Egungo Euskararen Hiztegia (EEH)

tekniko 1 izond teknikarena, teknikari dagokiona; teknika-alderdiez ari dena. ik teknika 3.

Odola (bihotzetik irtetean) hodi handi batetik hodi txiki askotara igarotzeak arazo tekniko batzuk sortzen ditu. Irene Aldasoro «Giza gorputza lanean» - John Lenihan, 2006 - 166. orr.

Ikerketa eta txosten zientifiko eta teknikoak. Iñaki Heras «Txanponaren bi aldeak», 2003 - 121. orr.

Produktibitatea ez da aldagai teknikoa soilik, soziala ere bada. Iñaki Heras «Txanponaren bi aldeak», 2003 - 92. orr.

Gizarte testuingurua, erakunde testuingurua, testuinguru teknikoa, testuinguru ideologikoa. Josu Zabaleta «Irudia» - Jacques Aumont, 2004 - 16. orr.

Izan ere, argumentu ideologiko, politiko edo etikoez gainera, argumentu teknikoa argia eta garbia baita. Iñaki Heras «Txanponaren bi aldeak», 2003 - 58. orr.

Autismoa barren-barreneraino ezagutzeko, baliteke [...] aurrerapenak behar izatea, bai teknikoak eta bai kontzeptuzkoak. Xabier Olarra «Antropologo bat Marten» - Oliver Sacks, 2003 - 241. orr.

Ezaugarri tekniko horiek argitu ostean emango omen dituzte akordioaren edo akordiorik ezaren argibideak. Berria - Harian 2006-02-28

Bada horretan alderdi tekniko bat (argi-dardara kentzea, behar ez den mozorrotzerik ez izatea), baina bada alderdi soziosinboliko bat ere. Josu Zabaleta «Irudia» - Jacques Aumont, 2004 - 164. orr.

Potoa da, alderdi teknikoen artean, bai epaimahaiak eta bai entzuleak gehien "zigortzen" duten akatsa. J. Garzia / A. Egaña / J. Sarasua «Bat-bateko bertsolaritza», 2005 - 89. orr.

Irudikapenezko arte guztiak, arte horietako bakoitzaren baldintza tekniko eta fisikoen arabera, errealitateaz eragiten zuten ilusio partzial batean oinarritu direla adierazi izan da. Josu Zabaleta «Irudia» - Jacques Aumont, 2004 - 96. orr.

Hobe lukete politikariek diskurtso ideologiko edo politikoan zentratu [...] ustezko diskurtso tekniko edo zientifikoan zentratu ordez. Iñaki Heras «Txanponaren bi aldeak», 2003 - 135. orr.

Dorre-peoietako bat kenduz xake jokoa aberasteko posibilitateari buruzko artikulu tekniko bat. Juan Garzia «Ipuin hautatuak» - Jorge Luis Borges, 1998 - 34. orr.

Hizkera teknikoan baliagarri gerta dakiguke bereizkuntza. «Fonetika fonologia hitzez hitz», 2004 - 78. orr.

Laburtzaileak ohar bat erantsi du "kolapsoaren" esanahiaz, azterlan honetan erabiltzen den termino tekniko gisa. Iñaki Mendiguren «Historiaren azterketa II» - A.J. Toynbee, 2000 - 432. orr.

Jardunbide horrek nahiko hiztegi tekniko berezia erabiltzea eskatzen zuen. Askoren artean «Filosofiako gida», 2004 - 67. orr.

Ikasketa tekniko luzeen (goi ingeniaritzak) batez besteko iraupena 7'5 urtekoa da, iraupen teorikoa bost urtekoa baldin bada ere. Juan Ignacio Pérez / Pello Salaburu «Unibertsitatea eta euskal gizartea gaur», 2003 - 105. orr.

Horrek, jakina, eskatzen du arkitektoak, esperientzia handia izateaz gainera, talentu argia eta trebetasun tekniko handia izatea. Santiago Iruretagoiena «Arkitekturaz hamar liburuak» - Vitruvio, 2000 - 2410. orr.

Solasaldi inuxente eta itxuraz tekniko bati gatz eta piper pixka bat jartzeko. Karlos Zabala «Buda zoriontsuen etxea» - João Ubaldo Ribeiro, 2003 - 63. orr.

Beste argudio ustez tekniko bat omen da ekimena, finantzazio aldetik behintzat, erabat bideragarria izatea. Iñaki Heras «Txanponaren bi aldeak», 2003 - 152. orr.

Hegazkingintzako zentru tekniko bat. Herria 2004-12-16

Fitxa teknikoa: [...]. Patxi Iturritegi «Behi eroak», 2003 - 31. orr.

Fiji uharteetan eskala teknikoa agudo egin eta gero. Jose Angel Irigaray «Denboraren mugan», 2005 - 71. orr.

Hobekuntza tekniko batzuk ere saiatu nituen, fotograbatua barne. Txillardegi «Putzu», 1999 - 343. orr.

Herri Azpigaratuentzako Laguntza Teknikoa. Joxe Austin Arrieta «Homo Faber» - Max Frisch, 2001 - 12. orr.

Begirale tekniko permanente bat. Herria 2004-11-18

2 prozesu teknikoetan erabiltzen dena.

Beheko sotoan botiloi bat bentzeno tekniko aurkitu nuen, ehuneko 95 aratz. Juan Garzia «Sistema periodikoa» - Primo Levi, 1998 - 85. orr.

3 ingeniari eta kidekoez mintzatuz, erdiko mailakoa dena.

Eusko Jaurlaritzako ingeniari tekniko batek esan zigunez, «hondagarria» litzateke pista errekaren gainetik luzatzea. Berria - Harian 2006-02-28

Injineru tekniko izateko ikasketak egin bitartean, Cenia Pingonen edo Arconadan egin omen zenuen lan. Rafa Egiguren «Mentxakaren aitorpena» - Jose Ramon Goikoetxea, 2006 - 174. orr.

4 (izenondo elkartuetan)

Ekologia ikuspegitik egun indarrean dagoen ekoizpen, banaketa eta kontsumo eredu tekniko-soziala erabat okerrekoa da. Iñaki Heras «Txanponaren bi aldeak», 2003 - 315. orr.

Musikariak beren zereginetara itzuli dira, mahaiko teknikariarekin eztabaidan, gitarraren hotsa zoliegi edo apalegi entzuten ote den, beren hizkera tekniko-kriptiko horretan. Xabier Mendiguren Elizegi «Arima enkoniatuak», 2006 - 64. orr.

• 5 iz teknikaria.

Itzulera, berriz, kamera eta gainerako teknikoekin batera egingo omen nuen. Anjel Lertxundi «Argizariaren egunak», 1998 - 185. orr.

Urola-Kosta delakoa, probintziako edo nazionalitateko hiriburutik lurraldea kudeatzen eta bataiatzen duten teknikoek asmatua. Iñaki Segurola «Gaur ere ez du hiltzeko eguraldirik egingo», 2005 - 219. orr.

Laborategiko teknikoa. Xabier Arregi «Jakitearen arkeologia» - Michel Foucault, 2003 - 63. orr.

-Sentitzen dut, gizona -baieztatu dio teknikoak-, baina halaxe da. Patxi Iturritegi «Behi eroak», 2003 - 154. orr.

hitz multzoen maiztasunak (gutxienez 3 aldiz agertzen direnak)

akats tekniko (3); alderdi tekniko (5); arazo tekniko (21); arrazoi tekniko (4); azterketa tekniko (4); baldintza tekniko (4); baliabide tekniko (8); batzorde tekniko (3); berrikuntza tekniko (4); bitarteko tekniko (3); datu tekniko (6); eskola tekniko (4)