Egungo Euskararen Hiztegia (EEH)

Armadura denen aurrean kendu eta lantza kamustu du harri baten kontra jota.  Martin Anso   «Elezaharren bidetik», 2004 - 37. orr.

Geure eskuetan dago justiziaren ezpata, baina kamustu egin behar diogu ahoa, zorroztu beharrean.  Juan Martin Elexpuru   «Delituez eta zigorrez» - Cesare Beccaria, 1999 - 116. orr.

Baina zezenak adarrak kamustuak zituen ordurako.  Fernando Morillo   «Ortzadarra sutan», 2003 - 176. orr.

Urrunean hiri bateko dorre karratuak hautematen ditugunean, maiz gertatzen da biribil ikusten ditugula, urrunetik angelua kamustu egiten baita.  Xabier Amuriza   «Gauzen izaeraz» - Lukrezio, 2001 - 253. orr.

Kamustu egiten dira lehen oinazeen ertz biziak.  Joxan Elosegi   «Nola hustu nuen gurasoen etxea» - Lyidia Flem, 2005 - 94. orr.

Hots hauxe ere, ostera, etxe baten hormak zeharkatzean, kamustu egiten da eta nahasian belarirratzen.  Xabier Amuriza   «Gauzen izaeraz» - Lukrezio, 2001 - 267. orr.

Ez gosea kamusteko adina.  Aingeru Epaltza   «Mailuaren odola», 2006 - 224. orr.

Sena kamustua eta sumatzeko ahalmena ere erkindua zuen.  Patxi Zubizarreta   «Mirarien kalezuloa» - Nagib Mahfuz, 2006 - 127. orr.

Inportanteena maitatzeko dugun ahalmena kamusten ez uztea da.  Patxi Zubizarreta   «Jeans-ak hozkailuan», 2000 - 149. orr.

Asmamen-txinpart oro oztopatzeko, moteltzeko eta kamusteko duten gaitasuna.  Juan Garzia   «Sistema periodikoa» - Primo Levi, 1998 - 208. orr.

Barre egin zuen, hatzak miazkatuz, baina poza kamustu zitzaion apur bat, gozoagoa izango zela uste baitzuen.  Karlos Zabala   «Parisen sabela» - Emile Zola, 2004 - 264. orr.

Euskal Herrian hainbat kontzeptu kamustuta geratu zaizkigu.  Berria - Euskal Herria   2004-05-15

Kamusten ari ote zen nire oldarkortasun sano hura?  Joxan Elosegi   «Nola hustu nuen gurasoen etxea» - Lyidia Flem, 2005 - 78. orr.

Bakarka, aldiz, zorrozkeriak kamusten laguntzen zion alkoholak.  Mirentxu Larrañaga   «Hona hemen gu biok» - Dorothy Parker, 2006 - 156. orr.

Hitzek dezaketena, hitzen zorrotza, kamusten baita ideien zapalak, erraztasun eta segurantzia arinak azpian harrapatzen dituelarik.  Iñaki Segurola   «Gaur ere ez du hiltzeko eguraldirik egingo», 2005 - 53. orr.

Burdinaren aho kamustua zorrozten ez bada, ahalegin handiagoa egin beharko da.  Xabier Kintana   «Alderraien gidaria» - Mose ben Maimon, 2006 - 90. orr.

Agure zahar kamustuak edo berdin gazte txoro argituegiak.  Iñaki Segurola   «Gaur ere ez du hiltzeko eguraldirik egingo», 2005 - 70. orr.

Nobela horren atzean adimen kamustu bat ezkutatzen dela.  Joxean Agirre   «Romain zen bere izena», 2003 - 29. orr.

Agerraldi hau ez duk hire asmo ia kamustu hori zorrozteko baino.  Juan Garzia   «Hamlet» - William Shakesperare, 2002 - 152. orr.