Egungo Euskararen Hiztegia (EEH)

Egia da gurea fabrika bat dela eta ez duela ohiko ezkaratz batek bezala zenbakia jarrita.  Harkaitz Cano   «Piano gainean gosaltzen», 2000 - 108. orr.

Zuhurra izan naun, eta ezkaratz batean atera dinat dirua patrikatik, bizartegira sartu baino lehen.  Anton Garikano   «Bederatzietatik bederatzietara» - Leo Perutz, 2003 - 106. orr.

Ustezko erasoa Gasteizko Tomas Zumarraga Dohatsuaren kaleko ezkaratz batean gertatu zen, eta lekukoek eman zioten abisua Ertzaintzari.  Berria - Euskal Herria   2004-12-28

Ezkaratze batetik, kapusaia zeukan emakume bat keinuka ari zitzaion.  Lopez de Arana   «Manhattan Transfer» - John Dos Passos, 1999 - 538. orr.

Portu-hiri guztietan bezala, Triesten ez zen ostaturik eta apopilo-etxerik falta, leiho eta ezkaratz askotan ikusten ziren eskuz idatzitako iragarki txikiak, batzuk alemanez eta ingelesez, oheak eskaintzen.  Anjel Lertxundi   «Ihes betea», 2006 - 225. orr.

Bazen, bada, landetxe handi hartako beheko solairuan ezkaratz bat sekulako zabala iruditzen zitzaidana.  Josu Zabaleta   «Gerrako pilotu» - Antoine Saint-Exupéry, 2003 - 84. orr.

Aurretik beste emakume batekin saiatu zen: etxeko ezkaratzean bere atzetik sartu zen; besotik heldu, aurpegian jo eta galtzak jaisten saiatu zen.  Berria - Euskal Herria   2004-12-23

Gure herriko ohitura malapartatua da, inor hiltzen denean, zenduaren argazkia eta datuak hil-ohar batean bildu eta jartzekoa herriko ezkaratze guztietan.  Karlos Linazasoro   «Ez balego beste mundurik», 2000 - 88. orr.

Hotelaren ezkaratzean zuhurtasunez behatzen zizuten gizonezkoak eta emakumezkoak.  Oskar Arana   «Brooklyngo erokeriak» - Paul Auster, 2006 - 121. orr.

Hotel Suisse-ren hallean (barka: ezkaratzean), belus, erditzal eta errezelazko oasi anakroniko hartan, zain neukan Martini doktore zelakoa.  Juan Garzia   «Sistema periodikoa» - Primo Levi, 1998 - 148. orr.

Ritz-eko ezkaratzean eskegita egoten zen argi-armiarma itzela.  Oskar Arana   «Brooklyngo erokeriak» - Paul Auster, 2006 - 118. orr.

Etxe-orratzaren ezkaratzean, asiar, europar ala ipar-amerikar jaunttoak agertzen ziren: maleta beltza, soineko dotorea, 'pastel' kolorezko ttattarra, betaurrekoen gibelean begirada seriosak, arranguratuak asmatzen ziren.  Ramuntxo Etxeberri   «Skyroom», 2004 - 209. orr.

Ezkaratzean, igogailua etorrarazteko botoia zanpatu nuen.  Aingeru Epaltza   «Rock'n'roll», 2000 - 284. orr.

Kalera irten orduko, ezkaratzean, batera eta bestera begiratu zuen, kanpora buru erdia bakarrik ateraz.  Unai Iturriaga   «Berandu da gelditzeko», 1999 - 238. orr.

Gela bateko atea zabaldu zen, eta bi osaba, sekulako beldur-ikara eragiten zidatenak, ate haren atzean zaratak eta argiak itxirik, ezkaratzean hara-hona ibiltzen hasi ziren.  Josu Zabaleta   «Gerrako pilotu» - Antoine Saint-Exupéry, 2003 - 85. orr.

Botak ezkaratzean kenduta igo zen bigarreneraino, zura ez zikintzeagatik.  Koldo Izagirre   «Sua nahi, Mr. Churchil?», 2005 - 248. orr.

Irisarrik, salan izekirik zeuden argimutiletako bat harturik ezkaratzera jaitsirik, atea ireki eta lau bisitarirekin topo egin zuen, lauak kapa jantzirik.  Felipe Juaristi   «Airezko emakumeak», 2003 - 113. orr.

Itxoin zuen pausorik aditzen ez zen arte, eta, ateratzekotan zela, atso bat jaitsi zen ezkaratzera eta atea giltzaz eta morroiloz itxi zuen.  Koro Navarro   «Zalakain abenturazalea» - Pio Baroja, 2006 - 173. orr.

Telefonicako liburukotea hartu eta Nafarroa etorbideko 20. ezkaratzeko bosgarren pisuko helbideari zegokion izena begiratzea erabaki zuen.  Harkaitz Cano   «Pasaia blues», 1999 - 190. orr.

Sukaldeko berotik ezkaratzeko hotzera.  Itxaro Borda   «Zeruetako erresuma», 2005 - 11. orr.

Ezkaratzeko leihoko berina puskatu zuen eta gorputza zimardikatuz, handik karrikara herrestatu zen.  Itxaro Borda   «Hiruko», 2003 - 56. orr.

Ezkaratzeko ate astuna.  Itxaro Borda   «Zeruetako erresuma», 2005 - 182. orr.

Begiradarekin segitu zion Mathildek, harik eta ezkaratzeko ilunpeak senarra guztiz irentsi zuen arte.  Anjel Lertxundi   «Azkenaz beste», 2005 - 198. orr.

Pareko ezkaratzeko emakumearen bila joatea erabaki zuen.  Harkaitz Cano   «Pasaia blues», 1999 - 178. orr.

Krima konplitu zen hilabeteetan odola usnatzen zuen, ezkaratzaren garbitzeko plantatzen zenean, jariakor, mingar eta karats.  Itxaro Borda   «Zeruetako erresuma», 2005 - 181. orr.

Ezkaratzetik pasatuz sukaldera nindoala, gure etxera zetorren auto baten burrunba entzun nuen.  Daniel Landart   «Anaiaren azken hitza», 1999 - 35. orr.

Etxe horretako ezkaratz gaineko gela zabalean ematen zuten meza.  Xipri Arbelbide   «Janpierre Arbelbide», 2005 - 12. orr.

Isiltasun hura oinazearen bertze aurpegi bat zen, hurrengo torturaren ataria, infernuko ezkaratza.  Joan Mari Irigoien   «Lur bat haratago», 2000 - 425. orr.

Estación de autobuses delakoaren ezkaratze alimalean sartu naiz, ea zer garraio mota, eta noiz, aurkituko dudan.  Piarres Aintziart   «Santiago oinez», 2000 - 236. orr.

Etxe barruan, lan tresnak gordetzeko erabiltzen zen ezkaratz zabal batean, Carlos ikusi nuen artista itxura zeukan ile zuriko kide batekin hizketan.  Bernardo Atxaga   «Soinujolearen semea», 2003 - 418. orr.

Ezkaratz zabal bat igaro nuen ondoren, eskailera igo nuen, eta nire adiskideak esandako atea ezagutu nuen.  Josu Zabaleta   «Fantasiazko ipuinak» - Guy de Maupassant, 2000 - 167. orr.

Marmol pitzatuzko ezkaratz zabala zeharkatu eta, kaiola itxurako igogailua alde batera utzita, eskaileretatik igo nintzen laugarren solairuraino.  Alberto Ladron Arana   «Eguzki beltzaren sekretua», 2004 - 92. orr.

Arnasa hartu, errebolberra ferekatu (nahiago zukeen benetakoa balitz!), eta zeharkatu zuen ezkaratz dotorea.  Migel Angel Mintegi   «Denak du bere prezioa», 2002 - 264. orr.

Igogailurik gabeko ezkaratz ilun horietako bat zen.  Harkaitz Cano   «Pasaia blues», 1999 - 187. orr.

Ezkaratz ilunean hara eta hona urrats handika bazebilen.  Itxaro Borda   «Zeruetako erresuma», 2005 - 172. orr.

Lucy tupustean aurkitu zen ezkaratz irteeran tapoi bat osatzen zuten dozena bat pertsonarekin.  Joxemari Iturralde   «Euliak ez dira argazkietan azaltzen», 2000 - 204. orr.

· Urrats-hots bizkor, kementsu eta ziurra aditu zen etxe-ezkaratzean; hurrengo, giltza-bira bat sarrailan.  Mirentxu Larrañaga   «Hona hemen gu biok» - Dorothy Parker, 2006 - 245. orr.

Urratsez urrats egin zuen eguzkiak zipriztinduriko espaloi-bidea, buruarekin han-hemenka gur eginez nola etxe-ezkaratzetan puntu egiten ari ziren auzotarrei hala ostargi-belarren lorategietan makurtuta artatsu zihardutenei ere.  Mirentxu Larrañaga   «Hona hemen gu biok» - Dorothy Parker, 2006 - 230. orr.

Etxean dena ezkaratzean egiten zen, txaparen epelean; txapa zahar eta beltza baina garbia beti, amak gauero hondarrarekin eta ozpinarekin garbitzen zuena.  Ana Urkiza   «Zortzi unibertso, zortzi idazle», 2006 - 388. orr.

Gela bakarreko apartamentu goibel bat zen, eta bainugelan metalezko dutxa bat, adreiluzko horma batera ematen zuten bi leiho, eta ezkaratz ezin nanoago bat edarien hozkailu batez eta bi erregailuko gas-sukalde batez hornitua, besterik ez zeukan.  Oskar Arana   «Brooklyngo erokeriak» - Paul Auster, 2006 - 34. orr.

Ezkaratzean jadanik afaririk inondik ere ez dela ageri egiaztatu du, ez mahai gainean, ez hozkailuan, ez mikrouhinean.  Sonia Gonzalez   «Ugerra eta kedarra», 2003 - 190. orr.

Etxeko gizona nintzenez gero, ezkaratzeko armairutik hirulau gaileta ostu eta salako mahaian eseri nintzen, gailetak jaten.  Joseba Sarrionandia   «Kolosala izango da», 2003 - 16. orr.

Ezkaratzean janaria prestatzen dudan bakoitzean nire bizimodua normala eta arrunta dela iruditzen zait.  Sonia Gonzalez   «Ugerra eta kedarra», 2003 - 197. orr.