Egungo Euskararen Hiztegia (EEH)

Patar lauzaduna, beribila jauzika ari dela eta bihotza pil-pilka, iragan dut, murailen barnera sartu-eta, lau egunentzat hor uzteko lo mekanika.  Piarres Aintziart   «Santiago oinez», 2000 - 24. orr.

Aulkitik altxatu eta murailan behera egin zuen, Igentearantz.  Ramon Saizarbitoria   «Gorde nazazu lurpean», 2000 - 28. orr.

Lau partetan partitu baitzuten haren goputza, eta haren burua, berriz, Mauleko murrailetako itsu-leihotik eseki, non hilabeteetan egon baitzen.  Joan Mari Irigoien   «Lur bat haratago», 2000 - 408. orr.

Gainera, motozaleak haizearen muraila zulatzen du bere gorputzarekin, eta haizearen burrunbak kasko barruan sortzen duen gorreria bezalako marmar itoak are gehiago isolatzen du gidaria errepidearen erdian.  Pako Aristi   «Urregilearen orduak», 1998 - 339. orr.

Egunean eguneko gertaeren erasoaren aurrean murrailak jasotzen ditu gure baitan eromena sar ez dadin.  Pako Aristi   «Urregilearen orduak», 1998 - 107. orr.