Egungo Euskararen Hiztegia (EEH)

ozen 1 izond hotsez edo hots egiten duten gauzez mintzatuz, ongi edo argi edo indar handiz entzuten dena.

Hasperen ozena ateraratzen genuen orduan, espantatuak baino gehiago, doi bat tronpatuak heriotzaren lan azkarraz. Aingeru Epaltza «Mailuaren odola», 2006 - 94. orr.

Dudleyren korrokada luze ozen batek ito zituen haren hitzak. Iñaki Mendiguren «Harry Potter eta sekretuen ganbera» - J.K. Rowling, 2001 - 9. orr.

-O, Jones jauna -esan zuen ahots ozen eta alaiaz, eta dardar egin zuen, jelatinazkoa balitz bezala. Koro Navarro «Artistakume baten erretratua» - Dylan Thomas, 1999 - 14. orr.

Bere artean mintzo zen arren, ahotsa ozena zuen, lodia, eta primeran aditzen zitzaion. Anjel Lertxundi «Ihes betea», 2006 - 181. orr.

Horiek guziak bere boz ozen ederrarekin. Herria 2005-12-01

Xuxurla batetik edo hostoen firfiratik hasi eta izadiko hotsik ozenenetarainoko eskalan. Irene Aldasoro «Giza gorputza lanean» - John Lenihan, 2006 - 128. orr.

Oso dotoreak eta anpurusak ziren, bai beren soinekoetan, bai beren hizkera ozenean ere. Txillardegi «Putzu», 1999 - 313. orr.

Zur eta lur geratu nintzen, ezkontzeko proposamena algaraz eta barre ozenez hartua izan baitzen. Oskar Arana «Brooklyngo erokeriak» - Paul Auster, 2006 - 325. orr.

Ongi ezagutzen dut barre txiki hori, oso ozena eta sudurkaria. Monika Etxebarria «Goragalea» - Jean Paul Sartre, 2003 - 224. orr.

Musika ateratzen zen etxetik, oso musika ozena. Koro Navarro «Artistakume baten erretratua» - Dylan Thomas, 1999 - 82. orr.

Medikuak pauso luze eta ozenak eman zituen Morse andrearen pisurantz aurrena eta haren logelara gero. Mirentxu Larrañaga «Hona hemen gu biok» - Dorothy Parker, 2006 - 178. orr.

Norbait ari zen ate-joka ozen eta tematian. Mirentxu Larrañaga «Peaceful soldadua» - Michael Morpurgo, 2006 - 62. orr.

Hotsak ez dira ozen edo ahul, beste bat baino ozenago edo ahulago baizik. «Fonetika fonologia hitzez hitz», 2004 - 124. orr.

Uluak gero eta ozenago. Koldo Izagirre «Agirre zaharraren kartzelaldi berriak», 1999 - 183. orr.

-Ordu erdi, ordu erdi -Ximurrak, gero eta ozenago-. Aingeru Epaltza «Rock'n'roll», 2000 - 17. orr.

Erakunde ekologisten eta Errusiako gizarte zibileko beste hainbat talde zein gizabanakoren protesta ozena eragin du Siberiako petroliobideak. Berria - Gaiak 2006-04-27

Eskandalua ez zen oso ozena suertatu; aipatu zen egunkarietan gertakizuna, baina gure inizialekin soilik. Iban Zaldua «Gezurrak, gezurrak, gezurrak», 2001 - 44. orr.

Intentsitatea gehitu ahala, soinu ozena zena sentipen mingarri bihurtzen da. Irene Aldasoro «Giza gorputza lanean» - John Lenihan, 2006 - 122. orr.

2 (fonetikan, kontsonanteez mintzatuz)

Aintzat hartu behar da ozen hitzaren esanahia askoz hobeto datorkiola ingelesez sonorant terminoaz jasotzen den kontzeptuari. «Fonetika fonologia hitzez hitz», 2004 - 33. orr.

Guretzat ezagunenak kontsonante ozen albokariak dira (l, ¥). «Fonetika fonologia hitzez hitz», 2004 - 38. orr.

Gogora dezagun kontsonante ozenak herskari direla neurri batean. «Fonetika fonologia hitzez hitz», 2004 - 25. orr.

Haatik, bilakabide sintagmatiko bati esker, kontsonante ozenen aurreko txistukariak ahostundu egiten dira. «Fonetika fonologia hitzez hitz», 2004 - 54. orr.

Hizketa hotsen sailkapenaren aldetik, ozen eta trabari elkar osatzen duten multzoak dira. «Fonetika fonologia hitzez hitz», 2004 - 124. orr.

· Horregatik esaten da bokalak direla hots ozenenak, bokalak baitira ahotsbide irekienaz ahoskatzen diren hotsak, biriketatik datorren aireari indartsuen ateratzeko aukera ematen diotenak. «Fonetika fonologia hitzez hitz», 2004 - 123. orr.

3 (adizlagun gisa) ozentasunez; goraki. ik ozenki.

Dionisos egongelatik purrustadaka ari zen, erdi ahapean erdi ozen. Unai Iturriaga «Berandu da gelditzeko», 1999 - 28. orr.

-Jaun-andreok -hasi zen ozen, isiltzeko keinu eginez-. Iñaki Mendiguren «Harry Potter eta sekretuen ganbera» - J.K. Rowling, 2001 - 56. orr.

Tira, asmatu beste kontu bat! -ozen mintzatu zen. Migel Angel Mintegi «Denak du bere prezioa», 2002 - 82. orr.

-Ez al duzu pixka bat berotu nahi, Evans andrea, oheratu baino lehen? -esan zuen ozen. Koro Navarro «Artistakume baten erretratua» - Dylan Thomas, 1999 - 135. orr.

Mundu iluna azkar ari zen limurtzen, eta haizea ozen zebilkion belarrietan kantari. Agustin Otsoa «Eraztunen Jauna III» - J.R.R. Tolkien, 2004 - 13. orr.

Oihua ozen aditu da eta lubaki osoan zehar oihartzun egin du. Mirentxu Larrañaga «Peaceful soldadua» - Michael Morpurgo, 2006 - 158. orr.

Platonoven zurrungak ozen entzun ziren gela osoan. Jose Morales «Arima hilak» - Nikolai Gogol, 1998 - 468. orr.

Eta nola ez zuela, ba, entzungo, erantzun zidan, telebista hain ozen jarrita egonda, eta ea zergatik ez nion esaten lehorreko marinel hari aparatua itzaltzeko. Ramon Saizarbitoria «Gorde nazazu lurpean», 2000 - 273. orr.

Mukiak ozen zintzatu zituen Antoniak eskuturretik ateratako zapiaz. Josu Landa «Odolbildua», 2002 - 33. orr.

Gero, frantsesez eta ozen, paisaiari edo bidaiari buruzko zerbait esaten nuen, gidariak susmo txarrik har ez zezan. Anjel Lertxundi «Ihes betea», 2006 - 333. orr.

Irakur ezazu ozen, nahi dituzun argitasun guztiak emango dizkizut. Karlos Zabala «Parisen sabela» - Emile Zola, 2004 - 92. orr.

"Erlaitz soil batetik" irakurriko du ozen. Oskar Arana «Lotsaizuna» - John Maxwell Coetzee, 2004 - 30. orr.

Ez dira ozen esateko gauzak, hauek! Josu Zabaleta «Sei pertsonaia autore bila» - Luigi Pirandello, 2003 - 89. orr.

Zoram idazle mazedoniarra protestaka hasi zen, ozen. Edorta Jimenez «Europako mugetan barrena», 2000 - 326. orr.

Haren isiltasunak ozen esaten zuen: ez diat aitarik izan, aitarik gabe jaioa nauk. Anjel Lertxundi «Ihes betea», 2006 - 105. orr.

4 ozen-ozen adlag

Ozen-ozen mintzo zen, segizioko guztiek garbi aditzeko maneran. Aingeru Epaltza «Rock'n'roll», 2000 - 71. orr.

-Ez zen erraza izango frogatzen -pentsatu zuen Perrettek, ozen-ozen. «Loroaren teorema» - Denis Guedj, 2006 - 137. orr.

Eta neguko goiz hartako isiltasun tragikoan haren ahotsa aditu zen, ozen-ozen, piketearen aurrean jartzen ari zelarik. Edorta Jimenez «Hemingway eta euskaldunak zerbitzu sekretuetan», 2003 - 257. orr.

Lehengoan esan zidaan ordenagailua bat-batean pizten zitzaiola goizetan, eta musika jotzen hasten zela, ozen-ozen, eta ea nik egiten ote nion. Antton Olano «<//jokoa.com>» - Gemma Lluch, 2002 - 80. orr.

Baina, tupustean, isiltasuna entzuten hasi nintzen ozen-ozen: gurasoei arazoak eta oinazea beste deus ekarri ez zien egoera baten xuxurlak; egunero bizi zituzten egonezin eta larrimin isilak, ezin zutelako jakin nolakoa izango zuten etorkizuna. Anjel Lertxundi «Ihes betea», 2006 - 139. orr.

hitz multzoen maiztasunak (gutxienez 3 aldiz agertzen direnak)

ahots ozen (27); ahots ozen batek (5); ahotsa ozen (4); ahotsak ozen (4); algara ozen (6); algara ozen bat (5); argi eta ozen (8); arnasa ozen (3); barre algara ozen (3); barre ozen (3); boz ozen (7); danbateko ozen (7); danbateko ozen bat (4); dei ozen (3)