Egungo Euskararen Hiztegia (EEH)

soin (orobat soiñ g.er.) 1 iz gorputza, bereziki gorputz enborra.

Mundu honekin dugun egiazko komunitate bakarra ez da jaiotzarekin hasi, ezta soinaren heriotzarekin bukatuko ere. Ibon Uribarri «Arrazoimen hutsaren kritika» - Immanuel Kant, 1999 - 264. orr.

Gorputz ikusgarria zuen eta bere soina nabarmentzeko moduko kamiseta estuak janzten zituen. Joseba Sarrionandia «Lagun izoztua», 2001 - 167. orr.

Burua uretan pulunpatu, bainuontzitik atera eta soina astindu zuen txakur baten gisa. Lopez de Arana «Manhattan Transfer» - John Dos Passos, 1999 - 243. orr.

Ez soina erdiminez kakoturik izan nuen orduetan, ez gorputza lotsaren lotsaz irakiten izan nuenean estudianteen behako haztatzaileen pean, [...]. Eduardo Matauko «Emakume ezezagun baten gutuna» - Stefan Zweig, 2005 - 43. orr.

Aurpegia besterik ez zuen agerian, eta, haren soina ikusi ezin zuen arren, ez zituen hogei urte ere izango. Ibon Uribarri «Loti ederrak» - Yasunari Kawabata, 2006 - 29. orr.

Zangoak gurutzatu, soina aurrera makurtu, eta [...] begira geratu zitzaion. Migel Angel Mintegi «Denak du bere prezioa», 2002 - 60. orr.

Stanek musuzapia mahai gainean utzi eta, barre-algaraka, soina atzerantz eraman zuen. Lopez de Arana «Manhattan Transfer» - John Dos Passos, 1999 - 248. orr.

Aitak orduan soina altxatu zuen zertan ari nintzen ikusteko. Joseba Urteaga «Lekua» - Annie Ernaux, 2003 - 73. orr.

Budek bere soinaren pisua oin batetik bestera aldatu zuen. Lopez de Arana «Manhattan Transfer» - John Dos Passos, 1999 - 101. orr.

Emakumearen soinak erakartzen omen du gizona "infernura". Ibon Uribarri «Loti ederrak» - Yasunari Kawabata, 2006 - 95. orr.

Jantziak nabarmenago egiten zuen soinaren segailtasuna. Iñaki Zabaleta «110. Street-eko geltokia», 2003 - 65. orr.

Ez nekien, zinez, zer egiten nuen ere, eta soin osoa neukan dardar. Txillardegi «Putzu», 1999 - 280. orr.

Pijamaren lepotik helduz barrabiletan ostikadak eta soin osoan ukabilkadak eman zizkidan. Jokin Urain «Errotarria», 2006 - 144. orr.

Ez egin ebakirik soinean dolua adierazteko, ez marraztu tatuajerik larruazalean. Elizen arteko biblia Lb 19,28

ik beherago 7. Askoren artean «Asisko Frantzizko, Asisko Klara», 2002 - 574. orr.

Abiatu eta hamalaugarren egunean, eguzkia ikusi genuen aurreneko aldiz, eta soineko arropa leran jarri behar izan genuen. Bernardo Atxaga «Lekuak», 2005 - 170. orr.

ik soineko.

Lanean makurtuta ziharduelarik, zuri nabari ohi zitzaion bizkar aldea soin gaineko blusa narrasaren azpian. Mirentxu Larrañaga «Hona hemen gu biok» - Dorothy Parker, 2006 - 42. orr.

Ez da nire burua, oraintxe soin gainean daukadan hauxe. Mirentxu Larrañaga «Hona hemen gu biok» - Dorothy Parker, 2006 - 123. orr.

Sorpresa handirik gabe, soin gainetik Massimo Duti jaka kendu, eta ate ondoko armairuan eseki nuen. Iban Zaldua «Traizioak», 2001 - 100. orr.

2 (izenondoekin)

Soin sendo, leun eta luze hura emetasun gaztearen sinboloa iruditzen zitzaion. Ibon Uribarri «Loti ederrak» - Yasunari Kawabata, 2006 - 79. orr.

Jertse lodiaren azpitik soin sendoa nabarmendu zitzaion. Iñaki Zabaleta «110. Street-eko geltokia», 2003 - 149. orr.

Ile mataza gaztainkara eta begi pikaro ilunak zeuzkan, bular tenteak, soin luzea eta zango zuzenak. Migel Angel Mintegi «Denak du bere prezioa», 2002 - 61. orr.

Txalekoari behera tira egin zion, bere soin betearen inguruan tinko jartzeko. Irene Aldasoro «Dublindarrak» - James Joyce, 1999 - 265. orr.

Aulki batean eseri da; haren ipurmasail tinkatuek bizkarra ukitzen dute eta haren soin tentea aurrerantz makurturik dago. Monika Etxebarria «Goragalea» - Jean Paul Sartre, 2003 - 73. orr.

Bere soin segail ederrarekin ibilian. Patxi Zubizarreta «Mirarien kalezuloa» - Nagib Mahfuz, 2006 - 315. orr.

Jantzitzat, soin argal eta haurgintzak maiztua estaliz, burusi bat, izuaren asalduan atzemana. Juan Garzia «Hamlet» - William Shakesperare, 2002 - 103. orr.

Arropa beltzak zituen, estu-estu lotuak, bere soin motzean. Irene Aldasoro «Dublindarrak» - James Joyce, 1999 - 183. orr.

Hor zegoen, soin geldia barraren gainetik tenteturik, irribarretsu. Monika Etxebarria «Goragalea» - Jean Paul Sartre, 2003 - 105. orr.

3 (hitz elkartuetan lehen osagai gisa)

Hobe dela soin-azala ez bustitzea, zulotxoak ohi baino irekiago egon ez daitezen. Edorta Jimenez «Sukar ustelaren urtea», 2004 - 87. orr.

Eskuak zuriak eta txikiak zituen, soin-egitura hauskorra. orain soin-lanik latzenak zeinek daramazkin ikustera. Irene Aldasoro «Dublindarrak» - James Joyce, 1999 - 101. orr.

Ikus bestela, soin-indar hutsez antzeman eta sumatu ote daitezkeen, etsaiaren asma bihurriak eta jokabide eta eragozpenak. Patxi Ezkiaga «On Kixote Mantxako» - Miguel de Cervantes, 2005 - 85. orr.

Horixe esaten aritzen natzaio beti honako rosakruztar honi: egiteko soin-ariketa. Irene Aldasoro «Dublindarrak» - James Joyce, 1999 - 15. orr.

Buztingintza eta pintura Sophie, Michel eta Véroniquekin, soin dantza Stelinarekin, majia Gilles magoarekin. Herria 2001-05-31

Ez nuen begirik kentzen haren soin-irudi beltzaranetik. Irene Aldasoro «Dublindarrak» - James Joyce, 1999 - 44. orr.

Kamisoi erdi garden batez jantzirik, soin-ertzak nabarmentzen zitzaizkion kontrargira. Iñaki Zabaleta «110. Street-eko geltokia», 2003 - 116. orr.

Soin Heziketan Lizentziaduna eta Psikologian Diplomaduna da. Berria - Kirola 2006-01-10

4 (hitz elkartuetan lehen osagai gisa, elkarketak izenondo balioa duela)

Barre egin zuen Irisarrik eta gazte soin-luzeari erreparatu zion. Felipe Juaristi «Airezko emakumeak», 2003 - 115. orr.

5 (hitz elkartuetan bigarren osagai gisa)

Giza soinaren egitura ikusten dutelarik, zoratzen dira eta antolaketa eder horren kausak ez baitakizkite, hortik ateratzen dute ez dela antze mekanikoz egina baina jainkozko edo naturazgaindiko antzez osatua dela. Piarres Xarriton «Etika» - Spinoza, 1997 - 113. orr.

Hirurogeita zazpi urte beteak zituen Egutxik pentsa zezakeen, nahi bazuen, emakume soin guztiak funtsean antzekoak direla. Ibon Uribarri «Loti ederrak» - Yasunari Kawabata, 2006 - 114. orr.

Oroituko duk, noski, haren idi-soina! «Loroaren teorema» - Denis Guedj, 2006 - 452. orr.

6 pl besagainak.

Zu harriturik geratuko zara horren aurrean, eta soinak goratuko dituzu, besterik egin ezinik. Jose Morales «Arima hilak» - Nikolai Gogol, 1998 - 110. orr.

Llumek soinak altxatzen ditu garagardoari azkeneko zurrutada eman bitartean. Antton Olano «<//jokoa.com>» - Gemma Lluch, 2002 - 142. orr.

Besoetatik heldurik, ziegatik atera zuten, eta bera otzan ibiltzen hasi zen, soinak altxaturik. Jose Morales «Zazpi urkatuak» - Leonid Nikolaievitx Andreiev, 2006 - 42. orr.

Soineko luzeak janzten zituzten, propio aukeratuak soin lerdenak nabarmentzeko eta larruazalarekin kontrastatzeko. Migel Angel Mintegi «Denak du bere prezioa», 2002 - 88. orr.

Erantzuna ezin aurkiturik, soinak goratzen zituen, gelan batera eta bestera zebilela. Jose Morales «Arima hilak» - Nikolai Gogol, 1998 - 307. orr.

7 soinean

Hogeita hamar urte inguru zituen eta soinean jaka lasai bat zeraman. Jose Morales «Arima hilak» - Nikolai Gogol, 1998 - 21. orr.

Kolore argiko mantal bat zeukan soinean, sedazkoa, oso ondo ematen ziona. Jose Morales «Arima hilak» - Nikolai Gogol, 1998 - 48. orr.

Lihozko mantua zeraman Davidek soinean. Elizen arteko biblia 1 Kro 15,27

Dotore jantzita, zetazko atorra arrosa-kolorea soinean eta gainean besaburuetan artilezko jertse aurretik irekia. Felipe Juaristi «Airezko emakumeak», 2003 - 132. orr.

Kapelua buruan, longaina soinean eta zapi ñabarra lepo inguruan. Jose Morales «Arima hilak» - Nikolai Gogol, 1998 - 391. orr.

Haien artean, armeniarrak zeuden, jantzi luzeak soinean eta mitra antzekoak buru estalgarri. Karlos Zabala «Mikel Strogoff» - Jules Verne, 2002 - 107. orr.

Zeuner zutik zegoen, kanpainako uniformea soinean eta eskuak atzean. Felipe Juaristi «Airezko emakumeak», 2003 - 192. orr.

Eskaileretan behera jaitsi zen, bizkarra zuzen, agure tankera ematen zion traje beltza soinean. Xabier Olarra «Azken hitzordua» - Sandor Marai, 2003 - 84. orr.

Emakume askok birjintasuna gordetzen zuen, beren etxeetan biziz eta erlijio-jantzia soinean eramanez. Askoren artean «Asisko Frantzizko, Asisko Klara», 2002 - 582. orr.

Gora eta behera dabil gelan, barruko galtzak eta bularretakoa soinean, edaria eskuan. Koro Navarro «Zertaz ari garen maitasunaz ari garenean» - Raymond Carver, 2003 - 36. orr.

Erdi biluzirik, galtzoina bakarrik soinean. Eneko Bidegain «Anbroxio», 2002 - 115. orr.

Olatz da, mutil jantzian eta ileorde beltz bat jantzita duela, haren pastazko betaurrekoak ere soinean. Harkaitz Cano «Pasaia blues», 1999 - 175. orr.

Ana erredakzioan, kamiseta tirantedun llaburra soinean zuela. Aingeru Epaltza «Rock'n'roll», 2000 - 60. orr.

Gu beraien inguruan, igeri-jakak soinean, egonean. Joxe Austin Arrieta «Homo Faber» - Max Frisch, 2001 - 29. orr.

Halaxe, bada, soinean zakua jantzi eta lepoan soka loturik, heldu ziren Israelgo erregeagana. Elizen arteko biblia 1 Erg 20,32

Berrogei edo berrogeita hamarna zinta zeramatzaten soinean, ez bi edo hiru bakarrik. Bernardo Atxaga «Lekuak», 2005 - 19. orr.

Holandako oihal hoberenaz egin galtzoinak soinean ukanik ere, beren buruak sans-culottes iraultzaile izendatzen zituzten burges haiek: notario, abokatu, negoziogile dirudun. Elena Touyarou «Hautsi da katea» - Toti Mtz. de Lecea, 2004 - 133. orr.

Batez ere dama-itxurako izaki horietako asko badago, bidegurutzeetan zain saguzarren antzera, galtzerdirik gabe, sorbalda-oihal gorria eta bortzegiak soinean. Jose Morales «Arima hilak» - Nikolai Gogol, 1998 - 194. orr.

Etxauzko bizkondea bezala, zaldi xuri baten gainean, zilarrezko armadura bat soinean. Michel Oronoz «Oilandoiko ermita», 2001 - 31. orr.

8 soin adar

Soin-adarrak luze, giharrak teinkaturik. Xabier Mendiguren Elizegi «Uda betiko balitz», 2003 - 74. orr.

Auto abarrikatu baten pusken artetik agertzen diren soin-adar zatikatuak, bide bazterretako erretenean. neguko hilaldia bere baitan sartzen zitzaizkiola iruditu zitzaion, odola gelditu eta izoztuko ziotela, soin atalak zurrunduko zizkiotela. Aingeru Epaltza «Rock'n'roll», 2000 - 203. orr.

Berrehun hildakotik gora, haur eta emakume ugari kiskalita eta soin-adarrik gabe. Berria - Mundua 2004-08-17

Haur potolo bat atzera ari da geratzen: nekearen zama sentitzen du soin-adarretan, igurtziaren gorria izter lodi bien barnealdean. Xabier Mendiguren Elizegi «Uda betiko balitz», 2003 - 24. orr.

Eskua luzatu gabe ere, halako deskarga elektriko batek zizta egin zidan beheko soin-adarretan. Aingeru Epaltza «Rock'n'roll», 2000 - 366. orr.

Eztarria idortu zitzaidan, soin-adarrak txinaurritu. Aingeru Epaltza «Mailuaren odola», 2006 - 201. orr.

9 soin atal (orobat soinatal g.er.)

Ratapoil pertsonaiaren kokaera, soin-atalez soin-atal desmuntatzen du, gorputz-atal horiek keinu oso bat beraren segidako uneak direla frogatzeko. Josu Zabaleta «Irudia» - Jacques Aumont, 2004 - 220. orr.

Beraren soin-atal lirain luzexkekin, pertsona ahul, eraginerraz eta maritxuaren eredu berbera zen. Oskar Arana «Brooklyngo erokeriak» - Paul Auster, 2006 - 259. orr.

Soin-atal guztietan sentitzen nuen dardara izuarena zen. Anjel Lertxundi «Ihes betea», 2006 - 274. orr.

Ukitzean hotzikara luze bat sentitu nuen soin atal guztietan zehar. Josu Zabaleta «Fantasiazko ipuinak» - Guy de Maupassant, 2000 - 200. orr.

Jantziek zabalegi ziruditen haren soin atal iharrentzat, haren bular estutuarentzat, haren sabel hustuarentzat. Josu Zabaleta «Fantasiazko ipuinak» - Guy de Maupassant, 2000 - 193. orr.

Eskuetatik artelana eta espiritutik hura egiteko asmoa kentzen badiozu, non eta soin atalen xedea plazera edota denbora-pasa baino izan ez dadin, orduan langintza honi dantza deitzen diogu. Imanol Unzurrunzaga «Hainbat idazlan» - San Agustin, 2003 - 142. orr.

Etsaien sable okerra baino zaurigarriagoa zen haizea eta hotza, esku-hankak ez ezik, soin atalak oro, automaten gisa erabiltzera behartzen zituen nekea eta hotza. Felipe Juaristi «Airezko emakumeak», 2003 - 177. orr.

10 soin enbor

Luzamendurik gabe, soinean zeraman elastiko morea kendu zuen gure begien aurrean bere soin-enbor ederra agerian utziz. Aitor Arana «Onan», 2000 - 115. orr.

Besoak soin-enborraren albo banatan utzi ditu. Pello Lizarralde «Larrepetit», 2002 - 108. orr.

Maria Sara doktoreak eseririk jarraitu zuen, baina soin-enborra tentetu eta aurrerantz makurtu zen apur bat, ikusiarazi nahian edo, berari zegokionez, elkarrizketa bukaturik zela. Jon Alonso «Lisboako Setioaren Historia» - José Saramago, 2000 - 132. orr.

Eskua ez zegoen hor, ez, baina gorputzak, soin-enborrak, bizkarreko kirioek, hori ez balekite bezala jokatzen zuten. Harkaitz Cano «Neguko zirkua», 2005 - 125. orr.

Urkamendiak zeuden [...] eta bertan, zintzilik, aurpegia desitxuratua, eskuak gogortuak, soin enborrak baldar airean eta oinutsik, soldadu alemanak. Felipe Juaristi «Airezko emakumeak», 2003 - 199. orr.

Intsektu argi-emaileak dira, are argirik gehien ematen omen duten intsektuak, edo halaxe dute fama, bederen, soin-enborraren bi aldeetan argia ematen duten bi organo dituztelako. Jon Alonso «Euskal karma», 2001 - 138. orr.

11 soin eta muin adlag buru eta bihotz.

Bere herritarren alde soin eta muin lehenengo lerroan borrokatu zen hark, gaztarotik bere aberkideentzat onginahia izan zuen hark, Nikanorri buru-besoak sorbalda eta guzti moztu eta Jerusalemera eramateko agindu zuen. Elizen arteko biblia 2 M 15,30

Dantzarien takoiek gogor zapaltzen zuten zorua, eta armadako kapitainorde batek soin eta muin eragiten zien besoei eta hankei, ametsetan ere inork lortuko ez lukeen pauso bat markatzeko ahalegin biziak eginez. Jose Morales «Arima hilak» - Nikolai Gogol, 1998 - 247. orr.

12 soinez soin elkarren ondoan.

Andreas eta Nora soinez soin zeuden brankako barandan. Anjel Lertxundi «Azkenaz beste», 2005 - 149. orr.

Soinez soin, elkarrengandik askatu gabe, ordu laurden bat egon ziren zurubia igo ezinik. Jose Morales «Arima hilak» - Nikolai Gogol, 1998 - 226. orr.

Itzulerako bidea hartu zuten, oinez oin eta pausuz pausu, soinez soin eta bihotzez bihotz, lehendik zihoazen gizonekin biltzeko. Felipe Juaristi «Airezko emakumeak», 2003 - 182. orr.

Ikusiak zituen gizon-emakumeak dantzan, ezpainak ezpainei, eskuak eskuei, gerriak gerriei, gorputzak soinez soin eta oinez oin elkarri loturik. Felipe Juaristi «Airezko emakumeak», 2003 - 109. orr.

Horrela batak eskuin hankatik eta besteak ezkerretik herren eta herren, berehala ondo lotu zitzaizkion elkarri soinez soin eta hankaz hanka. Felipe Juaristi «Itzarri nahi ez zuen printzesa», 2002 - 155. orr.

Serantes mendia, Cuesta, Abanto, Putxeta, Somorrostro, Santelizes, Muñeka inguruak, soinez soin amaitu dituk, hilkintza beldurgarritan gorriturik. Txillardegi «Putzu», 1999 - 225. orr.

hitz multzoen maiztasunak (gutxienez 3 aldiz agertzen direnak)

soin adarretan (4); soin atal (7); soin atal guztietan (3); soin atalak (10); soin atalen (4); soin enborra (4); soin enborrak (3); soin gainean (3); soin gaineko (3); soin irudi (3); soin osoa (5); soinez soin (8)