Egungo Euskararen Hiztegia (EEH)

orain (orobat orai g.er.; Euskaltzaindiaren Hiztegian orain agertzen da) 1 adlag une honetan, garai honetan. (orainaldiko aditz eta adizkiekin)

Lehen portugaldarra nintzen; orain ez dakit zer naizen. Felipe Juaristi «Airezko emakumeak», 2003 - 37. orr.

Boxeolarietako bat euskalduna zen, orain ez naiz gogoratzen izenarekin. Bernardo Atxaga «Soinujolearen semea», 2003 - 16. orr.

Baina beharbada -diot orain- orduan hasiko nintzen ulertzen mundua ez zela ulertzeko egina. Iñaki Segurola «Gaur ere ez du hiltzeko eguraldirik egingo», 2005 - 41. orr.

Gauzak garbiago daude orain. Iñaki Segurola «Gaur ere ez du hiltzeko eguraldirik egingo», 2005 - 26. orr.

-Non zagok orain txakurra? -galdetu nuen-. Mirentxu Larrañaga «Peaceful soldadua» - Michael Morpurgo, 2006 - 60. orr.

Non ote dabil orain? Pako Aristi «Urregilearen orduak», 1998 - 19. orr.

Tira, eta zertan zabiltza orain? Mirentxu Larrañaga «Hona hemen gu biok» - Dorothy Parker, 2006 - 27. orr.

Baina ez nuke orain aitortzera noanaz hitzik egingo, baldin ez banengo erotzeko beldurrez. Anjel Lertxundi «Konpainia noblean», 2004 - 66. orr.

· Neure buruari, orain, horren arrazoia galdetzen diot. Monika Etxebarria «Goragalea» - Jean Paul Sartre, 2003 - 31. orr.

Neure buruaz naiz orain harritzen, nola atrebitu nintzen holako gauza baten galdatzerat...! Janbattitt Dirassar «Bihotzeko mina», 1997 - 168. orr.

Kopak ur-busti ditut, eta orain platerño ilara bat jartzen ari naiz. Pako Aristi «Urregilearen orduak», 1998 - 12. orr.

Orain sentitzen duzun oinaze hori, berarenganako min hori, ametsa besterik ez da. Antton Olano «<//jokoa.com>» - Gemma Lluch, 2002 - 51. orr.

"Orain ulertzen dut", esan zuen Lubisek leihotik kirika eginez. Bernardo Atxaga «Soinujolearen semea», 2003 - 98. orr.

-Ze kristolarru gertatzen zain orain... Anjel Lertxundi «Konpainia noblean», 2004 - 23. orr.

Eta hara non doan orain hazten. Monika Etxebarria «Goragalea» - Jean Paul Sartre, 2003 - 29. orr.

-Zer nahi duzu orain? Patxi Zubizarreta «Mirarien kalezuloa» - Nagib Mahfuz, 2006 - 114. orr.

· Arinkeriaz baieztatu duzuna orain zuzen dezakezu. Imanol Unzurrunzaga «Hainbat idazlan» - San Agustin, 2003 - 37. orr.

Orain, larriena kenduta, nolabait normaldu nauk jan-edanetan. Aingeru Epaltza «Rock'n'roll», 2000 - 13. orr.

Orain ikasi du Isidorak tolerantzia hitzaren esanahia: gauzen benetako funtsa ikusten jakitea. Pako Aristi «Urregilearen orduak», 1998 - 79. orr.

· Eta orain lotuko dinat hau guztia hasierakoarekin, erleekin alegia. Pako Aristi «Urregilearen orduak», 1998 - 71. orr.

-Ez zara orain lotsakerietan hasiko, ezta? Sonia Gonzalez «Ugerra eta kedarra», 2003 - 201. orr.

Orain ez didazu ihes egingo! Mirentxu Larrañaga «Hona hemen gu biok» - Dorothy Parker, 2006 - 23. orr.

Baina begira: seme bat sortu eta izango duzu orain. Jose Antonio Mujika «Agindutako lurraren bila II», 2002 - 31. orr.

2 (lehenaldiko aditz eta adizkiekin)

Orain diferentea zen. Aingeru Epaltza «Mailuaren odola», 2006 - 253. orr.

Hiru ziren orain errekaren ertzean zaldiekin zeuden langileak. Bernardo Atxaga «Soinujolearen semea», 2003 - 16. orr.

Gibelean nintzen orain, Ttipik aitzinean nire lekua hartuta. Aingeru Epaltza «Rock'n'roll», 2000 - 16. orr.

Orain hemen nintzen, zaratarik gabeko herri honetan. Juan Garzia «Pedro Páramo» - Juan Rulfo, 2001 - 26. orr.

Bera zen orain konpasa galdu nahi ez zuena. Bernardo Atxaga «Soinujolearen semea», 2003 - 52. orr.

Orain, aldiz, emeki-emeki zihoan gurdian etzanda. Karlos Zabala «Parisen sabela» - Emile Zola, 2004 - 22. orr.

Erresuminduta eta amorruz beteta zebilen orain. «Ispiluen gainean lotan» - Jordi Sierra i Fabra, 2004 - 23. orr.

Orain denek zekiten. Koro Navarro «Artistakume baten erretratua» - Dylan Thomas, 1999 - 234. orr.

Orain banekien haietako bat Bernardino zela, aurrean neukan gizonaren aita. Bernardo Atxaga «Soinujolearen semea», 2003 - 160. orr.

Baina orain data ere banekien: "Ekainaren 6an". Txillardegi «Putzu», 1999 - 17. orr.

Aldaka-maldaka nenbilen orain, lasterka barik, eta ozta-ozta baino ez nengoen zutik. Mirentxu Larrañaga «Peaceful soldadua» - Michael Morpurgo, 2006 - 119. orr.

Lurrera erori ginen eta buelta hartu genuen, orain lauhankan zegoen nire aurrean, bere ipurmasaila kolore-gorriak ikusten nituen. Juan Martin Elexpuru «Esku bakarrarekin irakurtzeko kontuak» - Pilar Cristobal, 1999 - 69. orr.

Orain ez: orain kontua serio hartu beharra zegoen. Juan Garzia «Sistema periodikoa» - Primo Levi, 1998 - 61. orr.

Nik, orain berean joan gogo nian haren ondora. Daniel Landart «Anaiaren azken hitza», 1999 - 40. orr.

· Orain Hesteluze ere deitzen zidaten batzuek... niri begira esan zuen "batzuek", hitza markatu nahiz. Inazio Mujika Iraola «Gerezi Denbora», 1999 - 9. orr.

Apika, hitzezko oroimenaz baizik ez zituen ezagutzen orain. Xabier Olarra «Antropologo bat Marten» - Oliver Sacks, 2003 - 29. orr.

Nor arduratzen zen orain Herrenkoz? Juan Kruz Igerabide «Hauts bihurtu zineten», 2005 - 44. orr.

Orain berriro ari zuen elurra. Oskar Arana «Brooklyngo erokeriak» - Paul Auster, 2006 - 33. orr.

Orain, bertze gautiar bat ari zen, gizaseme bat, leku berean ate joka, ez hain zorte oneko. Aingeru Epaltza «Rock'n'roll», 2000 - 20. orr.

Oso gogor eta oso luzaroan lan egina zen orain bizi zen mundu txiki hura eraikitzeko. Oskar Arana «Brooklyngo erokeriak» - Paul Auster, 2006 - 43. orr.

· Telefonoa idatzi zuen orain. Aingeru Epaltza «Rock'n'roll», 2000 - 66. orr.

Beti maite izan zituen loreak, baina forma edo usainez baizik ezin zituen orain bereizi. Xabier Olarra «Antropologo bat Marten» - Oliver Sacks, 2003 - 30. orr.

Orain hark aipatu zion emazteari etxez aldatzeko asmoa. Karlos Zabala «Parisen sabela» - Emile Zola, 2004 - 85. orr.

3 (bestelakoak)

Harrapa itzazu orain! Patziku Perurena «Trapuan pupua», 2001 - 324. orr.

-Orain lo egin zak lasai. Txillardegi «Putzu», 1999 - 368. orr.

-Eta orain, Ximu, kontaidak zer zakur-plasta zanpatu duan. Aingeru Epaltza «Rock'n'roll», 2000 - 14. orr.

Orain lasai ederrean joan gintezke gu ere komunera binaka eta hirunaka. Iñaki Segurola «Gaur ere ez du hiltzeko eguraldirik egingo», 2005 - 28. orr.

-Orain, elkarren ezagutzak hobekixe egiten ahal genituzke, ez duzu uste? Janbattitt Dirassar «Bihotzeko mina», 1997 - 18. orr.

Zuk ikusi orain [...] egoki laburbildu dudan hemen azaldu dudana. Imanol Unzurrunzaga «Hainbat idazlan» - San Agustin, 2003 - 187. orr.

Era horretan, politika horiek defizit handiagoak izan zitzaketen orain, bai aurrekontukoak, bai kanpokoko defizitak. Koro Navarro «Ekonomiaren globalizazioa» - Jacques Adda, 2004 - 147. orr.

Barrenak agindu zidan, horrela deskribatuko nuke orain. Karlos Zabala «Buda zoriontsuen etxea» - João Ubaldo Ribeiro, 2003 - 29. orr.

Orain berriro deituko nion, eta apaldurik eta belauniko egongo nintzaion harik eta gure arteko kontu guztiak garbitu eta berak barkamena eman arte. Oskar Arana «Brooklyngo erokeriak» - Paul Auster, 2006 - 63. orr.

Orainaldia, berriz, beti orain balitz, ez litzateke lehenera igaroko. Imanol Unzurrunzaga «Hainbat idazlan» - San Agustin, 2003 - 258. orr.

Orduan orain baino zibilizatuagoak baitziren, artean tartariarrek inbaditu gabeak izaki. «Legeen espirituaz II» - Montesquieu, 1999 - 54. orr.

Orduan, orain bezala, Nafarroa Beherea ez zen Paris. Aingeru Epaltza «Mailuaren odola», 2006 - 116. orr.

-Sexuaren funtzioa garbi dago, lehen orain bezala: pertsonak erakartzen gaituen indar bat da! Pako Aristi «Urregilearen orduak», 1998 - 355. orr.

Aintza berari orain eta beti. Elizen arteko biblia 2 P 3,18

Orain edo inoiz ez: hala beharko zuen. «Loroaren teorema» - Denis Guedj, 2006 - 25. orr.

-Tira, eta orain zer? Juan Luis Zabala «Agur, Euzkadi», 2000 - 104. orr.

Eta orain hau. Juan Garzia «Pedro Páramo» - Juan Rulfo, 2001 - 61. orr.

Eta orain, ene! Julen Gabiria «Peter Pan» - James Matthew Barrie, 2004 - 288. orr.

· 4 iz orainaldia.

Orainak aldi izateko lehenaldira igaro behar badu, nola esan dezakegu badela, bere izaera ez izatera iristea bada? Imanol Unzurrunzaga «Hainbat idazlan» - San Agustin, 2003 - 258. orr.

Norberak irekitzen baititu astiro-astiro iraganeko ateak, oraina zein geroa irentsiko dizkion munstroa sar dadin. Markos Zapiain «Errua eta maitasuna», 2002 - 87. orr.

Kontzientzia jarioaren eredua, non orainak etengabe ihes egiten dion bere buruari etorkizunaren irekiduran eta iraganaren atxikipenean. Xabier Arregi «Jakitearen arkeologia» - Michel Foucault, 2003 - 192. orr.

Iragana eta lurra, iragana eta odola, iragana eta hazia: oraingo denbora bilakatuak zirela, beti irauten duen oraina zirela. Felipe Juaristi «Airezko emakumeak», 2003 - 107. orr.

Agerian geratzen zen orainaaren egiazko izaera: existitzen dena zen, eta oraina ez zen guztia ez zen existitzen. Monika Etxebarria «Goragalea» - Jean Paul Sartre, 2003 - 164. orr.

Oraina borrokarena da, geroa gurea. Pako Aristi «Venezuela, iraultza isilaren hitzak», 2000 - 87. orr.

Esperientzia bizi-bizia da literatur obra oro, lehenaren oraina gauzatzen baitu, eta oraina etorkizunerako prestatzen. Anjel Lertxundi «Mentura dugun artean», 2001 - 37. orr.

Oraina deritzan lerro mugikor batek bereizten du Etorkizuna deritzan alegiazko aldi batetik. Xabier Olarra «Deabruaren hiztegia» - Ambroise Bierce, 2001 - 155. orr.

Bitartean zu zure gorputza zara, analisiaren emaitzak, hori zara, hori da zure geroa, zure gorputzaren beharbadako geroa, zure gorputzaren osasunaren oraina. «Eta emakumeari sugeak esan zion», 1999 - 155. orr.

Haren eskuzabaltasuna zikoizkeria zen semearen baitan; harentzat gerorik ez zegoen, honentzat oraina baizik ez. Felipe Juaristi «Itzarri nahi ez zuen printzesa», 2002 - 95. orr.

Ezjakinek denbora alferrik galtzen uzten dute: orainak ihes egiten die, ihes egin izan die beti; halatan, ez dute oroitzapen eder eta sakonik. Markos Zapiain «Errua eta maitasuna», 2002 - 136. orr.

Nire oraina: barraren ondoan ametsetan dagoen neskame atorra beltzarekiko hori, gizontxo hori. Monika Etxebarria «Goragalea» - Jean Paul Sartre, 2003 - 117. orr.

Oraina Karl zen eta elkar maite zuten. Eider Rodriguez «Eta handik gutxira gaur», 2004 - 52. orr.

Ahaztu gainerakoa, bizi oraina, goza zeure maitearekin. Juan Kruz Igerabide «Hauts bihurtu zineten», 2005 - 155. orr.

Kate-begi moduan hartutako orain batez ari naiz, ez oraina alfa eta omegatzat jotzen duen itzalik gabeko adanismo batez. Anjel Lertxundi «Mentura dugun artean», 2001 - 163. orr.

Oraina eta geroa, etorkizuna eta egungoa, horra hor, urri nahiz oparo, berezko eta betiko harremanak. Andres Urrutia «Frantziako kode zibilaren lehen proiektua» - Jean di Portalis, 2000 - 58. orr.

· Begiak itxita ere, hori bera gertatzen zitzaion, zeren, nahiz eta bizi-bizi gorde oroimenean ikusmenezko bere iruditeria, kolorerik gabea baitzen orain hura. Xabier Olarra «Antropologo bat Marten» - Oliver Sacks, 2003 - 29. orr.

5 orainago adlag geroztik.

Egoki erakutsi dute hori, besteak beste, Ronald Fisher ingeles genetistak eta, orainago, Richard Dawkins-ek. Juan Garzia «Sagua, eulia, eta gizakia» - François Jacob, 2004 - 119. orr.

Ailegatu, Unamuno-k, liberalismoaren defentsa ailegatu ohi du, orainago beste batzuek Konstituzioaren defentsa ailegatzen duten legez. Joxe Azurmendi «Espainiaren arimaz», 2006 - 114. orr.

Azkenik, orainago psikoanalisiaren, hizkuntzalaritzaren, etnologiaren ikerketek subjektua deszentratu dute bere nahiaren legeekiko, bere hizkuntzaren formekiko, bere jardutearen arauekiko, bere diskurtso mitiko edo alegiazkoarekiko. Xabier Arregi «Jakitearen arkeologia» - Michel Foucault, 2003 - 20. orr.

6 oraingo ik oraingo.

7 orain arte

Ez nauk inor izan orain arte, ez nauk inor gaur ere. Anjel Lertxundi «Konpainia noblean», 2004 - 287. orr.

Orain arte, handik atera gabe pasa omen dituzu uda guztiak. Bernardo Atxaga «Soinujolearen semea», 2003 - 95. orr.

Goizean hasi denetik orain arte lan eta lan aritu da, atsedenik hartu gabe. Jose Antonio Mujika «Agindutako lurraren bila II», 2002 - 96. orr.

Nolatan ez naiz orain arte konturatu? Jose Morales «Zazpi urkatuak» - Leonid Nikolaievitx Andreiev, 2006 - 54. orr.

Orain arte bezala, bere kasa eramango duela borroka. Txillardegi «Putzu», 1999 - 91. orr.

Orain arte zergatik ez dizugun ezer esan? Anjel Lertxundi «Ihes betea», 2006 - 143. orr.

-Egia duk, ezkertia haiz, orain arte konturatu gabe nengoan. «Kuskue tanden», 2004 - 48. orr.

-Orain arte egiten nuena egiten jarraituko dut, gutxi gorabehera. Juan Kruz Igerabide «Hauts bihurtu zineten», 2005 - 113. orr.

-Non jotzen zenuten orain arte? -galdegin zien Sarak, musika isildu zenean. Felipe Juaristi «Airezko emakumeak», 2003 - 275. orr.

Gizon hori orain arte ez zen inoiz Venezuelatik atera. Pako Aristi «Venezuela, iraultza isilaren hitzak», 2000 - 99. orr.

Orain arte ez baldin bazakiten zer den gerla, hemendik aintzina ondikotz ikasiko dute. Angel Aintziburu / Jean Baptiste Etxarren «Luzaiden gaindi», 2002 - 169. orr.

Dolu du, hala dio, orain arte ez haurraz arta gehiago harturik. Janbattitt Dirassar «Bihotzeko mina», 1997 - 136. orr.

Orain arte ez bezalako zerbait egin nahi dut, diferentea. Xabier Mendiguren Elizegi «Errekarteko koadernoa», 2001 - 24. orr.

-Sekula ez dizut maitasunik agindu, orain arte ez dut-eta jakin maitasuna zer den -esan, eta ahoa zakartua zuela konturatu zen mutila. Felipe Juaristi «Itzarri nahi ez zuen printzesa», 2002 - 100. orr.

Bi ñabardura garrantzitsu, baina, orain arte esandakoaren gainean: [...]. Iñaki Heras «Txanponaren bi aldeak», 2003 - 60. orr.

7a (izen gisa)

Labanekin bizi izan naiz eta harekin egona naiz orain arte guztian. Jose Antonio Mujika «Agindutako lurraren bila I», 2002 - 90. orr.

8 orain dela (denbora banakoekin) duela.

Orain dela ordu erdi bat iritsi da. Antton Olano «Fidel izan beharraz» - Oscar Wilde, 2000 - 84. orr.

Orain dela bi egun Ceciliak hori bera galdetu zuen afaltzeko orduan. «Ispiluen gainean lotan» - Jordi Sierra i Fabra, 2004 - 39. orr.

Orain dela egun batzuk, Laon inguruan, guda lerroak non zeuden eztabaidan ari ginen. Josu Zabaleta «Gerrako pilotu» - Antoine Saint-Exupéry, 2003 - 23. orr.

Orain dela mila eta bat gau hasi nintzaion gure aurrekoen ipuinak eta ikasbideak kontatzen. Patxi Zubizarreta «Mila gau eta bat gehiago» - Anonimoa, 2002 - 261. orr.

Izeba Augustari elkarrekin afalduko genuela hitz eman bainion orain dela astebete baino gehiago. Antton Olano «Fidel izan beharraz» - Oscar Wilde, 2000 - 33. orr.

Dena dago orain dela bi hilabete bezalaxe. Joxe Austin Arrieta «Homo Faber» - Max Frisch, 2001 - 250. orr.

Orain dela zortzi hilabete-edo, nire lagun batek, Louis R... -k, bere ikaskide batzuk bildu zituen gau batean. Josu Zabaleta «Fantasiazko ipuinak» - Guy de Maupassant, 2000 - 23. orr.

Hain zuzen, orain dela ia urtebete gertatu zen. Eduardo Matauko «Emakume ezezagun baten gutuna» - Stefan Zweig, 2005 - 49. orr.

Orain dela urtebete, su-eteneko hartan. Xabier Mendiguren Elizegi «Errautsen distira», 2002 - 121. orr.

Orain dela pare bat urte, kasu, abandonatu ninduen nire emazteak. Josetxo Azkona «Patata soro bat», 2004 - 55. orr.

Eta Madrilen ere bai 1869an, orain dela lau urte. Txillardegi «Putzu», 1999 - 153. orr.

Orain dela hogeita hamar bat urteko kontuak direlako. Pello Salaburu «Euskararen etxea», 2002 - 23. orr.

Gaur egungo mundu honek zerikusi gutxi du orain dela ehun bat urtekoarekin. Pello Salaburu «XX. mendearen argi-itzalak», 2001 - 44. orr.

Iruaingo hau orain dela ehun urte baino gehiago egin omen zitean, don Carlos erregearen gerra hartan. Bernardo Atxaga «Soinujolearen semea», 2003 - 84. orr.

Orain dela mende bat pasa, 1895eko otsailaren 14an. Antton Olano «Fidel izan beharraz» - Oscar Wilde, 2000 - 9. orr.

Orain dela ez dakit zenbat mende desagertutako guantxeei. Bernardo Atxaga «Lekuak», 2005 - 153. orr.

· Letagin biak eta azken juzioko hagina ere atera nituen, orain dela denbora franko. Patziku Perurena «Harrizko pareta erdiurratuak», 2004 - 44. orr.

Orain dela gutxi, hari buruz idazten ari nintzaizula, Van Daan andrea azaldu da. Josu Zabaleta «Anne Franken egunkaria» - Anne Frank, 2004 - 50. orr.

Orain dela oso gutxi arte egon duk ba hortxe. Txillardegi «Putzu», 1999 - 85. orr.

Ez al zuan matxinada bat izan orain dela ez asko? «Ispiluen gainean lotan» - Jordi Sierra i Fabra, 2004 - 45. orr.

· Orain astebete ez dela iritsi zen etxera, asaltoko goardia patruila batek jarraitzen ziola. Ramon Etxezarreta «Ezezaguna helbide honetan» - Kressman Taylor, 2003 - 43. orr.

9 (dela ezabaturik)

Etxeko txukunketa egiten zion emakumeak aurkitu du hilda, orain ordu pare bat edo. Orain egun batzuk, aurreko atala idatzi baino lehen, Itsasondon izan nintzen, aspaldiko partez. Migel Angel Mintegi «Denak du bere prezioa», 2002 - 236. orr.

Entzun nituen, orain egun asko, orain egun asko... egun askoan entzun ditut... Koro Navarro «Kontakizunak» - Edgar Allan Poe, 2000 - 53. orr.

Neu ere ez nintzen Jeronimorekin gogoratuko baldin orain astebete hirira joan behar izan ez banu bezero ona nuen gizon baten hiletara. Anjel Lertxundi «Konpainia noblean», 2004 - 25. orr.

Gogoratu nuen igande batean, orain hiru aste, ez gehiago, nolabaiteko konplizitate itxura antzeman nuela gauzetan. Monika Etxebarria «Goragalea» - Jean Paul Sartre, 2003 - 222. orr.

Orain hilabete-edo janaria eskasago ematen ari zitzaizkigula konturatu ginen. Anjel Lertxundi «Konpainia noblean», 2004 - 265. orr.

Orain urtebete, ez, orduan ez zitzaidan berdin. Anjel Lertxundi «Konpainia noblean», 2004 - 84. orr.

Orain bi urte urkatu nuen, erregeren aginduz. Anjel Lertxundi «Argizariaren egunak», 1998 - 192. orr.

Aitona hil zenean jakin nuen nik, orain bost urte beraz. Xabier Mendiguren Elizegi «Arbelaren gainean», 2004 - 56. orr.

Orain hamar urte ditu. Gotzon Garate «India harrigarria», 2001 - 130. orr.

-Atzeratuak gaudek, baina orain hamar urte atzeratuagoak geundean. Koldo Izagirre «Sua nahi, Mr. Churchil?», 2005 - 224. orr.

Orain urte batzuk, Errezilgo elizako paretan honako idazki hauxe agertu zen: [...]. Iñaki Segurola «Gaur ere ez du hiltzeko eguraldirik egingo», 2005 - 142. orr.

Orain bi mila urte sanskritoz moldatutako otoitzak murmurikatzen dituztela. Gotzon Garate «India harrigarria», 2001 - 195. orr.

Gernikaren bonbardaketari buruzkoa ikusi nuen orain gutxi. Jokin Urain «Errotarria», 2006 - 23. orr.

10 orain duela adlag duela, orain dela.

Orain duela zenbait aste, solasean geundelarik [...]. Piarres Xarriton «De re publica edo politikaz», 2003 - 161. orr.

Orain duela zonbait ilabete aurkeztu zuen bere liburua herriko etxean, eta geroztik askok haren irakurtzeko epea izan dute. Herria 2003-06-05

Istorio hau kondatzean, nolaz ez gogora, orain duela 60 urte gertatu zena, Poloniako konzentrazio kanpo batean? Angel Aintziburu / Jean Baptiste Etxarren «Luzaiden gaindi», 2002 - 55. orr.

Funtsean Eñaut Etchamendi ezterenzubiar idazleak baditu liburu batzuk, hala nola "Gilen", garaztar hutsez idatziak orain duela hogei bat urte. Angel Aintziburu / Jean Baptiste Etxarren «Luzaiden gaindi», 2002 - 13. orr.

· Badu orain hiru aste Hazparnen gurutzatu nuela. Daniel Landart «Anaiaren azken hitza», 1999 - 192. orr.

11 orain hurrena adlag oraingoaren aurrekoan.

Orain hurrena, duela bi urte izan zen. Berria - Kultura 2004-01-17

"Orain hurrena ikusi nuenean umetxo bat zuan". "Denborak aurrera egiten dik", esan nion. Bernardo Atxaga «Soinujolearen semea», 2003 - 286. orr.

Han hasi zen, kontu-kontari, orain hurrena izandako golf-saioa zuloz zulo azaltzen. Mirentxu Larrañaga «Hona hemen gu biok» - Dorothy Parker, 2006 - 210. orr.

Orain hurrena zaluagoa hengoen hi ere! Pako Aristi «Urregilearen orduak», 1998 - 152. orr.

Orain hurrena, berriz, kalean topo egin genuen. Joxerra Garzia «Itsasoan euri», 2003 - 109. orr.

Orain hurrena ikusi ginenetik denbora guztian edan besterik ez dut egin eta zubi azpian lo egin, gure klaseko guztiak bezala. Matías Mujika «Edale santuaren kondaira» - Joseph Roth, 2001 - 34. orr.

12 orain hurrengo izlag oraingoaren aurreko.

"Orain hurrengo Eguberrietan Marruekosera joan ninduan egun batzuk pasatzera", esan du Josebak lehen tragoarekin batera. Bernardo Atxaga «Soinujolearen semea», 2003 - 387. orr.

Orain hurrengo neguan gertatu zen, Mediterraneoaren bazter honetan beronetan. Josu Zabaleta «Fantasiazko ipuinak» - Guy de Maupassant, 2000 - 259. orr.

Horrelako espekulazioetan hasi, eta ispilukazo galanta har dezakek, esan nian orain hurrengo. «Kuskue tanden», 2004 - 53. orr.

13 orain hurrengoan adlag orain hurrena.

Enrikek kontatu zidan orain hurrengoan. «Kuskue tanden», 2004 - 145. orr.

Orain hurrengoan baino lasaiago etorri zara, ezta? Migel Angel Mintegi «Denak du bere prezioa», 2002 - 66. orr.

Hori gertatu zitzaidan orain hurrengoan, egunkari honetako zutabegile eta Urola-Kostako Hitza-ren zuzendari den Gari Berasaluzeren zerrenda leitu nuenean. Iñigo Aranbarri «Hizlandia», 2006 - 127. orr.

14 orain ... orain...

Markesak goitik behera begiratzen zien orain maisuari orain alkateari, haien borondatea soka motzez loturik eta mende baleuka bezain seguru. Anjel Lertxundi «Azkenaz beste», 2005 - 207. orr.

Nik ez dakit aldizkako egoerak izatea irrikatu behar dugun, berez baitira egoerak orain zoriontsuak orain mingarriak, betiereko kondena bat bezala. Juan Kruz Igerabide «Hauts bihurtu zineten», 2005 - 65. orr.

Mikel Strogoffen zaldia, gidaririk gabe nora ezean, orain hona orain hara egiten zuen eta destakamendu osoa nahasten. Karlos Zabala «Mikel Strogoff» - Jules Verne, 2002 - 367. orr.

Herriz herri ibili zen, biolina eskuan, orain ezkutuan orain agerian joka. Felipe Juaristi «Airezko emakumeak», 2003 - 229. orr.

Orain hemen, orain han, bizi indarrak nagusi dira eta gero menperatuak. Xabier Amuriza «Gauzen izaeraz» - Lukrezio, 2001 - 129. orr.

Tristeziak eta poza aldi berean, orain alde batera orain bestera mugitzen den balantza bat bezala. Fernando Rey «Paradisuko Almanaka» - Gianni Celati, 2005 - 40. orr.

Oinek eramaten zituzten biak ala biak [...] orain aurrera orain atzera, orain jende artera orain jende artetik kanpora. Felipe Juaristi «Itzarri nahi ez zuen printzesa», 2002 - 79. orr.

Erortzen dira, halakoetan, maskarak, eta garen bezalakoak azaltzen gara, orain guztiz irrigarri, orain guztiz nigargarri. Joan Mari Irigoien «Lur bat haratago», 2000 - 174. orr.

Haren eskuak etengabe mugitzen ziren, orain atorra laztantzeko, orain kapela beltza egokitzeko. Monika Etxebarria «Goragalea» - Jean Paul Sartre, 2003 - 128. orr.

Amarauna handitzen ari zen, eta armiarmak, kar-kar-kar, orain argazkilari moduan mozorroturik orain ertzain gisa, ez zuen ni sarean bildu beste lanik. Anjel Lertxundi «Zorion perfektua», 2002 - 122. orr.

hitz multzoen maiztasunak (gutxienez 10 aldiz agertzen direnak)

agian orain (13); ari da orain (69); ari dira orain (35); ari gara orain (14); ari naiz orain (26); ari zen orain (23); autodeterminazioa orain (10)

ba orain (25); bada orain (32); badakit orain (15); badirudi orain (13); baita orain (54); baita orain ere (11); batez ere orain (15); begira orain (19); bizi da orain (12)

dabil orain (28); dabiltza orain (13); dago orain (233); dagokio orain (12); daki orain (10); dakit orain (13); dator orain (16); datoz orain (13); daude orain (95); dauka orain (19); daukagu orain (12); daukat orain (23); dirudi orain (11); doa orain (12)