Egungo Euskararen Hiztegia (EEH)

kuraia (orobat kuraie g.er.) 1 iz adorea, bihotza, kemena.

Nik erraten nion kontuz ibiltzeko, ez ginela ohituak, toki arriskutsua zela... denbora berean, halere, haren kuraia miresten nuelarik. Daniel Landart «Anaiaren azken hitza», 1999 - 64. orr.

Kuraia hartuz, erantzun nion: [...]. Daniel Landart «Anaiaren azken hitza», 1999 - 101. orr.

Azpimarratu du ere behar zitzaiola kuraia eman haurrari eta ez beti gaitzitu ez duelarik erreusitzen. Herria 2002-10-10

Ezin erabakirik zebilen Andreasek nondik ateratzen zituen kuraia eta indarra. Anjel Lertxundi «Azkenaz beste», 2005 - 144. orr.

Behar zen kuraia izan kasetarien partez holako baten egiteko, kasu horietan ez baitira hain goxoak Errusiar poliziak, behar zen ere kuraia izan Txetxeniarren aldetik erran dutenen erraiteko kameraren aitzinean aurpegia gorderik gabe. Herria 2003-03-10

Kuraia izan du lanean, kuraia ere familiako nahigabeen jasaiteko. Herria 2004-10-28

Xantza on zuri Beñat Auroy eta kuraia! Herria 2001-03-22

Beharrik ene inguruan gazteak baditut, zinez ohargarriak direnak eta kuraia haundikoak. Michel Oronoz «Oilandoiko ermita», 2001 - 116. orr.

Atxik kuraia oraino zenbait oren, heldu gira. Marzel Etxehandi «Alemaniara deportatua» - Grégoire Joannateguy, 2003 - 134. orr.

Izan kuraie zure lan handiari buruz, eta ez adiorik! Piarres Xarriton «De re publica edo politikaz», 2003 - 170. orr.

Sekulako kuraiarekin gure soldadoek, baioneta hutsak eskuetan, bertze alderdirat botatu zituzten. Michel Oronoz «Oilandoiko ermita», 2001 - 112. orr.

Nor edo bederen zer nintzen errateko kuraiarik ez. Piarres Aintziart «Azken apeza», 2005 - 119. orr.

Kuraiarekin burura dezatela beren sasoina. Herria 2005-04-14

Kuraiaz beterik ene soldadoek, sei, zazpi metra barna inguruan den arroila pasatzen dute. Michel Oronoz «Oilandoiko ermita», 2001 - 96. orr.

Ni, beti bezala, makilarik gabe, eta kuraia xuhur; "gibelerako bidea" edo Repli stratégique delakoa gogoratzen zait eta beste karrika bat hartzea erabakitzen dut. Piarres Aintziart «Santiago oinez», 2000 - 41. orr.

2 kuraia on

-Kuraia on, Paxkal. Daniel Landart «Anaiaren azken hitza», 1999 - 179. orr.

Ez izi eta kuraia on. Herria 2004-10-21

Denen izenean kuraia on eta xantza on zuen lanetan. Herria 2001-04-05

Kuraia on beraz gure auzapezeri. Herria 2001-03-22

Atxik eta iraun, kuraia on guzieri. Herria 2005-07-07

Kuraia on guzieri, atxik eta iraun. Herria 2003-07-24

Deneri kuraia on urtea berriz hasteko lanean. Herria 2004-09-02

Geroztik ainitzek laneko bidea hartua dute, haurrek eskolaratekoa, orori goraintzi eta kuraia on. Herria 2005-09-08

hitz multzoen maiztasunak (gutxienez 3 aldiz agertzen direnak)

desiratzen diotegu kuraia (3); har kuraia (4); kuraia emaiten (3); kuraia ematen (3); kuraia falta (7); kuraia handi (3); kuraia har (3); kuraia hartu (3); kuraia izan (6); kuraia on (41); kuraia on guzieri (4); segitzeko kuraia (3)