Egungo Euskararen Hiztegia (EEH)

Eta ez hori bakarrik: txakurra gai da, pertsona baten eskua usaindu eta gero, pertsona hori bera besapeko usainetik ezagutzeko.  Irene Aldasoro   «Giza gorputza lanean» - John Lenihan, 2006 - 145. orr.

Eta, hurrena, Maria Morena aipatu zuen teatralitate handiz, eskuin besoa bere osotasunean luzatuz -eta besapeko izerdi orban lotsagarria nabarmen erakutsiz, ene irudikotz-, baina ez aurretik han zeuden ikusle ordurako desmadratzen nahiz odolusten hasiei fin portatzeko esateaz ahaztu gabe, isiltasun eta errespetu osoz.  Karlos Linazasoro   «Ez balego beste mundurik», 2000 - 140. orr.

Berariaz eta aldi berean nahi gabe erreparatu nien besapeko ile bakan horiei, kleptomanoak gauza ezdeusak lapurtzen dituen plazer bertsuarekin.  Joxean Agirre   «Romain zen bere izena», 2003 - 68. orr.

Balester hark ez zuen segurki dukesa Anaren trakako elegantziarik, sportwear estilo karioan jantzia zela, paltoaren besapeko turrunpilo metalikoak seinalatzen zigun eran pistola zeraman.  Itxaro Borda   «Entre les loups cruels», 2001 - 124. orr.

Besapeko izerdi urrina zerien gizonez gainezka zegoen ostatuxka batera jausten ziren eskalerak hartu zituzten, eta hango ilunpeari eta keari ohitzen lanik aski ukan zuten.  Elena Touyarou   «Hautsi da katea» - Toti Mtz. de Lecea, 2004 - 263. orr.

Esku dardarati batez besapeko pistola haztatu nuen.  Alberto Ladron Arana   «Eguzki beltzaren sekretua», 2004 - 92. orr.

Nire besapeko grabagailu-libretei behakoa egin zien, mesfidati.  Aingeru Epaltza   «Rock'n'roll», 2000 - 100. orr.