Egungo Euskararen Hiztegia (EEH)

Fonema batzuen palatalizazioaz edo bustiduraz ari gara, eragin txikigarria edo gutxiesgarria duten hipokoristikoez, alegia.  Iñaki Arranz   «Hitza azti», 2006 - 63. orr.

1978an etorri zen hots bustiak idazteko araua: bustidura adierazgarriak idazterakoan islatzea erabaki zen, baina ez i bokalak eragindakoak.  Koldo Zuazo   «Euskara batua», 2005 - 174. orr.

Hizkera jakin batzuek egindako berrikuntza da bustidura, eta alde horretatik ere zentzuzkoa da, batasunari begira, bustidurak idatziz ez agertzea.  Koldo Zuazo   «Euskararen sendabelarrak», 2000 - 185. orr.

Bustidurak sortzen ditu buruhausterik larrienak.  Koldo Zuazo   «Euskararen sendabelarrak», 2000 - 185. orr.

Bustiduraren kasuan, berriz, adierazkortasun arrazoien karietara egin palatalizazioa baizik ez da bere horretan transkribatuko.  Berria - Kultura   2004-10-06

Ez zen etxeko euskara, laburduraz eta bustiduraz betea, baina haren arrastoak suma zitzakeen euskara osatu, dotoretu, goratu hartan.  Iñigo Aranbarri   «Hitzak eta giltzak», 2001 - 88. orr.

Bizkai gehienean indartsua da bustidura, baina oso ahula Txorierrin, Zeberion, Orozkon eta Arratian...  Koldo Zuazo   «Euskara batua», 2005 - 175. orr.

Ikuskizuna bera aski zatekeen hezur-muinetan bustidura sentiarazteko, baina, horretaz gain, etxeak berak ere bazuen, hutsik egon izanaren ondorioz, hotz hezea hormetan sartua.  Ramon Saizarbitoria   «Gorde nazazu lurpean», 2000 - 67. orr.

Gabik lagunei begiratu die, eta mauka berriz ere pasatu du sudurreko bustiduratik.     «Bizia lo», 2003 - 58. orr.

Adostasunezko agurraz telefonoa gakoan eskegi ostean Eusebia bazetorren matrailetako azken ur-bustidurak eskuaren atzealdeaz sikatuz.  Josu Landa   «Odolbildua», 2002 - 150. orr.

Urak gainezka egin arte, / bustiduran ito.  Jasone Osoro   «Korapiloak», 2001 - 49. orr.