Egungo Euskararen Hiztegia (EEH)

Kordoi bati tiratu zion eta, bat-batean, zinema-oihal bat agertu zen sabaitik nire pareko liburu-apalategian behera.  Anjel Lertxundi   «Mentura dugun artean», 2001 - 115. orr.

Tipo bat, hogeita sei urte ingurukoa, feltrozko kapela buruan, kordoi bat duena xingola ordez.  Xabier Olarra   «Estilo-Ariketak» - Raymond Queneau, 2005 - 21. orr.

Komandante-uniformea eta kordoi urre-koloreak zeramatzan, jeneralen laguntzaileen modukoak. Erdibiluzia esan dut; izan ere gerrian kordoizko faja gorria zeraman, puntilla beltzekoa.  Koro Navarro   «Zalakain abenturazalea» - Pio Baroja, 2006 - 212. orr.

San Frantziskoren ondoan jarri zen lotarako, eta bere kordoia San Frantziskoren kordoiari lotu zion, hura jaikitzen zenean bera ere konturatzeko.  Askoren artean   «Asisko Frantzizko, Asisko Klara», 2002 - 974. orr.

Kordoia askatua eta Frantzisko jaikia zela ikustean, jaiki bera ere eta San Frantziskoren bila joan zen.  Askoren artean   «Asisko Frantzizko, Asisko Klara», 2002 - 974. orr.

Fraide gazte bat frantziskotar jantzian kordoi eta guzti, bizikleta baten pedalei bizi-bizi eraginez.  Anjel Lertxundi   «Italia, bizitza hizpide», 2004 - 73. orr.

Komentuan bizi garenok badakigu horren berri, ez daukagu alferrik habitua lotzen digun kordoi txurian korapiloetako bat obedientzia gogoratzeko.  Pello Zabala   «Naturaren mintzoa», 2000 - 458. orr.

Tunika latza jantzi bezala eta kordoia gerrian lotzeko.  Askoren artean   «Asisko Frantzizko, Asisko Klara», 2002 - 1152. orr.

O. ez zegoen prestatuta hiru hilabeteko fetu baten kordoia mozteko.  Joseba Urteaga   «Gertakizuna» - Annie Ernaux, 2003 - 67. orr.

Borborka ateratzen zen moztutako kordoitik.  Joseba Urteaga   «Gertakizuna» - Annie Ernaux, 2003 - 67. orr.

Nazionalek osatzen zuten hurrengo kordoi lerroa.  Unai Iturriaga   «Berandu da gelditzeko», 1999 - 63. orr.

Kordoi puska bat aurkitu zitzaion lepoan, [...] ezkerrezko belarriaren azpian geratzen zen korapilo batez lotua.  Koro Navarro   «Kontakizunak» - Edgar Allan Poe, 2000 - 136. orr.

· Kanpoan polizia kordoi bat dago.  Pablo Sastre   «Eguzkipekoak», 2003 - 134. orr.