Egungo Euskararen Hiztegia (EEH)

Urtxintxa da arriskuan dauden espezietako bat.  Berria - Gaiak   2004-10-26

Bitartean gurasoak hirian egoten ziren lanean, bi seme-alabak eskolan, urtxintxak arboletan, txoriak zeruan, eta Giovanni, esan dizuedan bezala, egun guztian ezin asmaturik zer egin.  Fernando Rey   «Paradisuko Almanaka» - Gianni Celati, 2005 - 34. orr.

Urtxintxak, ezagutzen zituztelarik, beren agindura azaltzen ziren arboletatik, eta eskuetara igotzen zitzaizkien.  Ramon Saizarbitoria   «Gorde nazazu lurpean», 2000 - 149. orr.

Funtsean Behenafarroan ere oihanak gaindika baziren eta erran batek zioen lehengo denboretan urtxintxa bat Ezterenzubitik eta Baionara arbolaz arbola joaiten ahal zela jauzteka lurra sekulan hunkitu gabe.  Angel Aintziburu / Jean Baptiste Etxarren   «Luzaiden gaindi», 2002 - 69. orr.

Urtxintxek ere, adibidez, gauza bera egiten dute intxaur eta hurrekin.  Gotzon Garate   «Zakurra, zeure laguna», 2002 - 38. orr.

Leku gehiago izango bagenu... -murmurikatu zuen-, urtxintxen kaiola batean bizi gaituk.  Lopez de Arana   «Manhattan Transfer» - John Dos Passos, 1999 - 445. orr.

Hitzek dantza egiten zuten beren aurpegietan, urtxintxen moduan.  Lander Garro   «Orain galdera berriak ditut», 2004 - 131. orr.

Bizikletarako galtza motzak eta komiki-liburuetako urtxintxen itxurako txapinak -ergel eta gusturik gabeak bere ustez- jantzita dituela.  Oskar Arana   «Lotsaizuna» - John Maxwell Coetzee, 2004 - 35. orr.

Urtxintxa- edo hegazti-habiak edo oihaneko bertze mila animalia bertatik bertara obserbatu ahal izaiteko.  Joan Mari Irigoien   «Lur bat haratago», 2000 - 90. orr.