Bilaketa aurreratua

Ogi apurrak

Egungo Euskararen Hiztegia (EEH)

kantoi1 (orobat kantoin g.er. eta kanton g.er.) 1 iz izkina.

Rutland Square kantoira heldu zenean.  Irene Aldasoro   «Dublindarrak» - James Joyce, 1999 - 82. orr.

Canal Street-eko kantoian gelditu zen, horiz margotuta zegoen drogeria baten aurrean.  Lopez de Arana   «Manhattan Transfer» - John Dos Passos, 1999 - 29. orr.

Ely Placeko kantoira helduak ziren.  Irene Aldasoro   «Dublindarrak» - James Joyce, 1999 - 88. orr.

Kaleko atera heldu eta, handik, kantoi aldera egin zuen, ezkutuka, espaloiaren barruko aldetik.  Irene Aldasoro   «Dublindarrak» - James Joyce, 1999 - 128. orr.

Zazpigarren Etorbideko kantoian taxi bat aurkitu zuen.  Lopez de Arana   «Manhattan Transfer» - John Dos Passos, 1999 - 360. orr.

Laurogeita Hamaseigarren Kalearen kantoian.  Lopez de Arana   «Manhattan Transfer» - John Dos Passos, 1999 - 212. orr.

Bosgarren Etorbidearen eta Carroll Street kalearen arteko kantoian dagoen erretegian.  Oskar Arana   «Brooklyngo erokeriak» - Paul Auster, 2006 - 141. orr.

Bankua kantoi batean dago, eta alde banatan kristal bat dauka.  Xabier Olarra   «Iruzurgilea» - James Cain, 2002 - 100. orr.

Harresietan berrehun metroko zuloa eginarazi zuen, Efraimen atetik kantoiko ateraino.  Elizen arteko biblia   2 Erg 14,13

Tramankuluak eginarazi zituen Jerusalemen, dorre eta kantoietan ezarriz, gezi eta harri handiak jaurtikitzeko.  Elizen arteko biblia   2 Kro 26,15

Indiar bat kantoiko supermerkatua irekitzen ikusi nuen.  Ramon Saizarbitoria   «Gorde nazazu lurpean», 2000 - 172. orr.

Kantoiko kale-argiaren azpian gelditu ziren.  Koro Navarro   «Zertaz ari garen maitasunaz ari garenean» - Raymond Carver, 2003 - 80. orr.

Gure kaleko etxe-ilaren kantoira iritsi nintzen.  Anjel Lertxundi   «Ihes betea», 2006 - 125. orr.

Zubiaren puntako kantoian, gizon lodikot bat ikusi nuen.  Itxaro Borda   «Entre les loups cruels», 2001 - 25. orr.

· Han baitzeukaten, Misericordia kalearekin kantoi eginez, izebagandik jasotako okindegia.  Josu Zabaleta   «Jakintzaren arbola» - Pio Baroja, 2006 - 8. orr.

Abenidarekin egiten duen kantoian ia, letoizko plaka ikusi zuen.  Ramon Saizarbitoria   «Gorde nazazu lurpean», 2000 - 29. orr.

Kantoiari buelta eman zion.  Koro Navarro   «Artistakume baten erretratua» - Dylan Thomas, 1999 - 208. orr.

Edozein kantoitan biratu eta berarekin aurrez aurre topo egiteko beldurra.  Ramon Saizarbitoria   «Gorde nazazu lurpean», 2000 - 360. orr.

Lau kantoiko txanpon bat bilatu izan bagenu baino pozago.  Anjel Lertxundi   «Konpainia noblean», 2004 - 206. orr.

2 ertza, bazterra.

Historian zehar, euskaldunek bere izena barreiatu dute munduko kantoi guztietan.  Pello Salaburu   «XX. mendearen argi-itzalak», 2001 - 192. orr.

Europako kantoin guzietarik eta berdin Amerikatik.  Angel Aintziburu / Jean Baptiste Etxarren   «Luzaiden gaindi», 2002 - 114. orr.

Zeremoniara Eskual Herriko sei kantoietarik jende saldo handia bildu zen.  Itxaro Borda   «%100 basque», 2001 - 98. orr.

Oihartzunak basoaren lau kantoietara zabaldu du eztanda ikaragarria.  Itziar Otegi   «Axenario» - Jules Renard, 2006 - 139. orr.

Gelako kantoi batean zegoela bere artzain-zakutoa.  Xabier Aranburu   «Alkimista» - Paulo Coelho, 2001 - 91. orr.

Armiarma-sareak zokoetan, leiho-kantoietan.  Pako Aristi   «Gauza txikien liburua», 2004 - 59. orr.

Orgaren lau kantoietatik lau euskarri ateratzen ziren, orgari itsatsirik.  Elizen arteko biblia   1 Erg 7,34

Zurez eginak zirelakotz etxeak gehienik, teilatuak segurik oholez, lau kantonetako zur ttipi batzuz, teila gisa.  Angel Aintziburu / Jean Baptiste Etxarren   «Luzaiden gaindi», 2002 - 83. orr.

Plataformetako lau kantoiak eta inguruko zintarri guztia.  Elizen arteko biblia   Ez 43,20

Oholtzako lau kantoietan, arkabuzero bana, zuri-urdinez jantzirik.  Txillardegi   «Putzu», 1999 - 364. orr.

Harriak behealdeko kantoi batean dituen bi heldulekuetan hatzak sartu, izterretara goratu, [...]. herria¬

Kanpotik sartzen zen haize arinak hilkutxaren gaineko ikurrinaren kantoiak altxatzen zituela, samurkiro.  Itxaro Borda   «Hiruko», 2003 - 63. orr.

Akordatu ahala memoriaren kantoiak gogor erasaten dituzte kuneteroen kontuek.  Jokin Urain   «Errotarria», 2006 - 21. orr.

3 (hitz elkartuetan bigarren osagai gisa)

Anitz kardinale beren karrozekin beha zeuden etxe-kantoietan, gizon handi eta sainduaren itxura ikusteko.  Piarres Xarriton   «Enkiridion» - Martin Azpilkueta, 2006 - 11. orr.

Eta plaza-kantoi batetik desagertu zen.  Xabier Aranburu   «Alkimista» - Paulo Coelho, 2001 - 46. orr.

Platera mahai kantoian pausatua zeukan.  Itxaro Borda   «Zeruetako erresuma», 2005 - 79. orr.

Lo-gelako ohe kantoiko mahaitxoan Man-en marrazkiak metatzen zihoazkion.  Itxaro Borda   «Zeruetako erresuma», 2005 - 147. orr.

Kaperako sukaldeko sabai-kantoiko habe zabalaren gainean.  Joan Mari Irigoien   «Lur bat haratago», 2000 - 629. orr.

Zeru kantoian, ni bezala gauaren aztaparretarik salbatua, ilargia zegoen zohargi,  Itxaro Borda   «%100 basque», 2001 - 144. orr.

4 kalezuloa.

Kantoi estuak eta zazpi kale.  Sonia Gonzalez   «Ugerra eta kedarra», 2003 - 138. orr.

Kantoi estu eta lokaztu bateko bebarru batean.  Iban Zaldua   «Gezurrak, gezurrak, gezurrak», 2001 - 138. orr.

Haren poltsa zaharrak sakabanatuta zeuden kantoiko espaloian.  Paddy Rekalde   «Ragga-ragga dator gaua», 2006 - 34. orr.

Neskatila talde batek kantoia zeharkatu du.  Sonia Gonzalez   «Ugerra eta kedarra», 2003 - 171. orr.

Eta horien gisako kale, plaza, kantoi eta estratak.  Iñaki Segurola   «Gaur ere ez du hiltzeko eguraldirik egingo», 2005 - 220. orr.

5 kale kantoi (orobat kalekantoi g.er.)

Bi ertzain ikusi nituen elizatik hurbil, kale-kantoi batean.  Anjel Lertxundi   «Zorion perfektua», 2002 - 173. orr.

Hurrengo kale-kantoian ezkerrera hartu eta bizi zen kalean sartuko zen.  Migel Angel Mintegi   «Denak du bere prezioa», 2002 - 182. orr.

Eskaileran estropezu egin eta kale kantoian desagertu da.  Xabier Paya   «Desio izeneko tranbia» - Tennessee Williams, 2006 - 229. orr.

Suhiltzaileen kamioi bat kale-kantoira iritsi eta orroka desbideratu zen, gorri eta dirdaitsu, kea zeriola.  Lopez de Arana   «Manhattan Transfer» - John Dos Passos, 1999 - 110. orr.

Kale-kantoira iritsirik, okina ikusten dut, hiru otar, ogiz lepo beterik, furgonetatik ateratzen.  Anjel Lertxundi   «Zorion perfektua», 2002 - 96. orr.

Artean eguerdia izanagatik, puta dezente zegoen atari eta kale-kantoietan.  Anjel Lertxundi   «Ihes betea», 2006 - 207. orr.

Berokia jantzi eta kale kantoiko drogeriara joan zen.  Josu Zabaleta   «Anne Franken egunkaria» - Anne Frank, 2004 - 146. orr.

Bostongo kaia seinalatzen zuten kale-kantoiko geziek.  Anjel Lertxundi   «Azkenaz beste», 2005 - 79. orr.

6 kantoi harri

Etxegileek bazterturiko harria kantoi-harri bihurtu da.  Elizen arteko biblia   1 P 2,7

 

Nodoa: liferay1.lgp.ehu.eus