Egungo Euskararen Hiztegia (EEH)

Orduan bururatu zitzaion, hozki begiratuta oso ideia krudela eta arriskutsua zen hura.  Harkaitz Cano   «Pasaia blues», 1999 - 167. orr.

Bere buruaz segur zen gizona zen, erabakiak hozki hartzen zituena, hunkipenek desbideratu gabe.  Elena Touyarou   «Hautsi da katea» - Toti Mtz. de Lecea, 2004 - 160. orr.

Inoiz ez ditugu gauzak hain argi eta hain hozki ikusten nola bizitzak amildegi ilun baten ertzeraino eramaten gaituenean.  Matías Múgica   «Hiltzaile baten aitormena» - Joseph Roth, 2004 - 103. orr.

Neronentzat ere harrigarria zen zein hozki jokatzen ari nintzen hogeita bortz urtetako adiskidearekin.  Aingeru Epaltza   «Rock'n'roll», 2000 - 331. orr.

Orain, Ximurrarekin nola jokatu genuen hozki aztertuta, ez nago seguru gure koartada ideologikoen azpian bekaiztoa baino aise ere gehiago ote zen.  Aingeru Epaltza   «Rock'n'roll», 2000 - 242. orr.

Gérard-ek berak aski hozki agurtu du, Euskal Herrira bortxaz heldu balitz bezala.  Eneko Bidegain   «Anbroxio», 2002 - 93. orr.

Hamar minuturen buruko hurbildu zitzaidan eta autoko atea irekiz galdetu zidan, franko hozki, ez nintzenetz ados etxea sal zezan.  Daniel Landart   «Anaiaren azken hitza», 1999 - 184. orr.