Egungo Euskararen Hiztegia (EEH)

bestalde 1 lok beste alde batetik. (esaldiaren hasieran)

Bestalde, estutasuna itogarria zen. Bernardo Atxaga «Lekuak», 2005 - 216. orr.

Bestalde, apenas ikusten zen gazte jenderik bazterretan. Joxe Austin Arrieta «Homo Faber» - Max Frisch, 2001 - 103. orr.

Bestalde, ia ez zuen lanik egiten. Gotzon Garate «New Yorkeko kronika beltza», 2004 - 114. orr.

Bestalde, gehienetan, behiak zaintzera joan behar nuen, etxe gibeleko pentzera. Menane Oxandabaratz «Ez da musik», 2006 - 13. orr.

Bestalde, baziren bete beharreko bi baldintza sistema martxan jartzeko. Juan Garzia «Sagua, eulia, eta gizakia» - François Jacob, 2004 - 84. orr.

Bestalde, agiri hori dela eta gogorrak esan omen ditu Aleksej idazle errusiarrak. Edorta Jimenez «Europako mugetan barrena», 2000 - 290. orr.

Bestalde, haiek ere ez digute deus ere musutruk eskainiko. Alberto Ladron Arana «Eguzki beltzaren sekretua», 2004 - 34. orr.

Bestalde, mahaikide gehienek harriak ez eta iritziak baino gehiago topikotzarrak botatzen zizkioten elkarri, asmorik petralenarekin. Jon Alonso «Euskal karma», 2001 - 29. orr.

Bestalde, kaleen eta lekuen izenak ere aldatuak daude, baita egunkarietan agertzen diren aurpegiak ere. Javi Cillero «Hollywood eta biok», 1998 - 60. orr.

Bestalde, errana da ere Erromako herriak eman ziola boterea enperadoreari, baina ez haren eskutan utzi eta ñabardura hori ikusi zuen Accursiusen begi erneak. Piarres Xarriton «Enkiridion» - Martin Azpilkueta, 2006 - 144. orr.

Bestalde, herri xumea eta tradizioa erlijioarekin berdintzen dira. Joxe Azurmendi «Espainiaren arimaz», 2006 - 47. orr.

Bestalde, exkax dagoena ez da lana bera, dirua baizik. Joxerra Garzia «Itsasoan euri», 2003 - 130. orr.

Bestalde, okerbidera eraman dezakeen gai bat ezabatu behar denean, ez dago bera konjugazio-erregela baten bidez baliogabetzerik. Xabier Kintana «Alderraien gidaria» - Mose ben Maimon, 2006 - 169. orr.

Bestalde, Donatienek ikasi zuen ikastetxean, jesuitetan, oso ohikoak ziren ikasleen arteko harreman homosexualak. Juan Martin Elexpuru / Bego Montorio «Filosofia apaingelan» - Sade, 2001 - 27. orr.

Bestalde, Ospitaleko Historialari Ofizialaren arabera, leku paradisiako horretara heltzeko ahaleginak dira beste solairuetako borroken iturburu nagusia. Iban Zaldua «Traizioak», 2001 - 19. orr.

Bestalde, nire maistrak bere etxebizitzan gero eta bisita gehiago izaten zituela ikusten nuen, eta etxe hartan biltzen zirela zenbait zelula. Juan Kruz Igerabide «Hauts bihurtu zineten», 2005 - 56. orr.

Bestalde, muskulu ziliarra erlaxatzen denean, tentsio handiagoa transmititzen dute kristalinoari eusten dioten zuntzek. Irene Aldasoro «Giza gorputza lanean» - John Lenihan, 2006 - 97. orr.

Bestalde, banekien zernahiko papereriak bete behar zirela eta beraz ibiliko ginela eskuin eta ezker, bulego horietan. Daniel Landart «Anaiaren azken hitza», 1999 - 28. orr.

Bestalde, bazegoen Luzaiden komentu bat, denbora haietako ez nola nahikoa. Angel Aintziburu / Jean Baptiste Etxarren «Luzaiden gaindi», 2002 - 61. orr.

Bestalde, ez neukan ikastetxera itzultzeko gogorik, eta uda bukatzean osaba Juanen zaldiak zaintzen hasiko nintzen Lubisekin batera. Bernardo Atxaga «Soinujolearen semea», 2003 - 67. orr.

Bestalde, ez nuen nigana interesaturik egon zitekeela pentsatzeko arrazoi taxuzkorik ere. Ramon Saizarbitoria «Gorde nazazu lurpean», 2000 - 95. orr.

Bestalde, oraindik ez al dakizu zer esan nahi duen punching-ball horrek? Koldo Biguri «On Camillo» - Giovanni Guareschi, 2001 - 165. orr.

2 (esaldiaren barnean)

Neska, bestalde, ez belorik ez berokirik, soineko eder batez jantzirik zegoen. Patxi Zubizarreta «Mirarien kalezuloa» - Nagib Mahfuz, 2006 - 266. orr.

Giroa, bestalde, gaiztotu egin zen oso. Nadiak, bestalde, ez zion azalpenik eskatu. Joxerra Garzia «Kurrin-kurrun vitae», 2004 - 148. orr.

Gombrichek, bestalde, beste gauza bat ere azpimarratzen du: [...]. Josu Zabaleta «Irudia» - Jacques Aumont, 2004 - 79. orr.

Fubukik, bestalde, irririk ez zuen egin. Joxan Elosegi «Durduzaz eta dardaraz» - Amélie Nothomb, 2003 - 57. orr.

Avigdorrena, bestalde, gero eta okerrago zihoan. Koro Navarro «Zortzi kontakizun» - Isaac B. Singer, 2002 - 207. orr.

Don Estebe eta don Kosme, bestalde, noiznahi biltzen ziren don Anxelmo defuntuarekin. Joan Mari Irigoien «Oilarraren promesa», 2003 - 51. orr.

Normala bestalde, haiek amerikarrak dira eta. Harkaitz Cano «Piano gainean gosaltzen», 2000 - 29. orr.

Faltsukeria, bestalde, arrakasta lortzeko modu segurua da ia beti. Juan Martin Elexpuru / Bego Montorio «Filosofia apaingelan» - Sade, 2001 - 143. orr.

Badira, bestalde, zakurrak etxean hazi eta saldu egiten dituztenak. Gotzon Garate «Zakurra, zeure laguna», 2002 - 115. orr.

Ez esan, bestalde, ez nauzula ezagutzen, ez dudala inolako arrazoirik zu garbitzeko. Javi Cillero «Hollywood eta biok», 1998 - 11. orr.

Tradizioa da, bestalde, idazle batek aurki dezakeen askatasun-eremurik bikainena: ereduak imita ditzake; iragana deitora dezake; kaosaren anabasan eskuak sarturik, sortu egin dezake. Anjel Lertxundi «Mentura dugun artean», 2001 - 37. orr.

Ezkondua zen, bestalde, ez dakit zenbatgarren aldiz. Joxe Austin Arrieta «Homo Faber» - Max Frisch, 2001 - 42. orr.

Eguraldi gris, euritsu eta hezeak, bestalde, ez zituen gauzak hobetzen. Daniel Landart «Anaiaren azken hitza», 1999 - 59. orr.

Hor bada bestalde etxe bat, Palazioa izenekoa, zeintan biltzen baitziren Fabrikako buruzagiak. Angel Aintziburu / Jean Baptiste Etxarren «Luzaiden gaindi», 2002 - 65. orr.

Behar da, bestalde, arrautza horretan, material hori guztia antolatzea ahalbidetuko duen "zerbait". Juan Garzia «Sagua, eulia, eta gizakia» - François Jacob, 2004 - 64. orr.

Egia da, bestalde, gure gizarte honetan ez dela ahalegin handirik egiten kontrazepzio metodoen inguruko informazioa zabaltzen. Luis Elberdin «Sexua noiznahi», 2005 - 110. orr.

Olivettitar guztiek zuten, bestalde, tema hura. Fernando Rey «Gure etxeko kontuak» - Natalia Ginzburg, 2004 - 106. orr.

Afari hartan, bestalde, Adelak ezusteko bat eman zigun: barazkijalea omen zela. Juan Kruz Igerabide «Hauts bihurtu zineten», 2005 - 27. orr.

Treneko giroa, bestalde, hobetuz doa. Edorta Jimenez «Europako mugetan barrena», 2000 - 148. orr.

Alde batetik, nahitaezko hitzak ez ziren orain 16, 15 baizik, eta bestalde, sentitzen nuen lasaitasuna eta idazteko gogoa erabat berriak zitzaizkidan. Bernardo Atxaga «Groenlandiako lezioa», 1998 - 101. orr.

Lehenbizikorik, jatorrizkoa ez den bekatu oro aktuala dela edo oraingoa, eta, bestalde, heresia dela erratea bekatu guztiak berdinak eta maila berekoak direla. Piarres Xarriton «Enkiridion» - Martin Azpilkueta, 2006 - 95. orr.

Gerra-egile barbaroentzat, bestalde, gerra berbera ez da zama, aukera bat baizik, ez die estutasuna sortzen, alaitasuna baizik. Iñaki Mendiguren «Historiaren azterketa II» - A.J. Toynbee, 2000 - 151. orr.

Enpresa askok, bestalde, inbertsioak egiten dituzte herrialde horietan, bertako edo inguruko merkatuetan produktu eta zerbitzuak saltzeko. Iñaki Heras «Txanponaren bi aldeak», 2003 - 243. orr.

Hotz handia egiten duenean, neguan sarritxo gertatzen dena bestalde, ubideak izoztu egiten dira. Felipe Juaristi «Airezko emakumeak», 2003 - 23. orr.

Lege zibilarekiko ardurari dagokionez, bestalde, gobernuek beren mendekoen onurarako jokatzen dute beren onerako baino gehiago. Iñaki Mendiguren «Historiaren azterketa II» - A.J. Toynbee, 2000 - 65. orr.

Azpimarratu behar dugu, bestalde, 3. legea, 5. eta 6. legeen ondorioa dela. Isabel Arrigain «Hizkuntzalaritza orokorreko ikastaroa» - Ferdinand de Saussure, 1998 - 125. orr.

Anaiaren bizi sakratua arriskuan izanki eta nik, burua erabat hustua, ez jakin nor behar nuen deitu; bestalde, ez neukan kartarik ez eta diru xeherik. Daniel Landart «Anaiaren azken hitza», 1999 - 16. orr.

Horixe delako zuzentzailea lasaien utziko zuen hipotesia, zeina, bestalde, gauzak diren-direnetan ikusirik, kaskarinkeria baita. Jon Alonso «Lisboako Setioaren Historia» - José Saramago, 2000 - 77. orr.

Nire maistrari "euskaldun urdanga" deitzeko modu bat iruditzen zitzaidan, bestalde, hura guztia. Juan Kruz Igerabide «Hauts bihurtu zineten», 2005 - 87. orr.

Berrogoi urtez elizaz, kantuaz, katiximaz arduratzen da eta bestalde familietan ibiltzen erien artatzen. Michel Oronoz «Oilandoiko ermita», 2001 - 53. orr.

Izan ere, ene helburua hauxe da, egia horiek, erdikusiak izan ondoren, estaltzea, Jainkoaren nahiaren aurka gerta ez daitezen -horri, bestalde, aurka egitea ezinezkoa izanik-, horrek Jainkoa ulertzeko helburua duten egiak gizaki arrunten multzoari ezkutatu baitizkio. Xabier Kintana «Alderraien gidaria» - Mose ben Maimon, 2006 - 30. orr.

"Ttipittoainia", gizon ttipi baten egoitza da, nola baitira bestalde "Mari ttipi", "Mariño", "Mari haurra". Angel Aintziburu / Jean Baptiste Etxarren «Luzaiden gaindi», 2002 - 21. orr.

3 (esaldiaren amaieran)

Itsasoak bezala, bestalde. Bernardo Atxaga «Lekuak», 2005 - 208. orr.

Lehen bezalakoxea, bestalde. Karlos Linazasoro «Glosolaliak», 2004 - 40. orr.

Ongi zihoan dena, bestalde. Baina maite zituen, bestalde. Joxan Elosegi «Ahardikeriak» - Marie Darrieussecq, 2004 - 21. orr.

Ahalik eta bizimodurik normalena eramanez, bestalde. Joan Mari Irigoien «Ipuin batean bezala», 2002 - 233. orr.

Inolako aipamena egiteari ihes egin zioten, bestalde. Karlos Zabala «Parisen sabela» - Emile Zola, 2004 - 163. orr.

Hartarako behar adina indarrekin sentitzen baitzen, bestalde. Joan Mari Irigoien «Ipuin batean bezala», 2002 - 85. orr.

Begirunea espero izateak ere gogotxartzen ninduen, bestalde. Joxe Austin Arrieta «Homo Faber» - Max Frisch, 2001 - 163. orr.

Organoaren gaineko inskripzio batek ematen du data, arkitekturan ere sobera idatzia dagoena bestalde. Koldo Izagirre «Idi orgaren karranka» - Victor Hugo, 2002 - 137. orr.

Alcide Jolivetek egokierarik ez zuen galtzen gazte livoniarrarekiko adeitsu agertzeko, gizalege estuenaren mugetatik inola ere ateratzeke, bestalde. "Bai noski", ahalegin guztiak egingo zituzten; bera etxean hartzeko zoriona zuten guztietan bezala, bestalde. Karlos Zabala «Mikel Strogoff» - Jules Verne, 2002 - 173. orr.

Basakeria hutsa izan da, jakina, kalte handia egin diezadakeen basakeria bestalde. Migel Angel Mintegi «Denak du bere prezioa», 2002 - 232. orr.

Baina orduan ere nork eta nik neuk garbitu, lisatu eta jaso behar haren arropak -dotore baino dotoreago ematen ziotenak, bestalde. Patxi Zubizarreta «Jeans-ak hozkailuan», 2000 - 279. orr.

Esklaboak harrapatzeko gerrek eragindako galerak kontuan harturik, eta europarren trafikoari arabiarrek egina erantsita, afrikar biztanleriarengan eragindako erauztea berrogeita hamar milioi lagun ingurukoa da estimazioen arabera, gehienak lan egiteko adinean bestalde. Koro Navarro «Ekonomiaren globalizazioa» - Jacques Adda, 2004 - 51. orr.

Zentzun-adinera heldu nintzenetik nigan daude burutazio hauek, eta tiranoen despotismo nardagarriak mendeetan eta mendeetan hankapean erabili dituen berberak dira, bestalde. Juan Martin Elexpuru / Bego Montorio «Filosofia apaingelan» - Sade, 2001 - 233. orr.

Azkenean konturatuko da zerbitzu sekretu hori hain infiltratuta dagoela, ezen potentzia etsaiak guztiz kontrolatzen baitu... potentzia etsaiaren zerbitzu sekretuari gertatzen zaion bezalaxe, bestalde. Iban Zaldua «Traizioak», 2001 - 177. orr.

4 (-z atzizkiaren eskuinean, hainbat esanahirekin)

Hormaz bestalde, zotin eta murmurio itoak entzuten dira. Juan Kruz Igerabide «Txoria» - Oh Jung-hi, 2006 - 50. orr.

Roblesenekoek, Luzaideko etxeaz bestalde, bazuten Auritzen etxea, herrian sartzean eskuin, lehenbiziko etxea. Angel Aintziburu / Jean Baptiste Etxarren «Luzaiden gaindi», 2002 - 40. orr.

Berak beti esaten zuen zu zinela itsasoaz bestalde gelditzen zitzaion adiskide bakarra. Bernardo Atxaga «Soinujolearen semea», 2003 - 13. orr.

Basoilar hori ez zela, artatu zuen marexalaren arabera, edozein ihizi bezalakoa, zeren eta bere arrazakoen kantuaz bestalde baitzuen, ba, iduriz, gizonaren mintzoa. Michel Oronoz «Oilandoiko ermita», 2001 - 22. orr.

Ikertu ditugu ere Arigitaz bestalde, Olorizek, Recondok, Garcia Barberenak, Lambertek, Vidalek egin biografiak. Piarres Xarriton «Enkiridion» - Martin Azpilkueta, 2006 - 12. orr.

Oker dabiltzala ere asmatzen dutenak gorpuzdunak direla aingeruak eta okerrago oraino asmatzen dutenak horrelakoak direla Jainkoa bera eta Trinitate Sainduko hiru pertsonak, bigarren pertsonaz bestalde. Piarres Xarriton «Enkiridion» - Martin Azpilkueta, 2006 - 74. orr.

Leihoaz bestalde, ilargia zen ageri. Bernardo Atxaga «Groenlandiako lezioa», 1998 - 63. orr.

Yi jaunaren gelatik zetorren hotsa, gure etxearen parean baitzegoen, atariaz bestalde. Ai Etiopiako ibaiez bestalde dagoen lurraldea, eltxo-burrunbadaz beteriko lurraldea! Juan Kruz Igerabide «Txoria» - Oh Jung-hi, 2006 - 26. orr.

Izadian, ordea, hutsarterik ez denaz geroz (horretaz bestalde aritu gara). Piarres Xarriton «Etika» - Spinoza, 1997 - 65. orr.

Disposizio berberak eduki behar nituzke itsasoz bestalde aurkitzen denarentzat ere, nahiz eta etsaia izan. Joan Mari Lekuona «Mistika liburuak» - Eckhart-Tauler, 1997 - 88. orr.

Izadian, ordea, hutsarterik ez denaz geroz (horretaz bestalde aritu gara). Piarres Xarriton «Etika» - Spinoza, 1997 - 65. orr.

5 (beste joskeretan)

Baigorriarrek diote beste edozein artzain bezalakoa dela Ahartzako lepoko etxolan bizi den artzaina, bere berezitasuna edo bitxikeriak bestalde. Michel Oronoz «Oilandoiko ermita», 2001 - 22. orr.

Denak eraman zituen 1927ko uraste dohakabeak, Ondarrola eta Arnegikoak bestalde. Angel Aintziburu / Jean Baptiste Etxarren «Luzaiden gaindi», 2002 - 89. orr.

6 bestaldean adlag beste aldean.

Lehenago, guardiari xokolet puxka bat edo zigareta bat eman-eta bestaldean nintzen. Marzel Etxehandi «Alemaniara deportatua» - Grégoire Joannateguy, 2003 - 90. orr.

Zerrategiaren inguruan bizi zen, errekaren bestaldean. Bernardo Atxaga «Soinujolearen semea», 2003 - 143. orr.

Gaur goizean akordatu nauk jatetxe dotore bat jarri zuela hor San Frantziskotik gertu, zubiaren bestaldean, Sausaliton. Bernardo Atxaga «Soinujolearen semea», 2003 - 42. orr.

Haren etxeak, errepidearen bestaldean, ez zeukan seinalerik, baina denek zekiten sendatzaile itsua bizi zela han. Juan Kruz Igerabide «Txoria» - Oh Jung-hi, 2006 - 62. orr.

Bizitzaren bestaldean zer ezkutatzen den ezagutzeko gogoa. Joxean Agirre «Romain zen bere izena», 2003 - 198. orr.

Paretaren bestaldean jotako kolpe lehor batek atera zaitu zeure barrutik. Rafa Egiguren «Mentxakaren aitorpena» - Jose Ramon Goikoetxea, 2006 - 113. orr.

Burdinbidearen bestaldean hantxe zegoen geltokia. Juan Garzia «Ipuin hautatuak» - Jorge Luis Borges, 1998 - 108. orr.

Arantxa zen telefonoaren bestaldean, Donostiako mojen ikastetxeko laguna. Joan Mari Irigoien «Ipuin batean bezala», 2002 - 73. orr.

Kamera numerikoaren begiaren bestaldean zegoen Agatak ez zuen argi borobil jazarkoia baizik ikusten. Itxaro Borda «Zeruetako erresuma», 2005 - 298. orr.

Kaleaz bestaldean dagoen lur zati horretan egin dute zuloa. Pablo Sastre «Elurretan hotsak», 2004 - 149. orr.

Beti gorde zuten beren artean elkarrenganako errespetu hau, bai itsasoz bestaldean, bai Italian ere. Askoren artean «Asisko Frantzizko, Asisko Klara», 2002 - 1120. orr.

Mugaz bestaldean bizi nintzen etxekoak dira, Baionakoak. Rafa Egiguren «Mentxakaren aitorpena» - Jose Ramon Goikoetxea, 2006 - 133. orr.

Samindura hori aintzina emendatu da BATASUNA debekatu dutelakotz mugaz bestaldean. Herria 2003-03-27

Paisajeak eta hiriak leihoez bestaldean ilunpean jarraitzen dute; ez da argi bakar bat ere ikusten-. Xabier Olarra «Azken hitzordua» - Sandor Marai, 2003 - 185. orr.

Espantu sortu nahi horretan errepikakorrak egiten dira batzuetan jertsearen azpian gure kontra bihurtzen diren esku eta beso itogarriak; hotelaren paretaz bestaldean aditzen den haurraren negar artegak. Berria - Kultura 2004-02-11

Gogoratzen ditu printzesa ezagunen izenak kaleetan, eta isiltasuna udazkeneko gau hartan, taxiaren motorraren hotsa baino ez, altzoan haurrak lo, kristalaz bestaldean mundu berria. Alberto Barandiaren «Mundu txikia», 2005 - 16. orr.

Barraz bestaldean eta sukaldetik etorrita, gizon gizenkote bat azaldu zen. Aitor Arana «Bost ahizpa», 2005 - 20. orr.

Ospitalean, ateaz bestaldean dauka mutil-laguna, ez jakin zein egoeratan. Urtzi Urrutikoeetxea «Auzoak», 2005 - 76. orr.

Jordanez bestaldean dago leku hori. Jose Antonio Mujika «Agindutako lurraren bila I», 2002 - 137. orr.

Zer dago bestaldean? Ana Urkiza «Zortzi unibertso, zortzi idazle», 2006 - 314. orr.

Jotzen uztea pentsatu nuen, baina mekanikoki jaso eta "esan" aspertu eta akitu bati jarein nion; bestaldean entzuten zen ahotsak harritu egin ninduen, xuxurla baten doinua zuen: "Luisa, maitia, bakarrik al zaude?". Juan Martin Elexpuru «Esku bakarrarekin irakurtzeko kontuak» - Pilar Cristobal, 1999 - 99. orr.

Bidali dizkizunak halako berri bat interesatuko zaizula uste du, baina zuk egunkari txatalari buelta eman eta bestaldean zerbait are interesgarriagoa topatzen duzu. Harkaitz Cano «Piano gainean gosaltzen», 2000 - 24. orr.

Hizkuntzaren txokea uste baino handiagoa izan da eta telefonoak jotzen duen bakoitzean beldurrak jota egoten naiz bestaldean esango didatena ulertuko ez dudalako.Bestaldean: estoldako zulotik, txerrikume bat besapean zuela, ijito bat atera zen. Harkaitz Cano «Piano gainean gosaltzen», 2000 - 23. orr.

7 bestaldeko izlag beste aldeko.

Bestaldeko barbaroekin trukerik ezaren politika eginezina da. Iñaki Mendiguren «Historiaren azterketa II» - A.J. Toynbee, 2000 - 146. orr.

Mugaz hunaindiko hiru, Txomin Ezponda, Amets Arzallus eta Sustrai Kolina, eta bestaldeko hiru, Estitxu Arozena, Andoni Egaña eta Igor Elortza. Herria 2001-02-01

Baldintza psikologikoak, kulturazko baldintzen indargarri: bestaldeko mundu horretan sinesteak, errealitate hori onartzeko prest egoteak berak, indartu egiten du ilusioa. Josu Zabaleta «Irudia» - Jacques Aumont, 2004 - 97. orr.

Etorri da gizon haietako bat eta, bestaldeko leihatilatik, nik ikusi gabe, fusilaren muturrarekin kolpe izugarri bat eman dit saihetsean. Bernardo Atxaga «Soinujolearen semea», 2003 - 461. orr.

Seiak aldera irteten gintunan gu garai hartan, urte sasoi hartan ilundu gabe zegonan artean, eta hara non ikusten dugun italianoa bestaldeko espaloian. Xabier Mendiguren Elizegi «16 ipuin amodiozko», 2002 - 73. orr.

Ispiluz bestaldeko lurraldeetan ibilia izan balitz, jakingo zukeen Humpty-Dumptyren berri. Joxerra Garzia «Egonean doazen geziak», 2000 - 85. orr.

Mugaz bestaldeko barbaroa ez da, ordea, konformatzen alboko zibilizaziotik ikasi dituen taktika nagusiak praktikatze hutsarekin. Iñaki Mendiguren «Historiaren azterketa II» - A.J. Toynbee, 2000 - 147. orr.

Telefonoz bestaldeko ahotsa hasperenka hasi zen. Juan Martin Elexpuru «Esku bakarrarekin irakurtzeko kontuak» - Pilar Cristobal, 1999 - 100. orr.

Frantzisko dohatsua itsasoz bestaldeko lurraldeetatik itzuli zen garaian. Askoren artean «Asisko Frantzizko, Asisko Klara», 2002 - 611. orr.

Ondo kokatuta zeuden beraz Espainiaren itsasoaz bestaldeko merkataritzari etekina ateratzeko. Koro Navarro «Ekonomiaren globalizazioa» - Jacques Adda, 2004 - 28. orr.

Irratian uhin laburreko emisora ingeles bat aurkitu zuen, eta musika klasikoa nagusitu zitzaion leihoaz bestaldeko zaparradari. Josu Landa «Odolbildua», 2002 - 30. orr.

Horrelako estualdiak jasan zituzten Hungarian, Alemanian eta mendiez bestaldeko beste hainbat lurraldetan. Askoren artean «Asisko Frantzizko, Asisko Klara», 2002 - 485. orr.

Gerasatarren lurraldera, Galileaz bestaldeko aintzira-bazterrera, iritsi ziren. Elizen arteko biblia Lk 8,26

Ipar Europako Rhinez bestaldeko oihanetako biztanle barbaroak. Iñaki Mendiguren «Historiaren azterketa II» - A.J. Toynbee, 2000 - 148. orr.

Hilobia sarrera nagusiaz bestaldeko atetik gertu dago. Ramon Saizarbitoria «Gorde nazazu lurpean», 2000 - 266. orr.

Argi haren distiraz ikusten ahal baitzuten, ez bidea bakarrik, baizik eta ibaiaren bestaldeko inguru guztian zegoen gauza ugari ere bai. ez zen inor bizi patioaren bestaldeko etxe barne-hutsean. Askoren artean «Asisko Frantzizko, Asisko Klara», 2002 - 898. orr.

Ispiluaren bestaldeko simetria munduaz jabetzen ari balitz bezala. Harkaitz Cano «Pasaia blues», 1999 - 143. orr.

Lorategiko hesiaren bestaldeko zelaian aitzurrean ari zen gizon bati deitu nion. Koro Navarro «Artistakume baten erretratua» - Dylan Thomas, 1999 - 50. orr.

-Zubiaren bestaldeko taberna batera -esan zuen lagunak. Koro Navarro «Artistakume baten erretratua» - Dylan Thomas, 1999 - 196. orr.

Zer gertatzen da burezurraren bestaldeko muin txiki horretan? Koro Navarro «Zortzi kontakizun» - Isaac B. Singer, 2002 - 87. orr.

Kontrol Lerro-tik bestaldeko lurrak galdu zituzten, eta orain alanbre hesiak haietatik gehiago urrunduko ditu. Berria - Mundua 2004-07-16

Janaria txikitzen du, besoak mahaiaren gainean jarrita, eta gelako bestaldeko zerbaiti erreparatzen dio. Koro Navarro «Zertaz ari garen maitasunaz ari garenean» - Raymond Carver, 2003 - 91. orr.

Hegadun izaki haiek, hegoak zabalik, hamar metro ziren luze. Bataren kanpoaldeko hegoak alde bateko horma ukitzen zuen eta bestearenak bestaldekoa. Elizen arteko biblia 1 Erg 8,7

Gure tesia zeharo bestaldekoa da. Jenaro Garate «Gizakia maitagogoa da», 2001 - 89. orr.

7 bestaldera (orobat bestalderat g,er.) beste aldera.

Haiek bertan utzirik, txalupara igo zen eta bestaldera abiatu. Elizen arteko biblia Mk 8,13

Mirandatik Irunaino (eta bestaldera, jakina) trenen igarotzea segurantziaz burutuko zela bermatzea. Txillardegi «Putzu», 1999 - 88. orr.

-Ezin nabarmenago markatzen ditek horiek ispiluaren bi aldeen arteko muga, ispiluaz hemendikoa eta ispiluaz handikoa, eta ez zigutek uzten bestaldera pasatzen. «Kuskue tanden», 2004 - 49. orr.

Haizea ez daiteke bestaldera itzul? Berria - Harian 2005-11-01

1943 hastean, eta urte guzian, jende anitz jin zaigu, bere baitarik, batzuk galdegitera nola pasa bestaldera, beste batzuk apairu baten edo gau baten loaren eske, bideari segitzeko. Marzel Etxehandi «Alemaniara deportatua» - Grégoire Joannateguy, 2003 - 157. orr.

Ni bestaldera noan, zerotik hastera. Harkaitz Cano «Pasaia blues», 1999 - 213. orr.

-Nahi duzu berriz bestaldera laguntzea, Adela? Juan Kruz Igerabide «Hauts bihurtu zineten», 2005 - 220. orr.

Errukiak eraginda beste norbaiten bitartez haiei limosna egiten bazien ere, aurpegia bestaldera jira eta sudurra tapatzen zuen eskuekin. Askoren artean «Asisko Frantzizko, Asisko Klara», 2002 - 499. orr.

Telefonoz bestaldera dagoen itzultzaile batek egingo ditu bitartekari lanak. Berria - Gaiak 2004-05-21

Jesus aintziraz bestaldera, gadaratarren lurraldera iritsi zenean, bi deabrudun atera zitzaizkion hilobi artetik bidera. Elizen arteko biblia Mt 8,28

Weasley jauna berehala joan zen bideaz bestaldera kutxak garraiatzeko orgatxoaren bila. Iñaki Mendiguren «Harry Potter eta sekretuen ganbera» - J.K. Rowling, 2001 - 60. orr.

Hator, badaezpada, itsasoaz bestaldera gure atzetik, eta ikusiko duk zer den ona. Juan Kruz Igerabide «Artur erregearen heriotza», 2005 - 84. orr.

Txarrantxazko hesiraino iritsi eta biolin joka hasten ziren, doinuak hesiaz bestaldera irits zitezen. Felipe Juaristi «Airezko emakumeak», 2003 - 289. orr.

Etxekoez bestaldera, Larrañaga jaunak langileak ongi hartzen zituen eta soldata onak ordaintzen. Gotzon Garate «New Yorkeko kronika beltza», 2004 - 151. orr.

Anaia, ez dut nahi zu mendiez bestaldera joaterik, prelatu eta bestelako asko baita Erromako kurian zure Ordenaren ona eragotzi nahiko lukeena. Karlos Zabala «Mikel Strogoff» - Jules Verne, 2002 - 121. orr.

Beldur gara ezin izango ote dugun mezu gehiagorik bidali Siberiako mugaz bestaldera. Karlos Zabala «Mikel Strogoff» - Jules Verne, 2002 - 28. orr.

Zuztar batek bizkarraren erdi-erdian harrapatu zuen bizikletan zihoan gizon bat, eta bizikleta sigi-sagan lerratu zen errepidearen bestaldera. Koro Navarro «Artistakume baten erretratua» - Dylan Thomas, 1999 - 96. orr.

Bigarren fase batean leku hori abiapuntu bilakatzen zaie, bildu eta denak batera hirira joateko, hartu katamarana eta itsasadarraren bestaldera. Pako Aristi «Urregilearen orduak», 1998 - 18. orr.

Louk, bista behartuz, gelaren bestaldera begiratu zuen, eta han ikusi zuen mutila, bizkarra leihoaren aldera zuela eserita. Koro Navarro «Artistakume baten erretratua» - Dylan Thomas, 1999 - 218. orr.

Neska, ordea, urduritu egin zen mantu izartsuaren azpian eta iparraldera begiratu zuen, lurralde grisen bestaldera, haize hotza zetorren aldera, zeru garbi eta zurrunera. Agustin Otsoa «Eraztunen Jauna III» - J.R.R. Tolkien, 2004 - 298. orr.

Ganduaz estaliriko kristal handietatik bestaldera luzatu dut begia. Monika Etxebarria «Goragalea» - Jean Paul Sartre, 2003 - 105. orr.

Plazako bestaldera iritsi zen, alderdiaren egoitza zegoen tokira eta han gelditu zen. Koldo Biguri «On Camillo» - Giovanni Guareschi, 2001 - 122. orr.

Edo, beharbada, bestaldera gertatu zen, eta Dryer-ek seduzitu zuen Harry. Oskar Arana «Brooklyngo erokeriak» - Paul Auster, 2006 - 53. orr.

hitz multzoen maiztasunak (gutxienez 7 aldiz agertzen direnak)

bada bestalde (8); badira bestalde (8); baina bestalde (25); bainan bestalde (8); baloia marraz bestalde (21); bat bestalde (9); batzu bestalde (10); behar da bestalde (9)

bestalde bere (8); bestalde ere (49); bestalde eta (15); bestalde ez (19); bestalde gure (9); bestalde hiru (7); bestalde hor (8); bestalde oraino (45)

da bestalde (48); dela bestalde (8); dena bestalde (14); dira bestalde (20); du bestalde (31); dute bestalde (13); ere bestalde (23); eta bestalde (130); frango bestalde (9); hortaz bestalde (7); marraz bestalde (29); zena bestalde (7)