Egungo Euskararen Hiztegia (EEH)

Eguraldi narrasa zela medio kontrola galdu, laprast egin eta errepide kontrolaren aurka joan zen, hori zen bertsio ofiziala.  Harkaitz Cano   «Pasaia blues», 1999 - 87. orr.

Bi aldiz egin zuen laprast aldapan behera.  Hasier Etxeberria   «Mutuaren hitzak», 2005 - 12. orr.

Baina laprast egin bere esku koipeztuetatik eta lurrean puskatu zaio Isidorari olioaren portzelanazko ontzia.  Pako Aristi   «Urregilearen orduak», 1998 - 158. orr.

Halako batean, Budek bere burua aurrerantz bota zuen, laprast egin eta esku bakar batetik helduta geratu zen, eguzkiak begiak itsutzen zizkiola.  Lopez de Arana   «Manhattan Transfer» - John Dos Passos, 1999 - 182. orr.

Uste zuena baino gaitzagoa da, palak laprast egiten dio batzuetan, sakonegi sartzen du hurrengoan.  Koldo Izagirre   «Sua nahi, Mr. Churchil?», 2005 - 108. orr.

Kanoak laprast egin zuen amuraka harkaitzetara, ez luze, pilotuak brankaz portura zuzentzea lortu zuen barrak itsasoari ematen zion sosegua berriro baliatuz.  Koldo Izagirre   «Sua nahi, Mr. Churchil?», 2005 - 234. orr.

Ur-azala arrailatzen zuen ferryak laprast egiten zuen eta, mareak bere altzoan eramanik, astiro-astiro iristen zen ontziralekura.  Lopez de Arana   «Manhattan Transfer» - John Dos Passos, 1999 - 19. orr.

Garaipenaren bidea estua baita beti, eta akatsik txikienean amildegiaren ertzean laprast egitea oso da erraza.  Berria - Kirola   2004-04-04

Baldin zuk bezalako neurriarekin begiratuko baliote bizitzaren luze-laburrari, ez lukete laprast egingo lizunkeriaren lohitan.  Anjel Lertxundi   «Konpainia noblean», 2004 - 86. orr.

Gai labainkorretan laprast ez egiteko.  Xabier Mendiguren Elizegi   «Uda betiko balitz», 2003 - 68. orr.

Ezin da ez laprast egin anbiguitate larrietan.  Joxe Azurmendi   «Espainiaren arimaz», 2006 - 75. orr.

laprast egin (8); laprast egin eta (3); laprast egiten (4)