Egungo Euskararen Hiztegia (EEH)

kristal 1 iz beira mota, ohikoa baino gardenagoa eta astunagoa.

Mahaitik kristal veneziarreko kopa bat hartu eta liluratuta begiratu zion. Ander Irizar «Eszterren ondarea» - Sandor Marai, 2003 - 106. orr.

Likoreak eskumenean zituen, kristal landuzko flaskoetan, kontsola baten zuloetan erdi sartuak. Karlos Zabala «Parisen sabela» - Emile Zola, 2004 - 158. orr.

Ardoa kristal landuzko pitxer batetik zerbitzatzean. Lopez de Arana «Manhattan Transfer» - John Dos Passos, 1999 - 52. orr.

Kristala pitzatu egin zen. Anjel Lertxundi «Ihes betea», 2006 - 51. orr.

Kutxa oso bat xanpain-edontzi, kristala tailatua. Joxan Elosegi «Nola hustu nuen gurasoen etxea» - Lyidia Flem, 2005 - 89. orr.

· Nire betaurrekoen kristal zikinetatik. Aingeru Epaltza «Rock'n'roll», 2000 - 34. orr.

Kristal finezko baso bat atera zuen sukaldeko horma nagusian zegoen pegartegi-zulotik. Anjel Lertxundi «Azkenaz beste», 2005 - 94. orr.

Putzu hark ere kristalak hautsitako largabista baten antza zuen. Juan Kruz Igerabide «Hauts bihurtu zineten», 2005 - 228. orr.

Kristalezko ontzi fin bat lurrean jarrita. Bernardo Atxaga «Lekuak», 2005 - 35. orr.

2 beira; beirazko atala.

Kalea gurutzatu ondoren kristalezko dorre batean sartu zen. Iñaki Zabaleta «110. Street-eko geltokia», 2003 - 31. orr.

Hamar minutu horietan honela geldituko naiz, hari begira, kopeta kristalari itsatsirik. Monika Etxebarria «Goragalea» - Jean Paul Sartre, 2003 - 69. orr.

Autoaren kristalari itsatsitako txartela. Berria - Euskal Herria 2004-01-02

Kristalik gabeko leihatilan barrena datorren hotza. Rafa Egiguren «Mentxakaren aitorpena» - Jose Ramon Goikoetxea, 2006 - 185. orr.

Kristalak garbitzen ari zen. Juan Kruz Igerabide «Txoria» - Oh Jung-hi, 2006 - 68. orr.

Kristalezko bola handi baten barruan. Iñaki Mendiguren «Harry Potter eta sorgin harria» - J.K. Rowling, 2000 - 46. orr.

Kate-erloju bat ere bai, kristalik eta orratzik gabea. Juan Kruz Igerabide «Hauts bihurtu zineten», 2005 - 17. orr.

Kristala zalaparta handiarekin hautsi zen. Xabier Olarra «Iruzurgilea» - James Cain, 2002 - 100. orr.

Gure leiho bakarreko kristala txiki-txiki egin zen. Urteetan ikusi bako lagunen bat segurtasunezko kristal ostetik agurtu ahal izateko izan ezik. Juan Kruz Igerabide «Nire aitaren fusila» - Hiner Saleem, 2004 - 25. orr.

3 (izenondoekin)

Leihoko kristal handi horrek. Monika Etxebarria «Goragalea» - Jean Paul Sartre, 2003 - 105. orr.

Nazka ematen zion kristal lodiko edalontzi bat ukitze hutsak. Bernardo Atxaga «Groenlandiako lezioa», 1998 - 110. orr.

Akuario baten kristal lodi batetik bezala. Lopez de Arana «Manhattan Transfer» - John Dos Passos, 1999 - 218. orr.

Argitasun zuri bizia sartzen da sabaileihoko kristal zeharrargitik. «Kuskue tanden», 2004 - 33. orr.

Heineken botilen kristal berdeak. Javi Cillero «Hollywood eta biok», 1998 - 23. orr.

Lanpararen kristal gorriak. Monika Etxebarria «Goragalea» - Jean Paul Sartre, 2003 - 35. orr.

Kristal esmerileztatuzko ate batean jo zuen. Lopez de Arana «Manhattan Transfer» - John Dos Passos, 1999 - 115. orr.

Kristal beruneztatuekiko leiho bat. Lopez de Arana «Manhattan Transfer» - John Dos Passos, 1999 - 147. orr.

Langileak kristal txikituak kentzen ari ziren Lou Frazier iritsi zenean. Xabier Olarra «Iruzurgilea» - James Cain, 2002 - 106. orr.

Zur kontratxapatua zegoen hainbat kristal hautsiren ordez. Fernando Rey «Gure etxeko kontuak» - Natalia Ginzburg, 2004 - 211. orr.

4 (hitz elkartuetan lehen osagai gisa)

Kristal ontzi horiek airean dilindan zeudela zirudien. Karlos Zabala «Parisen sabela» - Emile Zola, 2004 - 158. orr.

-Kristal-bolari begira egon naiz. Iñaki Mendiguren «Harry Potter eta sorgin harria» - J.K. Rowling, 2000 - 186. orr.

Kristal-zatiak alde guztietara banatu ziren. Iñaki Mendiguren «Harry Potter eta sorgin harria» - J.K. Rowling, 2000 - 27. orr.

Uraren kristal soinu fin hori. Patziku Perurena «Trapuan pupua», 2001 - 223. orr.

Azal azpian antzematen ditu kristal puskak, harri kozkorrak. Alberto Barandiaren «Mundu txikia», 2005 - 19. orr.

Pianoak staccato bati ekin dio; kristal-hotsa. Anjel Lertxundi «Argizariaren egunak», 1998 - 112. orr.

Antzigarrak ibaiko ur gainean hartzen zuen kristal-hautsaren antzeko distira eta kolore. Anjel Lertxundi «Argizariaren egunak», 1998 - 222. orr.

Ur sorginduak kristal-distira izoztuak islatzen ditu. Itziar Otegi «Axenario» - Jules Renard, 2006 - 52. orr.

Hamaika kristal-iruditan apurturiko izarrak ikusten ziren uraren gainazalean. Fernando Morillo «Ortzadarra sutan», 2003 - 247. orr.

Neu nintzen garbitzailea, lorezaina, etxekoandrearen txofer pribatua, iturgina eta kristal garbitzailea. Berria - Euskal Herria 2004-05-16

5 (hitz elkartuetan lehen osagai gisa, elkarketak izenondo balioa duelarik)

Ibilgailu ofizial kristal-iluna. Aingeru Epaltza «Rock'n'roll», 2000 - 220. orr.

Betaurreko kristal-urdin haiek. Ander Irizar «Eszterren ondarea» - Sandor Marai, 2003 - 78. orr.

Zilarbizia tantatxotan sublimatzea, sodioa kloruro bihurtu eta osatzen dituen taulatxo kristal-saretuetan ezagutzea mikroskopiora. Juan Garzia «Sistema periodikoa» - Primo Levi, 1998 - 61. orr.

6 (hitz elkartuetan bigarren osagai gisa)

Eta zetarekin batera lapislazulia, harri-kristal gorria, barruan sua duela dirudiena. Felipe Juaristi «Itzarri nahi ez zuen printzesa», 2002 - 105. orr.

Milioika harri-kristal dago munduan; baina hauek Urim eta Tumim dira, ongi dakite hori adituek. Xabier Aranburu «Alkimista» - Paulo Coelho, 2001 - 100. orr.

7 geometria forma jakina duen mea zatia; geometria forma jakin baten arabera kristaltzen den gai baten zatia.

Harri bat daukak eskuan, baina ez dakik kristala den edo diamantea. «Loroaren teorema» - Denis Guedj, 2006 - 457. orr.

Azido urikoaren kristal mikroskopikoei. Irene Aldasoro «Giza gorputza lanean» - John Lenihan, 2006 - 200. orr.

8 (hitz elkartuetan lehen osagai gisa)

Aurkituriko partikulak handiak dira, ordea, eta kristal egitura dute. Berria - Gaiak 2006-03-15

Kaltzio karbonato edo klarionaren kristal-formak. Irene Aldasoro «Giza gorputza lanean» - John Lenihan, 2006 - 126. orr.

Estalkia jaso zuenean, diamantearen forma bereko kristal puskak besterik ez omen zeuden kutxa barruan. Anjel Lertxundi «Azkenaz beste», 2005 - 19. orr.

9 (hitz elkartuetan bigarren osagai gisa)

Izotz kristal txikiak. Joseba Sarrionandia «Lagun izoztua», 2001 - 328. orr.

Hezurrean, kolagenoak egiten du erretxinarena, eta mineral-kristalek beirazko zuntzena. Irene Aldasoro «Giza gorputza lanean» - John Lenihan, 2006 - 23. orr.

Gelatinak baditu kaltzita- edo aragonita-kristalak. Irene Aldasoro «Giza gorputza lanean» - John Lenihan, 2006 - 126. orr.

Kolageno-zuntzez eta zuntzoi irmo itsatsirik dauden hidroxiapatito-kristalez egina dago hezurra. Irene Aldasoro «Giza gorputza lanean» - John Lenihan, 2006 - 19. orr.

10 kristal likido

"Eskuko" telebista, kristal likidozkoa, ez da askorik zabaldu oraingoz. Josu Zabaleta «Irudia» - Jacques Aumont, 2004 - 168. orr.

Neurketa fisiologikoak, sentsoreak, komunikaziorako tresnak eta kristal likidoko pantailak egiteko erabiltzen den materiala. Berria - Gaiak 2004-05-15

Kristal likidozko pantaila zaharren funtzionamendua egiaztatzeko metodologia garatu nahi dute, birziklatu ahal izateko. Berria - Gaiak 2004-11-26

Kristal likidoko ikurraren barruko marratxoak. Iban Zaldua «Gezurrak, gezurrak, gezurrak», 2001 - 146. orr.

hitz multzoen maiztasunak (gutxienez 3 aldiz agertzen direnak)

betaurrekoen kristal (3); kristal apurtuak (3); kristal hautsi (3); kristal hautsiak (4); kristal hautsiaren (3); kristal hautsien (7); kristal hotsa (4); kristal landuzko (6); kristal lodi (5); kristal lodiko (3); kristal puska (4); kristal puskak (4); kristal pusken (3); kristal zati (4); leihoko kristal (6)