Egungo Euskararen Hiztegia (EEH)

barna 1 izond sakona.

Su-hiltzaleak jin zirelarik arroila barna bat ikusi zuten muga mozten zuela. Michel Oronoz «Oilandoiko ermita», 2001 - 210. orr.

Uraren zeharkatzeko sobera barna ez zen gune baten bila hasi zen. Elena Touyarou «Hautsi da katea» - Toti Mtz. de Lecea, 2004 - 32. orr.

Harrigarria zitzaion erlijioaren hatzak hain barna ziren herri ttipi hartan, ohaidetasuna hain naturalki onets zezaten. Elena Touyarou «Hautsi da katea» - Toti Mtz. de Lecea, 2004 - 145. orr.

Erroak barna ditu jendeen maleziak. Angel Aintziburu / Jean Baptiste Etxarren «Luzaiden gaindi», 2002 - 79. orr.

Badago historia markatzen duen elementu bat historia baino barnagokoa -nolabait naturala, esentziala- espainolen izaeran. Joxe Azurmendi «Espainiaren arimaz», 2006 - 158. orr.

2 adlag barruan, barnera; sakonki.

Ez dezaket burutik ken, deportazioak utzi zauriak, batzuentzat zein barna, oi zein barna gelditu ziren. Eneko Bidegain «Anbroxio», 2002 - 210. orr.

Ene baitan ditudan urradurek barna, sakonki eta saminki sendiarazten dizkidate Herriarenak. Piarres Aintziart «Santiago oinez», 2000 - 63. orr.

Behin baino gehiagotan haiek hartu zituzten gure anitz itsasontzi beren kargekin, armekin eta gudariekin Espainietako leihorretan eta sartu batzutan gure itsasoaren erdian, zenbait legoa barna, eramanez berekin anitz gatibu. Piarres Xarriton «Enkiridion» - Martin Azpilkueta, 2006 - 185. orr.

Oihanean jaun eta jabe ziren, eta alemanak ez ziren barna sartzera ausartuko. Eneko Bidegain «Anbroxio», 2002 - 61. orr.

Nahiz eta ikusiz leihatila zein barna sartua den hormaren sakonenean eta gorenean, jadanik banuen ba ideia ttipi bat... Filipe Bidart «Bakartasunaz bi hitz», 2004 - 34. orr.

Batean gogoan nuela Mirentxu, non ote zebilen, eta bestean Elena, ene bizian kolpez hain barna sartua zen Elena. Janbattitt Dirassar «Bihotzeko mina», 1997 - 68. orr.

Aita zenaren lapurtar boneta hartu zuen [...] eta buruan aski barna sartu zuen, beti egiten ikusi zuen bezala. Elena Touyarou «Hautsi da katea» - Toti Mtz. de Lecea, 2004 - 201. orr.

Neska xarmanta duk naski, baina kasu, ez sobera barna joan, ibil arraposki, ezagutzak polliki-polliki eginez. Janbattitt Dirassar «Bihotzeko mina», 1997 - 90. orr.

Burgosek ez ninduen hoin barna hunkitu. Piarres Aintziart «Santiago oinez», 2000 - 160. orr.

Jaurenea-ko nagusiak ordea, gauza hori biziki barna hartu zuen. Elena Touyarou «Hautsi da katea» - Toti Mtz. de Lecea, 2004 - 30. orr.

Ezpain xokoa baino barnago hurbiltzera uzten ez duen pott itxurako ihizi milikaño horrek. Eneko Bidegain «Anbroxio», 2002 - 178. orr.

Hona herri bat, ene iduriko beste herriak baino barnago fede katolikoak markatua. Piarres Aintziart «Santiago oinez», 2000 - 26. orr.

Sekula ausartzen ez zen hura inor baino barnago sartua nintzen. Koldo Izagirre «Sua nahi, Mr. Churchil?», 2005 - 201. orr.

Barnago joan? Nekez. holako ateraldien funtsa barnagotik behar litake orobat aztertu.· Deus guti zekien hartaz, eta apur hori barna-barna sarturik zuen buru kaskoan. Herria 2002-08-08

3 barnatik adlag sakonki.

Elizan ziren guziak barnatik hunkiturik zeuden, "Adartza" taldeko soinulari paregabeek jo dutenean "Goizean argi hastean" doinu miresgarria. Angel Aintziburu / Jean Baptiste Etxarren «Luzaiden gaindi», 2002 - 208. orr.

4 –n barna -n zehar, -n barrena; -n barnean.

Hegoaldera buruz ere igan, Ibañetan gaindi, Auritze eta Aezkoan barna. Angel Aintziburu / Jean Baptiste Etxarren «Luzaiden gaindi», 2002 - 7. orr.

66 highwayan barna zebilen trucker baten kabinan kokatu zen, hitzeman baitzion honek Los Angeleseraino eroango zuela. Itxaro Borda «Zeruetako erresuma», 2005 - 33. orr.

Sarritan mintzo gara ate itxian barna, eta ez da mirari, hotsa minik gabe pasa baitaiteke gauzen poro bihurretan zehar. Xabier Amuriza «Gauzen izaeraz» - Lukrezio, 2001 - 265. orr.

Hura ikusi, eta ezin konta ahala ahots hasi zitzaizkidan barrutik irten beharrean, ez eztarrian barna, baizik eta zuzenean bihotzetik. Juan Kruz Igerabide «Hauts bihurtu zineten», 2005 - 27. orr.

Indian bizi zen errege baten izena du hartu [ibaiak], haren lurretan barna iragaten baitzen. Aurelia Arkotxa «Septentrio», 2001 - 81. orr.

Arratsean isiltasuna nagusitzen da korridoreetan barna; murmurio eta soinu itzaliek lokarraraziko zaituzte gauero. Filipe Bidart «Bakartasunaz bi hitz», 2004 - 11. orr.

Lau gizon soroetan barna joan ziren, artasoroen artean, errepidearen alde batetik, eta beste lau zetozen beste aldetik, sagarrondoetan zehar. Koro Navarro «Zalakain abenturazalea» - Pio Baroja, 2006 - 120. orr.

Zazpi euskal herrietan barna, hiru lagunek, bizikletaz eta bost egun barne, egin duten 700 kilometroko itzuliaren egunaria. Piarres Aintziart «Santiago oinez», 2000 - 7. orr.

Itzuli bat, ziztu bizian, Charlyren motor herdoiltsuaren gibelaldean, hiri inguruko ingurabideetan barna. Aingeru Epaltza «Rock'n'roll», 2000 - 161. orr.

Gero, metroa ez da jada metroa, lur azpitik ateratzen delako, eta benetan aintzira ez den aintzira hartako ur-bazterretan barna ibiltzen delako. Fernando Rey «Paradisuko Almanaka» - Gianni Celati, 2005 - 11. orr.

Lagunekin tragoetan joan gau epelaz gozatzera Habanan barna. Edorta Jimenez «Hemingway eta euskaldunak zerbitzu sekretuetan», 2003 - 133. orr.

Biek bide egin zuten, karrikan barna, elkarri fitsik erran gabe. Elena Touyarou «Hautsi da katea» - Toti Mtz. de Lecea, 2004 - 13. orr.

Zakurra zoratzen Peterrekin parkean barna. Gotzon Garate «Zakurra, zeure laguna», 2002 - 135. orr.

Larrun mendiaren maldetan barna doazen bidezidorrak […..] ez zuten misteriorik haientzat. Koro Navarro «Zalakain abenturazalea» - Pio Baroja, 2006 - 84. orr.

Alderdi basatian barna. Aingeru Epaltza «Rock'n'roll», 2000 - 7. orr.

Hitz egiteko itxaropena galdu zuen eta halaz, oroitzapenetan barna igeri abiatu zen. Itxaro Borda «Zeruetako erresuma», 2005 - 42. orr.

Artearen historian barna. Berria - Euskal Herria 2004-07-22

Gure ahots propioak, eztabaidak eta gure juja ahalmenak, indarrik ez balute bezala, erabateko inpotentzian barna amildu ziren. Itxaro Borda «Hiruko», 2003 - 86. orr.

Ez zen karabanarik pasatzen han barna xekearen haritzaren oinean dirurik utzi gabe. Fernando Rey «Ararat mendiaren sumina» - Yasar Kemal, 2003 - 68. orr.

Ilargiak uretan egiten zuen isla ere deskribatzen ahal dizuet, ikusi egin bainuen han barna pasatzean. Fernando Rey «Paradisuko Almanaka» - Gianni Celati, 2005 - 77. orr.

Cascaisko ibarra ere zapaldu nuen, egia, baina ez nintzen han barna behar baino arrabete urrunago joan. Edorta Jimenez «Sukar ustelaren urtea», 2004 - 134. orr.

· Bere bizi luzean barna ezagutu zuen Nafarroan berean Agramondarren eta Beaumondarren arteko hisia. Piarres Xarriton «Enkiridion» - Martin Azpilkueta, 2006 - 30. orr.

Egunean barna izan genuen argi laru eta hotza ortzian halaxe ilundu zenean. Edorta Jimenez «Sukar ustelaren urtea», 2004 - 178. orr.

Jainkoak berak daki zenbat eta zenbat kristau belaunikatu diren mendeetan barna Orriako Amaren oinetan. Angel Aintziburu / Jean Baptiste Etxarren «Luzaiden gaindi», 2002 - 210. orr.

5 –n barnako -n zeharko.

Bigarren Mundu Gerrako lehen urteetan mundua biltzen baita Habanan barnako frontoi, kafe, kasino eta kabaretetako gau epel-gozoetan. Edorta Jimenez «Hemingway eta euskaldunak zerbitzu sekretuetan», 2003 - 133. orr.

Aletegi bihurtu zen, munduko aletegi dotoreena, zutabe erromatar eta grekoetan barnako sarrera zuena. Fernando Rey «Zorrotz begiratutako trenak» - Bohumil Hrabal, 2002 - 24. orr.

Elkarri luzaturiko agurra begiramen berezikoa zen, bizitzan barnako konplizitate suerte bat balute bezala. Jose Angel Irigaray «Denboraren mugan», 2005 - 58. orr.

6 –tik barna -n zehar.

Gu hirurok etxera bidean, basotik barna, gau osoa isileko arrantzan eman ostean Koronelaren ibaian. Mirentxu Larrañaga «Peaceful soldadua» - Michael Morpurgo, 2006 - 155. orr.

Beste batek Portas do Solera darama, Largo dos Lóiosetik barna. Jon Alonso «Lisboako Setioaren Historia» - José Saramago, 2000 - 190. orr.

Martin eta Bautista Zestoako errepidetik barna abiatu ziren. Koro Navarro «Zalakain abenturazalea» - Pio Baroja, 2006 - 134. orr.

Epe laburrik barna munduratuko zuen semea edo alaba nola hazten ahalko zuen bakarrik? Elena Touyarou «Hautsi da katea» - Toti Mtz. de Lecea, 2004 - 172. orr.

Horrek lagundu egiten dio hezur guztiak mugitzen, eta odola sumatzen du pixkanaka zainetatik barna. Alberto Barandiaren «Mundu txikia», 2005 - 26. orr.

hitz multzoen maiztasunak (gutxienez 3 aldiz agertzen direnak)

aski barna (7); astean barna (3); auzoan barna (4); baionan barna (4)

barna abiatu (13); barna abiatu zen (4); barna abiatu ziren (4); barna aurkitzen (3); barna den (4); barna doa (3); barna doan (4)

barna egin (11); barna egindako (6); barna egiten (4); barna hedatzen (3)

barna ibili (17); barna ibili zen (4); barna ibilia (3); barna ibiliko (4); barna ibiltzeko (3); barna ibiltzen (6); barna igaro (3); barna ikusten (4); barna izan (3); barna jarraitu (3); barna joan (13); barna joan nintzen (4); barna joan zen (3); barna joanen (3)