Egungo Euskararen Hiztegia (EEH)

Mahai bat hartu eta menua arretaz irakurri zuen.  Lopez de Arana   «Manhattan Transfer» - John Dos Passos, 1999 - 82. orr.

Menu bera hartzen du beti: patea hasteko, confit bigarrenerako eta gazta bukatzeko.  Ramon Saizarbitoria   «Gorde nazazu lurpean», 2000 - 257. orr.

Menua hanburgerrek, patatek eta kola freskagarriek osatzen dute, neurri handi batean.  Berria - Kultura   2004-09-25

Aratsean, 20 eta erdietarik landa, afaria, eguerdiko menu berarekin.  Herria   2005-06-30

Sagardotegiko menua ere badute, baina guk karta eskatu dugu.  Xabier Etxabe   «Lurtarra da begiratua», 2004 - 203. orr.

-Zure menua aukeratu nahi duzu?  Monika Etxebarria   «Goragalea» - Jean Paul Sartre, 2003 - 178. orr.

Deituko dizut sukaldetik zein menu dagoen esateko.  Bernardo Atxaga   «Soinujolearen semea», 2003 - 187. orr.

Goizeko bederatziak aldera tabernako sukaldera sartu eta eguerdian ematen dituzten menuak gertatzen ditu.  Paddy Rekalde   «Ragga-ragga dator gaua», 2006 - 36. orr.

Eskoletako jangeletan menuak hobetu dituzte eta elikagai desegokiak kendu eskoletako makinetatik.  Berria - Gaiak   2006-05-04

Eguneko menua hartzen dut, merkeena izaten baita.  Eskarne Mujika   «Atzo» - Agota Kristof, 2004 - 45. orr.

Menua bizkor-bizkor irentsi, eta nire printzerri bakartira abiatzen nintzen.  Iban Zaldua   «Gezurrak, gezurrak, gezurrak», 2001 - 79. orr.

Errainaren jatetxea txikia zelako, menu merkekoa.  Unai Elorriaga   «Van't Hoffen ilea», 2003 - 186. orr.

Etxeko menua da.  Xabier Olarra   «Deabruaren hiztegia» - Ambroise Bierce, 2001 - 246. orr.

Jatetxe berria ireki ditek Arrantzale kalean: menua zortzi euro eta erdian.  Iban Zaldua   «Etorkizuna», 2005 - 53. orr.

Kanpoan, bi gazte gelditu dira menuaren aurrean, zeina kartoizko sukaldari batek ezkerreko eskuaz erakusgai duen.  Monika Etxebarria   «Goragalea» - Jean Paul Sartre, 2003 - 180. orr.

-Manuel!, menuetarako ardoa lehenbailehen!  Unai Iturriaga   «Berandu da gelditzeko», 1999 - 83. orr.

Ordenagailuak bere programen menuaren eskaintza koloretsua egin zidan.  Aingeru Epaltza   «Rock'n'roll», 2000 - 271. orr.

Ostegunerako Zapaterok prestatu duen menua argia da, estatuaren kohesioa landu eta Espainiako erregeak eskainitako bazkariaz apaindu.  Berria - Euskal Herria   2004-10-24

Telebistako menuko ikuskizunaren antzeko zerbait.  J. Garzia / A. Egaña / J. Sarasua   «Bat-bateko bertsolaritza», 2005 - 213. orr.

Andy klub horietako menuan ageri ziren emakumeetako bat zen.  Karlos Zabala   «Buda zoriontsuen etxea» - João Ubaldo Ribeiro, 2003 - 121. orr.

Jatetxe txinatarraren menu-orriaren ondoan.  Iban Zaldua   «Itzalak», 2004 - 36. orr.

Menu karta luzatu zidan eta berehalaxe aukeratu nuen afaria.  Joxemari Iturralde   «Euliak ez dira argazkietan azaltzen», 2000 - 71. orr.

· Andrések ez ditu begiak eskuan zeukan edari-menutik jaso.     «Eta emakumeari sugeak esan zion», 1999 - 119. orr.

Imajina dezakezun sexu menu oparoena dastagarri.  Jon Arretxe   «Ostiralak», 2000 - 42. orr.