Xarriton «De re publica edo politikaz», 2003 - 84. orr.

Harengatik negar egiten zuenak, berriz, bere gaitz propioez zuela samin, eta bere heriotza propioaz zuela, ilun eta itzal, gogoeta egiten. Juan Garzia «Bizi alegiazkoak» - Marcel Schwob, 2002 - 54. orr.

Emakumearen kapituluaren barruan, publikotasunari espazio propio bat eskaini diot. Ana Urkiza «Zortzi unibertso, zortzi idazle», 2006 - 11. orr.

Ezinezkoa zitzaidan lotura politiko-afektibo haiek guztiak etetea eta neure bide propioan abiatzea. Joxerra Garzia «Kurrin-kurrun vitae», 2004 - 75. orr.

Ez zutela sekula halako bikoterik ikusi, kodigo propio eta pribatu baten jabe, mundu estralurtar batean bizi zirela zirudien. Eider Rodriguez «Eta handik gutxira gaur», 2004 - 48. orr.

Arima lotsor, txepelak ez du munduan misio propio bat: haren bizitzea hor-egotea eta irautea izaten da. Joxe Azurmendi «Euskal Herria krisian», 1999 - 234. orr.

LUR argitaletxeak bere baliabide ekonomiko propioak arriskatu zituen hiztegi entziklopediko bat argitaratzeko. Pello Salaburu «Euskararen etxea», 2002 - 109. orr.

Nork bere gustua, nork bere iritzia, nork bere maitea eta nork bere gauza propio eta bere-berezko mordo bat edukitzera (edo asmatzera) bortxatzen gaituen legea. Iñaki Segurola «Gaur ere ez du hiltzeko eguraldirik egingo», 2005 - 203. orr.

2 berezkoa.

Liburu honetan diziplinari propio zaion konplexutasunetik aparteko ezer ez sartzen ahalegindu gara. Askoren artean «Filosofiako gida», 2004 - 18. orr.

3 gramatika-izenaz mintzatuz, berezia.

Izen propioen auzian, adibidez, Russellek guztiz baztertuko du izen propio batek denotatzea ez den beste eginkizunik izatea. Askoren artean «Filosofiako gida», 2004 - 128. orr.

XIII. mendean bai, izen propio gisa agertzen zaigu Orçi bat; izena bai, baina auskalo zerena edo norena. Iñaki Segurola «Gaur ere ez du hiltzeko eguraldirik egingo», 2005 - 59. orr.

Zertzeladak, ordua eta izen propio bat edo beste ziren soilik faltsuak. Juan Garzia «Ipuin hautatuak» - Jorge Luis Borges, 1998 - 154. orr.

Beste herrietako mintzairen hizkuntzak hartzen direla kasik izen propio bezala, hala nola Italiako "Giroa" eta, nahiz gutiago, Espainiako "Korridak". Herria 2002-08-01

• 4 adlag berariaz, nahita.

Ez ninduan heriotzari iheska ibili, baina propio haren bila ere ez. Xabier Olarra «Azken hitzordua» - Sandor Marai, 2003 - 197. orr.

Halako batean konturatu ginen umeek propio hondatzen zituztela jostailuak. Bernardo Atxaga «Soinujolearen semea», 2003 - 11. orr.

Mendoza, esan bezala, gizon xehea izan da, herrikoa, aukera hori propio egin zuelako. Berria - Ekonomia 2004-12-29

Jakizu, bildu ahal izan ditugun datuen arabera, propio eman diotela su aipatu eraikuntzari. Josetxo Azkona «Patata soro bat», 2004 - 125. orr.

-Askotan iruditzen zait pasarte batzuk niretzat propio idatzi dituela. Joxean Agirre «Romain zen bere izena», 2003 - 27. orr.

Olazabalgo Don Tirso irundar aberatsa ere, artean, Donibane Lohitzunetik Parisa propio joana zela. Txillardegi «Putzu», 1999 - 129. orr.

Ez da berez sortua izan, propio piztua baizik. Joxerra Garzia «Itsasoan euri», 2003 - 103. orr.

Intentzio makurrez juduen aurka propio asmatua. Joxe Azurmendi «Euskal Herria krisian», 1999 - 154. orr.

Sukarri pusketen artean piztu behar zen sua: hartarako propio markaturiko uztai biribil baten barruan. Pello Zabala «Naturaren mintzoa», 2000 - 181. orr.

Baita Frantziatik harrera ofiziala egitera propio etorritako Castelnau jeneralak ere. Txillardegi «Putzu», 1999 - 11. orr.

Horretarako propio asmatutako tramankulu batez. Joxerra Garzia «Kurrin-kurrun vitae», 2004 - 46. orr.

Ke-hodia aldatuta zeukan motor burrunbatsu batean, propio ahalik eta zarata gehien atereaz. Harkaitz Cano «Neguko zirkua», 2005 - 18. orr.

Deskuidoz edo propio, ez dago jakiterik. Karlos Linazasoro «Ez balego beste mundurik», 2000 - 22. orr.

Gau soineko bat erosi behar izan zion festarako propio. Koro Navarro «Zortzi kontakizun» - Isaac B. Singer, 2002 - 58. orr.

Gidariak, handiuste kankailua bera, mugimendu arriskutsuak egiten zituen propio. Anjel Lertxundi «Ihes betea», 2006 - 349. orr.

5 ez-propio izond

"Haragiaren borondatea" esatean adierazten du, haragi-irritserako isuria, gizakiaren borondatearen aurka dagoena, nahiz eta honek bere menpe har dezakeen: gorputzarena da, eta aldi berean arimarena ere bai, nahiz eta arimarena modu ez-propio batean dugun, eta hortik etorri indarrak eskastea eta ahultzea. Joan Mari Lekuona «Mistika liburuak» - Eckhart-Tauler, 1997 - 13. orr.

6 lehengusu propio ik lehengusu 3.

hitz multzoen maiztasunak (gutxienez 4 aldiz agertzen direnak)

hezkuntza sistema propio (4); hizkuntza propio (4); honetarako propio (4); horretarako propio (23); izen propio (21); lehengusu propio (5)

propio antolatutako (4); propio egin (7); propio egina (7); propio egindako (10); propio eginiko (9); propio etorri (6); propio horretarako (8); propio jarritako (7); propio prestatu (4); propio prestaturiko (6); propio prestatutako (11); propio sortutako (10)