Egungo Euskararen Hiztegia (EEH)

Hilabete haietan, begitan hartu nuen morroi hura; likatsua iruditzen zitzaidan, melenga, ia-ia lizuna, ez sexuari zegokionez zuzen-zuzenean, baina bai halako sexualitate "sublimatu"tik zetorkion zerbaiten kariaz.  Juan Kruz Igerabide   «Hauts bihurtu zineten», 2005 - 108. orr.

Kristaukeria melengaren argazki ezin doiagoa baitzen apaiz gazte hura nire iduriko.  Juan Kruz Igerabide   «Hauts bihurtu zineten», 2005 - 108. orr.

Adeitasun handiz jokatzen zuten denek, hala ofizialek, nola damek, nola frakez jantziriko gizonek; gogaikarri ere gertatzen ziren melengaren melengaz.  Jose Morales   «Arima hilak» - Nikolai Gogol, 1998 - 255. orr.

Azken finean, ez baitzuten nahi hiltzear zegoen mundu baten pastel koloreko argazkiei -baserri maitea, baxurako ontzi liraina, ezkila-dorre baketsua, legatza koxkera eran buztinezko kazolan- egokitu lekizkiekeen oin-testu melengak idaztea baino.  Ramon Saizarbitoria   «Gorde nazazu lurpean», 2000 - 163. orr.

Leonardo di Caprio bonboi melengaren portreta, "Titanic" filmearen pasarte batean.  Aingeru Epaltza   «Rock'n'roll», 2000 - 381. orr.

"Nire bihotzaren hondora" esan nezakeen, baina hain melenga ere ez nintzen.  Harkaitz Cano   «Neguko zirkua», 2005 - 43. orr.

Xeratsua izan nahi zuen ahots melenga batek.  Migel Angel Mintegi   «Denak du bere prezioa», 2002 - 79. orr.

Lau salmo oraino eta apezak boz melengaz zerua zerua saritzat abestiaren lehen notak hegaldarazi zituen.  Itxaro Borda   «Zeruetako erresuma», 2005 - 164. orr.

Bagoi barruko bozgorailuetatik entzuten zen musika melengak ez zuen ezinegona larritu baino egiten.  Juan Luis Zabala   «Agur, Euzkadi», 2000 - 24. orr.

Sargori dago, eta mimosaren usain melengak itolarria areagotzen dio.  Patxi Iturritegi   «Behi eroak», 2003 - 110. orr.

Marraka melengaz ardiak ulertzen nauela sentiarazten dit eta auhen luze batez, pentzean hedailo erortzen da.  Itxaro Borda   «%100 basque», 2001 - 123. orr.

Amerikarrei leitu diedan guzia [...] melenga eta giharrik gabea da.  Patziku Perurena   «Trapuan pupua», 2001 - 206. orr.

Harrigarria da, berez maitagarritik ezertxo ere ez duten animaliei diegun kariño txepel, melenga, belaxka hori.  Joxerra Garzia   «Itsasoan euri», 2003 - 121. orr.

Nor zen beraien arteko aingira-maingira mihi melenga?  Itxaro Borda   «Zeruetako erresuma», 2005 - 88. orr.