Egungo Euskararen Hiztegia (EEH)

bizikleta (ETCn 17.204 agerraldi) 1 iz bi gurpileko ibilgailua, gainean doanak pedalen bidez higiarazten duena. ik txirrindu.

Belauniko jarri nintzen bidearen erdian, kotxerik edo autobusik edo bizikletarik edo motorrik edo patineterik edo beste edozein ibilgailurik etorriko ote zen ezaxola. Jon Alonso «Euskal karma», 2001 - 90. orr.

Gaurko baserritar gazteek motoa bezain maitea zuten ordukoek bizikleta. Xabier Etxabe «Lurtarra da begiratua», 2004 - 10. orr.

Bizikleta hartuta ibaian behera jaitsi zela gure aitonaren jaioterriraino andre xahar haren bila. Pello Lizarralde «Denak hasperenka» - Gianni Celati, 2005 - 225. orr.

Bizikleta eta ekipajea hartu eta errepide nagusiaren ertzean kokatu naiz, Teheranerantz eraman nahi ninduen edozein kamioi, furgoneta edo autobusetan sartzeko prest. Jon Arretxe «Ekialdeko mamuak», 2003 - 124. orr.

Bizikletak eta motozikletak konpontzeko tailerra. Lopez de Arana «Manhattan Transfer» - John Dos Passos, 1999 - 401. orr.

Norbait eserita dago hartxintxar meta batean, urbazterrean, bizikleta telegrafo-habearen kontra utzita. Koldo Biguri «On Camillo» - Giovanni Guareschi, 2001 - 37. orr.

Bizikleta bat bezain errexki gidatu ahal izan duela hegazkin munstro hori. Herria 2005-05-05

Nik ere beraiekin joan nahi nuen, baina ez zidaten utzi, bizikleta neramalako. Josu Zabaleta «Anne Franken egunkaria» - Anne Frank, 2004 - 170. orr.

"Nahi baduzu bizikletan eramango zaitut", esan nion broman. Bernardo Atxaga «Soinujolearen semea», 2003 - 166. orr.

Bizikletaren barra gainean hartu, eta han abiatu ginen. Juan Garzia «Sistema periodikoa» - Primo Levi, 1998 - 166. orr.

Esaiozu bizikletari gurpila zulatu zion gailegoa naizela. Javi Cillero «Hollywood eta biok», 1998 - 212. orr.

Gizon bat txano koadroduna zuena, bizikletan, eskuan gurpila haizatzeko ponpa, kantari. Fernando Rey «Paradisuko Almanaka» - Gianni Celati, 2005 - 12. orr.

Anaia txikienak kargatzen zituzten esne marmitak bizikletaren eskulekuan, eta pozik eta txistuka abiatzen ziren herriko plazarantz. Josu Zabaleta «Gauza baten ametsa» - Pier Paolo Pasolini, 1998 - 95. orr.

Harro-harro gorde nuen nire erromes-karta zigilatua bizikletako aneketako batean. Berria - Kultura 2004-08-10

Bat-batean bizikletaren txapa-zarata entzun genuen, lurrean arrastaka. Juan Kruz Igerabide «Hauts bihurtu zineten», 2005 - 12. orr.

Eskuargi elektrikoak, kandelak, kriseiluak, olio-lanparak bai eta bizikleten karburo-faroltxoak ere hartu zituzten, argi pixka bat izateko. Koldo Biguri «On Camillo» - Giovanni Guareschi, 2001 - 279. orr.

Zeren haren bizikletak ez baitut uste farolik erabiltzen zuenik. Josu Zabaleta «Gauza baten ametsa» - Pier Paolo Pasolini, 1998 - 5. orr.

Ez nituen begiak kendu bizikletaren farolak errepidean egiten zuen horiunetik. Bernardo Atxaga «Soinujolearen semea», 2003 - 172. orr.

Bihurgune itxi batean, erori egin nintzen bizikletatik. Berria - Kultura 2004-08-10

Berriz igo nintzen bizikletara. Koldo Biguri «On Camillo» - Giovanni Guareschi, 2001 - 39. orr.

4.000 metro igerian, 180 kilometro bizikletan eta maratoia korrika. Berria - Harian 2005-08-03

Egun osoa batetik bestera ibiltzen nintzen bizikletan, zer kontatua aurkitzeko. Koldo Biguri «On Camillo» - Giovanni Guareschi, 2001 - 19. orr.

Askotan egina zuen behetik gorako bide hura, bizikletan nahiz oinez. Ramon Saizarbitoria «Gorde nazazu lurpean», 2000 - 44. orr.

Zuztar batek bizkarraren erdi-erdian harrapatu zuen bizikletan zihoan gizon bat, eta bizikleta sigi-sagan lerratu zen errepidearen bestaldera. Koro Navarro «Artistakume baten erretratua» - Dylan Thomas, 1999 - 96. orr.

Bizikleta gainera igo eta ospa egin zuen, opera liriko baten doinu bat txistukatuz. Fernando Rey «Paradisuko Almanaka» - Gianni Celati, 2005 - 116. orr.

Lodiegia zen bizikleta gainean txukun ibiltzeko. Xabier Etxabe «Lurtarra da begiratua», 2004 - 10. orr.

Maiz ibiltzen zen bizikleta gainean eskurik gabe... soinua jotzen gainera. Xabier Etxabe «Lurtarra da begiratua», 2004 - 16. orr.

Hemengo askok, bizikletan pasatzen ikusten dutenean, urkila apurtu eta lurraren kontra muturreko on bat hartzen ikusteko gogoa izaten dute. Koldo Biguri «On Camillo» - Giovanni Guareschi, 2001 - 248. orr.

Bizikletaz egiten zituen bidaiak, eta joanaldi bakoitzean, zakukada handi batekin edo birekin itzultzen zen. Anjel Lertxundi «Konpainia noblean», 2004 - 104. orr.

Eguraldi txarraren azken erauntsiei erronka eginez, Casarsakoak, Comunalekoak eta Boscokoak bizikletetan aldegin zuten, bide lokaztuan, kantuz. Josu Zabaleta «Gauza baten ametsa» - Pier Paolo Pasolini, 1998 - 105. orr.

Sasoi hartan bizikletaz ibiltzeko moda zegoen, eta ni bizikletaren pedalei eragiten oso bizkorra nintzen. Pello Lizarralde «Denak hasperenka» - Gianni Celati, 2005 - 29. orr.

Gero eta jende gehiago zebilen kalean, batzuk bizikleten pedalei eraginez, gehienak oinez. Anjel Lertxundi «Ihes betea», 2006 - 126. orr.

Sara bizikletaz joan zen Dioni eta Soniaren etxera, abisua ematera. Joan Mari Irigoien «Ipuin batean bezala», 2002 - 68. orr.

Kolegiora joan beharko nuen egunero, bizikletaz, trenez, oinez. Bernardo Atxaga «Soinujolearen semea», 2003 - 109. orr.

13 eta 17. udal tranbietan, autoz edo bizikletaz etor daiteke. Josu Zabaleta «Anne Franken egunkaria» - Anne Frank, 2004 - 77. orr.

Ez daki nolako itxura ematen duen apaiz batek karrerako bizikleta baten gainean! Koldo Biguri «On Camillo» - Giovanni Guareschi, 2001 - 66. orr.

Bizikletaren erritmo patxadatsuak aukera eman zidan itsasbazterreko pasealekuan zegoen jende ugariaren itxurari eta portaerari erreparatzeko. Jon Arretxe «Ekialdeko mamuak», 2003 - 18. orr.

2 (izenondo eta izenlagunekin)

Neguan, sasoi gogor hori ziplo zetorrenean, eskiak bizikleta herdoilduari lotu, eta han abiatzen zen, goizean goiz, pedalka bizian elurretaraino. Juan Garzia «Sistema periodikoa» - Primo Levi, 1998 - 67. orr.

Egunkari-banatzaileen bizikleta kirrinkatsuen etorrera aurresenti zitekeen jada. Harkaitz Cano «Neguko zirkua», 2005 - 87. orr.

Bizikleta estatikoa ere bai beranduago, apustuan hasi zenean. Xabier Etxabe «Lurtarra da begiratua», 2004 - 14. orr.

Kanpoan liburu zaharren azoka bat zegoen, eta mutil talde bat zebilen bizikleta akrobatikoekin. Ramon Saizarbitoria «Gorde nazazu lurpean», 2000 - 112. orr.

Bazter batean bizikleta puskatu bat aurkitu zuten. Gotzon Garate «New Yorkeko kronika beltza», 2004 - 166. orr.

Igandea zen eta Öchler bigarren eskuko bizikleta beltz batean agertu zen iganderoko hitzordura. Anjel Lertxundi «Ihes betea», 2006 - 320. orr.

Ordezko bizikletarekin egin dut etapa. Berria - Kirola 2006-04-06

Ateratzean ikusi dut oroigarri sinple bezain hunkigarria, burdinezko bizikleta bat, harri pila batean uzkailirik finkatua, Heinrich Krause erromes alemana hemen hil zen, istripuz, Santiagora txirrinduz zihoala. Piarres Aintziart «Santiago oinez», 2000 - 181. orr.

Astigarraga eta Oiartzun arteko bidean ari zen entrenatzen Chaurreau, erlojupekoko bizikletarekin. Berria - Kirola 2004-06-30

3 (hitz elkartuetan lehen osagai gisa)

Batzuk geldirik ere bazeuden udaletxeko plazan, bizikleta eserleku gainean eserita. Josu Zabaleta «Gauza baten ametsa» - Pier Paolo Pasolini, 1998 - 167. orr.

Arkadi lurrean eserita, gorputza bizikleta-koadroaren aurka, beso bakoitza gurpil banari lotuta, begirada irmoa, mitxeleta bat haren irribarrean. Felipe Juaristi «Airezko emakumeak», 2003 - 266. orr.

Herdoildutako bizikleta-helduleku bat. Harkaitz Cano «Neguko zirkua», 2005 - 106. orr.

Joan ziren bizikleta gordelekura, eta haienak baizik ez ziren geratzen han; gaztetxo logaletu bat zegoen zaintzaile. Josu Zabaleta «Gauza baten ametsa» - Pier Paolo Pasolini, 1998 - 28. orr.

Errepidean, uda nahiz negu, beti izaten zen Rosatik Gruarora zebilen gurdi eta bizikleta joan-etorria. Josu Zabaleta «Gauza baten ametsa» - Pier Paolo Pasolini, 1998 - 95. orr.

Betiko kontuak: Pioren bizikleta-apustuak, Ama zakurrari oldartu zitzaionekoa eta Jexuxen erromerietako ibilera traketsak. Xabier Etxabe «Lurtarra da begiratua», 2004 - 74. orr.

Badakizu, urtero joaten naiz lagun batzuekin bizikleta-bira bat egitera, eta... Irene Aldasoro «Dublindarrak» - James Joyce, 1999 - 281. orr.

19: 00etan bizikleta martxa abiatuko da Diputazio paretik. Berria - Euskal Herria 2004-09-22

Bizikleta ibilaldi hau iraganen da ekainaren 19 eta 20 an, 19 orenez gelditu gabe. Herria 2004-05-13

-Ba -azaldu zuen Barchinik-, bizikleta lasterketa bat: gizon bakoitzak neska bana eraman behar du barran eserita. Koldo Biguri «On Camillo» - Giovanni Guareschi, 2001 - 292. orr.

Cédric Arrijuria gaztea zendu da 18 urtetan, bizikleta ixtripu baten ondorioz. Herria 2005-12-01

Kafe etxea utzi, eta bizikleta-denda batean lan egin zuen, harik eta gerra piztu zen arte. Patxi Zubizarreta «Mirarien kalezuloa» - Nagib Mahfuz, 2006 - 53. orr.

Ahmedabaden bada bizikleta-konpontzaile bat motorrez ibiltzen dena. Gotzon Garate «India harrigarria», 2001 - 40. orr.

Film neorrealista bat ikusten ari den ikusleari Bizikleta-lapurrak-en zoritxarrak zirrara eragiten diola uste da. Josu Zabaleta «Irudia» - Jacques Aumont, 2004 - 258. orr.

4 (hitz elkartuetan bigarren osagai gisa)

Ero baten pare abiatu zen Castellino aldera, sakristauaren semearen lasterketa-bizikletaren gainean. Koldo Biguri «On Camillo» - Giovanni Guareschi, 2001 - 66. orr.

Hortik, mendi-bizikletez segituko dute beren bidea Arrosaraino, Larla mendian gaindi. Herria 2003-09-11

Mendi-bizikletako espezialistarik onenetakoak ariko dira bihar Berrizen. Berria - Kirola 2004-06-12

Emakume-bizikleta bat zen, auzotik pare bat kilometrora zegoen paper-lantegi batera lanera joateko amak garai batean erabilia. Juan Kruz Igerabide «Hauts bihurtu zineten», 2005 - 41. orr.

Karrerista bizikleta baten eserlekua. Harkaitz Cano «Neguko zirkua», 2005 - 105. orr.

hitz multzoen maiztasunak (gutxienez 3 aldiz agertzen direnak)

bere bizikleta (3)

bizikleta apustuak (3); bizikleta bat (17); bizikleta baten (20); bizikleta baten eserlekua (3); bizikleta baten gainean (4); bizikleta baten puntan (5); bizikleta beltz (4); bizikleta da (4); bizikleta eta (20); bizikleta gainean (71); bizikleta gainean jarri (4); bizikleta gaineko (9); bizikleta gainera (3); bizikleta hartu (22); bizikleta hartu eta (16); bizikleta hartuta (7); bizikleta hartzen (3); bizikleta hartzen dut (3); bizikleta ibilaldia (5); bizikleta irabazteko (3); bizikleta lapurtu (4); bizikleta lasterketa (3); bizikleta martxa (13); bizikleta martxa egin (3); bizikleta pare (3)