Egungo Euskararen Hiztegia (EEH)

zantzu (orobat zantzo g.er.) 1 iz gertakari bat adierazten duen seinalea edo aztarna.

Argazkia zantzua, aztarrena bada, zantzu hori berori ere moldagarria da. Josu Zabaleta «Irudia» - Jacques Aumont, 2004 - 193. orr.

Grima ez da zantzu edo augurio bat, heriotzaren eragilea da! Iñaki Mendiguren «Harry Potter eta sorgin harria» - J.K. Rowling, 2000 - 93. orr.

Baditu beste zantzu batzuk oiloak, eguraldiaren ezinegonak kutsatuta egiten dituenak Zantzu gehienek seinalatzen digute ilargi amandrea gertuago sentitzen zuela euskaldunak, eguzkia bera baino. Pello Zabala «Naturaren mintzoa», 2000 - 217. orr.

Zantzu haiek guztiek esanahi argia zuten, norbaitek bisita espero zuela. «Kuskue tanden», 2004 - 20. orr.

Trauma ondoko estresaren zantzuak: insomnioa edo logurarik eza, amesgaiztoak, fobia, antsietatea... Berria - Euskal Herria 2006-03-10

Batetik bestera ibili zen emakumearen zantzurik aurkitzeke. Migel Angel Mintegi «Denak du bere prezioa», 2002 - 61. orr.

Koloniaren zantzua iritsi zitzaidan: lavanda arrasto bat airean. Bernardo Atxaga «Soinujolearen semea», 2003 - 342. orr.

Mikel Strogoffek, zeruaren zantzuei erreparatzera ohitua, naturaren indarrak borrokan hastear zeudela susmatu zuen. Karlos Zabala «Mikel Strogoff» - Jules Verne, 2002 - 139. orr.

Del Vallek musika urrun baten zantzuak antzeman zituen ateaz bestalde. Alberto Ladron Arana «Eguzki beltzaren sekretua», 2004 - 118. orr.

Hasiak dira jada gerora Ordena zamatuko duten barne-arazoen zantzuak. Askoren artean «Asisko Frantzizko, Asisko Klara», 2002 - 179. orr.

Gaugiroa, epela oso, uda hurbilaren zantzu. Txillardegi «Putzu», 1999 - 13. orr.

Egun, zubererazko azentua morfologizatzen ari delako zantzuak daude. «Fonetika fonologia hitzez hitz», 2004 - 112. orr.

Ahotsa zantzuz betea zeukan. «Ispiluen gainean lotan» - Jordi Sierra i Fabra, 2004 - 277. orr.

Haren zantzuan zebilen, haren aztarna aurkitzen zuen nonahi. Koldo Izagirre «Sua nahi, Mr. Churchil?», 2005 - 157. orr.

Florenten presentzia azaldu beharra zegoen, polizia zantzuan jarri gabe. Karlos Zabala «Parisen sabela» - Emile Zola, 2004 - 94. orr.

2 (izenondo eta izenlagunekin)

Bai, zantzu ona da. «Loroaren teorema» - Denis Guedj, 2006 - 216. orr.

Bakardadea bete-betea zen eta menturaz zantzu txarrekoa. Juan Garzia «Ipuin hautatuak» - Jorge Luis Borges, 1998 - 108. orr.

Milaka gauza xehe, zantzu argi bihurtzen direnak aintzat hartzen dituenarentzat. Karlos Zabala «Mikel Strogoff» - Jules Verne, 2002 - 58. orr.

Zantzu garbien bidez ikusi zuen anaia benetan damututa zegoela. Askoren artean «Asisko Frantzizko, Asisko Klara», 2002 - 778. orr.

Ez zegoan horren zantzurik txikiena ere hiruron aurreagoko bizitzan, eta, hala, zentzugabetzat baztertu nian. Xabier Olarra «Azken hitzordua» - Sandor Marai, 2003 - 170. orr.

Auzi medikuaren txostenetik ezin daiteke ondorioztatu Otamendik salatutako tratu txarrak gertatu ez zirenik, «zantzu fisikorik» ez zuela baizik. Berria - Euskal Herria 2004-03-02

Izotz Aroa berriz etorriko ote den ipar Europara aipatzen da batzuetan, eta zantzu zientifikoak badira hori pentsatzeko. Berria - Gaiak 2004-09-23

Bi aste hauetan, zantzu baikorrak izan dira [...] baina azken egunotan iraganeko estrategien ondorio kezkagarri eta arriskutsuak nabarmendu dira. Berria - Euskal Herria 2006-04-09

Satsukeria kirats hartaz ez zitzaigun artean iritsi inolako berri zehatzik, soilik zantzu lauso bezain goibelen bat. Juan Garzia «Sistema periodikoa» - Primo Levi, 1998 - 173. orr.

Haurrak indarkeria zantzu nabarmenak zituen. Berria - Euskal Herria 2004-08-06

Oinazearen zantzu gogoilunak zeuzkan aurpegi tolesgabean. Anjel Lertxundi «Ihes betea», 2006 - 290. orr.

Oso lagungarri gertatzen zaio Bermeoko aurpegi haiek guztiak ekartzea gomutara bizkaieraren kontrako lehen zantzoak entzuten dituen aldiro. Iñigo Aranbarri «Hitzak eta giltzak», 2001 - 85. orr.

Hori esanda, Guardia Zibilaren txostenetan «ageriko zantzuak» daudela ondorioztatzen du, Udaletxe proiektuan azaltzen zela Egunkaria, eta beraz egunkariak eta ETAk harremana zutela. Berria - Euskal Herria 2006-02-23

3 (hitz elkartuetan lehen osagai gisa)

Askotan azpimarratu izan du argazkiak bere sorburu duen errealitatearekin zeinu-erlazioa ez baina zantzu-erlazioa duela gehiago. Josu Zabaleta «Irudia» - Jacques Aumont, 2004 - 157. orr.

Barthesek, alderantziz, argazkiaren erregistro- eta zantzu-izaera azpimarratzen du, erregistro horren izaera mekaniko eta "objektiboa". Josu Zabaleta «Irudia» - Jacques Aumont, 2004 - 193. orr.

4 (hitz elkartuetan bigarren osagai gisa)

Egunerokoenak zaizkigun hitzak ere geure pentsamenduen hatz-zantzuen moduko zera batzuk dira askotan. Anjel Lertxundi «Mentura dugun artean», 2001 - 74. orr.

Lurrean kleraz margoturiko oin zantzuei jarraiki. Felipe Juaristi «Itzarri nahi ez zuen printzesa», 2002 - 41. orr.

Gainera, ez nuen inon esne edo ezti zantzurik ikusi. Urtzi Urrutikoetxea «Zoririk ez» - Imre Kertész, 2003 - 205. orr.

Bostak arte ez zen bizi-zantzurik iritsi haren gelatik. Xabier Olarra «Azken hitzordua» - Sandor Marai, 2003 - 21. orr.

Haize zantzurik ez eguratsean. Karlos Zabala «Mikel Strogoff» - Jules Verne, 2002 - 379. orr.

Delitu zantzurik badago alderdiak gogor egingo diela esan du PPk. Berria - Euskal Herria 2004-04-03

Idoiaz neukan irudia [...] ez zetorren bat jokabide jeloskor harekin, inoiz ez bainion maiterre-zantzurik nabaritu. Juan Kruz Igerabide «Hauts bihurtu zineten», 2005 - 176. orr.

Tuberkulosi- edo psikosi-zantzuren bat zirudien, edo eritasun neurologikoren bat. Xabier Olarra «Antropologo bat Marten» - Oliver Sacks, 2003 - 164. orr.

Aurrez ezagutu ditu natur zantzu eta gertaera harrigarriak. Elizen arteko biblia Jkd 8,8

Galerna-hotsak ere, enbata-zantzuak zabaldu ohi dira batzuetan. Pello Zabala «Naturaren mintzoa», 2000 - 232. orr.

Kritika zantzurik ez titulu nagusietan. Iñigo Aranbarri «Hizlandia», 2006 - 147. orr.

Misterio zantzurik ere ezarri izan zaio, ilargiarekiko harremanik baduelakoz: Barikuko iretargia txarra izaten da. Pello Zabala «Naturaren mintzoa», 2000 - 220. orr.

Haren ahotsean bada itolarri-zantzu bat. Oskar Arana «Lotsaizuna» - John Maxwell Coetzee, 2004 - 25. orr.

Gerra-zantzuak, azkarki sentitzen genituen etxe baketsu hartan. Txillardegi «Putzu», 1999 - 136. orr.

Gauza bakarra falta zela ohartu naiz: etxeen inguruan ez zegoela mugimendu, bizitasun zantzurik. Urtzi Urrutikoetxea «Zoririk ez» - Imre Kertész, 2003 - 96. orr.

Seguru aski pentsatuko huen [...] munduak bere kuttuntzat daukan pertsonak prostituta-zantzuren bat duela. Xabier Olarra «Azken hitzordua» - Sandor Marai, 2003 - 148. orr.

Alde guztietan heriotza-zantzuak ikusten hasiko zara, eta hori bera nahikoa izaten da edozein hiltzeraino izutzeko. Iñaki Mendiguren «Harry Potter eta sorgin harria» - J.K. Rowling, 2000 - 49. orr.

5 (hiru osagaiko hitz elkartuetan)

«Babes gabezia zantzurik» egon ez dadin erabaki du epaimahaiak epaiketa hogei egunez etetea. Berria - Euskal Herria 2006-01-13

Fiskalak «terrorismo delitu zantzuak» ikusten ditu Anoetako ekitaldian. Berria - Euskal Herria 2004-12-17

hitz multzoen maiztasunak (gutxienez 3 aldiz agertzen direnak)

argi zantzu (3); beste zantzu bat (5); bortizkeria zantzu nabarmenak (3); delitu zantzu (3); gaitzaren zantzu (3); kriminalitate zantzu (3)

zantzu argi (4); zantzu argiak (11); zantzu argiak daudela (3); zantzu asko (4); zantzu bakar bat (3); zantzu bat (27); zantzu batzuk (8); zantzu fisikorik ez (3); zantzu garbiak (4); zantzu gisa (6); zantzu gutxi (3); zantzu guztien arabera (9); zantzu nabariak (3); zantzu nabarmenak (7); zantzu nabarmenak zituen (4); zantzu nagusiak (7); zantzu ona (3); zantzu positiboak (3)