Egungo Euskararen Hiztegia (EEH)

Mututasun hura eramangaitza zitzaidan arren, halaxe ibili ginen tarte luze batean: nik ez nuen hitz egin nahi, berak zerbait esan artean.  Anjel Lertxundi   «Ihes betea», 2006 - 101. orr.

-Nik ere hitz egin nahi dut, ez zait gustatzen mututasun hau, baina ez dakit zer esan.  Lander Garro   «Orain galdera berriak ditut», 2004 - 101. orr.

Inork ezin duela hitza aldarrikatu besteen mututasuna baldintzatzat jarriz.  Berria - Euskal Herria   2004-02-20

Saltzaileak nire mututasuna baliatzen ari zen ele eta ele jarduteko.  Anjel Lertxundi   «Ihes betea», 2006 - 175. orr.

Berebiziko garrantzia zuen nire erantzunak, goiz osoko nire mututasuna urratuko bainuen.  Anjel Lertxundi   «Ihes betea», 2006 - 148. orr.

Emazteak mututasuna hautsi zuen: [...].  Itxaro Borda   «Zeruetako erresuma», 2005 - 219. orr.

-Auskalo non dabiltzan besteak -bota zuen Alaznek, mututasun deseroso hura apurtzearren.  Fernando Morillo   «Ortzadarra sutan», 2003 - 124. orr.

Hitzik samurrenak, sekula inoiz errepikatuko ez dituzun hitz goxo sekretuak, heriotzaren mututasun beldurgarria hausteko esaten direnak.  Karlos Linazasoro    «Glosolaliak», 2004 - 134. orr.

Nola ez galdu haria egilearen mututasunak aipurik soilena galarazten duenean?  Bernardo Atxaga   «Groenlandiako lezioa», 1998 - 125. orr.

Tristurak mututasunean eta hoztasunean murgildu zuen.  Iñaki Zabaleta   «110. Street-eko geltokia», 2003 - 178. orr.

ETAren ihardunarekiko anbiguotasun handiz aritzen gara eta anbiguotasun horrek gure harremanak oro iluntzen ditu [...] mututasuna ez baldin bada, isiltasuna hedatuz.  Itxaro Borda   «Hiruko», 2003 - 79. orr.

Gainerakoak erreserba armadako gelditzen ziren, ohiko mututasun eta diskrezioa mantentzeko ordenaren mende.  Itxaro Borda   «Hiruko», 2003 - 19. orr.

H letraren mututasuna -hainbat euskalkitan bederen- kontuan harturik, [...].  Iñaki Arranz   «Hitza azti», 2006 - 32. orr.