Egungo Euskararen Hiztegia (EEH)

aurkeztu, aurkez(tu), aurkezten 1 da ad norbaiten aurrean agertu.

Horregatik, ahul eta beldurrez dardar aurkeztu nintzen zuen aurrean. Elizen arteko biblia 1 Ko 2,3

Hiru alderdietako hautagai bat aurkeztuko da Iparraldeko hiru bozguneetan, eta bertze alderdiek sustengatuko dute. Herria 2004-07-15

Oraingoz Patxi Izko egungo presidenteak soilik erran du aurkeztuko dela, eta hautagai izan nahi dutenek hilaren 20a arte dute hautagaitza aurkezteko epea. Berria - Kirola 2006-03-04

Belasko eta lagun gazteak boluntario aurkeztu ziren, jende adoretsua zirela erakutsiz berriro ere. Joanes Urkixo «Gerlari zuria», 2004 - 128. orr.

-Gizon bat aurkeztu da transformadorearen sabotajearen egile bezala. Josu Zabaleta «Lorategi beldurgarriak» - Michel Quint, 2003 - 55. orr.

Besteak beste, paradigma eta sintagma ez dira bikote modura aurkezten, ez baitzait etiketak kokatzea interesatzen, kontzeptuak berez ulertzea baizik. «Fonetika fonologia hitzez hitz», 2004 - 18. orr.

Unibertsitateak, jakingo duzunez, proba hauetara aurkezten direnei azterketak egiteko epaimahai bereziak antolatzen ditu. Pello Salaburu «Euskararen etxea», 2002 - 84. orr.

2 du ad norbaiten aurrean, hark ikus, ezagut edo azter dezan, zerbait edo norbait jarri.

Stephen Hawkingek zulo beltzei buruzko teoria aurkeztu du erlatibitateari buruzko biltzarrean. Berria - Gaiak 2004-07-23

Esan zion astronautak gure hirira etorri bezain pronto aurkeztu egingo zizkiola. Koro Navarro «Zertaz ari garen maitasunaz ari garenean» - Raymond Carver, 2003 - 32. orr.

Familiako bat, esan zioten epaileari zu aurkeztean, eta zuk baietz buruarekin, familiakoa zinela. Hasier Etxeberria «Mutuaren hitzak», 2005 - 15. orr.

Barkatu, oraindik ez dut nire burua aurkeztu. Eider Rodriguez «Eta handik gutxira gaur», 2004 - 127. orr.

Yoyes Mexikotik etorri berritan ezagutu nuen, oposizioak prestatu behar zituela-eta ezagun batek lagun niezaion aurkeztu zidanean. Agurtzane Juanena «Esan gabe neukana», 2003 - 106. orr.

-Adiskide bat aurkeztu nahi dinat. Anjel Lertxundi «Azkenaz beste», 2005 - 86. orr.

Esaten zutenez, aurkeztu zizkioten hogeita hamar emakumeren artetik aukeratu zuen emaztea. Juan Kruz Igerabide «Txoria» - Oh Jung-hi, 2006 - 62. orr.

Nik neure burua aurkeztu nuen. Jon Maia «Riomundo», 2005 - 182. orr.

-Nire burua aurkeztuko dut -esan nion-. Patxi Ezkiaga «On Kixote Mantxako» - Miguel de Cervantes, 2005 - 8. orr.

Bestalde, hark zion Mari aurkeztu, eta maite zuten, biek ukaiten ahalko zuten alaba bailitzan. Elena Touyarou «Hautsi da katea» - Toti Mtz. de Lecea, 2004 - 255. orr.

Ideia positiborik berek ez dute bat bakarra aurkezten, gauzak nola alda litezkeen. Joxe Azurmendi «Euskal Herria krisian», 1999 - 157. orr.

3 armak aurkeztu

Eta horri esaten zitzaion Giosuè Carducciri armak aurkeztea. Pello Lizarralde «Denak hasperenka» - Gianni Celati, 2005 - 68. orr.

Kexu zeuden eskolara etorri eta beti denak ikusi behar kirtena galtzetatik ateratzen Giosuè Carducciri armak aurkezteko. Pello Lizarralde «Denak hasperenka» - Gianni Celati, 2005 - 140. orr.

Hau idatzi aurreko laurehun urteetan jadanik, eliza hori guardian egon da, jarrera oso zurrunean eta zaintza lasaitugabeaz, aitasantutzaren kasketaz eta hierarkiaren bular-babeskiaz astun blindatua, eta etengabe Jainkoari armak aurkeztuz liturgia zorrotzaren erritmo errepikakorrean. Iñaki Mendiguren «Historiaren azterketa II» - A.J. Toynbee, 2000 - 138. orr.

Urteeran, mikelete piketeak armak aurkeztu zituen errege-martxa jotzen zen bitartean eta sei zaldik tiraturiko kotxe girotuan sartu zuten katabuta. Koldo Izagirre «Nik ere Germinal! egin gura nuen aldarri», 1998 - 121. orr.

4 helegitea aurkeztu

Hauteskunde Batzordeak erabaki behar du aurrena hautagaitzen legezkotasunaz, baina ondoren Auzitegi Gorenean helegitea aurkez dezakete Espainiako Gobernuak, Estatuko Fiskaltzak edo alderdi politikoek. Berria - Euskal Herria 2004-05-12

Euskalerria irratiak helegitea aurkeztu zuen erabaki horren kontra, eta Nafarroako Justizia Auzitegi Nagusiak kontuan hartu du. Berria - Euskal Herria 2006-01-04

Sententzia oso sendoa da, eta uste genuen helegitea aurkezteko aukera aztertu ere ez zuela eginen Itoizko Koordinakundeak. Edurne Elizondo «Itoiz, porlanezko gezurra», 2004 - 23. orr.

hitz multzoen maiztasunak (gutxienez 11 aldiz agertzen direnak)

agiria aurkeztu (13); alegazioak aurkeztu (18); atzo aurkeztu zituen (15); atzo aurkeztu zuen (75); atzo aurkeztu zuten (76); aurkako helegitea aurkeztu (17)

aurkeztu ahal izango (18); aurkeztu ahal izatea (13); aurkeztu ahal izateko (30); aurkeztu aurretik (24); aurkeztu behar du (19); aurkeztu beharko du (18); aurkeztu beharko dute (12); aurkeztu beharreko (11); aurkeztu berri du (19); aurkeztu berri duen (16); aurkeztu berri duten (12); aurkeztu da (44); aurkeztu den (15); aurkeztu dio (27); aurkeztu diote (11); aurkeztu diren (39); aurkeztu ditu (111); aurkeztu dituen (23); aurkeztu ditugu (16); aurkeztu dituzte (109); aurkeztu dituzten (12); aurkeztu dizkio (15); aurkeztu dizkiote (20); aurkeztu duen (62); aurkeztu duten (30); aurkeztu edo (14); aurkeztu egin (15); aurkeztu ere (15); aurkeztu ez (17); aurkeztu ezin (11); aurkeztu gabe (17); aurkeztu genuen (13); aurkeztu izan (26); aurkeztu izana (16); aurkeztu nahi izan (13); aurkeztu nuen (17); aurkeztu ondoren (42); aurkeztu ostean (19); aurkeztu zen (153); aurkeztu zenean (15); aurkeztu zidan (11); aurkeztu zien (45); aurkeztu zieten (16); aurkeztu zion atzo (17); aurkeztu zioten (44); aurkeztu ziren (86); aurkeztu zituen atzo (42); aurkeztu zituzten atzo (25); aurkeztu zizkion (15); aurkeztu zizkioten (12); aurkeztu zuela (12); aurkeztu zuen atzo (213); aurkeztu zuen bere (20); aurkeztu zuen espainiako (12); aurkeztu zuenean (41); aurkeztu zuenetik (15); aurkeztu zuten atzo (123); aurkeztu zutenean (15)