Egungo Euskararen Hiztegia (EEH)

bazter (orobat baztar g.er. eta baxter g.er.) iz 1 ertza, muga.

Bestalde, bazterra, erdigune baten inguruan dagoena ere ba da. Ana Urkiza «Zortzi unibertso, zortzi idazle», 2006 - 144. orr.

Lurreko lau bazterretako herriak. Elizen arteko biblia Ap 20,8

Nazioen argitzat ezarri zaitut, salbamena lurraren bazterreraino eraman dezazun. Elizen arteko biblia Eg 13,47

Orrialdeen bazterrean aurpegiak marrazten zituen. Joseba Sarrionandia «Lagun izoztua», 2001 - 250. orr.

Bada, koadroaren bazter batean jarriko dut. Karlos Zabala «Parisen sabela» - Emile Zola, 2004 - 37. orr.

Ez du azken edo bazter jakinik. Iñaki Segurola «Gaur ere ez du hiltzeko eguraldirik egingo», 2005 - 293. orr.

Pareta oinarritzen zen harkaitz bloke handi batek betetzen zuen atearen eskuineko bazterra. Koldo Izagirre «Idi orgaren karranka» - Victor Hugo, 2002 - 214. orr.

Karrikako bazter banatara aldendu zineten zaborketako zaldiari bide egitearren. Koldo Izagirre «Nik ere Germinal! egin gura nuen aldarri», 1998 - 35. orr.

Sena ibaiaren ezkerraldeko bazterra eta Saint-Louis uhartearen ekialdeko muturra lotzen ditu Sully zubiak. «Loroaren teorema» - Denis Guedj, 2006 - 209. orr.

Nilo bazterrean nengoela, [...]. Elizen arteko biblia Has 41,17

Loira bazterrak Orleansetik Nanteseraino odolez busti zituen gerra anker gupidagabea. Felipe Juaristi «Airezko emakumeak», 2003 - 155. orr.

Hilabete batzuk Senako bazterrak garbitzen jardun ondoren, jostundegi batean egin nuen lan denbora dezentez. Anjel Lertxundi «Ihes betea», 2006 - 315. orr.

Tarte honetan, ur korronteak amaigabeko biraguneak osatzen zituen, bazter bietako muinoen artean estu-estu sartuta. Joanes Urkixo «Gerlari zuria», 2004 - 132. orr.

Bidean behera zihoazela, zaldun talde handi bat ikusi zuten, ibaiaren bazter berean zubirantz abiatuta. Joanes Urkixo «Gerlari zuria», 2004 - 21. orr.

Ez da deus handiagorik arrantzale herrixka bat baino, bere usaia zahar eta inozentez, itsasoaren bazterrean. Ibon Uribarri «Arrazoimen hutsaren kritika» - Immanuel Kant, 1999 - 170. orr.

Sekulako balantzak egiten zituela iruditu zitzaidan, ibaiaren bazter biak joz, behin bata behin bestea. Josu Zabaleta «Fantasiazko ipuinak» - Guy de Maupassant, 2000 - 94. orr.

Llobregat ibaiaren bazter emankorretan. Pello Zabala «Naturaren mintzoa», 2000 - 387. orr.

Lurraren bazter batetik besteraino ez da honek bezain aurpegi ederra duen emakumerik. Elizen arteko biblia Jdt 11,21

[Gurutzearen] besoak, berriz, munduaren bazter batetik besteraino zabaltzen ziren. Askoren artean «Asisko Frantzizko, Asisko Klara», 2002 - 468. orr.

Kamio bazterrean zikloturisten errosarioa, peste egunak penitentzia eginez santifikatzen. Patziku Perurena «Trapuan pupua», 2001 - 123. orr.

Bazter bakarreko ibaia. Joseba Sarrionandia «Lagun izoztua», 2001 - 197. orr.

Mutilak, beldurrez eroturik, bazterra iritsi zuen azkenik, eta lasterka batean abiatu zen basoan zehar. Josu Zabaleta «Fantasiazko ipuinak» - Guy de Maupassant, 2000 - 216. orr.

Kamioiek bazterrera botatu aireak freskatzen nau. Piarres Aintziart «Santiago oinez», 2000 - 75. orr.

Luhuson auto bat errepidetik atera zen eta bazterra jo zuen, Ortzaitzera bidean. Berria - Harian 2005-01-26

Bigarren martxa sartzen dugu, lehenbiziko bihurgunean ia bazterra jo eta gero. Xabier Olarra «Antropologo bat Marten» - Oliver Sacks, 2003 - 185. orr.

Bihurgune gaizto batean autoaren kontrola galtzeko arriskuak atera ninduen nire baitatik, bazterra jotzeko zorian egon bainintzen. Anjel Lertxundi «Argizariaren egunak», 1998 - 107. orr.

Bitartean bazterra utzia genuen eta uhina eta muinoa, lurra eta ura, dena berde zen golko batean bogatzen genuen. Koldo Izagirre «Idi orgaren karranka» - Victor Hugo, 2002 - 104. orr.

Putzurat jaurtikitzen den harriak ere lege jakin batzuen arabera sortuko ditik uhinak uraren gainean, zentrotik bazterrerat beti. Joan Mari Irigoien «Lur bat haratago», 2000 - 260. orr.

Txapli bazterreko sofan botata. ik beherago 15. Unai Iturriaga «Berandu da gelditzeko», 1999 - 215. orr.

Alabaina, Joxe mugitzen ikusi du, bazterreko harrien gainetik jauzika. Pello Lizarralde «Larrepetit», 2002 - 50. orr.

Belar gaiztoz betetako Landu itzazu zeure lurrak, Tiro, Nilo bazterrekoek lantzen dituzten bezala. jakina baita erreka batek edo ibai batek bitan zatituriko herrian eskuin bazterrekoek esanen dutela beste aldekoak adardun ankerrak direla, eta ezker bazterreko emazteek berriz beste aldekoek deabrua daukatela gonapean gordea. Elizen arteko biblia Is 23,10

Haren adarrak, fruitu zoragarriz beteak, munduaren bazterreraino zabaltzen ziren. Askoren artean «Asisko Frantzizko, Asisko Klara», 2002 - 293. orr.

Itsasotik itsasora, Eufrates ibaitik lurraren bazterreraino. Elizen arteko biblia Si 44,21

Nire irudimenak lezakeen baino askoz ere harantzago luzatzen diren ametseko lautada bazterrik gabeetan. Anjel Lertxundi «Azkenaz beste», 2005 - 16. orr.

Zer iragartzen du zure zabaltasun bazterrik gabeak? Jose Morales «Arima hilak» - Nikolai Gogol, 1998 - 321. orr.

2 (hitz elkartuetan bigarren osagai gisa)

St Bernard gunean uholde irriskuak badirela, baina bereziki Aturri bazterra izanki hor ezin eraikia izanen dela, eremuak uholdetako hedagune atxiki beharko direla. Herria 2001-02-22

Valdeoscuro ibaiaren ezkerreko ur bazterra segituz noa. Piarres Aintziart «Santiago oinez», 2000 - 207. orr.

Errepide bazterreko ostatu parera iritsitakoan, txiza egitera aterarazten ditu umeak. Alberto Barandiaren «Mundu txikia», 2005 - 15. orr.

Pinudi bazterreko zangan topatu duzu? Joseba Sarrionandia «Lagun izoztua», 2001 - 102. orr.

Zubiko Bordako bidea hautsi eta alor bazterreko bidetik egin dute. Pello Lizarralde «Larrepetit», 2002 - 106. orr.

Jota baldin bazeuden ere, nik banekien lurrekoak zirela onenak, eta zelai bazterrekoak hartzea libre bezala zegoela, horixe zela baserritarren legea. Koldo Izagirre «Sua nahi, Mr. Churchil?», 2005 - 200. orr.

Erreka-bazterrera heltzean, bertan jarri zituen Judasek gudarosteko ofizialak. Elizen arteko biblia 1 M 5,42

Aintzira bazterrean landetxe koxkor bat zuten. Juan Garzia «Sistema periodikoa» - Primo Levi, 1998 - 154. orr.

Leiho-bazterra utzi eta Amaitu Ezin Zuen Koadrora hurbildu zen berriro Roma. Unai Elorriaga «SPrako tranbia», 2001 - 64. orr.

Koaderno bazterra marrazten ematen nuen nik eskola denbora. Joseba Sarrionandia «Kolosala izango da», 2003 - 46. orr.

"Freskatzea nahi duk?", galdetu dio ohe bazterreko zapi hezea eskuetan harturik. «Bizia lo», 2003 - 11. orr.

Ezkerreko aho-bazterra. Unai Elorriaga «Van't Hoffen ilea», 2003 - 12. orr.

3 zokoa.

Hildakoak bazterretan botako dituzte: haien gorpuek kiratsa botako dute, mendiak haien odolez bustiko dira. Elizen arteko biblia Is 34,3

Azkenean, dendako bazter guzti-guztiak garbitu behar zirela erabaki zuen. Karlos Zabala «Parisen sabela» - Emile Zola, 2004 - 82. orr.

Gauden bereiz etxearen bazter banatan, espiritu gaizto honek ihes egiterik izan ez dezan edota txokoren batean ezkutatuz engaina ez gaitzan. Askoren artean «Asisko Frantzizko, Asisko Klara», 2002 - 225. orr.

Txaleko gorriz jantzitako gizon bat tarantela bat jotzen ari zen lokalaren bazter batean. Bernardo Atxaga «Soinujolearen semea», 2003 - 38. orr.

Besaulki batean eseririk eta gelako bazter eta hormei begira. Jose Morales «Arima hilak» - Nikolai Gogol, 1998 - 428. orr.

Gelaren bazter batean zaude, lurrean, paretaren kontra. Rafa Egiguren «Mentxakaren aitorpena» - Jose Ramon Goikoetxea, 2006 - 39. orr.

Gas argiontzi bakar bat ageri zen bazter batean. Karlos Zabala «Parisen sabela» - Emile Zola, 2004 - 38. orr.

Bazter batean jatetxe merke bat zegoen, sarreran arrain handi bat eta, arrainean iltzaturik, sardexka bat pintaturik zeuzkana. Jose Morales «Arima hilak» - Nikolai Gogol, 1998 - 25. orr.

Iritsi berriari buruzko uste hori -oso balakagarria berarentzat- bazter guztietara zabaldu zen hirian. Jose Morales «Arima hilak» - Nikolai Gogol, 1998 - 36. orr.

Izan ere, kotxeko bazter batean, iluntasunean uzkurturik, zerbait txikia zegoen, geldia baina biziduna. Jose Morales «Zazpi urkatuak» - Leonid Nikolaievitx Andreiev, 2006 - 94. orr.

Espaloiko bazter batean, bezero talde handi bat bildu zen aza zopa saltzen zuen baten ingurura. Karlos Zabala «Parisen sabela» - Emile Zola, 2004 - 46. orr.

Uniformeko eta uniformerik gabeko polizia ugari zebiltzan, zakurrekin bazter guztiak sakon miatzen. Berria - Mundua 2004-08-26

Bazter guztiak nahastuko zizkiguk azkenean! Bernardo Atxaga «Soinujolearen semea», 2003 - 202. orr.

Batetik bertzera bazter nahasten, gure gisa eta gure gain ibiltzen ginen, bertze inoren premiarik gabe. Aingeru Epaltza «Mailuaren odola», 2006 - 93. orr.

Kristinaren geografiako bertze bazter batzuk alde batera utziz, nire eskuek aldakak xerkatzen zizkioten amodioa egiterakoan. Aingeru Epaltza «Rock'n'roll», 2000 - 53. orr.

Ez zekien nora jo, bazter askotako hautsak harrotuak zituen jadanik, baina amaia ikustea galarazten zioten sasiz beteriko bide batean sarturik zegoen. Migel Angel Mintegi «Denak du bere prezioa», 2002 - 249. orr.

Animalia disekatuen erakusleku gordera sartu ginen, eta beste hainbat bazter debekatutara. Joseba Sarrionandia «Lagun izoztua», 2001 - 147. orr.

Ahantzia sentitzen naiz, bazter batean utzia. Fernando Rey «Gure etxeko kontuak» - Natalia Ginzburg, 2004 - 152. orr.

Tapaxek frenatu eta bazterrera egin zuen. Pablo Sastre «Elurretan hotsak», 2004 - 44. orr.

Patioan alde batetik bestera genbiltzan oinez, zelai erreglamentarioaren bazterreko marraren luzeran. Joseba Sarrionandia «Lagun izoztua», 2001 - 336. orr.

· Mintzaldi, harreman eta bazter ikuskatze askoren parada izan da hor. Herria 2001-09-06

· Oroimenaren bazter batean erdi hausturik zeuzkan hitz batzuk gogoratu zizkion hatz-mamiez irakurritako izenak: [...]. Anjel Lertxundi «Azkenaz beste», 2005 - 77. orr.

4 (izenondo edo izenlagunekin)

Taj Mahal -duen edertasun ukaezin guztia duela bitarte- saminak eraikitako oroimen-etxe ederrena da, hilobi liluragarri bat, negar egiteko eta oroiminak barreneraino hunkitzeko bazter zoragarria. J.M. Olaizola "Txiliku" «Bizitza eredugarriak», 2006 - 92. orr.

Inguruetako mendi-zoko, ehizarako goi-barruti ezezagun, bazter aurkiezin eta ezkutaleku guztien ezagutza zuen. J.M. Olaizola "Txiliku" «Bizitza eredugarriak», 2006 - 229. orr.

Muga inguruetan beti egon dira babeslekuak eta atseden hartzeko tokiak, jokorako gelak eta jokoan irabazitako diru errazak erraz gastatzeko beste hainbat bazter goxo: taberna edo puta-etxe, billarrerako mahai edo liluramendurako ikuskizun. J.M. Olaizola "Txiliku" «Bizitza eredugarriak», 2006 - 97. orr.

5 aldea, alderdia, lurraldea.

Eta horrela mundu guztian zehar, eskualde, bazter, toki eta pertsonarik utzi gabe. Patxi Altuna «Gogojardunak» - Inazio Loiolakoa, 2004 - 970. orr.

Izutu zen andrea bazter haietara joan behar nuela adituta, toki arriskutsuak omen. Fernando Rey «Paradisuko Almanaka» - Gianni Celati, 2005 - 155. orr.

Ibaia (bere bidearen betean, hasi eta buka) ez da "toki" bat, eta bazterren izenak tokien izenak izan ohi dira, jendeak mendeetan barrena gizagirotutako bazter edo parajeei itsatsi dizkienak. Iñaki Segurola «Gaur ere ez du hiltzeko eguraldirik egingo», 2005 - 213. orr.

Ikusi eta beldur dira urrutiko herriak, ikaraz lurraren azken bazterrak. Elizen arteko biblia Is 41,5

Oro har, itsasoratze osoa, Manhattango bazterrak desagertu arte, eta gero kaioak, gure segizioan bidailagun. Joxe Austin Arrieta «Homo Faber» - Max Frisch, 2001 - 100. orr.

Kantatzeari ekin zioten ozenki Lizarrako bazterrak oro inarrosiz: [...]. Txillardegi «Putzu», 1999 - 192. orr.

Ez zegoen Mediterraneoko bazterretan armak haren aurka frogatu nahi ez zuen piratarik ez kortsariorik, soldadu edo mertzenariorik. Felipe Juaristi «Itzarri nahi ez zuen printzesa», 2002 - 89. orr.

Abakum Firov!, hik zer berri, adiskidea?, non hago, nongo bazterretan habil? Jose Morales «Arima hilak» - Nikolai Gogol, 1998 - 205. orr.

Ustez aski urrundu naiz Euskal Herriko xokotik eta bazter hauetan incognito nabil. Piarres Aintziart «Azken apeza», 2005 - 20. orr.

Gerra-hotsa zebilen bazter guztietan, etengabeak ziren Hitlerren asmo espantsionistei buruzko zurrumurruak. Anjel Lertxundi «Ihes betea», 2006 - 297. orr.

Aldian behin gure bazter honetaraino arrimatzen zen, bilerak egiten zituen sindikatu katolikoan eta mitinak antolatzen zizkiguten inguruetan, bazkaria ematen zioten jendeari batzokian. Koldo Izagirre «Sua nahi, Mr. Churchil?», 2005 - 51. orr.

Entzun, pobretxoak, Jaunak deituak, bazter eta lurralde askotatik bilduak. Askoren artean «Asisko Frantzizko, Asisko Klara», 2002 - 168. orr.

Agindu eman zioten joan zedin munduko bazter guztietara eta ikus zezan nolakoak ziren hainbat parajetako salerosketa-kontuak. J.M. Olaizola "Txiliku" «Bizitza eredugarriak», 2006 - 89. orr.

Munduaren bazter guztietatik kantu-hotsak datozkigu: "Gora Jainko zuzena!". Elizen arteko biblia Is 24,16

Eskualde horietara ez ezik, bazter guztietara ere heldu da Jainkoarengan duzuen sinesmenaren entzutea. Elizen arteko biblia 1 Ts 1,8

Basamortu ondoko bazter batera alde egin zuen, Efraim izeneko herrira. Elizen arteko biblia Jn 11,54

Bazter askotako errekak ibar berean baitira batzen, berealdiko erreka bakar batean elkar aurkituz eta elkarretara bilduz. Iñaki Segurola «Gaur ere ez du hiltzeko eguraldirik egingo», 2005 - 277. orr.

Neska txintxoak zerura eta sorgin gaiztoak galaxiako bazter guztietara. Patxi Iturritegi «Behi eroak», 2003 - 97. orr.

Kontuz ibiltzeko esan zien kontsul ingelesak, gerraontzi frantsesak zebiltzala-eta bazterretan. Felipe Juaristi «Itzarri nahi ez zuen printzesa», 2002 - 65. orr.

Zakurrak saingaka bazterretan. Hasier Etxeberria «Mutuaren hitzak», 2005 - 168. orr.

Beldurra zegoen bazterretan. Txillardegi «Putzu», 1999 - 10. orr.

Bazterrak garbi, eraikinak berri eta gazteak gazte; liburuak besapean badoaz, izpiritua zerbaitetan alhan daukatela. Piarres Aintziart «Santiago oinez», 2000 - 37. orr.

1624an, izotzak hartu zituen bazterrak Valentzia aldean. Pello Zabala «Naturaren mintzoa», 2000 - 26. orr.

Ondoko asteburuan, bai Ziburun eta bai Biriatun, bazterrak airostuko dira bretoin talde batekin, dena soinu eta dantza. Herria 2003-01-21

Sutan bazterrak Proventzan. Aingeru Epaltza «Mailuaren odola», 2006 - 69. orr.

Beha dago artzaina, kexu, agian eguzkiak laster berotuko duela eta bazterrak berdatuko direla. Michel Oronoz «Oilandoiko ermita», 2001 - 78. orr.

Aski giro nahasia piztu da Pariseko alde hortan, bazterrak kexatu baitira eta sutan bezala jarri, lehenik Clichy hirian, ondotik inguru hartako beste hiri batzuetan. Herria 2005-11-10

Zer arta handia hartu zuen inor ez gogaitzeko eta bazterrak ez nahasteko. Karlos Zabala «Mikel Strogoff» - Jules Verne, 2002 - 77. orr.

Erretreta-solas ere, bazterrak beti berdin minbera daude. Herria 2001-11-01

Mus lehiaketa, pilota partida, estropada eta gaineratiko, bi egunez bazterrak harrotuko dira Zokoan! Herria 2003-06-12

6 (izenondo edo izenlagunekin)

Ez dut ezagutzen Miarritze baino bazter liluragarri eta bikainagorik. Koldo Izagirre «Idi orgaren karranka» - Victor Hugo, 2002 - 65. orr.

Lurralde ezezagun haietako gertakizun eta ohitura bitxiak, bazter ezkutuetako lilura estaliak. Inikos zeritzan herri txiki batera joan, Siziliako bazter galdu batera. J.M. Olaizola "Txiliku" «Bizitza eredugarriak», 2006 - 90. orr.

Boliviako bazter urrun, pobre eta ahaztu batean. Xabier Mendiguren Elizegi «Arbelaren gainean», 2004 - 71. orr.

Agian joan ninteke bazter urrun batera, handik idatzi eta bertan jaso zureak. Xabier Mendiguren Elizegi «16 ipuin amodiozko», 2002 - 134. orr.

Munduko azken bazter isolatu eta ezezagun haietara abiatu ziren esploratzaileak XIX. mendeko bigarren erdian. Karlos Zabala «Mikel Strogoff» - Jules Verne, 2002 - 9. orr.

Amazoniako bazter urrunenetik. «Loroaren teorema» - Denis Guedj, 2006 - 415. orr.

Jonatan eta Simon Jordango bazter zingiratsuetara joan ziren. Elizen arteko biblia 1 M 9,42

Zure begiek ez dute paisaje bat begiz jo besterik egiten, paradisu izan zitezkeen bazter galgarriak oro paisaje bilakaturik baitaude denbora jakineko bidaiari ustekoarentzat. Iñaki Segurola «Gaur ere ez du hiltzeko eguraldirik egingo», 2005 - 31. orr.

Zertarako atera gintuzuen Egiptotik, zergatik ekarri bazter negargarri honetara? Elizen arteko biblia Zen 20,5

Asiako azken bazterreko hiri isolatu baten barruan atera ezinik egon arren. Karlos Zabala «Mikel Strogoff» - Jules Verne, 2002 - 434. orr.

Inor ez daukak han palaka edo sardeka heure lanaren kuxidadea egiten eta kajeraren edo bagonaren bazter samarrean zabaltzen diagu aunitz aldiz, dena erdian mukurututa lagako ez badugu behintzat. Koldo Izagirre «Sua nahi, Mr. Churchil?», 2005 - 186. orr.

7 (hitz elkartuetan lehen osagai gisa, ‘bazterreko’ adieraz)

Hartz jaio hintzen ala bazter-herri honetako bizimoduak, galsoroek eta nekazariekiko harremanek bihurtu haute hartz? Jose Morales «Arima hilak» - Nikolai Gogol, 1998 - 159. orr.

Besterik ez zegoen bazter-leku hartan, edo, Errusian esan ohi dugunez, plaza polit hartan. Jose Morales «Arima hilak» - Nikolai Gogol, 1998 - 208. orr.

Azkenean ni ere hasi nintzen sentitzen erakarpena, ia-ia harekiko nostalgia igartzeraino, nahiz eta egiaz bazter-kaleren bat zela neukan gogoan, Ekialdeko geltoki inguruan nonbait. Urtzi Urrutikoetxea «Zoririk ez» - Imre Kertész, 2003 - 145. orr.

Argitara agertu ziren hainbat gauzaki familiar, urteetan alferrik bilatuak, eta beste exotiko batzuk, etxebizitzako bazter-zokoetan geologikoki lurperatuak. Juan Garzia «Sistema periodikoa» - Primo Levi, 1998 - 250. orr.

ik beherago 20. Askoren artean «Asisko Frantzizko, Asisko Klara», 2002 - 574. orr.

Laborariek aldiz, aho batez, 6 libera eskatzen zuten, enpresetako nagusiak bizkitartean, aldekoak zituzten sindikatuekin bazter solasetan zinpurtzen zirela. Itxaro Borda «%100 basque», 2001 - 50. orr.

Jostundegiko bazter-lan guztiak egiteaz gainera, neurriak hartzea zen nire egiteko nagusia. Anjel Lertxundi «Ihes betea», 2006 - 316. orr.

Ene gauak zuen egunak baino ederragoak dira! oihukatzeko gogoa dut, lanetik kanpoko bazter-ekintzetan denbora sobera galtzen dudala leporatzen didaten kolegei. Itxaro Borda «%100 basque», 2001 - 59. orr.

Borroka armatuaren sabela, bazter-ohar konplize horiekin hazten da. Itxaro Borda «Hiruko», 2003 - 91. orr.

Beraz, irakurle, barka bazter-solasa, eta egin arren gora, eta gatozen berriz ere harira. Iñaki Heras «Txanponaren bi aldeak», 2003 - 91. orr.

8 (hitz elkartuetan bigarren osagai gisa)

Mundu-bazter guztiek ikusiko dute gure Jainkoaren garaipena. Elizen arteko biblia Is 52,10

Mundu-bazterretako biztanleak harri eta zur daude zure mirarien aurrean. Elizen arteko biblia Sal 65,9

Munich-eko hiri-bazterrak ezker utzi genituen, eta Goi-Bavariako zelaietanbarna joan ginen. Marzel Etxehandi «Alemaniara deportatua» - Grégoire Joannateguy, 2003 - 147. orr.

"Asteburu beltza Pirinioetan" (edo izen handiko mendi-bazter hiltzaile horietako batean) irakur zenezake orobat. Iñaki Segurola «Gaur ere ez du hiltzeko eguraldirik egingo», 2005 - 206. orr.

Tebas ere erbestera gatibu eraman zuten, haren haurrak kale-bazter guztietan sarraskitu, handikiak menperatzaileen artean banatu eta buruzagiak katez lotu. Elizen arteko biblia Na 3,10

Ubide eta ibai-bazter guztietan gainez egingo du urak. Elizen arteko biblia Is 8,7

Orain eraikin triste bat iruditzen zait, latorrizko pote marruskatu bat erreka-bazter zikinera jaurtikia. Patxi Iturritegi «Behi eroak», 2003 - 44. orr.

• 9 izond bazterrean dagoena, bakartua.

Goazen zelai bazter hartara. Jon Maia «Riomundo», 2005 - 132. orr.

Toki bazterra eta bakartia zen hura, eta ez zen inor edo ia inor igarotzen handik. Askoren artean «Asisko Frantzizko, Asisko Klara», 2002 - 204. orr.

Horrelakorik ere ezin zuenean, leku bazter batera joan, alkandora erantzi eta isilka behartsuari bidaltzen zion, Jainkoaren izenean har zezala eskatuz. Askoren artean «Asisko Frantzizko, Asisko Klara», 2002 - 497. orr.

Gauez, berriz, leku bazter eta bakartietara itzultzen dira. Askoren artean «Asisko Frantzizko, Asisko Klara», 2002 - 1149. orr.

Ez zuen inortxok ere ikusiko, zeren ordu hila izateaz gainera, tokirik bazterrena hautatu baitzuen. Koldo Biguri «On Camillo» - Giovanni Guareschi, 2001 - 197. orr.

Eta horiek horrela bizi diren bitartean, alferrik egingo dugula ihes, unibertsoko bazterrik bazterrenera joanda ere geure mixeriarekin egingo baitugu topo. Joxerra Garzia «Itsasoan euri», 2003 - 186. orr.

10 (adizlagun gisa)

Linzoain errepidetik bazter dago, baina ontsalaz zeharkatu behar nuen. Piarres Aintziart «Santiago oinez», 2000 - 30. orr.

Hortaz, bazter geratu zen eta, herriko karriketan ibiltzeko gogorik gabe, ez zuen ostatutik irten nahi izan. Karlos Zabala «Mikel Strogoff» - Jules Verne, 2002 - 220. orr.

Gero, beste bi monasterio, bidetik bazter, ikusiko ez ditudanak, bereziki San Miguel de Escalada. Piarres Aintziart «Santiago oinez», 2000 - 156. orr.

Justizia alha delarik zuzenbidearen bide zuzenetik, Erromako auzitegietan bezala, gorteko konplimenduetarik bazter, ez dira hainbeste kontutan hartzen jendearen erran-merran kortesiazkoak. Piarres Xarriton «Enkiridion» - Martin Azpilkueta, 2006 - 160. orr.

Beude ordea apur bat bazter pentsalari "heterodoxo" horiek oro. Piarres Xarriton «De re publica edo politikaz», 2003 - 50. orr.

11 bazter auzo (orobat bazterrauzo g.er.)

Hala, egoera berriak emandako haize ttikiarekin, nire bazter-auzoa utzi eta hiriaren erdialdera jaitsi nintzen arratsalde pasa. Bernardo Atxaga «Lekuak», 2005 - 229. orr.

Halako batean, bazter auzoetan euren egoeraz nazkatuta zeuden gazteek autoak erretzeari ekin zioten. Berria - Harian 2006-04-11

Erromako bazter auzoetako proletario mailarik apalenetako eta baztertuenetako langileria eta gazteria ezagutu zituen. Josu Zabaleta «Gauza baten ametsa» - Pier Paolo Pasolini, 1998 - 9. orr.

Medellin, Bogota edo Caliko bazter auzoetan. Joseba Sarrionandia «Lagun izoztua», 2001 - 56. orr.

Bazter-auzo hartako etorkin galiziarrak zituen bezero bakar, karta-partidak luze eta kontsumizioak labur. Xabier Mendiguren Elizegi «16 ipuin amodiozko», 2002 - 20. orr.

12 bazter-bazter

Bazter-bazterrean, ezkutuan dauden eremuak, lur jotako fabrikak, industriako pabilioi hutsak. Gotzon Garate «Zakurra, zeure laguna», 2002 - 90. orr.

Nola beti aipu den bestalde jai-alai baten eraikitzea kasik trinketetik bi urratsetan, Pariseren bazter-bazterrean, muntadura guziak balitazke munduko xapelgoak ere osoki Parisen egiteko. Herria 2005-02-10

Hirira banoala patarra goiti, laborari batek errepidea zeharkatzen du gosturik hoberenean, behi bakar batek tiratzen diola belarrez mukurru betea den orga zaharra beribilak beha daude, lasai, nekazaria bere urrats unatuaz errepide bazter bazterrean duen etxean sar dadin. ondo ondotik darion erreka segitu dut bazter bazterretik, ote tustek desbideratzen ez nindutelarik. Piarres Aintziart «Santiago oinez», 2000 - 227. orr.

Nola zabaldu zen Espainiako bazter-bazterrenetaraino Maria Kristinarenganako gorrotoa. Koro Navarro «Zalakain abenturazalea» - Pio Baroja, 2006 - 44. orr.

Ia ez zebilen autorik, baina bat agertu orduko, bazter-bazterreraino arrimatzen zen aita, bidea hain zen estua eta ikuspen laburrekoa. Anjel Lertxundi «Zorion perfektua», 2002 - 148. orr.

13 bazter-nahasle (orobat bazternahasle g.er.) ik nahastekari.

Frankismoaren azken urteetan, gure auzoa ideologien eltze eta egosleku bihurtu zen; inondik ere, inguruetako herri zein auzoetako bazter-nahasleei txoko egokia iruditu zitzaien gurea, non zer suma ibiltzeko. Juan Kruz Igerabide «Hauts bihurtu zineten», 2005 - 56. orr.

Ezta burutik pasa ere horrelako txorakerietan sartzea! bestela ere nahiko beldur ematen didazu hor Frantzian horrenbeste gorri eta bazter-nahasleren artean. Berria - Kultura 2004-10-23

Bazter nahasle multxo bat zela ari desmasia egiten eta heieri behar zela gogor egin. Herria 2001-08-02

Polizia batek gizatxarren eta bazter-nahasleen aurrean amore ematea ere... Lopez de Arana «Manhattan Transfer» - John Dos Passos, 1999 - 48. orr.

Eta, han zeukatean, kondenen agiritegian, nire bazter-nahasle aurrekaria; "bazter-nahasle matxinoa", Hanleyk deitu zidanez. Mirentxu Larrañaga «Peaceful soldadua» - Michael Morpurgo, 2006 - 184. orr.

14 bazter-nahastaile bazter-nahaslea.

Hobe da benetako merezimenduak egin dituenari merezitakoa ukatzea, zitalari, maltzurrari edo bazter-nahastaileari emateko arriskua hartzea baino. Juan Martin Elexpuru / Bego Montorio «Filosofia apaingelan» - Sade, 2001 - 269. orr.

Halakoak Asturias-etik etortzen ziren bazter-nahastaileen erruagatik gertatzen ziren, Langreo-ko eta Gijon-go portuetako sindikalista gorriak, subertsioaren profesionalak, oporra jotzera bortxatzen gintuztenak. Koldo Izagirre «Sua nahi, Mr. Churchil?», 2005 - 36. orr.

Egun batean, Baldurri kalte egitea erabaki zuen Loki jainkoak, berez maltzurra eta bazter-nahastailea zelako. J.M. Olaizola "Txiliku" «Bizitza eredugarriak», 2006 - 148. orr.

15 bazterreko izlag bazter dagoena; nagusia edo garrantzizkoa ez dena.

Hantxe bizi zen Goio, bazterreko herri hartan, Kalaportun. Joseba Sarrionandia «Lagun izoztua», 2001 - 41. orr.

Ordu arte Europan bazterreko estatusa zuten nazioetako erregeak izan ziren merkataritzako abentura horien eragileak. Koro Navarro «Ekonomiaren globalizazioa» - Jacques Adda, 2004 - 27. orr.

Sintaxiaren eta semantikaren arteko loturen ikerkuntzan nagusi dira bazterreko arazo bat eta gaizki egindako galdera bat. Itziar Laka «Egitura sintaktikoak» - Noam Chomsky, 2003 - 130. orr.

Zein bide geratzen zaio, orduan, erakunde militar bazterreko bati? Hasier Etxeberria «Patri maitea», 2003 - 112. orr.

Bazterreko pertsonaiez betea dago Mikel Zubeldiaren nobela hau. Berria - Kultura 2004-07-17

Lanbide bazterreko batean, anonimotasun hartan. «Kuskue tanden», 2004 - 116. orr.

Hain da txikia, hain da bazterrekoa eta gaitza Iparraldea, ezen ez baita erraza pentsatzea argirik etor daitekeenik halako leku aldrebestutik. Hasier Etxeberria «Patri maitea», 2003 - 51. orr.

Itzulezinezko mugetaraino dituzte eramanak hizkuntza txikiak, hizkuntza bazterrekoak. Hasier Etxeberria «Patri maitea», 2003 - 70. orr.

Periferiak, zentroko esportazioentzat bazterreko merkatua izanik, zentroa lehengaiez hornitu baino ez du egiten. Koro Navarro «Ekonomiaren globalizazioa» - Jacques Adda, 2004 - 56. orr.

Bazterreko partikulartasunen zamarik gabe nazio aurreratuekin lehiatzeko gai izango litzatekeena. Bernardo Atxaga «Lekuak», 2005 - 100. orr.

Bazterreko idazlea dela aitor du Itxaro Bordak: bazterrean bizi dena. Ana Urkiza «Zortzi unibertso, zortzi idazle», 2006 - 279. orr.

Egungo ekonomian askoren aburuz zerga horrek birbanaketarako duen ahalmena oso da bazterrekoa, izan ere fortuna handiek makina bat trikimailu erabiltzen baitituzte erraz asko saihesteko. Iñaki Heras «Txanponaren bi aldeak», 2003 - 285. orr.

Hauek ez direlako bazterreko kontuak. Iñaki Arranz «Hitza azti», 2006 - 250. orr.

Orain, bide nagusitik atera eta bazterreko batetik doaz. Patxi Iturritegi «Behi eroak», 2003 - 16. orr.

Bere konpromiso behinena, bazterrekoei existentzia ematea da. Ana Urkiza «Zortzi unibertso, zortzi idazle», 2006 - 122. orr.

16 bazterrera bota (14 agerraldi, 13 liburutan; ETCn 93 agerraldi) du ad

Bai, mahatsa bildu baino lehen, loraldia igaro eta mahats-alea heltzen hastean, kimu berriak moztu egin ohi dira inauskaiaz, moztu eta bazterrera bota. Elizen arteko biblia Is 18,5

bazterrera botatako arropa zikin bustien gainean. Jokin Urain «Errotarria», 2006 - 159. orr.

Bat-batean, Klara Postelbergek bazterrera bota zuen egunkaria. Anton Garikano «Bederatzietatik bederatzietara» - Leo Perutz, 2003 - 49. orr.

Garrantzia gutxiagokoa, funtsezkoa ez dena, ahaztu egiten duk; bazterrera botatzen duk, amets txarrak bezala. Xabier Olarra «Azken hitzordua» - Sandor Marai, 2003 - 106. orr.

Iruditu zait bat-batean harrapatu eta bazterrera bota nauela, zakarki eta mugimendu bakarrean, gari-azao baten antzera. Mirentxu Larrañaga «Peaceful soldadua» - Michael Morpurgo, 2006 - 15. orr.

Bai, hark arauak jakin-min hutsez hautsi eta, bestela bezala, bazterrera botatzen ditu batere damurik gabe. Ander Irizar «Eszterren ondarea» - Sandor Marai, 2003 - 97. orr.

17 bazterrera utzi (87 agerraldi, 29 liburu eta 21 artikulutan; ETCn 490 agerraldi) du ad bazter utzi, baztertu.

Barazkirik kaxkarrenen hamarrenak ordaintzen dituzue, eta [...] zuzenbidea, errukia eta leialtasuna, bazterrera uzten. Elizen arteko biblia Mt 23,23

Badakiena da politika bazterrera utzia zutela. Eneko Bidegain «Anbroxio», 2002 - 176. orr.

Asaldura sortzeko moduko motibo guztiak bazterrera utziak zituen hark ardura handiz. Karlos Zabala «Parisen sabela» - Emile Zola, 2004 - 88. orr.

Zenbat ama [...] ez da abilki seme edo alabarekin eskolako ariketak egiten aritzen, bere lanak bazterrera utziz, gero egiteko. Herria 2005-09-15

Laburtasunaren amoreagatik, xehetasun asko bazterrera utziko ditut. Askoren artean «Asisko Frantzizko, Asisko Klara», 2002 - 436. orr.

Andreak ez zuen egindako botoa ahaztu, ez eta egitasmoa bazterrera utzi ere. Askoren artean «Asisko Frantzizko, Asisko Klara», 2002 - 859. orr.

Ez dago inor, normala baldin bada behinik behin, arauak bazterrera uzteko gogoa noizbait izan ez duenik. Karlos Zabala «Buda zoriontsuen etxea» - João Ubaldo Ribeiro, 2003 - 113. orr.

Ingeles erakasleak aldiz, lehenagoko handikeria eta snobismoak bazterrera utzi ditu. Piarres Aintziart «Santiago oinez», 2000 - 87. orr.

San Frantziskoren idazkiak dira zalantzarik gabe hura ezagutzeko kontsulta-iturri hoberena, eta harrigarria da nola biografo gehienek horiek bazterrera utzi dituzten ikustea. Askoren artean «Asisko Frantzizko, Asisko Klara», 2002 - 33. orr.

Prozesu honek, tamalez, bazterrera uzten ditu leku ez-errentagarri guztiak, eta horiek ikusezin egiten ditu. Iñaki Heras «Txanponaren bi aldeak», 2003 - 207. orr.

Lur honek ematen duen jendea -arraza- historia gabekoa da; izpirituak bere martxan bazterrera utzia. Joxe Azurmendi «Espainiaren arimaz», 2006 - 177. orr.

Tom etxean bezala egoten zen beti, paperezko mausoleo antzeko hartan, bazterrera utzitako liburu piloak gainbegiratzen. Oskar Arana «Brooklyngo erokeriak» - Paul Auster, 2006 - 36. orr.

Galdera horrek ez du erantzun errazik; ezin da ordea bazterrera utzi, baldin globalizazio ekonomikoaren sorrera ulertu nahi bada. Koro Navarro «Ekonomiaren globalizazioa» - Jacques Adda, 2004 - 21. orr.

Ez da bazterrera uztekoa, bestalde, beste honako aukera hau, garai moderno hauetako moralarekin bat datorrena, [...]. Jon Alonso «Lisboako Setioaren Historia» - José Saramago, 2000 - 303. orr.

Adiskideek eta lagunek iruzur egingo diate, eta beste edonork baino lehenago baztertuko haute zorigaiztoko uneetan; diruak, aldiz, sekula ez hau bazterrera utziko, aldean izango duk beti, baita bizitzako atakarik gaiztoenetan ere. Jose Morales «Arima hilak» - Nikolai Gogol, 1998 - 328. orr.

17 bazterrik bazter

Hoa bidez bide eta bazterrik bazter eta sarrarazi jendea barrura, etxea bete dakidan. Elizen arteko biblia Lk 14,23

Europan, ordea, iturriak eta ferratokiak baino urkamendi gehiago ageri ditun herriz herri eta bazterrik bazter. Anjel Lertxundi «Azkenaz beste», 2005 - 47. orr.

Itsasertza bazterrik bazter ezagutzen zuen, hasi bere jaioterrian eta Donibane Lohizuneko barraraino. Edorta Jimenez «Hemingway eta euskaldunak zerbitzu sekretuetan», 2003 - 47. orr.

Artean ez nintzen sentitu inoiz kalean bazterrik bazter doazen zakur deslai bustien pare. Joxean Agirre «Romain zen bere izena», 2003 - 84. orr.

Bazterrik bazter dabiltza munduan, besteren lurraldeak berentzat hartuz. Elizen arteko biblia Hab 1,6

Europan, ordea, iturriak eta ferratokiak baino urkamendi gehiago ageri ditun herriz herri eta bazterrik bazter. Anjel Lertxundi «Azkenaz beste», 2005 - 47. orr.

Kale zikinak, trafiko kaotikoa, jende etsia eta deserrotua bazterrik bazter. Patxi Iturritegi «Behi eroak», 2003 - 95. orr.

18 bazter utzi (303 agerraldi, 68 liburu eta 124 artikulutan; ETCn 2.624 agerraldi) du ad baztertu.

Abokatuek bazter utzi nahi izan zuten gai hori, eta ni ez nengoen, eta ez nago, jarrera horrekin ados. Edurne Elizondo «Itoiz, porlanezko gezurra», 2004 - 96. orr.

«Interes politikoak» bazter uzteko eta «langile guztiak» defenditzeko. Berria - Ekonomia 2004-06-20

Bazter utz ezazu bada aditu nahi ez dudan eta aditzen ahal ez dudan mintzaira hori. «Harreman arriskutsuak» - Choderlos de Laclos, 1997 - 203. orr.

Euskara, halaber, bazter utzi duela salatu dute Sortzen-Ikasbatuaz taldeak eta sindikatuek. Berria - Euskal Herria 2006-03-22

Suizidioaren aukera bazter utzirik, bart, edizio hau ixterakoan ez zen daturik batere Anjel Urtxipiaren hiltzaileaz edo hiltzaileez. Aingeru Epaltza «Rock'n'roll», 2000 - 204. orr.

Ondoren, karrera bazter utzirik, soldadutzara joan zen. Joan Mari Irigoien «Ipuin batean bezala», 2002 - 12. orr.

Nire errorea zera omen: gu, teknikariok, heriotza bazter utzirik saiatzen garela bizitzen. Joxe Austin Arrieta «Homo Faber» - Max Frisch, 2001 - 257. orr.

Babes-herriko hizkuntza erabiltzen du idazteko, ama-hizkuntza bazter utzirik, Agota Kristofek bezala. Eskarne Mujika «Atzo» - Agota Kristof, 2004 - 7. orr.

Baina Israelek bazter utzi du ongia; etsaiak pertsegituko du. Elizen arteko biblia Os 8,3

Truke-tasen merkatuak dakartzan fluktuaziozko erantzunak bazter utzirik, ba al dago truke-tasen maila teorikoki definitzerik? Koro Navarro «Ekonomiaren globalizazioa» - Jacques Adda, 2004 - 97. orr.

Dei horretatik bazter utziak izan direlarik SUD eta LAB sindikatak. Herria 2003-05-08

Nik emandako legea bazter utzi eta nire mintzoa aditu eta jarraitu ez dutelako gertatu da hori. Elizen arteko biblia Jr 9,12

Sendaketan erabat sinetsia irudi zuen gaixoak, kezka eta beldurrak bazter utziak zituela. Imanol Zurutuza «Errautsera arteko sugarra», 2002 - 187. orr.

Lehenago bazter utzitako ezkontza, orain itxaropen zinezko bakarra zitzaion, diruak, zigarroak, kafeak edota billete berriek inondik ere ordezkatu ezin izango zutena. Patxi Zubizarreta «Mirarien kalezuloa» - Nagib Mahfuz, 2006 - 37. orr.

Valmontekin arras bertzela da: hura atxikitzeak lan du; eta bazter utziz gero arriskutsua izaten da. «Harreman arriskutsuak» - Choderlos de Laclos, 1997 - 345. orr.

Zazpi nobio izan ditu neskatxak, eta halamodukoak direlako bazter utzi. Patziku Perurena «Trapuan pupua», 2001 - 122. orr.

Edozein herri ala aldetan, ordea, gaizki dabilena Deabruak hartua du, eta, beraz bazter utzi behar da. Piarres Xarriton «Enkiridion» - Martin Azpilkueta, 2006 - 215. orr.

Utz ditzagun bazter. Iñigo Aranbarri «Hizlandia», 2006 - 133. orr.

Utz iezazkidazu poeta madarikatu haiek solasaldi honetarik bazter, otoi. Itxaro Borda «Hiruko», 2003 - 138. orr.

· Bazter utzitakoen kronikak. Berria - Harian 2006-01-14

Zeren nahiz ez den bekatu Jainkoaren aholkuen bazter uzte soila, mortala da halere aholkuen gutiesteagatik bekatu egitea. Piarres Xarriton «Enkiridion» - Martin Azpilkueta, 2006 - 97. orr.

1949an trapubiltzaileen obra piztu zuen, jende pobre eta bazter utzietarik hasita mundu guzirat hedatua dena. Herria 2004-07-22

19 begi-bazter ik betertz.

Haren begi-bazter ximurrak bezalakorik ez dut inorengan ikusi. Karlos Zabala «Buda zoriontsuen etxea» - João Ubaldo Ribeiro, 2003 - 103. orr.

Meza bururatzean, Arragaabesbatza guziz jeinutsuak molde gaitzean eman dauku «Bakearen urtxoa» Labéguerie zenaren kantu ederra, entzule frangori nigarño bat jin baitzaiote begi bazterrerat. Herria 2005-11-17

Irakurtzen eta oharrak idazten ari zen bitartean, begi-bazterretik, diafragmak noiz itxiko zelatan zegoen Ruche jauna. «Loroaren teorema» - Denis Guedj, 2006 - 263. orr.

Eta zuk? -harritu zen neska, eta begi-bazterraz begiratu zion, bizkor. Jose Morales «Zazpi urkatuak» - Leonid Nikolaievitx Andreiev, 2006 - 120. orr.

Jansonek, hatz erakuslea epaimahaiburuarenganantz luzatu, eta haserre, begi-bazterraz so eginez, erantzun zuen: [...]. Jose Morales «Zazpi urkatuak» - Leonid Nikolaievitx Andreiev, 2006 - 33. orr.

Ahal bezain polliki, begi bazterrez begiratu nion Emmari. Daniel Landart «Anaiaren azken hitza», 1999 - 74. orr.

Begi bazterrez, gelaxkaren mahaiaren gainean, trapu gorri pila bat ikusi zuen erdizka. Karlos Zabala «Parisen sabela» - Emile Zola, 2004 - 364. orr.

20 bide-bazter (orobat bidebazter g.er.)

Gorde gaitezen ongi bide-bazter, harri-arte edo sasi-arte izatetik. Askoren artean «Asisko Frantzizko, Asisko Klara», 2002 - 148. orr.

Ubanbe hoska hasi zen, Iruaingo bide bazter batean edo mendiko basoan balego bezala: [...]. Bernardo Atxaga «Soinujolearen semea», 2003 - 73. orr.

Orain zakuetan sartuak zeuden, bide bazter batean lotan, bidoietan buruak, bizarrak lastoan. Koro Navarro «Artistakume baten erretratua» - Dylan Thomas, 1999 - 114. orr.

Bide-bazter guztietan aurkituko dute larrea, muinogorri guztietan bazka. Elizen arteko biblia Is 49,9

Honezkero galdu zara basoan, jo duzu bide bazterra, busti duzu ohea. Joxerra Garzia «Egonean doazen geziak», 2000 - 95. orr.

Lera eta zaldia bide-bazter elurtuan lotu, eta trena abiatu arte itxaroten zuen han. Jose Morales «Zazpi urkatuak» - Leonid Nikolaievitx Andreiev, 2006 - 30. orr.

Batzuk kamioi handietan pasatzen ziren bide bazterrak astinduz, beste batzuk oinez neguko abriguekin, lokatz artetik nekez. Joseba Sarrionandia «Kolosala izango da», 2003 - 59. orr.

Bide bazterrean harri meta bat ageri da. Angel Aintziburu / Jean Baptiste Etxarren «Luzaiden gaindi», 2002 - 108. orr.

Seat Leon motako auto batek, errepidetik irten, eta bide bazterrean zeuden bi ibilgailu jo zituen. Berria - Euskal Herria 2004-12-28

Poliziak jakinarazi duenez, autoa giltzaz itxita zegoen, bide bazterrean aparkatuta. Berria - Gaiak 2004-11-23

Guardia zibilek hiru gazte dauzkate bide bazterrean geldiarazita. Anjel Lertxundi «Zorion perfektua», 2002 - 97. orr.

Lehen olibondoak ikusi ditut, eta mahastiak gero eta maizago bide bazterrean. Piarres Aintziart «Santiago oinez», 2000 - 46. orr.

Jendetza bide bazterretara bildua. Xabier Mendiguren Elizegi «16 ipuin amodiozko», 2002 - 37. orr.

Baserritarren gurdiak ere bide bazterretan zeuden egun hartan, apustuari so. Xabier Etxabe «Lurtarra da begiratua», 2004 - 18. orr.

Pintura-arrasto bat bide-bazterreko harri konkor batean markatuta. Xabier Mendiguren Elizegi «Uda betiko balitz», 2003 - 24. orr.

Mitxoletaz josita ageri zen bide bazterreko zelaia. Imanol Zurutuza «Errautsera arteko sugarra», 2002 - 60. orr.

Bide bazterreko soroan artajorran ari diren baserritar batzuek, eskuak aitzurretan bermatu, eta markesaren zalgurdiari segitu diote begiradaz aldirietatik hirirainoko galtzadan aurrera. Anjel Lertxundi «Konpainia noblean», 2004 - 13. orr.

Berriketan eta txistuka zihoazen, poliki-poliki, bolbora fabrikako lanetik irtenda egunero bezala, bide bazterretik ilaran, zanga ertzean. Josu Zabaleta «Gauza baten ametsa» - Pier Paolo Pasolini, 1998 - 177. orr.

Bere astoaren bila joan zen bide bazterretik, okerka eta harro. Koldo Izagirre «Nik ere Germinal! egin gura nuen aldarri», 1998 - 102. orr.

20 ibai-bazter

Ibai bazter honetan eta beste aldekoan. Karlos Zabala «Mikel Strogoff» - Jules Verne, 2002 - 348. orr.

Beste ibai-bazterrean zaudete, iritsi ezin naizen bazterrean... Xabier Olarra «Azken hitzordua» - Sandor Marai, 2003 - 189. orr.

Duela bi egun, Lenako ibai bazterretan zeuden. Karlos Zabala «Mikel Strogoff» - Jules Verne, 2002 - 420. orr.

Ezagutzen duzu ondo belar hori, nonahi ateratzen da ibai eta erreka bazterretan. Hasier Etxeberria «Mutuaren hitzak», 2005 - 162. orr.

· Obi ibaiaren bazter oparoetara heltzean. Karlos Zabala «Mikel Strogoff» - Jules Verne, 2002 - 224. orr.

Llobregat ibaiaren bazter emankorretan. Pello Zabala «Naturaren mintzoa», 2000 - 387. orr.

Berriz ikusi ditugu Nil ibaieko bazter. Herria 2001-06-28

21 itsas-bazter ik itsasbazter.

22 kale-bazter (orobat kalebazter g.er.) iz kalearen bazterra.

Kalera atera zenean zeraman gauza bakarra modulokideek oparitutako lo egiteko zaku bat zen! Zertarako eta Bilboko kale bazter batean geratzeko! Berria - Euskal Herria 2004-02-03

Tabernak eta kale bazterrak jendez lepo zeuden. Berria - Harian 2005-07-01

Negu betean bageunden ere, eramangarria zen itzalguneetako hotza, gozoa eguzkiak epeldutako kale bazterren epela. Artean haurrak ez ziren kale bazterrean uzten. Anjel Lertxundi «Azkenaz beste», 2005 - 6. orr.

Kale-bazterretan, ur putzuak izozten hasita zeuden. Anjel Lertxundi «Ihes betea», 2006 - 90. orr.

Bilboko kalebazter bero haietako porlanak eta galipotak botatzen duen lamada. Pello Zabala «Naturaren mintzoa», 2000 - 268. orr.

Tebas ere erbestera gatibu eraman zuten, haren haurrak kale-bazter guztietan sarraskitu, handikiak menperatzaileen artean banatu eta buruzagiak katez lotu. Elizen arteko biblia Na 3,10

Siziliako kale bazterretik mundu zabalera. Berria - Kultura 2004-04-17

Gauzak normal daudela, nornahik daki, goiko mendi kaskoan baino epelago egiten duela beheko kale bazterrean. Pello Zabala «Naturaren mintzoa», 2000 - 41. orr.

Jendeak jan hondakinak kale bazterrera botatzen ditu. Gotzon Garate «India harrigarria», 2001 - 177. orr.

22 lur bazter

Eoliako lur bazterrak. Xabier Amuriza «Gauzen izaeraz» - Lukrezio, 2001 - 71. orr.

Mexikoko lur bazter bat dugu irudikagai, Comala, hautsez eta nekez lurrarekin berdindutako bere jendeekin. Afrikako lur bazterrei buruz «Jainkoarentzat duela 300 urte irabazi lurrak» dio. Juan Garzia «Pedro Páramo» - Juan Rulfo, 2001 - 13. orr.

Urrutiko irletaraino iritsi da haren izena eta lur-bazter guztiek miretsi dituzte haren egintza miresgarriak. Askoren artean «Asisko Frantzizko, Asisko Klara», 2002 - 175. orr.

· Hona zer oihukatzen duen Jaunak lur-bazterretaraino. Elizen arteko biblia Is 62,11

23 su bazter ik supazter.

24 ur-bazter (orobat urbazter) ur ertza.

Ur-bazterra utzi, eta aldapan gora jotzen zuen errepideak, ibai gaineko goi-ordokirantz. «Loroaren teorema» - Denis Guedj, 2006 - 342. orr.

Lehorrez, ostera, ezin joan, inbaditzaileek Angarako bi ur bazterrak hartuak baitzituzten. Karlos Zabala «Mikel Strogoff» - Jules Verne, 2002 - 387. orr.

Valdeoscuro ibaiaren ezkerreko ur bazterra segituz noa. Piarres Aintziart «Santiago oinez», 2000 - 207. orr.

Mila kilometrotik gora egin ditut bizikletaz Itsaso Beltzaren kostaldeko errepideari jarraituz, batzuetan ur bazterraren albo-albotik. Jon Arretxe «Ekialdeko mamuak», 2003 - 22. orr.

Mahatsondoa zirudien zure amak, ur-bazterrean landatua. Elizen arteko biblia Ez 19,10

Ahmedabaden bada aintzira bat, Kankaria, ur bazterrean harkaitz tzarrak dituena. Gotzon Garate «India harrigarria», 2001 - 40. orr.

Jende dezente ikusi du hondartzako ur-bazterretik hara eta hona paseatzen. «Bizia lo», 2003 - 87. orr.

Ur bazterretik 800 metrora jarri nahi zituzten hodiak 40 km urrundu beharko dituzte. Berria - Gaiak 2006-04-27

Ur bazterrean, zangoak uhain moteletan bustitzen ditu. Ramuntxo Etxeberri «Skyroom», 2004 - 268. orr.

Egun batean noraezean nindoan belardietan barrena, aintzira ez zen aintzira hartako ur-bazterretan. Fernando Rey «Paradisuko Almanaka» - Gianni Celati, 2005 - 32. orr.

Zaldia ur bazterrera eraman eta zuhaitz batean lotu zuen. Karlos Zabala «Mikel Strogoff» - Jules Verne, 2002 - 229. orr.

Autoak nekez ibil zitezkeen ur-bazterreko bidexka bat zuen. Fernando Rey «Paradisuko Almanaka» - Gianni Celati, 2005 - 135. orr.

25 zoko-bazter

Horrelako ostatuetan, eguneko bi errublo ordaindurik, gela erosoa ematen diote bidaiariari; hori bai, aranpasa adinako labezomorroak azaltzen dira zoko-bazter guztietan. Jose Morales «Arima hilak» - Nikolai Gogol, 1998 - 20. orr.

Berari entzunda, bazirudien Herensugearen arnasa kosmikoa etxeko zoko-bazter guztietan barreiatuta zebilela. Patxi Iturritegi «Behi eroak», 2003 - 130. orr.

Luzaz ibiltzen zen bere lorategiko zoko-bazter ilunetan barrena. Jose Morales «Arima hilak» - Nikolai Gogol, 1998 - 389. orr.

Egunero ibiltzen zen bere herrixkako kaleetan barrena, zoko-bazter guztiak miatzen eta lekurik ezkutuenak ere arakatzen. Jose Morales «Arima hilak» - Nikolai Gogol, 1998 - 175. orr.

Buruko zoko-bazter guztietan atergabe sortzen baitzitzaizkion pentsamendu-antzeko puska itxuragabe batzuk. Jose Morales «Arima hilak» - Nikolai Gogol, 1998 - 405. orr.

Zoko-bazter guztietako argia bilatzeko saioa. Berria - Kultura 2004-05-25

hitz multzoen maiztasunak (gutxienez 4 aldiz agertzen direnak)

bazter auzoetako (6); bazter auzoetan (7); bazter batean (343); bazter batean eseri (4); bazter batean eserita (7); bazter batean gelditu (4); bazter batean geratu (6); bazter batean jarri (7); bazter batean utzi (17); bazter batean zegoen (17); bazter batean zeuden (6); bazter bateko (7); bazter baten (8); bazter batera (67); bazter batera eraman (6); bazter batera joan (13); bazter batetik (29); bazter batetik bestera (9); bazter batzuetan (4); bazter bazterrean (5); bazter bide (4)