Egungo Euskararen Hiztegia (EEH)

Zorionez, Beltzuntzeren aginduz armagizon bat nuen gidari.  Aingeru Epaltza   «Mailuaren odola», 2006 - 159. orr.

1558an, Frantziaren eta Espainiaren artean berriz ere gerla piztua zela-eta, Antonio Borboikoak bere meneko lurraldeetako noble, infantzoi eta armagizon guztiak bildu zituen berriz, lehenago bere aitaginarreba Henrike II.ak egin ohi zuen gisara.  Aingeru Epaltza   «Mailuaren odola», 2006 - 81. orr.

Jerusalemen bizi ziren Peretzen ondorengo guztiak 468 ziren, denak armagizonak.  Elizen arteko biblia   Ne 11,6

Laborari eta burgesak ez ezik, armagizonak ere baziren haien artean.  Aingeru Epaltza   «Mailuaren odola», 2006 - 287. orr.

Armagizonek ipini eta kentzen zituzten enperadoreak eta barbarotzat jotako nazioetatik ateratzen zituzten sarri.  Juan Martin Elexpuru   «Delituez eta zigorrez» - Cesare Beccaria, 1999 - 116. orr.

Armada liberatzaileak hirian aurkitu zuen laguntzaile abantzu bakarra erregeren armagizonen ihesean zebilen, espainol edo beaumondar ziraun baten gisan.  Aingeru Epaltza   «Mailuaren odola», 2006 - 44. orr.

Ziudadelako armagizonak gazte eta eskarmentu gabeak ziren gutiz gehienak, eta adorez ez zebiltzan soberan.  Aingeru Epaltza   «Mailuaren odola», 2006 - 209. orr.

Aitatxik bere zaintza-saria hutsaren hurrengoraino mehetu zuen bere agindupeko armagizonen kopurua gizendu ahal izateko.  Aingeru Epaltza   «Mailuaren odola», 2006 - 115. orr.

Handik gutira, ministroek nahikeria agertu zioten plazatik kanporatzeko soldatapeko armagizonen artean Erromako eliza-ri kontzen ziotenak.  Aingeru Epaltza   «Mailuaren odola», 2006 - 217. orr.

Arestiko armagizonen gorroto bera dago haren begietan eratxikirik, halako etsimendu batek eztitua.  Aingeru Epaltza   «Mailuaren odola», 2006 - 23. orr.

Bertze armagizon talde batzuekin kausitu nintzen bidean, baina inorengan ez nuen goganbeharrik piztu.  Aingeru Epaltza   «Mailuaren odola», 2006 - 231. orr.

Arrotz tropa horrek ez zuen armagizon saldo batek, nonahikoa izanda ere, berez pizten duen mesfidantza apalduko inguruko bizilagunen artean.  Aingeru Epaltza   «Mailuaren odola», 2006 - 64. orr.