Egungo Euskararen Hiztegia (EEH)

Imajina enfokatzen, argia neurtzen eta itsatsitako hatzak soltatzen emandako denbora dela eta, haizeak eta hotzak ikaragarrizko mina emango dizute azazkaletan.  Joseba Sarrionandia   «Lagun izoztua», 2001 - 262. orr.

Begiak itxi-irekiz, bista enfokatu nahian, bat-batean bakarrik ez zeudela ohartu izan balitz bezala.  Fernando Rey   «Hobe nuen etxean gelditu» - Horace McCoy, 2002 - 111. orr.

Kirurgialaria hantxe bere aurrean, artean bendak eskuan, eta, Virgilek, hura ikusten ez bazuen ere, ematen zuen finko begiratzen ziola, zurturik, enfokatu gabe.  Xabier Olarra   «Antropologo bat Marten» - Oliver Sacks, 2003 - 124. orr.

Itsasadarraz bestaldeko balkoietara enfokatu ditu begiak, eta lehengo emakume beltzarana ikusi du.  Paddy Rekalde   «Ragga-ragga dator gaua», 2006 - 15. orr.

Niregana enfokatu zuen makina.  Bernardo Atxaga   «Soinujolearen semea», 2003 - 35. orr.

Alfonbra gorri baten gainean, kamerek Txinako presidentea enfokatu zuten.  Unai Elorriaga   «SPrako tranbia», 2001 - 136. orr.

Akaso izen bat edo beste esango du aurkezleak, irudiak kendu eta berriz ere enfokatzen dutenean.     «Bizia lo», 2003 - 56. orr.

Kamerak andrea enfokatzean Montoliuren musika entzungo dugu.  Xabier Mendiguren Elizegi   «16 ipuin amodiozko», 2002 - 107. orr.

Edo, beharbada, gaizki enfokatzen dugu kontu hau: guraso bat silueta bat baino ez da, eta seme-alabak dira gurasoek utzitako siluetan eta zuloetan sartzen direnak, ohartuta edo ohartu gabe.  Harkaitz Cano   «Neguko zirkua», 2005 - 27. orr.

Zenbait gaietan, gai-jartzaileak gaia nondik, nola eta nora enfokatzen duen feminitateak leku handiago edo txikiago har dezake.  Berria - Kultura   2004-07-06

Zer eta esparru juridiko-politikoa erabakitzeko! Hau gaizki enfokatuta dago.  Berria - Euskal Herria   2004-01-24