Egungo Euskararen Hiztegia (EEH)

mugatu, muga(tu), mugatzen 1 du ad muga ipini.

Lurraldea mugatu eta banatzen bukatu zutenean, israeldarrek Nunen seme Josueri ere eman zioten ondarea. Elizen arteko biblia Jos 19,49

Herriko lurrak mugatzeko lizar ilara omen zen garai batean hesi itxuran. Pello Zabala «Naturaren mintzoa», 2000 - 74. orr.

Kuartelaren esparrua mugatzen zuen harresiaren espaloi lerroari jarraitu zitzaion. Pedro Alberdi «Kafka Bilbon», 2002 - 43. orr.

Ingurunea mugatu eta hesitzea erabaki zuten, badaezpada ere segurtasun neurri legez. Berria - Euskal Herria 2004-07-03

Zuhaitzek mugatu plazatxoa hedatzen da elizaren albo batean. Berria - Kultura 2004-12-26

Zurezko etxe tipitoek bi aldeetarik mugatzen zuten karrika hartu zuten. Formula idatzi, eta lauki batez mugatu zuen Ruche jaunak. Aurelia Arkotxa «Septentrio», 2001 - 107. orr.

Harresi honek errepidean barna jarraitzen du, herria iparraldetik mugatu eta okertu egiten da ibaira iristen denean. Koro Navarro «Zalakain abenturazalea» - Pio Baroja, 2006 - 21. orr.

Muga-markoa irudia mugatzen duena da, [...] irudiaren eremua definitzen duena. Josu Zabaleta «Irudia» - Jacques Aumont, 2004 - 138. orr.

Eremua mugatu izan ez bagenu, anitzez denbora gehiago beharko genuke egitura plantan ezartzeko, eta hirigintza alorrean larrialdiko neurriak behar dira. Berria - Euskal Herria 2006-02-07

EB, laguntzak mugatu guran. Berria - Harian 2005-09-04

2 mugen bidez murriztu.

-Hortaz, zerbait egin nahi duenak, ingurumen txiki batera mugatu behar du, zure iritzian, bere justizia-ekimena. Josu Zabaleta «Jakintzaren arbola» - Pio Baroja, 2006 - 129. orr.

Hitza abstraktua eta pisu antzekoa iruditzen bazaizue, bere esanahiaren esparrua mugatu eta soildu dezakegu. Pako Aristi «Urregilearen orduak», 1998 - 93. orr.

Kontua da errepublikak ugalketa mugatu egin behar duela, bere zoriona arriskuan dagoen momentutik aurrera. Juan Martin Elexpuru / Bego Montorio «Filosofia apaingelan» - Sade, 2001 - 264. orr.

Kontratua egiteko askatasuna ezin beste ezerk ere mugatu, justizia, ohitura on eta onura publikoak baino. Berria - Kultura 2006-03-26

Material estrategikoak eta elikagaiak esportatzea debekatzen zuten legeek zorrotz mugatzen zuten kanpoko merkataritza. Koro Navarro «Ekonomiaren globalizazioa» - Jacques Adda, 2004 - 23. orr.

Testamentua egiteko ahalmena onartu, debekatu ala mugatu egingo dugu? Andres Urrutia «Frantziako kode zibilaren lehen proiektua» - Jean di Portalis, 2000 - 92. orr.

Latinak elizan zuen erabateko nagusitasuna mugatu, eta herrietako hizkuntzak ezarri ziren haren lekuan. Koldo Zuazo «Euskara batua», 2005 - 22. orr.

Horretarako, nolanahi ere, mugatu egin behar ziren herrialde hartzekodunei egindako baliabide-transferentzia garbiak. Koro Navarro «Ekonomiaren globalizazioa» - Jacques Adda, 2004 - 154. orr.

Ekoitzi daitekeen ekoizpen bolumena erruz mugatu behar dela kontsideratuz. Iñaki Heras «Txanponaren bi aldeak», 2003 - 315. orr.

Eta zergatik mugatu behar du besteen kontzientziak nire askatasuna? Elizen arteko biblia 1 Ko 10,29

Gizon bakoitzaren libertateak mugatu behar duela edozein estatu, eliza edo erakunderen boterea. Piarres Xarriton «De re publica edo politikaz», 2003 - 55. orr.

Luzaroan, alderdi morfologikora mugatu zuen enbrioi-garapenaren azterketak bere burua. Juan Garzia «Sagua, eulia, eta gizakia» - François Jacob, 2004 - 49. orr.

Globulu gorriak suntsitzeak mugatu egiten du makinaren erabilera. Irene Aldasoro «Giza gorputza lanean» - John Lenihan, 2006 - 247. orr.

Irakurlea presenteegi edukitzeak mugatu egiten du idazlea. Ana Urkiza «Zortzi unibertso, zortzi idazle», 2006 - 242. orr.

Poliki-poliki, Gizona ahaztuz, norbanakoaren arazoetara mugatu dugu gure morala. Josu Zabaleta «Gerrako pilotu» - Antoine Saint-Exupéry, 2003 - 178. orr.

Halaber, parte-hartzea mugatu duen metodologia itxia erabiltzea gaitzetsi zuen Baga Bogak. Berria - Euskal Herria 2004-10-14

Gran Vian autoen sarrera mugatu egingo da, eta zirkulazioa itxi egingo da Gregorio de la Revilla zatian, Indautxu plazan. Berria - Euskal Herria 2004-09-22

Merkataritza eremu handiak zorrotz mugatu behar dira. Berria - Harian 2005-10-26

• 3 (da aditz gisa)

Haren negozioak Greziara eta Ponto Euxinora mugatu ziren ia osorik, eta handik atera zuen bizibidea. «Legeen espirituaz II» - Montesquieu, 1999 - 35. orr.

Muga zaitez ni behar bezala kitzikatzera. Juan Martin Elexpuru / Bego Montorio «Filosofia apaingelan» - Sade, 2001 - 302. orr.

Azkenean, eguna itxarotera mugatu nintzen, etorriko zitzaidanari ahal nuen ongien aurre egiteko prest. Alberto Ladron Arana «Eguzki beltzaren sekretua», 2004 - 182. orr.

Siderurgia garatzen hasi zen, baina industria ehungintzara mugatzen zen ia osorik. Koro Navarro «Ekonomiaren globalizazioa» - Jacques Adda, 2004 - 29. orr.

Hala ere, bortizkeriarik eza, gizarte-bizitzako konpartimentu batera mugatu ezin den gogo-aldartea eta portaera-printzipioa da. Iñaki Mendiguren «Historiaren azterketa II» - A.J. Toynbee, 2000 - 27. orr.

Politika keynestarren kritika monetarista ez zen diru-politika abian jartzera mugatu. Koro Navarro «Ekonomiaren globalizazioa» - Jacques Adda, 2004 - 152. orr.

Hemen, horrelakoak alde bat utzita, kontakizunetara mugatu gara. Jose Antonio Mujika «Agindutako lurraren bila II», 2002 - 88. orr.

Desorganizazioa organizatzera mugatu ziren lehen unetik. Jokin Urain «Errotarria», 2006 - 30. orr.

Ezin gara etxeko partidetara mugatu garaipenak lortzeko Euroligan. Berria - Kirola 2004-02-04

Taizé-ko esperientzia ez zen egonaldi hortan mugatu. Herria 2001-01-18

Bi ilabeteren buruan bukatu beharra da eta Herriko Etxean eztabadatu dute jakiteko zer abiaduretan mugatu behar den bide pezoi hori 50 ala 70 km orenean. Herria 2003-09-11

4 mugak finkatuz zehaztu.

Eta zentzuz egiteko, mugatu egin behar da aurretik, zein marko edo lekutan, zein planteamolde edo posiziotatik, doi-doi zer eztabaidatu nahi den. Joxe Azurmendi «Euskal Herria krisian», 1999 - 80. orr.

Haien utzikeria zuzendu baino, haien jarduera mugatu beharra zegoen. «Legeen espirituaz II» - Montesquieu, 1999 - 227. orr.

Agian ez neukan esan beharrik, berak ere ez du galdetu, baina egokia iruditu zait nolabait gure elkarrizketaren esparrua mugatzeko. Pako Aristi «Note book», 2005 - 45. orr.

Luis Errukitsuak elizako arazoetara mugatu zuen epaiketa-modu hori. «Legeen espirituaz II» - Montesquieu, 1999 - 212. orr.

Berak mugatu du kontzeptuen, azterketen eta frogapenen ekonomian aldaketa handi hori. Xabier Arregi «Jakitearen arkeologia» - Michel Foucault, 2003 - 203. orr.

Harreman hauek markatuz muga daitezke eremu batetik besterako zirkulazioa aseguratzen duten bideak. portuko paisaiaren marrak mugatu eta koloreak zehaztu egin ziren. Xabier Arregi «Jakitearen arkeologia» - Michel Foucault, 2003 - 72. orr.

Ez dituzte menpekotasun mailak mugatu, ez dute zehaztu zeintzuk diren. Berria - Euskal Herria 2006-05-03

5 gramatikan, izen sintagmari aurreko aipamen baten adierazlea -oro har artikulu marka- ezarri.

Mugagabea erabili zuen Ruche jaunak plurala erabili ordez, baina berehala mugatu zioten bikiek proposamena, bai singularrera mugatu ere, norabide bakarra aukeratu baitzuten. «Loroaren teorema» - Denis Guedj, 2006 - 346. orr.

6 (era burutua izenondo gisa)

Gatzik gabeko alproja mugatu bat besterik ez da. Karlos Zabala «Buda zoriontsuen etxea» - João Ubaldo Ribeiro, 2003 - 177. orr.

Ia nahi duten edozein kolore sortzen dute artistek paleta mugatu batetik. Xabier Olarra «Antropologo bat Marten» - Oliver Sacks, 2003 - 39. orr.

Lauki zuri-beltzeko zelai mugatuan. Alberto Ladron Arana «Xake mate», 2002 - 19. orr.

Testuinguru mugatu jakin batean. Josu Zabaleta «Irudia» - Jacques Aumont, 2004 - 99. orr.

Independentziak eragin mugatua izan zuen kontinenteko egitura ekonomikoetan. Koro Navarro «Ekonomiaren globalizazioa» - Jacques Adda, 2004 - 50. orr.

Bruselak bultzatuta, kurduen kultura eta hizkuntza onartzeko zenbait neurri mugatu eta txiki hartu ditu Ankarak. Berria - Mundua 2004-12-19

Gaur egun aurkitzen ditugun geneak, hala, konbinatoria baten emaitza dira, eredu kopuru mugatu batetik sortuak. Zientzia-teoria guztiak behaketa-kopuru mugatu batean oinarritzen dira. Juan Garzia «Sagua, eulia, eta gizakia» - François Jacob, 2004 - 121. orr.

Egun-kopuru mugatua du gizakiaren bizitzak; Israelen egunak, berriz, kontaezinak dira. Elizen arteko biblia Si 37,25

Berak komunikazio-espazio mugatu bat definitzen du. Xabier Arregi «Jakitearen arkeologia» - Michel Foucault, 2003 - 146. orr.

Linnaeus-en Genera Plantorum oso osorik enuntziatuz osaturiko liburua da, bertan ezin da aurkitu esaldien kopuru mugatu bat baino. Xabier Arregi «Jakitearen arkeologia» - Michel Foucault, 2003 - 96. orr.

Bizitza mugatua zen, baina egonkorra nolabait. Xabier Olarra «Antropologo bat Marten» - Oliver Sacks, 2003 - 122. orr.

Horrek txiki, mugatu, ahul egiten gaitu. Jon Alonso «Euskal karma», 2001 - 34. orr.

Esklerosiak jotakoa gero eta gutxiago mugitzen da, gero eta mugatuagoak dauzka aukerak. Jon Alonso «Euskal karma», 2001 - 125. orr.

7 mugatuxe mugatu xamar.

Bien bitartean, ordea, definizio mugatuxeago bat eman dezakegu begiradaz: ikustearen asmoa eta helburua definitzen duen zer hori da begirada. Josu Zabaleta «Irudia» - Jacques Aumont, 2004 - 58. orr.

Horrek izenen mundu "mugatuxeagoan" ezartzen ninduen. Aingeru Epaltza «Rock'n'roll», 2000 - 270. orr.

hitz multzoen maiztasunak (gutxienez 3 aldiz agertzen direnak)

adieraztera mugatu (3); asko mugatu (4); aukerak mugatu (3); bere egitera mugatu (4); biltzera mugatu (3); corpus mugatu (3); denbora mugatu (9); egitera mugatu (20); egitera mugatu ziren (4); ematera mugatu (3); eremu mugatu (3); eremua mugatu (3); esatera mugatu (17); esatera mugatu da (3); esatera mugatu zen (12); espazio mugatu (3); eustera mugatu (5); eustera mugatu ziren (3); gordetzera mugatu (3); horretara mugatu (16); hutsera mugatu (3); irakurtzera mugatu (4); izatera mugatu (6); jarduna mugatu (3); jartzera mugatu (3); kopuru mugatu (13); kopuru mugatu bat (4); kopurua mugatu (6)