Egungo Euskararen Hiztegia (EEH)
begizainBegiz eta laster egindako azterketa baino ez zen izan, baina zein ere zen haren isiltasunaren arrazoia, ez nuen ezer ikusi jipoitu zutenik edo sexu-erasorik egin ziotenik pentsarazteko modukorik. Oskar Arana «Brooklyngo erokeriak» - Paul Auster, 2006 - 164. orr.
Ukalondoen gainean jarrita, begiz jarraitu dituzte satorrek urratutako korridore haizatuak, sigi-saga lurraren azalean, zainak zaharren azalean bezala. Itziar Otegi «Axenario» - Jules Renard, 2006 - 41. orr.
Tarte batez, tabernako bezeroek zehatz-mehatz aztertu zuten irakaslea begiz. Bernardo Atxaga «Groenlandiako lezioa», 1998 - 13. orr.
Ez nuen uste don Pedrok begiz joko ninduenik. Juan Garzia «Pedro Páramo» - Juan Rulfo, 2001 - 61. orr.
Batzuetan, begiz kalkulatzen da distantzia. Irene Aldasoro «Giza gorputza lanean» - John Lenihan, 2006 - 89. orr.
Eta enetzat ere Jainkoak egin tenplu hori gizonek egin ditzaketenen gainetik zagok... -erran zidan osabak, zeina hitzez ez ezik begiz ere mintzatu baitzitzaidan, argiz gainezka zituen bere begietarik, mens mundi-aren bihotza bere bihotzean taupaka balu bezala. Joan Mari Irigoien «Lur bat haratago», 2000 - 259. orr.
1937an aurkitu genuen: bera zen, gelan zutik; semea azkeneko aldiz hartzen zuen beso artean; adio esaten zion eta gero, haren aurpegia begiz janez, eraikin mutuaren eskailera hutsetan behera jaisten zen... Felipe Juaristi «Azken gutuna» - Vassili Grossman, 2005 - 62. orr.
Orduan, Druida Nagusia tontor gainetik jaitsi zen eta, Fionnen aurrean jarririk, eguzkiak galeriako atearekin egiten zuen angelua begiz neurtu zuen. Joanes Urkixo «Gerlari zuria», 2004 - 41. orr.
Ez da izen txarra, nik bezala egunero hamaika paper begiz jan behar izaten duenarentzat. Joxerra Garzia «Itsasoan euri», 2003 - 85. orr.
Alferrikako gertatu zitzaidan pentsatzea neuk ere, hura begiz hauteman eta hamar hatz azazkaldunez haztatzen nuen honek, ez nuela munstrotik gutxiago. Juan Garzia «Ipuin hautatuak» - Jorge Luis Borges, 1998 - 242. orr.
