Egungo Euskararen Hiztegia (EEH)

berme 1 iz zerbait gertatu edo gauzatuko delako segurantza; segurantza hori gauzatzen duen zera.

Merkantilista gehien-gehienek bazekiten biztanleria ugaria eta langilea, lur emankorra eta klima egokia, manufaktura eta itsas armada aktiboak zirela aberastasunaren benetako sorburua eta bermea. Koro Navarro «Ekonomiaren globalizazioa» - Jacques Adda, 2004 - 36. orr.

Zer sosegua neretzat holako gizon baten indarra eta bermea nere ondoan! Herria 2001-10-25

Forua zitzaidan askatasun horien berme eta baradera ziurra; eta Don Carlos [...] Foruaren defendatzaile bakarra. Txillardegi «Putzu», 1999 - 160. orr.

Polizia eta kartzela dira askatasunaren berme beste askorentzat, kasik gehiengo normalarentzat. Iñaki Segurola «Gaur ere ez du hiltzeko eguraldirik egingo», 2005 - 257. orr.

Herrialde horiei, lehengaien prezio egonkor eta ondo ordaindu baten erreferentzia nazioarteko erosahalmenaren berme gertatzen zitzaien. Koro Navarro «Ekonomiaren globalizazioa» - Jacques Adda, 2004 - 124. orr.

Vitruvio, bere liburuaren bermearekin bakarrik aurkezten dela Zesarren aurrera, ospea horrek bakarrik ekarriko diola esperoz. Santiago Iruretagoiena «Arkitekturaz hamar liburuak» - Vitruvio, 2000 - 190. orr.

Ez negozioetan bakarrik, bizitzako gainontzeko kontuetan ere, ez dago ezeren bermerik. Urtzi Urrutikoetxea «Zoririk ez» - Imre Kertész, 2003 - 27. orr.

Seme alaba ugari izatea zahartzarorako bermetzat hartzen baita. Iñaki Heras «Txanponaren bi aldeak», 2003 - 299. orr.

Hitza emanen? -berme gehiago behar hark. gauza galkor guztiak baino nahiago izan zuen pobretasuna, betiko ondarearen berme dena. Askoren artean «Asisko Frantzizko, Asisko Klara», 2002 - 888. orr.

Tituluak informazioaren berme dira. Iñigo Aranbarri «Hizlandia», 2006 - 197. orr.

Baldintza horiek beteko zituen berme gisa, Holger printzea Karlomanen esku geratu zen, bahituta. Martin Anso «Elezaharren bidetik», 2004 - 91. orr.

Badut oraino berme bat zuri eskaintzeko, susmotan bederen hartuko ez duzuna; zuhaur zara. «Harreman arriskutsuak» - Choderlos de Laclos, 1997 - 167. orr.

Neure ezpata dut hitz horien berme. Juan Kruz Igerabide «Artur erregearen heriotza», 2005 - 60. orr.

Berme eske doaz Madrilera. Berria - Ekonomia 2004-12-10

Estatu berri arrotz baten menpe gelditzen ziren gutiengoen eskubideak begiratzera, eskubide horien berme jarriz Genevako Nazioen Batasuna. Piarres Xarriton «De re publica edo politikaz», 2003 - 78. orr.

Hainbat barrenago zaurtzen naute ordea salaketa horiek eta horien berme darabiltzaten argudioek. Piarres Xarriton «Enkiridion» - Martin Azpilkueta, 2006 - 200. orr.

Zer berme eskain dezakete hemendik aurrera Londresek eta Washingtonek, inoiz eskaini badute? Berria - Mundua 2006-03-19

Anaiaren bizitzak gurutzearen misterioa baitu sostengu eta berme. Askoren artean «Asisko Frantzizko, Asisko Klara», 2002 - 67. orr.

Hola sortu zen, Erromako hitzarmena berme, Seien Europa. Herria 2004-04-15

Puru autentikoak dira, Cohibas fabrikan eta bertako berme guztiekin egindakoak. Jon Alonso «Erretzaileen eremua», 2006 - 63. orr.

Gobernuak azken hilabete hotan agertu xedeak berme, botere gehiagonahi diote utzi eskualdeka eraiki lurraldeeri bai eta departamendueri. Herria 2003-03-06

Hola sortu zen, Erromako hitzarmena berme, Seien Europa. Herria 2004-04-15

Millauko zubiaren eraikitzaileek 120 urteko bermea eman dute. Berria - Gaiak 2004-12-15

Horrelako hutsegite, iruzur, diru-ebasketa edo lapurretaren berri ez ematea aski izango da bermea kantzelatzeko. Xabier Olarra «Iruzurgilea» - James Cain, 2002 - 119. orr.

Hobe dugu inportazioan zentratzea, marka erregistratua, ospetsua eta bermekoa duten sei-zortzi produktutan bereiztea. Bego Montorio «Napomuceno da Silva Araujo jaunaren testamentua» - Germano Almeida, 2003 - 40. orr.

2 (izenondo eta izenlagunekin)

Benetan berme handia zen Amerikaren adiskidetasun garrantzitsua edukitzea. Juan Kruz Igerabide «Nire aitaren fusila» - Hiner Saleem, 2004 - 51. orr.

Amorrortuk badaki berme handiko ordezkoa daukala, eta ez duela ezohiko konponbiderik bilatu beharko Rekarte lesionatzen denean. Berria - Kirola 2004-12-01

Garrantzitsuena, hasieratik oinarri eta berme sendoak egotea da. Berria - Harian 2005-04-02

Berme publiko inplizituak zeudelako bankuen eta enpresa handien jardueraren gainean. Koro Navarro «Ekonomiaren globalizazioa» - Jacques Adda, 2004 - 162. orr.

Kontsumitzaileari informazio ona garaiz eskaintze hutsa ez da beti erabateko bermea. Edorta Agirre «Baietz okerreko bidea aukeratu! », 2006 - 79. orr.

Zalantzan jarri dute, Alonsok esan duenaren kontra, tratu txarrak ekiditeko berme judizialak daudela. Berria - Harian 2005-08-12

Erabakiak berme demokratikoak gehitzen dizkio bozen prozesuari. Berria - Euskal Herria 2004-05-28

Beraiek dira identitate dominatzaileak razional, liberal, moderatu bezala jendaurrean justifikatua agertzeko, hots, arazoa estaltzeko, behar duen berme baliotsuena. Joxe Azurmendi «Espainiaren arimaz», 2006 - 17. orr.

Jabego pribatua eta tolerantzia izan behar ziren, haien ustetan, giza askatasunaren berme nagusiak. Piarres Xarriton «De re publica edo politikaz», 2003 - 55. orr.

Berme osoa dut ezin hondoratuzkoa dela. «Loroaren teorema» - Denis Guedj, 2006 - 412. orr.

Betikoa da, "polizia iturriak" dira albistea idazteko berme nagusi. horrela, bi aldeak ados jarririk, zin eginda eta berme egokiak emanda berres dezagun. Iñigo Aranbarri «Hizlandia», 2006 - 161. orr.

Ideia egiazkoa bera da bere buruaren zinezko berme bakarra bere egokitasunaren ebidentziarekin, eta ez du behar metodoaren zurkaitzik kanpotik eusten. Askoren artean «Filosofiako gida», 2004 - 80. orr.

Ondorengoen berme bakarra gurasoen sendotasuna da. Josu Zabaleta «Jakintzaren arbola» - Pio Baroja, 2006 - 292. orr.

Permach espetxeratu egin dute berme jarri berria ordaindu arte. Iñigo Aranbarri «Hizlandia», 2006 - 183. orr.

3 (hitz elkartuetan, lehen osagai gisa)

Alderdiko Berme Batzordeak hartu du erabakia. Berria - Euskal Herria 2004-11-04

EAJko Auzitegiak eta Berme eta Kontrol Batzordeak alderdi barruko bozketa etetea erabaki zuen asteazkenean. Berria - Euskal Herria 2004-05-02

Zure bermeak berak ere berme-beharra dauka. Xabier Kintana «Alderraien gidaria» - Mose ben Maimon, 2006 - 225. orr.

Berme-epea gaindituriko materiala izaten zuan ia beti. Juan Garzia «Sistema periodikoa» - Primo Levi, 1998 - 271. orr.

"Ez dut berme-emailerik behar," erantzun zuen, "zeren nire hitza ematen ahal baitizut". Xabier Olarra «Deabruaren hiztegia» - Ambroise Bierce, 2001 - 59. orr.

Gordailuen berme-funtsa finantzatzeko. Koro Navarro «Ekonomiaren globalizazioa» - Jacques Adda, 2004 - 186. orr.

Berme-mekanismoek ezin izan zioten arazoari osorik aurre egin. Koro Navarro «Ekonomiaren globalizazioa» - Jacques Adda, 2004 - 186. orr.

Atxilotuari maiz eskatu zaio berme baldintza kaleratu ahal izateko. Jokin Urain «Errotarria», 2006 - 189. orr.

4 (hitz elkartuetan, bigarren osagai gisa)

Gai izan zen truke sistema egonkorrari eusteko, harik eta Ameriketako Estatu Batuek jasan zuten defizit gero eta handiagoagatik [...] dolarrak urre bermeari ezin eutsi izan zion arte. Iñaki Heras «Txanponaren bi aldeak», 2003 - 262. orr.

Kalitate berme batekin, noski. Berria - Ekonomia 2004-04-21

Kontu hauek jendeak ezagutzen dituenean agur gure leialtasun bermea eta lapurreten kontrako asegurua. Xabier Olarra «Iruzurgilea» - James Cain, 2002 - 120. orr.

Ardi eta txahal inozo galantak, horretan bilatzen dutenak ziurtasun-bermea. Juan Garzia «Hamlet» - William Shakesperare, 2002 - 198. orr.

Lehenik eta behin, neronen segurtasun-berme, inork ez zuen ezagutu behar nire deitura eta nire jatorri higuingarria. Juan Garzia «Sistema periodikoa» - Primo Levi, 1998 - 92. orr.

Beldurra duzu segurtasun-berme onen: odol gazteak berez diraki, ez du beharrik inoren. Juan Garzia «Hamlet» - William Shakesperare, 2002 - 47. orr.

Etxeetara iristen den urak ez ditu «behar beste kontrol berme». Berria - Ekonomia 2004-02-01

5 kaudiema. ik fiantza.

Alabak esanda jakin nuen bermea nire emazteak ordaindu ziola. Koro Navarro «Zertaz ari garen maitasunaz ari garenean» - Raymond Carver, 2003 - 30. orr.

Mangourasek 83 egun egin zituen kartzelan eta 3,2 milioi dolarreko bermea ezarri zion epaileak handik irteteko. Berria - Euskal Herria 2004-07-10

Auzitegiek eskatu bezalaxe, mila milioi euroko bermea eman du, erosketa eskaintza eta Gas Naturalen eta Iberdrolaren arteko ituna bertan behera geldi daitezen. Berria - Ekonomia 2006-04-05

Obrak gelditzeko agindu zuen, baina horretarako baldintza jarri zuen: Itoizko Koordinakundeak 24.000 milioi pezetako bermea ordaindu behar zuen. Edurne Elizondo «Itoiz, porlanezko gezurra», 2004 - 41. orr.

Itoizko Koordinakundeak, noski, ezin izan zion berme horri aurre egin. Edurne Elizondo «Itoiz, porlanezko gezurra», 2004 - 41. orr.

Uriaren abokatuak dio bai Del Olmok eta bai fiskalak badakitela Uriak ezin diola 450.000 euroko berme bati aurre egin. Berria - Euskal Herria 2004-07-09

6 sustengua, euskarria.

Nire aldera biratu zen, barraren bermea utzita. Aingeru Epaltza «Rock'n'roll», 2000 - 139. orr.

Altxatu egin zara, eta eskuak etzalekuan berme hartuta, belaunak flexionatu dituzu poliki. Rafa Egiguren «Mentxakaren aitorpena» - Jose Ramon Goikoetxea, 2006 - 109. orr.

Harry Blountek bere aurkariaren besoan berme hartuz jarraitu ahal izan zion gatibuen ilarari. Karlos Zabala «Mikel Strogoff» - Jules Verne, 2002 - 261. orr.

Nikolasek eta Nadiak, amildegiko azken urkietan berme harturik, ibaiaren gainetik atera zuten gorputza, hobeki begiratzeko. Karlos Zabala «Mikel Strogoff» - Jules Verne, 2002 - 348. orr.

Ontziaren hondoa biribila eta luzea denean eta, ondorioz, uretan gutxi sartzen denean, ia ez du berme-punturik. «Legeen espirituaz II» - Montesquieu, 1999 - 33. orr.

Boa eteten zitzaion berme-zutabe bat agian oso tinko ez zela gelditu pentsatzen zuenean. Jon Alonso «Lisboako Setioaren Historia» - José Saramago, 2000 - 367. orr.

7 (adizlagun gisa)

Kultura arduradunak eta estatuaren ordezkariak miretsiak izateko gisan kontuarrean berme zeuden. Itxaro Borda «%100 basque», 2001 - 168. orr.

Desert Inneko kontuarrari bizkarrez berme, koskoilak karrakatu zituen eta eskumuturra sudurrera altxatu zuen. Itxaro Borda «Zeruetako erresuma», 2005 - 33. orr.

Dudak ezabatzean, indarrez eta berme, egiazko fedea berragertzen da. Itxaro Borda «%100 basque», 2001 - 153. orr.

8 bermepean adlag

Beste hiru korear aske daude, baina bermepean. Berria - Ekonomia 2006-01-12

Txokarro, Sola eta Iurramendi aske utzi dituzte, bermepean. Berria - Euskal Herria 2004-02-28

Hamabi orduz eduki zituzten preso, eta gero bermepean aske utzi zituzten. Berria - Mundua 2006-04-14

Fiskaltzak bost eguneko epea du Auzitegi Gorenean helegitea aurkezteko, baina Lariz bermepean aske uztearekin ados agertu zen atzo. Berria - Euskal Herria 2004-06-19

Jesus Marcos, auzi berean inputatutako Azkoyengo administrazio buru ohia herenegun 20.000 euroko bermepean aske utzi zuen. Berria - Euskal Herria 2004-04-02

9 bermepeko izlag

Polizia operazio berean atxilotutako beste bost kideek espetxean segi beharko dute, abokatuak bermepeko askatasuna eskatu arren, Baltasar Garzon epaileak ez baitzuen eskaera onartu. Berria - Euskal Herria 2004-04-23

1999an bermepeko askatasuna lortu zuen, eta Hendaian bizitzea erabaki zuen. Berria - Euskal Herria 2004-05-14

Petrikorena bermepeko askatasunean zen irailaz geroztik, Batasunaren aurkako aferan auzipetu baitzuen epaileak, eta 100.000 euroko bermea ezarri zion libre uzteko. Berria - Harian 2006-03-17

hitz multzoen maiztasunak (gutxienez 4 aldiz agertzen direnak)

askatasunaren berme (5); askatasunen berme (4); aspaldiko ohidura berme (5); beharrezko berme (4)

berme bakarra (22); berme bana (4); berme bat (18); berme batzordea (8); berme batzordeak (8); berme demokratikoak (8); berme eta kontrol (6); berme gehiago (10); berme gisa (24); berme guztiak (17); berme guztiekin (15); berme handia (5); berme handiagoa (4); berme handienak (4); berme hori (12); berme horiek (6); berme izan (5); berme jarri (4); berme judizialak (5); berme juridiko (4); berme nahikorik (5); berme osoa (6); berme sistema (5)