Egungo Euskararen Hiztegia (EEH)

bista (orobat bista g.er.) 1 iz ikusmena.

Bere poema batean Helena laidotu omen zuen, eta jainkoek zigor gisa bista kendu. Patziku Perurena «Trapuan pupua», 2001 - 220. orr.

Baina milia erdi egin orduko, barauagatik bista lausotzen hasi zitzaien, zangoak ahultzen. Askoren artean «Asisko Frantzizko, Asisko Klara», 2002 - 1126. orr.

Adinarekin bista ttipitzen dela, egunean bietan edo hamarretan errepikatzen du Koxepak. Eneko Bidegain «Anbroxio», 2002 - 27. orr.

Bista ordukotz doi bat histua zuen, trabak zituen irakurtzean. Herria 2001-10-11

-Konturatzen naiz Thomas jauna bista behartzen ibilia dela hor atzean -esan zuen matematikako irakasleak-. Koro Navarro «Artistakume baten erretratua» - Dylan Thomas, 1999 - 76. orr.

"Hay que restañar las heridas de la guerra" irakurri zuen, hitzen edukian arretarik jarri gabe, bista neurtzearren, eta jabeak bere bistatik kendu zuen egunkaria, ezkutuko irakurleak atzemateko izan ohi den senak ohartarazita. Ramon Saizarbitoria «Gorde nazazu lurpean», 2000 - 27. orr.

Bista eguzkiaren argi bizitik babesteko eskua kopetean zabalduz, Aresotik Gorriti aldeko baso beltzei begira gelditu zitzaidan Fernando ixil ixilik. Patziku Perurena «Harrizko pareta erdiurratuak», 2004 - 132. orr.

Bista hainbertzetaraino galtzen ahal dela. Hori du ezin sinetsia. Eneko Bidegain «Anbroxio», 2002 - 174. orr.

Ez Helena, ederra eta amoltsua zara, baina bista ematean arima itsutu didazu. Patziku Perurena «Trapuan pupua», 2001 - 220. orr.

Zeren, adiskideak, maitasunak ez gaitu, esaera zoroak dioen bezala, itsutzen; bista ematen bai! Matías Múgica «Hiltzaile baten aitormena» - Joseph Roth, 2004 - 88. orr.

Gaztetako bista ona mantentzen zuen urrutirako. Ramon Saizarbitoria «Gorde nazazu lurpean», 2000 - 27. orr.

Ez dut bista ona, baina korridorean Bioletaren zinegotzia begiztatu nuen urrutitik. Ramon Saizarbitoria «Gorde nazazu lurpean», 2000 - 349. orr.

Txakurrak, esate baterako, bista kaskarra du eta nahiko belarri ona, baina usaimenarekin konektaturik erabiltzen du garunaren parterik handiena. Irene Aldasoro «Giza gorputza lanean» - John Lenihan, 2006 - 144. orr.

Bista txarra izanda ere -eta ez zuen uste bista txarra zeukanik- ikusi egin zuen. Joxemari Iturralde «Euliak ez dira argazkietan azaltzen», 2000 - 239. orr.

Denethor Jauna ez da beste gizakien modukoa: bista luzea dauka. Agustin Otsoa «Eraztunen Jauna III» - J.R.R. Tolkien, 2004 - 37. orr.

Bista zorrotza duzu, gazte, arranoak bezala! Matías Múgica «Hiltzaile baten aitormena» - Joseph Roth, 2004 - 42. orr.

Gondorko jaunek gizaki apalek baino bista zorrotzagoa dute. Agustin Otsoa «Eraztunen Jauna III» - J.R.R. Tolkien, 2004 - 26. orr.

Arranoaren bista nian, baina hik ezta hori ere. Joan Mari Irigoien «Ipuin batean bezala», 2002 - 106. orr.

Bistak huts egiten ez bazion bederen [...] hogeita hamarreko muga iristear edo pasa berria zeukan. Migel Angel Mintegi «Denak du bere prezioa», 2002 - 11. orr.

Herri ondoko oihanetik harago, bistak harrapatu ezin duen baso amaigabea amaitzen den lekuraino. Jon Maia «Riomundo», 2005 - 40. orr.

Itsasoa izoztuta ikusiko da bistak antzematen duen distantzia osoan. Joseba Sarrionandia «Lagun izoztua», 2001 - 345. orr.

Bistak ematen duen bezain urrun, errotik ateraiak eta urak zurituak dituen zuhaitz eroriak. Aurelia Arkotxa «Septentrio», 2001 - 154. orr.

Bistako eta bizkarreko arazoak dituzte, hurrenez hurren. Berria - Euskal Herria 2004-01-30

ik beherago 1. Askoren artean «Asisko Frantzizko, Asisko Klara», 2002 - 574. orr.

2 begien aurrean agertzen diren gauzen multzoa; ikusten den bitartea. ik ikuspegi.

Eragozpenik gabeko bista nuen norabide hartan. Koro Navarro «Kontakizunak» - Edgar Allan Poe, 2000 - 74. orr.

Sena ibaira bistak dituen jatetxe batean. Joseba Urteaga «Lekua» - Annie Ernaux, 2003 - 65. orr.

Zertarako nahi nuen nik ikusi ermita bat edo hango bistak? Xabier Mendiguren Elizegi «Errautsen distira», 2002 - 35. orr.

Barrioko eraikinik altuena da fabrika hau eta teilatutik Manhattango zerulerro guztia ikusten da: bista ikusgarria da. Harkaitz Cano «Piano gainean gosaltzen», 2000 - 72. orr.

Etxea zahar samarra da, baina bista ederrak ditu. Patxi Iturritegi «Behi eroak», 2003 - 39. orr.

Esaiozu bat libre gelditu dela: gain-gainean, eguteran, bista ederreko tokian. Pablo Sastre «Elurretan hotsak», 2004 - 85. orr.

Herri bista ederra handik. Pablo Sastre «Elurretan hotsak», 2004 - 109. orr.

Azken zutabearen atzetik aurreko eserlekuen bista ezin hobea daukat. Iban Zaldua «Gezurrak, gezurrak, gezurrak», 2001 - 156. orr.

Begi bertara hurbilduta, eta beste begia itxiz, eta betileen islaz libratuta, badiaren bista fotografiko bat ikus zenezakeen itsaslabarren ertza, itsasargia muturrean duela. Berria - Kultura 2006-01-31

Bista postala, nire lagun batek esango lukeenez. «Kuskue tanden», 2004 - 115. orr.

Bista bakarra inguruko pinudia zen, eta pinu artetik hurbileko mendi bat, hura ere pinuz betea. Xabier Mendiguren Elizegi «Errautsen distira», 2002 - 35. orr.

Suitzako bista bat. Ramon Saizarbitoria «Gorde nazazu lurpean», 2000 - 345. orr.

Nire bista-eremuan dagoen zerbait hori. Askoren artean «Filosofiako gida», 2004 - 114. orr.

Nork ez ditu hor ikusi denen bistako harri gorriak. Herria 2002-11-07

3 begiratzea, ikustea.

Bista mendien gainetik Harrialde aldera zuzendu eta Ixabelen kantu-deia entzun nuen. Joxean Sagaztizabal «Kutsidazu bidea Ixabel», 2003 - 32. orr.

Bista heltzen zen lekuraino, Morgaiko aldapetan zehar eta hegoalderantz urrunago, hamaika kanpaleku zeuden. Agustin Otsoa «Eraztunen Jauna III» - J.R.R. Tolkien, 2004 - 246. orr.

Une honetan, anaia batak bestearengana jasotzen du burua, bista haren begietatik eskopetaren kanoira eramanez. Pako Aristi «Urregilearen orduak», 1998 - 172. orr.

Halako batean bista altxatu, eta ordu erdi lehenago torturatu duen polizia dagoen aldera begiratzera ausartu da. Iban Zaldua «Gezurrak, gezurrak, gezurrak», 2001 - 11. orr.

Lekutu aitzin, bista altxatu zuelarik, Marik ikusi zuen. Elena Touyarou «Hautsi da katea» - Toti Mtz. de Lecea, 2004 - 151. orr.

Mikelengana jaso zuen bista. Unai Iturriaga «Berandu da gelditzeko», 1999 - 192. orr.

Txarteldegiko agureak bista jaso zuen eta begietara so egin zion. Unai Iturriaga «Berandu da gelditzeko», 1999 - 257. orr.

Orduan izan zen: uretan plisti-plasta bat, amonak bista jaso, iturrian gizon txikia ikusi zuen. Pablo Sastre «Elurretan hotsak», 2004 - 104. orr.

Bista jaitsi zuelarik txerri hatzak ikusi zituen elurretan. Pablo Sastre «Elurretan hotsak», 2004 - 95. orr.

Berak espero baino gehiago urrutiratu behar izan zuen bista. Josu Landa «Odolbildua», 2002 - 104. orr.

Bista amiñi bat haratago zuzenduz, egoitza gorakoien artetik jadanik distiratzen zuen ilargia. Itxaro Borda «Zeruetako erresuma», 2005 - 139. orr.

Bista paperetik urrundu eta nastuko pieza hori kantatzen hasi naiz, isilean inork entzun ez dezan. Xabier Etxabe «Lurtarra da begiratua», 2004 - 67. orr.

Bai, zinez misteriozko Urkulu, zeintarik biziki urrun hedatzen baita bista. Angel Aintziburu / Jean Baptiste Etxarren «Luzaiden gaindi», 2002 - 108. orr.

-Bista eskuinetara! -esan zuen Rayk-. Berria - Kultura 2004-06-05

-Gora Gu ta Gutarrak! Salbatu gaituk pixka baterako! -bota du Godotek, kaletik etorri eta, armairuko ateak zabal-zabalik, Gutarra kontserba ontzi pila ugariaren bistak eragindako bozkarioz. «Kuskue tanden», 2004 - 119. orr.

4 (epaiketetan)

Zer barri ikasi behar nuen orduerdi iraun zuen bista hartaz? Koldo Izagirre «Nik ere Germinal! egin gura nuen aldarri», 1998 - 73. orr.

Hiru aste barru egingo den bista ordea, ezin da aipaturiko sailkapenean sartu. Berria - Mundua 2004-01-23

Inork helegiterik jartzen badu, ahozko bista egin behar da. Berria - Euskal Herria 2004-12-18

Belgikan atxilotutako bi gazteak estraditatzeko bista apirilaren 14an izango da. Berria - Euskal Herria 2004-04-11

Gomez eta Ugarteren estradiziorako bista 23ra atzeratu dute. Berria - Euskal Herria 2004-04-16

Bruselako Apelazio Ganberak Ion Lopezen aurkako bista hilaren 14ra atzeratzea erabaki zuen ostiralean. Berria - Euskal Herria 2004-04-11

Epaiketa honen aitzin bista apirilaren 29an izango da. Berria - Euskal Herria 2004-04-14

Fiskalak 12 urteko kartzela zigorra eskatua zuen eta, atzo, ahozko bista eguna, akusatuak 5 urteko zigorra onartu zuen. Berria - Euskal Herria 2004-01-16

Juan del Olmok Egunkaria-ren auziari buruzko bistara deitu du hilaren 22rako, otsailaren 20a baino lehen Egunkaria-ren itxiera luzatu edo ez erabaki behar duela eta. Berria - Euskal Herria 2004-01-18

5 begi(en) bistako (orobat begibistako g. er.) izlag nabarmena.

Serio-serio mintzo zen, begi-bistako egiak botatzen ari denaren segurtasunaz. Aingeru Epaltza «Rock'n'roll», 2000 - 82. orr.

Ez dut ezagutzen begi-bistako akatsik ez duen proposamenik. Itziar Laka «Egitura sintaktikoak» - Noam Chomsky, 2003 - 158. orr.

Tripazaia, emakoia, drogadiktoa begi bistako biziatuak dira. Patziku Perurena «Trapuan pupua», 2001 - 259. orr.

Hitz honek begien bistako etimologia du: [...]. Patziku Perurena «Trapuan pupua», 2001 - 25. orr.

Inork ezin zuen orduan asmatu -dio Tolstoik- orain begien bistako zaiguna: [...]. Juan Garzia «Sagua, eulia, eta gizakia» - François Jacob, 2004 - 22. orr.

Begi-bistakoa da, guztiak lur jota gaude. Berria - Harian 2005-12-13

Begi-bistakoa zen gizona bere onetik aterata zegoela. Joxean Agirre «Romain zen bere izena», 2003 - 120. orr.

Begi bistakoa zen han bertan agurtzeko asmoa zuela, eta Hondarribira iritsitakoan ez genuela hitz egingo. Ramon Saizarbitoria «Gorde nazazu lurpean», 2000 - 218. orr.

Oinetako-garbitzaileak, ordea, ez zuen jendearen poz-jarioa bizi, begi-bistakoa zen ez zitzaiola soldaduen fanfarroikeria atsegin. Anjel Lertxundi «Mentura dugun artean», 2001 - 53. orr.

Begien bistakoa zen azken esaldi horren probokazioa. «Loroaren teorema» - Denis Guedj, 2006 - 13. orr.

Baina hor okerra begien bistakoa da erabat. Xabier Kintana «Alderraien gidaria» - Mose ben Maimon, 2006 - 230. orr.

Begi bistakoa gertatu izan zitzaion biziki maite izan zuela lankide hura andreak, biziki deitoratzen zuela haren heriotza. Imanol Zurutuza «Errautsera arteko sugarra», 2002 - 74. orr.

Begi-bistakoa iruditzen zitzaion ezen, nahiz eta nekez egiten zion muzin inortxok ere taxuzko komedia batekin algara egiteari, beste batzuk izan ohi zirela ikusleen erraiak inarrosten zituzten filmak. Imanol Zurutuza «Errautsera arteko sugarra», 2002 - 152. orr.

Gaur goizean ere, fardelak-eta kargatzeko bildu garenean, begien bistakoa izan da gure arteko tentsioa. Patxi Zubizarreta «Jeans-ak hozkailuan», 2000 - 74. orr.

Hala ere, etxeko guztiek ukatu egiten dute begi-bistakoa dena. Luis Elberdin «Sexua noiznahi», 2005 - 295. orr.

Etsiturik, umeek egia hori, berarentzat hain begien bistakoa zena, onartzen ez zutelako. Ramon Saizarbitoria «Gorde nazazu lurpean», 2000 - 327. orr.

Hitz hauek, gaur begi-bistakoak direnak, erabat berriak ziren egileak idatzi zituenean. Askoren artean «Asisko Frantzizko, Asisko Klara», 2002 - 33. orr.

Antropologo edo antropofagoren batek ikertu beharko lituzke massaitarren eta euskaldunen arteko lotura begi-bistakoak. Joxean Sagaztizabal «Kutsidazu bidea Ixabel», 2003 - 99. orr.

Mandatari faltak eta bideetako arrisku begi-bistakoek eragotzi didate zuri idaztea. Askoren artean «Asisko Frantzizko, Asisko Klara», 2002 - 1203. orr.

Isiluneak erabiltzeko moduan nabari zitzaion batez ere, kontaketarako zuen gaitasun begi bistakoa: galderak etenda utzi eta erantzuna geroratzen zuen, bezeroei begietara zuzenean begiratuz. Ramon Saizarbitoria «Gorde nazazu lurpean», 2000 - 233. orr.

Biak elkarrekin gustura badaude bat-egitea erdiesten da, hots, salgaia erostea, partaide bien gozamen-kontentu begien bistakoz. Juan Garzia «Sistema periodikoa» - Primo Levi, 1998 - 255. orr.

Jainkoak gidatzen du historia hemen ere, jakina, baina haren presentzia ez da aurrekoetan bezain begi-bistakoa. Jose Antonio Mujika «Agindutako lurraren bila I», 2002 - 102. orr.

Ba al da deus nabariagorik, argiagorik, begi-bistakoagorik tematia ez den ulermen eskasekoarentzat ere? Imanol Unzurrunzaga «Hainbat idazlan» - San Agustin, 2003 - 95. orr.

Ergelkeria zen begi-bistakoa ukatzen hastea. Aingeru Epaltza «Rock'n'roll», 2000 - 146. orr.

Begi-bistakoa harrotzen ari naiz, badakit. Anjel Lertxundi «Ihes betea», 2006 - 38. orr.

Oraingoan, ordea, Gorte osoa senargaiez mintzo zelarik, begien bistakoari ezin zion ez uko ez itzuri egin. Xabier Mendiguren Elizegi «16 ipuin amodiozko», 2002 - 37. orr.

· Ilea begien bistakoa ez den guneetan, larruazalean zabaltzen da bilgorra Irene Aldasoro «Giza gorputza lanean» - John Lenihan, 2006 - 82. orr.

6 begi(en) bistan (orobat begibistan g.er.) adlag begi aurrean; nabarmen.

Ikusmira izugarri handia agertu zitzaien begien bistan. Karlos Zabala «Mikel Strogoff» - Jules Verne, 2002 - 348. orr.

Garbi zegoen, begi-bistan: zoriak bizkarra ematen zion. J.M. Olaizola "Txiliku" «Bizitza eredugarriak», 2006 - 27. orr.

Begi-bistan zen onak bilakatuak zirela, zaharrei laguntzen zieten zirkulazio gune zailetan. Fernando Rey «Paradisuko Almanaka» - Gianni Celati, 2005 - 58. orr.

Begien bistan da azkenak, ezezko atributu horien bidez, ia-ia heldua dela, itsasontzia nolakoa izan daitekeen hautematera. Xabier Kintana «Alderraien gidaria» - Mose ben Maimon, 2006 - 151. orr.

Arrunt jende bihotz onekoa zen, begi bistan denez. Pablo Sastre «Eguzkipekoak», 2003 - 54. orr.

So nago begi bistan dudan hormairudi eder bati: [...]. Piarres Aintziart «Santiago oinez», 2000 - 36. orr.

Begi-bistan dut haien jokabidea; niretzat ez dute isil-gorderik haien erruek. Elizen arteko biblia Jr 16,17

Itsasoa begien bistan geneukan. «Ispiluen gainean lotan» - Jordi Sierra i Fabra, 2004 - 137. orr.

Oroit dut oraino, begi bistan baneuka bezala, kostatik legoa laurdenera ikusten genuen ontzi eder hura. Koldo Izagirre «Idi orgaren karranka» - Victor Hugo, 2002 - 48. orr.

Elkarrekiko neurtezintasuna ez dago begien bistan! «Loroaren teorema» - Denis Guedj, 2006 - 136. orr.

Zura atsegin zuen Iturbidek, begi-bistan zegoen, kaoba batik bat. Migel Angel Mintegi «Denak du bere prezioa», 2002 - 14. orr.

Begien bistan zegoen, edonola ere, ate hartatik gotorlekura sartzeko aukerarik ez zuela, Dee ez zen tontoa eta begi-bistan ikusten zuen bere eragina erreginarengan eta gorteko pertsonengan gero eta txikiagoa zela. Agustin Otsoa «Eraztunen Jauna III» - J.R.R. Tolkien, 2004 - 213. orr.

Leibnizek a contingentia mundi deitu zion froga hau orain begi-bistan jarri eta etsaminatu nahi dugu. Ibon Uribarri «Arrazoimen hutsaren kritika» - Immanuel Kant, 1999 - 218. orr.

Kultura ofiziala deitzen denaren partaideei kultura ez ofizialen berri eman eta denen arteko harremanak begi-bistan uzteko. Berria - Harian 2005-09-20

Hara han begien bistan behin eta berriz irudikaturiko titimuturrak! Migel Angel Mintegi «Denak du bere prezioa», 2002 - 32. orr.

Leihotik ateratzen zen argiak etxearen erdia bakarrik agerrarazten zuen begien bistan. Jose Morales «Arima hilak» - Nikolai Gogol, 1998 - 71. orr.

Maite ez gaituzten horiek guztiek bertute bat behintzat erakusten dute: begi bistan egiten digutela iseka. Hasier Etxeberria «Patri maitea», 2003 - 24. orr.

Agian horregatik ez zion bidali, azken "Xake-Matea" ezaguna egingo zitzaiolako, eta guztiaren nondik norakoa begi bistan uzteko beldur zelako. Joxemari Urteaga «Ordaina zor nizun», 2001 - 275. orr.

Gure kritikak, hala ere, aipatutako ezagutza hutsa osatzen duten funtsezko adigaien zenbaketa jarri behar du begi-bistan. Ibon Uribarri «Arrazoimen hutsaren kritika» - Immanuel Kant, 1999 - 38. orr.

Rona besterik ez zegoen Palenquen, ikaragarri txarra, eta Coca Cola, nik neuk begien bistan ikusi ere ezin dudana. Joxe Austin Arrieta «Homo Faber» - Max Frisch, 2001 - 58. orr.

· (-en atzizkiaren eskuinean) Une berean, estalkia apurtu eta zornea atera zitzaion zauritik denen begi-bistan, eta haurraren haragia osorik gelditu zen, jasandako gaitzaren seinalerik utzi gabe. Askoren artean «Asisko Frantzizko, Asisko Klara», 2002 - 460. orr.

Ipini zioten, beraz, Absalomi oihal-etxola bat etxe gainean eta bere aitaren ohaideekin etzan zen, Israel osoaren begi-bistan. Elizen arteko biblia 2 Sm 16,22

Eta gizona sartu egin zen neure begi-bistan. Elizen arteko biblia Ez 10,2

Santosen begien bistan zabaldu zuen atzeko alde hura, eta oinean zeuden argazki bietatik eskumakoa erakutsi zion. Josu Landa «Odolbildua», 2002 - 100. orr.

Hamidaren irudia bere begien bistan agertu zen. Patxi Zubizarreta «Mirarien kalezuloa» - Nagib Mahfuz, 2006 - 55. orr.

7 begi(en) bistara (orobat begibistara g.er.)

Artean guztiz frogatzerik ez zenean hartu zioten batzuek susmoa, begi-bistara laua zirudiena biribil izan zitekeela. Joxerra Garzia «Itsasoan euri», 2003 - 156. orr.

Bitarte horretan sendikoak ekartzen zizkioten begi-bistara Beatriceri, eta bere aurrean torturatuko zituztela egiten zioten mehatxu. J.M. Olaizola "Txiliku" «Bizitza eredugarriak», 2006 - 37. orr.

Ostatua hartua zuten Katiak eta Almak [...] nik ezagutu nituen karrika estu argipeituak begi bistara zituztela. Felipe Juaristi «Airezko emakumeak», 2003 - 209. orr.

Begi bistara, anaia nagusi Felixek, lehiaketatik at, buru bat ateratzen die beste guztiei. Itziar Otegi «Axenario» - Jules Renard, 2006 - 167. orr.

Herioaren mamua begien bistara agertu zitzaion, hurbil baino hurbilago agertu ere. Patxi Zubizarreta «Mirarien kalezuloa» - Nagib Mahfuz, 2006 - 228. orr.

Orduantxe agertu zen begien bistara Amabirjinari zion debozioa. Juan Garzia «Bizi alegiazkoak» - Marcel Schwob, 2002 - 100. orr.

Itsasoa, begien bistara gero eta ospelago, eta urdinago, eta ubelago, Korintoko itsasoa, eta bestea ere bai, Atikakoa, Eva eta Idoia baino nagusiagoa zen, begien bistara, 25 urte ingurukoa. Joxe Austin Arrieta «Homo Faber» - Max Frisch, 2001 - 230. orr.

· Pauso batzuk aurrera eginez, dena izar eta dena ilargi, soldaduen begi bistara azaldu zen, lau botila koñak eskuetan, txin-txin hoska. Felipe Juaristi «Itzarri nahi ez zuen printzesa», 2002 - 157. orr.

Neska gaztea polita zen, bere neurrian, begiratzen zioten gehienen begien bistara. Mirentxu Larrañaga «Hona hemen gu biok» - Dorothy Parker, 2006 - 101. orr.

8 begi(en) bistatik (orobat begibistatik g.er.)

Atzera egin du, zurbil, agurea begi bistatik galdu gabe, makilaren beldur den zakur zaunkariaren eran. Koldo Izagirre «Agirre zaharraren kartzelaldi berriak», 1999 - 33. orr.

Hura lehenbailehen begi bistatik kentzea izango zen barrutik etorriko zitzaion gogoa, alegia, krimenarekin zerikusia zuen gauza oro ahalik eta urrutiena eramatea. Koro Navarro «Kontakizunak» - Edgar Allan Poe, 2000 - 188. orr.

Leiho honen aitzinean mendiaren malkarrak bere harresi erraldoia jasotzen du begi bistatik ezkutatzeraino. Koldo Izagirre «Idi orgaren karranka» - Victor Hugo, 2002 - 120. orr.

Murgil egin eta begi-bistatik desagertu baino lehen, keinu adeitsu bat egin ziola ere iruditu zitzaion nire lagunari. Martin Anso «Elezaharren bidetik», 2004 - 31. orr.

Fuad Lehenengoaren kaleko trafiko handiak geldiarazi egin zuen, baina ez zuen zaldikotxea begien bistatik galdu. Patxi Zubizarreta «Mirarien kalezuloa» - Nagib Mahfuz, 2006 - 334. orr.

Beste pentsamendu bat, berriz, arineketan zelan kentzen duen begien bistatik, hori ere ikusiko zenukete. Julen Gabiria «Peter Pan» - James Matthew Barrie, 2004 - 31. orr.

Britxka egundoko arinen zihoan eta Nozdrioven herria aspaldi desagertua zen begien bistatik zelai, malda eta muinoen atzean. Jose Morales «Arima hilak» - Nikolai Gogol, 1998 - 135. orr.

Minutu batzuk geroxeago, Wendy begien bistatik ezkutatu zen. Julen Gabiria «Peter Pan» - James Matthew Barrie, 2004 - 131. orr.

· Faraoiak, bada, esan zion Moisesi: -Alde nire begi-bistatik! - 0. orr.

Aurki galdu ginen lekukoen begi bistatik. Rafa Egiguren «Mentxakaren aitorpena» - Jose Ramon Goikoetxea, 2006 - 226. orr.

-Ezagunen begien bistatik urrun? Patxi Zubizarreta «Mirarien kalezuloa» - Nagib Mahfuz, 2006 - 66. orr.

9 bista-bistan

Grabagailua ere bista-bistan jarri ziotean eta beldur antzean hitz egin zian. vGehienek kondekorazioak zituzten, dominak paparrean bista-bistan. Xabier Etxabe «Lurtarra da begiratua», 2004 - 162. orr.

10 bista-bistako

Eta bista-bistakoa iruditu zitzaidan esklabo haietatik guztietatik Lutezia gaztea, 9 zenbakia, dohakabeena zela. Matías Múgica «Hiltzaile baten aitormena» - Joseph Roth, 2004 - 87. orr.

Filologo kume gazteek berehala ekin diote bista-bistakoa den kontraesanari. «Kuskue tanden», 2004 - 13. orr.

11 bistako ik bistako.

12 bistara adlag begi bistara.

Gela biluzi bat agertu zen bistara eta suak bere kolore alai guztia galdu zuen. Irene Aldasoro «Dublindarrak» - James Joyce, 1999 - 176. orr.

Adarren multzo izugarri bat, sabaien geruza azkengabeei eusten ziena, bistara azaltzen zen miragarri. Karlos Zabala «Parisen sabela» - Emile Zola, 2004 - 49. orr.

Estepa hartan goragune bakar bat ere ez zen ageri bistara. Karlos Zabala «Mikel Strogoff» - Jules Verne, 2002 - 178. orr.

Anak kamiseta tirantedun zuri llaburra janzten zuen, behealdean xilko ttiki xarmanta eta goialdean udak belzturiko papar eta beso luze finak bistara uzten zituena. Aingeru Epaltza «Rock'n'roll», 2000 - 49. orr.

Iruñeko harresiak bistara izan orduko, lasterrari eman zion espainolak, ikara gorrian. Aingeru Epaltza «Mailuaren odola», 2006 - 42. orr.

Honela denborak, astiro-astiro, gauza guztiak bistara ateratzen ditu eta arrazoiak argitan ipintzen. Xabier Amuriza «Gauzen izaeraz» - Lukrezio, 2001 - 389. orr.

Pozarevacen ere herritarren bistara jarriko dute presidente ohia. Berria - Mundua 2006-03-16

Bistara eskalatzeak berez du zailtasuna, bideari buruzko inolako informaziorik gabe eta saio bakarrean eskalatzean datza. Berria - Kirola 2006-04-18

Bistara genuen automobila, baina uhuri haiek bihotza urratzen zuten. hiriak benetan ziren bezalakoak agertzen ziren, mozorro guztietatik aske, mundua zen putetxe erraldoi eta mugagabea, denon bistara. Pedro Alberdi «Kafka Bilbon», 2002 - 98. orr.

Vikingoen legeak izan ziren handik bi astera denen bistara geratu zirenak. Harkaitz Cano «Neguko zirkua», 2005 - 143. orr.

Konturatu da txateatzea orain arte ligatzeko formula hankaz gora jartzea dela, lehen norbait ikusi, bistara atsegina iruditu eta harekin hizketan hasten ginen lekuan orain hizketan hasten baigara lehenengo, bere itxurarik ezagutu gabe, bere izpiritua ezagutzen itxura baino lehenago, nolabait esateko. Pako Aristi «Note book», 2005 - 38. orr.

Prakak labur geratzen zitzaizkion, orkatilak bistara samar. Unai Iturriaga «Berandu da gelditzeko», 1999 - 247. orr.

13 bistatik adlag begi bistatik.

Segurtasuneko gnomoen bistatik ezkutatu zenean, berriro mapa atera eta asko hurbildu zuen begietara. Iñaki Mendiguren «Harry Potter eta sorgin harria» - J.K. Rowling, 2000 - 226. orr.

Berak mugitzekorik ere egin baino lehen, Hispano-Suiza bistatik ezkutatu zitzaion. Bernardo Atxaga «Groenlandiako lezioa», 1998 - 111. orr.

Bistatik joanda, zaldi-kotxea kirrika zihoan Bluestone Roaden behera. Anton Garikano «Maitea» - Toni Morrison, 2004 - 212. orr.

Hoa nire bistatik! Antton Olano «<//jokoa.com>» - Gemma Lluch, 2002 - 14. orr.

Erakustokian, fruitu ederrak, saskietan kontu handiz paraturik, biribil-biribil ageri ziren, bistatik gordetzen diren masailen antzekoak. Karlos Zabala «Parisen sabela» - Emile Zola, 2004 - 317. orr.

Ni atzealdean nindoan, bidaia-burusi baten azpian uzkurtuta, ikusberen bistatik gordeta. Migel Angel Mintegi «Denak du bere prezioa», 2002 - 29. orr.

Aidôs eta Nemesis bistatik desagertzen direnean, etsipenezko garrasia sortzen du desagerpenak. Iñaki Mendiguren «Historiaren azterketa II» - A.J. Toynbee, 2000 - 158. orr.

Harmaila higatu batzuen hasierara iritsi zen; goraka-goraka bistatik desagertzen zen eskailera. Iñaki Mendiguren «Harry Potter eta sorgin harria» - J.K. Rowling, 2000 - 161. orr.

Hamar minutu geroago, Errol eta Hedwig [...] leihotik hegan irten eta bistatik galdu ziren. Iñaki Mendiguren «Harry Potter eta sorgin harria» - J.K. Rowling, 2000 - 23. orr.

Eta gerla bururatu gabe bistatik galduak zituen. Eneko Bidegain «Anbroxio», 2002 - 11. orr.

Bizidun ororen bistatik ezkutuan dago, zeruko hegaztientzat gordeta. Elizen arteko biblia Jb 28,21

Dobby, hobe duzu bistatik alde egitea nire hezurrak hazi eta osatu baino lehen. Iñaki Mendiguren «Harry Potter eta sekretuen ganbera» - J.K. Rowling, 2001 - 150. orr.

Nondik? -esan zuen Harryk urduri, suak orro egin eta George ere bistatik eramaten zuen bitartean. Iñaki Mendiguren «Harry Potter eta sekretuen ganbera» - J.K. Rowling, 2001 - 45. orr.

Txaluparen bistatik urrundu zirenean, alaba ohartu zen bertan utzi zuela eguzkitakoa. Koro Navarro «Kontakizunak» - Edgar Allan Poe, 2000 - 166. orr.

Bistatik eta armen tiramenetik kanpo egon arren, ez zen zalantzarik: han zeuden, eta haien ahots maltzurrak airea urratzen zuen. Agustin Otsoa «Eraztunen Jauna III» - J.R.R. Tolkien, 2004 - 114. orr.

Ez zitzaion erraza gertatu zaintzaileen begiratuetatik babesturiko txokoa aurkitzea, baina azkenean, askariarekin joandako familia batetik gertu baina haien bistatik at, zuhaiska batzuen artean, aurkitu zuen. Migel Angel Mintegi «Denak du bere prezioa», 2002 - 50. orr.

hitz multzoen maiztasunak (gutxienez 3 aldiz agertzen direnak)

ahozko bista (5); baina bista (3); bista altxatu (3); bista aurrean (3); bista bistakoa (4); bista bistan (4); bista eder (4); bista ederra (7); bista eta (3); bista galtzen (4); bista jaso (6); bista kendu (4); bista lausotzen (3); bista lausotzen hasi (3); bista ona (11); bista onekoak (3); du bista (3); zer bista (3); zuen bista (5)