Egungo Euskararen Hiztegia (EEH)

batzar (3.092 agerraldi, 100 liburu eta 1.354 artikulutan; ETCn 41.684 agerraldi; orobat batzarre g.er.) 1 iz bilera, eskuarki erakunde jakin batek dagozkion arazoei buruz hitz egiteko eta erabakiak hartzeko aldian-aldian egiten duena; horrelako bilera bateko lagunen multzoa. ik biltzar.

Biltzarrak gutun bat igorri dio Batzarrari, Garat anaiei beren ordezkari karguaren kentzeko. Elena Touyarou «Hautsi da katea» - Toti Mtz. de Lecea, 2004 - 45. orr.

Batzarra guk zer eginen dugun beha dago, manu zehatzak ukanak ditut Espainiara pasatzeko mugaren zeharkatzera entseatuko direnen gelditzeko. Elena Touyarou «Hautsi da katea» - Toti Mtz. de Lecea, 2004 - 63. orr.

Ez dute batzarrak egiteko agorarik, ez legerik; mendi handietako leizeetan bizi dira. Juan Kruz Igerabide «Ulises» - Homero, 2000 - 50. orr.

Asteartero egiten dute batzarra. Berria - Harian 2006-04-21

Horiek horrela, azken hamarkadan sona handiko hamaika batzar eta goi bilera ospatu da nazioarte mailan. Iñaki Heras «Txanponaren bi aldeak», 2003 - 317. orr.

Jakina denez, Batzar hura eratzaile bihurtu zen, eta erregerik gabeko Konstituzio berria antolatzen hasi zen. Askoren artean «Filosofiako gida», 2004 - 318. orr.

Behin, ni agertu ez nintzen batzar batean, ikastolako Juntarako hautatu ninduten. Joxerra Garzia «Kurrin-kurrun vitae», 2004 - 148. orr.

Xedapen horixe dator Luis Errukitsuak, 837. urtean, Aix-la-Chapelleko batzarrean, bere hiru seme Pepin, Luis eta Karlosen artean egin zuen banaketan ere. «Legeen espirituaz II» - Montesquieu, 1999 - 329. orr.

Jerusalemera itzultzean, herriko arduradunek batzarrean bildu eta Judean gotorlekuak eraikitzea erabaki zuten. Elizen arteko biblia 1 M 12,35

Pentsatzeko tarte bat utzi eta gero, atzo batzarrean bozkatzeko tenorea iritsi zitzaien. Berria - Harian 2005-11-15

Arturo Campion eta Pierre Broussain euskaltzainek batasunaren gainean 1920an aurkeztu zuten egitasmoa eztabaidatzeko, lau batzar antolatu zituen Euskaltzaindiak 1920-21 bitartean. Koldo Zuazo «Euskararen sendabelarrak», 2000 - 95. orr.

Batzar haietan egindako legeak dira guk kapitular deitzen diegunak. «Legeen espirituaz II» - Montesquieu, 1999 - 201. orr.

Ez dugu batzar hartako aktarik. «Legeen espirituaz II» - Montesquieu, 1999 - 329. orr.

Urte hartako neguan, batzar ugari izan ziren Pragan. J.M. Olaizola "Txiliku" «101 gau», 2000 - 42. orr.

Txinako Alderdi Komunistaren batzarra hasteko astebete falta denean. Berria - Mundua 2004-09-10

Indigenen Kontuetarako Nazio Batuen Foro Iraunkorraren batzarrean. Berria - Gaiak 2004-05-22

Alaine Garitagoitia Euskal Herriko Nekazaritza Eskoletako Ikasleen Batzarreko ordezkaria da. Berria - Harian 2005-03-02

Nazioarteko Diru Funtsaren ordezkariek eta zorraren hartzekodunen batzarrak ezin zuten onartu, egoera hartan, erresumaren jarduera ekonomikoaren inolako etendurarik. Iban Zaldua «Etorkizuna», 2005 - 21. orr.

IAEAko Gobernadoreen Batzarreko 35 estatuetatik AEBek, Errusiak, Txinak, Erresuma Batuak, Frantziak, Alemaniak eta beste hainbatek bozkatu zuten ebazpenaren alde. Berria - Mundua 2006-02-05

Horrek betiko eman zion Salomonen adiskidetasuna, eta bien artean pentsatzen aritu ostean, birigarroen batzar bat antolatu zuten. Julen Gabiria «Peter Pan» - James Matthew Barrie, 2004 - 250. orr.

"Hau ezin da hola gelditu", esaten zuen, eta batzar bat antolatu behar zela ahalik eta lasterren, "zurrumurru txatxu eta pozoitsu hori lehenbailehen gelditzeko". Xabier Mendiguren Elizegi «Arima enkoniatuak», 2006 - 109. orr.

Emakumeei ez zaie zilegi batzarrean hitzegitea. Elizen arteko biblia 1 Ko 14,34

Udan igandeetako "batzarretara" joaten ziren dantzatzera eta dibertitzera. Joseba Urteaga «Lekua» - Annie Ernaux, 2003 - 20. orr.

2 (izenondo eta izenlagunekin)

Ugaritasun horri kaltegarri iritzirik, Frantziako Batzar Nazionalak neurriak batzea erabaki zuen, garai guztiek, lurralde guztiek eta gizaki guztiek mundua neurtzeko modu bera izan zezaten. Anjel Lertxundi «Mentura dugun artean», 2001 - 161. orr.

EBBko zortzi kideak hilaren 31ko batzar nazionalean aukeratuko dituzte, gehiengo osoz. Berria - Euskal Herria 2004-01-11

Urte bereko uztailaren 25ean konstituzio berria idatziko zuen Batzar Eratzaile Nazionalerako diputatuak aukeratzeko hauteskunde berriak antolatu zituen. Pako Aristi «Venezuela, iraultza isilaren hitzak», 2000 - 92. orr.

Iraultzak bere bideari darraio, eta martxoaren 13an Batzar Eratzaileak errege-zedulengatik preso zeudenak askatzeko agindua ematen du. Juan Martin Elexpuru / Bego Montorio «Filosofia apaingelan» - Sade, 2001 - 28. orr.

NBEko 191 kideak biltzen dituen Batzar Nagusia geroan ere begirale hutsa izango da. Berria - Mundua 2004-12-05

Bizkaiko Batzar Nagusiek 25. urteurrena ospatzeko ekitaldia egingo dute gaur Gernikako Juntetxean. Berria - Euskal Herria 2004-04-28

Horrela baieztatu zuen atzo Gipuzkoako Batzar Nagusietako lehendakari Leire Ereñorekin egindako bilera. Berria - Euskal Herria 2004-09-02

Haren inguruan ospatzen zen urtero klanetako buruzagien arteko batzar nagusia, oraingoan ospatuko zen era berean. Eta batzar nagusia bildu nuen haien aurka. Joanes Urkixo «Gerlari zuria», 2004 - 29. orr.

1222an Asisen egin zen batzar nagusian (kapitulu jeneralean), 3.000 edo 5.000 (iturri ezberdinen arabera) anaia bildu zen. Askoren artean «Asisko Frantzizko, Asisko Klara», 2002 - 23. orr.

Ez zen prokuradorearen proklama berri bat, baizik eta Batzar Nazionalak zabaldu erabaki bat, egiazko lege bat. Elena Touyarou «Hautsi da katea» - Toti Mtz. de Lecea, 2004 - 128. orr.

Beharrezkoa da Udalbiltzaren sorrerako puntuak berreskuratu eta indartuko dituen Batzar Orokorra «lehenbailehen egitea». Berria - Euskal Herria 2004-05-01

Austria Behereko Ehiztari Elkartearen batzar orokorra atzeratu egin da asteartera, hilaren hogeita batera. Anton Garikano «Bederatzietatik bederatzietara» - Leo Perutz, 2003 - 147. orr.

Mankomunitatearen batzar iraunkorrean irakurri ziguten gutun hori. Berria - Euskal Herria 2004-10-10

Herriaren Adiskideen Elkarteko batzar publiko batean, han bildutakoak matxinatzen saiatu zen, "ministroak akabatu!" oihu eginez. «Loroaren teorema» - Denis Guedj, 2006 - 330. orr.

Irunen, atxilotuak epailearen aurretik pasatu arte egunero batzar informatiboak izango dira Urdanibia plazan. Berria - Euskal Herria 2004-10-07

Batzar irekia izan zen eta, gehienbat, idazle eta irakasle jendea bildu zen bertara. Koldo Zuazo «Euskara batua», 2005 - 158. orr.

Eskualdeka eta herrika batzar irekiak egingo dituzte, herritarren informazioa jaso dezaten. Berria - Euskal Herria 2006-04-01

Batzar «diskretuak» izango dira, baina ez ezkutukoak. Berria - Euskal Herria 2006-04-22

Zeuk eraginik, goretsiko zaitut batzar handian, neure promesak beteko ditut begirune dizutenen aurrean. jadanik zeruetako erreinuko batzar gorenean bizi zen. Elizen arteko biblia Sal 22,26

Lurralde batzar berezia. Berria - Euskal Herria 2004-04-30

Juan Jose Lizarbe PSNko idazkari nagusiak proposaturiko zazpi ordezkariek hartuko dute parte uztailean PSOEren batzar federalean. Berria - Euskal Herria 2004-06-20

[ELAren] Batzar Konfederala datorren azaroaren 26an eta 27an egingo da, Bilbon. Berria - Ekonomia 2004-05-06

Azken Kapitulu jeneraleko batzar santuari eta zuri [...] ondo iruditu zaizue Frantzisko gure aita dohatsuaren egite eta esanak idazteko eginkizuna gure ezereztasunari ezartzea. Askoren artean «Asisko Frantzizko, Asisko Klara», 2002 - 277. orr.

Jehuk agindu zuen: -Dei ezazue jendea batzar santura, Baalen ohorez! Elizen arteko biblia 2 Erg 10,20

Astearen lehen egunean batzar sakratua egingo duzue eta ez da ohiko lan arruntik egingo. Elizen arteko biblia Lb 23,7

Atzo egin zuten EKTko akziodunek urteko batzar nagusia Andoaingo Bastero Kulturgunean. Berria - Harian 2005-06-12

Larrañagak, Babeserako Batzarraren komisario nagusi komunistak, [...]. Inazio Mujika Iraola «Gerezi Denbora», 1999 - 73. orr.

Halako batean, premiazko batzarrera deitu zituzten lurraldeetako buruak, Busturian bertan zegoen Gernika herrira. Joanes Urkixo «Gerlari zuria», 2004 - 95. orr.

Zortzigarren egunean, amaierako batzarra izango duzue eta ez da ohiko lan arruntik egingo. Elizen arteko biblia Zen 29,35

Beste gorabeherarik baldin baduzue, legezko batzar batean erabakiko da. Elizen arteko biblia Eg 19,39

Ez da, beraz, atzera begirako batzar bat soilik. Berria - Harian 2005-09-06

Mundu mailako batzar bat aldarrikatzea zuen helburu. Fernando Morillo «Gloria Mundi», 2004 - 206. orr.

3 (hitz elkartuetan lehen osagai gisa)

Historia beti eta nonahi, gizarte guztietan, iraupenaren forma espontaneoak, nola antolatuak, erakusten dituen dokumentazio materialak (liburuak, testuak, kontaerak, erregistroak, batzar-agiriak, eraikuntzak, erakundeak, araudiak, teknikak, gaiak, ohiturak eta abar) lantzea eta baliatzea da. Xabier Arregi «Jakitearen arkeologia» - Michel Foucault, 2003 - 13. orr.

Gerrak hango eraikinetan eragin duen suntsiketaz jabeturik, nafar-foruzale zintzoak legez Gernikako Arbolaren eta hango Batzar-Etxearen tradizioaren itzalpera makurtzera joan ginen. Edorta Jimenez «Hemingway eta euskaldunak zerbitzu sekretuetan», 2003 - 69. orr.

Andoaingo udaletxeko batzar aretoan. Berria - Euskal Herria 2004-07-04

Batzar-aretoa presaka eta aztoratuta zeharkatu ondoren, Gernikako Haritz bizia agertu zitzaion begien aurrean. Juan Luis Zabala «Agur, Euzkadi», 2000 - 12. orr.

Gero oharren arbelean sendagile eta praktikanteen batzar-deiak eta sindikatuen iragarkiak irakurri ditu. Urtzi Urrutikoeetxea «Auzoak», 2005 - 74. orr.

Adar hilaren hamalaua eta hamabosta batzar-egun izango dituzte israeldarrek, Jainkoaren aitzinean poza eta alaitasuna adierazteko egun, belaunez belaun, betierean. Elizen arteko biblia EstGr 206,10

4 (hitz elkartuetan bigarren osagai gisa)

Italiako Errepublikako Eraketa Batzarreko diputatua izan zen. Izendatu berria zen Nafarroako Gobernu-Batzarraren albistea ere eman genuen. Fernando Rey «Gure etxeko kontuak» - Natalia Ginzburg, 2004 - 280. orr.

Herriaren finantza-egoera hondamendizkoa eztabaidatzeko bildu den Kontseilu-batzar batean, ministro batek ohartarazten du nola finantzen aldetik bikain doazen herrialde bakarrak gerra galdutako biak diren: Alemania eta Japonia. Juan Garzia «Sagua, eulia, eta gizakia» - François Jacob, 2004 - 77. orr.

Gure nazio batzarrek gai zibiletan zein lege argitaratu eta horiek gorde ditugu, batez ere ordena politikoan izan diren gertakari izugarriei lotuta daudenak. Andres Urrutia «Frantziako kode zibilaren lehen proiektua» - Jean di Portalis, 2000 - 57. orr.

BBBrako hauteskunde prozesuaren amaiera maiatzaren 8an bukatzekoa zen, lurralde batzar batekin. Berria - Euskal Herria 2004-04-30

Elizak, Inperioa desagertu ondoren, aurrekari sekular hartatik hartu zuen eredua eta apezpikuen eskualde-batzarretara dei egiten hasi zen. Iñaki Mendiguren «Historiaren azterketa II» - A.J. Toynbee, 2000 - 50. orr.

Gora bezate herri-batzarrean, goretsi zaharren kontseiluan. Elizen arteko biblia Sal 107,32

Ia egon naiz zoritxarrik bete-beteenean herri-batzar osoaren aurrean salatuta. Elizen arteko biblia EsZ 5,14

Emakumeak eliz batzarretan. Elizen arteko biblia 1 Ko 11,2 tit

Hala nola monarka-bileren eta ministro-batzarren emaitzarik esanguratsuenak ez diren agertzen komunikatu ofizialen testuetan, baizik lerro artean ezkutaturik dauden, [...]. Anton Garikano «Bederatzietatik bederatzietara» - Leo Perutz, 2003 - 43. orr.

Haurdunaldia eteteko pilularen aldeko kanpainak sustatzen jarraitzen badu Elizatik botako duela mehatxu egin dio Hondurasko Apezpiku Batzarrak Osasun ministroari. Berria - Gaiak 2004-02-08

Apaiz-batzarreko kideek gero eta trabes sarriagoak eta handiagoak egiten zituzten eta ikararen eta itxaropenaren gorabehera guztiez gozatzen. Juan Garzia «Ipuin hautatuak» - Jorge Luis Borges, 1998 - 50. orr.

Handik goiti, kanpora joaten nintzen aldiro, "talde-bilera" nuen, edo "talde-afaria", edo "talde-batzarra". Aingeru Epaltza «Rock'n'roll», 2000 - 365. orr.

On Camillo joan eta famili batzar osoaren aurrean aurkitu zen. Koldo Biguri «On Camillo» - Giovanni Guareschi, 2001 - 266. orr.

Ni nire kontsolaren gainean tinkaturik nengoen, beti-betiko, nire bi osabak, dena zekitenak, mundua sortzen laguntzen ari ziren ezkutuko isil-batzar solemne haren entzule. Josu Zabaleta «Gerrako pilotu» - Antoine Saint-Exupéry, 2003 - 86. orr.

5 batzar buru ik batzarburu.

6 batzar etxe batzarrak egiteko etxea, eskuarki Gernikakoa.

Batzar Etxean eta Gernika osoan ezertxo ere ez zen entzuten. Txillardegi «Putzu», 1999 - 263. orr.

Gernikako Batzar Etxean egindako ekitaldian onartu zuten Bolibar bereiztea. Berria - Euskal Herria 2004-12-01

Nafar-foruzale zintzoak legez Gernikako Arbolaren eta hango Batzar-Etxearen tradizioaren itzalpera makurtzera joan ginen; mirariz, ukitu gabeak ziren. Edorta Jimenez «Hemingway eta euskaldunak zerbitzu sekretuetan», 2003 - 69. orr.

Bihar Gernikako Batzar Etxean karguaren zina egingo duela ere iragarri zuen Bilbaok. Berria - Harian 2005-06-24

Abadiñoko Gerediagako Salbadore batzar etxean egin zuen, atzo, Jose Luis Lizundia euskaltzain osoak sarrera hitzaldia. Berria - Kultura 2004-07-24

7 batzar gela (orobat batzargela g.er.) iz batzarrak egiten diren gela.

Etxalar-ek abiatzen du mugimendua astelehen huntan, Batzar gelan, aratseko 8 orenetan. Herria 2001-11-15

Wicklow Streeteko Batzar gelan igarotzen zuen O'Connor jaunak egunaren parte handi bat, Jackekin, etxezain zaharrarekin, sutondoan eserita. Irene Aldasoro «Dublindarrak» - James Joyce, 1999 - 174. orr.

"Huntz eguna batzar gelan": nazionalistak edan eta edan eta kontu kontari, boto eskatzen dabiltzan bitartean. Markos Zapiain «Errua eta maitasuna», 2002 - 70. orr.

Batzar gela batean bildu ziren Elorrieta, afiliazioa gainbegiratzen duten teknikariak eta kazetariak. Berria - Ekonomia 2004-11-11

Aurrerantz joanda, beste gela asko: logelak eta batzar-gelak. Berria - Kultura 2004-11-13

Dozena bat enpresa berriren egoitza izateko lekua duen eraikinak, gainera, bi batzargela, auditorioa eta prentsaurrekoak egiteko aretoa ere baditu. Berria - Ekonomia 2004-07-24

hitz multzoen maiztasunak (gutxienez 4 aldiz agertzen direnak)

akziodunen batzar (7); arabako batzar (18); arabako batzar nagusien (4); arabako batzar nagusietako (6); arabako batzar nagusietan (4)

batzar aretoa (10); batzar aretoan (11); batzar aretotik (6); batzar berezia (6)

batzar egin (5); batzar eratzailea (5); batzar eratzailean (5); batzar etxean (6); batzar gelan (4); batzar handiak (5); batzar handian (5)

batzar informatiboa (4); batzar irekia (6); batzar nagusi (11); batzar nagusia (69); batzar nagusia egin (8); batzar nagusiak (62); batzar nagusian (67); batzar nagusiaren (10); batzar nagusiari (5); batzar nagusiei (7); batzar nagusiek (101); batzar nagusien (47); batzar nagusietako (80); batzar nagusietako aretoan (5); batzar nagusietako lehendakari (8); batzar nagusietako lehendakaria (6); batzar nagusietan (74); batzar nagusietan egindako (4); batzar nagusietara (4); batzar nagusiko (5); batzar nagusira (4); batzar nazionala (18); batzar nazionala egin (7); batzar nazionalak (22); batzar nazionalaren (4); batzar nazionalari (5); batzar nazionalean (22); batzar nazionaleko (7)