Egungo Euskararen Hiztegia (EEH)
karnabalkarnaba iz txolarrearen familiako txori kantaria, moko-motza, buruan gorriune bat duena, eta luma ikusgarriak, beltzak eta horiak dituena (Carduelis carduelis edo Acanthis carduelis). ik kardantxilo.
Haltz adaxkan, karnaba bat kantan. Iñaki Arranz «Hitza azti», 2006 - 207. orr.
Komentuaren aldean aditu zuen karnaba edo beste txoriren baten kanta txit gozoa. Anjel Lertxundi «Konpainia noblean», 2004 - 61. orr.
Begiak itxi eta, oraindik ere, ikusi egiten ditut habia haiek: karnabaren goroldiozkoa, kaskabeltzaren borobil-borobila, mikaren handi eta baldarra. Bernardo Atxaga «Soinujolearen semea», 2003 - 92. orr.
Txominek ehizatuak zituen ordurako hiru txori: txolarre bat, kaskabeltxa eta karnaba. Joan Mari Irigoien «Oilarraren promesa», 2003 - 102. orr.
Ekartzen zizkiguten karnaba eta txirriskila guztiak erosten genizkien bertako umeei. Koldo Izagirre «Idi orgaren karranka» - Victor Hugo, 2002 - 49. orr.
