Egungo Euskararen Hiztegia (EEH)

Itsaskirria izanen da eta olatuak nabarmenak izanen dira atrakalekuan.  Joseba Sarrionandia   «Lagun izoztua», 2001 - 328. orr.

Arratsaldeko zazpietan, eta ihes egitekotan ziren hamabost etoietako lehenengo taldea harrezkero atrakalekuan zelarik, han agertu ziren poliziak.  Edorta Jimenez   «Hemingway eta euskaldunak zerbitzu sekretuetan», 2003 - 282. orr.

Atrakalekura iritsi zenean, ia korderik gabe gelditu zen, han ez baitzegoen ez Nora izeneko belaontzirik, ez Andreasik.  Anjel Lertxundi   «Azkenaz beste», 2005 - 160. orr.

Atrakaleku hoberenak okupatuta daude eta balea hilen hatsa hain higuingarria denez gero, ainguratzeko badiatik kanpora joatea erabakiko duzue, beste aterpe baten bila.  Joseba Sarrionandia   «Lagun izoztua», 2001 - 247. orr.

Andreas atrakaleku egoki baten bila ari zen, lemari eta bela-sokei eragiten zielarik.  Anjel Lertxundi   «Azkenaz beste», 2005 - 151. orr.

Ezezagunaren gorpua agertu zen inguruan atrakaleku polita zegoen.  Edorta Jimenez   «Kilkerren hotsak», 2003 - 146. orr.