Egungo Euskararen Hiztegia (EEH)

berregokitze

berrehuna

berrehun 1 zenbtz bi bider ehun, 200. (dagokion izenaren ezkerrean)

Abiatu zen David bere gizonekin eta berrehun filistear bota zituen. Elizen arteko biblia 1 Sm 18,27

Isakarren leinuko berrehun buruzagi, beren menpe zituzten ahaide guztiekin. Elizen arteko biblia 1 Kro 12,33

Hamaika herritako berrehun ikasle inguru. Berria - Euskal Herria 2006-03-26

Berrehun atxilotu inguru martxoaren 11ko erasoetatik bi urtera. Berria - Mundua 2006-03-11

Orain arte berrehun hildako kontatu dira, eta ezin konta ahala zauritu. Josu Zabaleta «Anne Franken egunkaria» - Anne Frank, 2004 - 123. orr.

Ez zuen berrehun orritik gorako libururik irakurtzen, ezta ehundik beherakorik ere. Javi Cillero «Hollywood eta biok», 1998 - 28. orr.

Hegazkinean, berrehun eta berrogeita hamar lagun gindoazen. «Ispiluen gainean lotan» - Jordi Sierra i Fabra, 2004 - 117. orr.

Kapitain bat, teniente pare bat, hiruzpalau sarjentu, lau kabo, eta berrehun eta piku soldadu. Txillardegi «Putzu», 1999 - 254. orr.

Haien bihotz gogorrak berrehun makil ukaldiz zafratu zuen Borddel-en bizkar dohakabea. Angel Aintziburu / Jean Baptiste Etxarren «Luzaiden gaindi», 2002 - 54. orr.

Bihotzak minutuko berrehun taupada hartu dizkit istant batean. Patxi Iturritegi «Behi eroak», 2003 - 43. orr.

Kapitain bat, teniente pare bat, hiruzpalau sarjentu, lau kabo, eta berrehun eta piku soldadu. Txillardegi «Putzu», 1999 - 254. orr.

Egunkarian irakurri zuen Gipuzkoako Aurrezki Kutxak egindako berrehun lanpostutarako deialdia. Joan Mari Irigoien «Ipuin batean bezala», 2002 - 188. orr.

Berrehun baino gehiago txorizo puxka baziren eta, bost minutuan denak bukatu zituzten! Pablo Sastre «Elurretan hotsak», 2004 - 74. orr.

Egiptotik, mila eta berrehun gudu-gurdi, hirurogei mila zaldizko eta zenbatezin ahalako libiar, sukiar eta etiopiarrez osoturiko gudari-multzoarekin. Elizen arteko biblia 2 Kro 12,3

Familiaburu hauen ondorengo erroldan hogei mila eta berrehun gudari adoretsu ageri ziren. Elizen arteko biblia 1 Kro 7,9

2 (dagokion izena ezkerretik ezabaturik)

Ez ziren hogei gizon izango, baizik eta ehun, berrehun, hirurehun -Sei koroa? Berrehun behar ditut. Bernardo Atxaga «Soinujolearen semea», 2003 - 334. orr.

Inondik ere berrehun behar dituzu. Matías Mujika «Edale santuaren kondaira» - Joseph Roth, 2001 - 9. orr.

Berrehun eta hamabi ziren, orotara, tenpluko atezain izateko aukeratuak. Elizen arteko biblia 1 Kro 9,22

Berrehun eta berrogeita hamar besterik ez zitzaion geratzen. Matías Mujika «Edale santuaren kondaira» - Joseph Roth, 2001 - 72. orr.

Mahai gainean proben laurehun eta hogeita hamazazpi orriak daude, berrehun eta laurogeita hamahiru zuzendu ditu, falta dena ez da izutzeko modukoa. Jon Alonso «Lisboako Setioaren Historia» - José Saramago, 2000 - 54. orr.

Berrehun inguru badira behar bezala egindakoak, japoniarren antzera, xehetasun guztiekin. Hasier Etxeberria «Mutuaren hitzak», 2005 - 154. orr.

Berrehun eta gehiago daude Hernaniko kanposantuko bi hobi komunetan. Jokin Urain «Errotarria», 2006 - 21. orr.

3 (denbora unitateekin)

Berrehun urte barru, lau besterik ateratzen ez dituenean, meatzariak gastutarako baizik ez du aterako. «Legeen espirituaz II» - Montesquieu, 1999 - 63. orr.

San Petersburgok bere posizioari eutsi zion berrehun urtez. Iñaki Mendiguren «Historiaren azterketa II» - A.J. Toynbee, 2000 - 57. orr.

Industri iraultza Britainia Handian sortu eta berrehun urtera. Iñaki Mendiguren «Historiaren azterketa II» - A.J. Toynbee, 2000 - 311. orr.

Beste berrehun urtetan, kantitate hori 64 bider handiagoa izango da, hots, berriro bikoiztuko da. «Legeen espirituaz II» - Montesquieu, 1999 - 63. orr.

Duela berrehun eta zenbait urte bozkatu lege hori ez da behinere hautsi. Herria 2001-05-03

Badira berrehun urte inguru Indietako meategietan lanean ari direla. «Legeen espirituaz II» - Montesquieu, 1999 - 63. orr.

4 (diru unitateekin)

Berrehun liberako billetea eman zion, poltsatik aterata. Matías Mujika «Edale santuaren kondaira» - Joseph Roth, 2001 - 86. orr.

Berrehun soseko konposizioa agintzen zuen edozein franko hiltzeagatik. «Legeen espirituaz II» - Montesquieu, 1999 - 302. orr.

Zin egiten diat mila eta bostehun errubloan erosi nuela, eta berrehun errubloan utziko diat. Jose Morales «Arima hilak» - Nikolai Gogol, 1998 - 123. orr.

Ez da berrehun pezetatara iristen. Edorta Jimenez «Europako mugetan barrena», 2000 - 264. orr.

-Nire txisteak ehun pezeta balio zituen, baina zure irriak berrehun, eta ehun pezeta zor dizkizut. Joan Mari Irigoien «Ipuin batean bezala», 2002 - 83. orr.

Mila eta berrehun franko hilean, ez da dirutza. Monika Etxebarria «Goragalea» - Jean Paul Sartre, 2003 - 276. orr.

Oraintxe baduzu, bi banku horiekin... hiru mila eta berrehun euroko zorra. Pablo Sastre «Elurretan hotsak», 2004 - 169. orr.

5 (bestelako unitateekin)

Aukeratutako gizona berrehun urratsera bazegoen ez zegoela hura hiltzeko modurik. Jon Alonso «Lisboako Setioaren Historia» - José Saramago, 2000 - 50. orr.

Emazte gixagaixoak nekez igo zituen azken berrehun metroak. Eneko Bidegain «Anbroxio», 2002 - 25. orr.

Hango harresietan berrehun metroko zuloa eginarazi zuen. - 2. orr.

Mikel Strogoffek Moskutik Irkutskera ibili behar zuen bidea bost mila eta berrehun verstakoa zen. Karlos Zabala «Mikel Strogoff» - Jules Verne, 2002 - 63. orr.

Berrehun eta berrogeita hamar kilometro egin behar zituzten Etahra iristeko. J.M. Olaizola "Txiliku" «Bizitza eredugarriak», 2006 - 178. orr.

Berrehun eta berrogei gramo galdu ditut azken aste honetan. Bernardo Atxaga «Soinujolearen semea», 2003 - 235. orr.

Laurehun tona ur har ditzakeen ontzi baten karga, berriz, berrehun tonakoa litzateke. «Legeen espirituaz II» - Montesquieu, 1999 - 34. orr.

Berrehun eta hogeita hamar tonelada zilar garbi tenpluko hormak janzteko. Elizen arteko biblia 1 Kro 29,4

6 berrehun-hirurehun zenbtz

Halako batean -bailara batetik zihoazen, eta ia egun argia zen ordurako-, non ikusten duten berrehun-hirurehun metrora Italiako bandera, eta, haren azpian, guardia bat. Josu Zabaleta «Gauza baten ametsa» - Pier Paolo Pasolini, 1998 - 46. orr.

Haragi edo jateko beste zerbait erosten zuenean berrehun-hirurehun gramo ipintzen zizkiotelako, eta berrogeita hamar bakarrik kobratu. Koldo Biguri «On Camillo» - Giovanni Guareschi, 2001 - 301. orr.

7 berrehun bat (242 agerraldi, 29 liburu eta 83 artikulutan; orobat berrehunen bat 18 agerraldi, 11 liburu eta 3 artikulutan) gutxi gorabehera berrehun.

Ondo koadernatutako berrehun bat orrialde ziren. beste berrehun bat ama gaixo, gutxienez, gure herrietan eta baserrietan, beren seme maitatuen galeraz sofrikario gogorretan kolpaturik. Bernardo Atxaga «Soinujolearen semea», 2003 - 15. orr.

Egizu kontu, irakurle, berrehun bat gizaki zein animalia erretiratuak izango zirela aise, gehiago izan ez baziren. Karlos Linazasoro «Ez balego beste mundurik», 2000 - 188. orr.

Berrehun bat jende bildu dira gutienez horien entzuten eta goxatzen. Herria 2004-11-25

Berrehun bat hontz zeuden han, denak apaletan jarrita, denak kolorezko kodeekin. Iñaki Mendiguren «Harry Potter eta sorgin harria» - J.K. Rowling, 2000 - 130. orr.

Berrehunen bat metro ibili ondoren, bide ertzean gelditu beharra izan zuen. Ramon Saizarbitoria «Gorde nazazu lurpean», 2000 - 47. orr.

Nik nahi nuen tokitik berrehun bat metrora utzi behar izan nuen autoa. Aingeru Epaltza «Rock'n'roll», 2000 - 37. orr.

Uste izatekoa zen Bigarren Mundu-Gerrak oro utzi zuela ebatzita, berrehun bat urterako behintzat. Oskar Arana «Brooklyngo erokeriak» - Paul Auster, 2006 - 116. orr.

Ezker abertzaleko berrehun bat zinegotzi eta alkatek deituriko manifestazioan. Berria - Euskal Herria 2004-01-11

Berrehun bat mintzaira edo gehixago! Herria 2001-02-15

Izango zituen berrehunen bat kilo edo hirurogei arroa, halako zer edo zer. Karlos Linazasoro «Ez balego beste mundurik», 2000 - 97. orr.

8 berrehun mila

Berrehun mila lagun espero dira Aretoan. Berria - Kultura 2004-03-19

Bildu zituen Saulek bere gizonak Telamen eta zenbatu: berrehun mila oinezko eta Judaren leinuko hamar mila gizon. Elizen arteko biblia 1 Sm 15,4

Gutako bakoitzaren bidaia berrehun mila pezeta inguru kostatu omen zaio zergadun espainolari. Bernardo Atxaga «Lekuak», 2005 - 61. orr.

Avarozok, artaldeari jaten emate aldera, soldatak igo zituen eta greban egondako langileei berrehun mila pezetako konpentsazioak eman zizkien. Jon Maia «Riomundo», 2005 - 192. orr.

Baina ehun urteren buruan, milioi bat eta ehun edo berrehun mila bizilagunetara iganez, bere jende kopurua biderkatua zuen Hegoaldeak. Piarres Xarriton «De re publica edo politikaz», 2003 - 120. orr.

Milioi bat eta berrehun mila Euro laborantzarentzat. Herria 2003-10-02

21 urterekin, berrehun milatik gora disko saldu zituen Malin. Berria - Kultura 2004-02-07

Berrogeita hamar mila gamelu, berrehun eta berrogeita hamar mila ardi, bi mila asto eta, gainera, ehun mila pertsona hartu zituzten preso. Elizen arteko biblia 1 Kro 5,21

Don Karlosen armadak hogeita hamar mila gerlari erregular zeuzkan, eta berrehun eta berrogeita hamar mila matxinatu laguntzaile, ordokian, basoan eta mendian zabalduak. Koldo Izagirre «Idi orgaren karranka» - Victor Hugo, 2002 - 99. orr.

-Ez al zituan berrehun mila? Koldo Izagirre «Sua nahi, Mr. Churchil?», 2005 - 126. orr.

9 berrehun milioi

Gaztelua iraganda Arando Aundi barrako bidea ezker utzirik eskuinera jo dute berrehun milioi urteko jakinduria omen daukaten iratzeetan barrena, non itsasoratzeko asmoa ote dute. Koldo Izagirre «Sua nahi, Mr. Churchil?», 2005 - 132. orr.

Zaldizko gudariak berrehun milioi zirela entzun nuen. Elizen arteko biblia Ap 9,16

hitz multzoen maiztasunak (gutxienez 3 aldiz agertzen direnak)

azken berrehun (8); bat eta berrehun (4); berrehun azote (3); berrehun baino gehiago (5)

berrehun bat (122); berrehun bat jende (3); berrehun bat lagun (20); berrehun bat lagunek (6); berrehun bat metro (3); berrehun bat metrora (7); berrehun bat mila (3)

berrehun behar (3); berrehun dolar (4); berrehun edo hirurehun (6)

berrehun eta berrogei (6); berrehun eta berrogeita (38); berrehun eta gehiago (6); berrehun eta hamabi (4); berrehun eta hamar (3); berrehun eta hirurogei (3); berrehun eta hirurogeita (9); berrehun eta hogei (5); berrehun eta hogeita (13); berrehun eta laurogei (4); berrehun eta laurogeita (3); berrehun eta zazpi (3)