Egungo Euskararen Hiztegia (EEH)

Oraindik ez gintuztela derrotatu, poster bat osatu genuen egunkari txatalez, edukiko zutela atzera ere gure berri, plaza errearen argazkiekin.  Koldo Izagirre   «Sua nahi, Mr. Churchil?», 2005 - 164. orr.

Norbaitek, auskalo non esnatzerakoan, atzera berriz auskalo non, ametsetan seguruena, ikusitako dinosauro bera ikusi zuenekoa, alegia.  Josetxo Azkona   «Patata soro bat», 2004 - 40. orr.

Hainbat aldiz ikusitako erretratuak dira, bolada baten ostean berriz hartu eta atzera harrapatzen gaituztenak.  Xabier Mendiguren Elizegi   «Errekarteko koadernoa», 2001 - 17. orr.

Halere, espaloia gurutzatzera zihoala, buelta eman eta atzera dendaren sarrerarako bidea egin zuen.  Jasone Osoro   «Korapiloak», 2001 - 131. orr.

Hildakoak, ordea, etorri egiten dituk atzera; itsasoak ez ditik hartu nahi.  Eskarne Mujika   «Berdin dio» - Agota Kristof, 2005 - 14. orr.

Zigorra guztiz betetzeke, atzera ere Eibarren izan behar zuen Jazinto Rivasek gerra amaitu orduko.  Iñigo Aranbarri   «Sakabi, soinu txikiaren handitasuna», 2003 - 25. orr.

Oraingoz osoki inposiblea, ordea, mendebaleko pentsamendu razionala bere erlatibismotik sendatzeko, atzera metafisika platonikora itzultzeak dirudi.  Joxe Azurmendi   «Euskal Herria krisian», 1999 - 141. orr.

Line hartako lanek atzerapenak omen zekartzaten atzera ere.  Lutxo Egia   «Paperezko hegazkinak», 2004 - 137. orr.

Une batez, hanka-besoei eragin eta ur gainera ateratzea lortu nuen, baina Olatu baten O itzelak ur azpira eraman ninduen atzera, Pixtien P txiki eta handiz betetako inguru batera.  Bernardo Atxaga   «Groenlandiako lezioa», 1998 - 115. orr.

Atzera berriz politika protekzionistei heltzea pentsatzen ari dela ere ohartarazi zuen.  Berria - Ekonomia   2006-04-22

Eskerrak eman nizkion, atzera berriz paperok karteran sartzen nituela, itxura denez nik neuk ere adeitsuegi, berehalaxe baliatu baitzen egokiera hartaz niri galdezka jarraitzeko.  Joxe Austin Arrieta   «Homo Faber» - Max Frisch, 2001 - 12. orr.

Horrek semea ekarri dio gogora atzera berriz.     «Bizia lo», 2003 - 53. orr.

Behin betiko zurekin hitz egin beharra neukan; gero atzera berriz nire ilunpera itzuliko naiz mutu, zure ondoan beti mutu egon naizen bezala.  Eduardo Matauko   «Emakume ezezagun baten gutuna» - Stefan Zweig, 2005 - 58. orr.

Andrearen aurpegitik arrautza formako buru txikira eta atzera berriz andrearen aurpegira zerabiltzan gizonak begiak.  Irene Aldasoro   «Dublindarrak» - James Joyce, 1999 - 133. orr.

Bata lehenik eta bestea ondoren, ohetik jaiki eta loaldiaren ondoko pixa erreka egin genuen, atzera berriz ohera itzultzeko.  Aitor Arana   «Onan», 2000 - 101. orr.

Gero, atzera berriz txabolara zihoala, bere koldarkeria madarikatu zuen behin eta berriro.  Martin Anso   «Elezaharren bidetik», 2004 - 72. orr.