Egungo Euskararen Hiztegia (EEH)

"Modernia" hitza erabiltzen dugunean, aro historiko bati buruz ari gara mintzatzen (aspaldikoa, filosofian XVII. mendean hasten dena); "modernitatea" hitza, bestalde, ezaugarri batzuei buruz ari garenean erabiltzen dugu, alegia, moderniaren aroko ezaugarriei buruz ari garenean batik bat, baina [...] oraingoak ere izan litezkeenak (subjektibismoa, razionalismoa, etab.).  Askoren artean   «Filosofiako gida», 2004 - 75. orr.

Eskematiza dezagun pixka bat puntu honen historia: 1) Antzinaroa, Zuzenbide (edo moral) natural objektiboaren aroa kontsidera genezake; 2) Modernia, Zuzenbide natural subjektiboarena.  Joxe Azurmendi   «Euskal Herria krisian», 1999 - 103. orr.

Berpizkundea iragaitzazko aldi bat da, honezkero ez Erdi Aroa ezta oraindik modernia ere.  Askoren artean   «Filosofiako gida», 2004 - 75. orr.

Modernian, lehenengo eta behin, mundua ez da bera eta, bereber, subjektuaren "mende" dago; bestalde, akzidentez hustu behar da mundua eta, horien ordez, razionaltasunez eta behartasunez bete -subjektu matematiko baten pean-.  Askoren artean   «Filosofiako gida», 2004 - 78. orr.

Moderniaz geroztik, liburua izan da ezagutzaren edo informazioaren euskarri nagusia.  Askoren artean   «Filosofiako gida», 2004 - 337. orr.

Asaldagarria da nolabait, Horkheimer eta Adornoren despit moderniaren mitoak nola arrakalarik txikiena gabe dirauen Euskal Herriko progresian.  Joxe Azurmendi   «Espainiaren arimaz», 2006 - 10. orr.

Baroja-k ere ez die jeltzaleei arrazismoa kritikatzen, baizik arrazistak izan ordez historiazaleak izatea, Euskal Herriak daukan Erdi Aro eta Modernia txiroarekin.  Joxe Azurmendi   «Espainiaren arimaz», 2006 - 251. orr.

Orain ez dago zurezko aterik inon, hezetasunaren aitzakia eginda aluminiozkoak eta PVCko leiho-ateak ezarri dituzte etxe guztietan, min ematen dute begian hare-harriaren gaineko modernia merkeok.  Koldo Izagirre   «Sua nahi, Mr. Churchil?», 2005 - 8. orr.