Egungo Euskararen Hiztegia (EEH)

sarrera 1 iz sartzea.

Ontzien sarrera eta deskarga ikusi nahi nuen. Joseba Sarrionandia «Lagun izoztua», 2001 - 173. orr.

Erdi Aroaren mugarriak nahiko ondo markatuta daude historikoki: batetik, Alarikoren sarrera Erroman eta bertako harrapaketa 410ean, eta, bestetik, humanistek aurrera eramandako iraultza kulturala 1400az geroztik. Askoren artean «Filosofiako gida», 2004 - 59. orr.

Kontabilitate liburu gisako batean apuntatu dute nire sarrera, eta sinatu egin behar izan dut. Agurtzane Juanena «Esan gabe neukana», 2003 - 38. orr.

Joseba bizkarrez zegoen eta ez zen haren sarreraz konturatu. Iñaki Zabaleta «110. Street-eko geltokia», 2003 - 35. orr.

Emakumeei sarrera eragozten dien araua. Askoren artean «Asisko Frantzizko, Asisko Klara», 2002 - 434. orr.

Sekularrek erabat debekatua zuten sarrera. Askoren artean «Asisko Frantzizko, Asisko Klara», 2002 - 291. orr.

Nekazari bat etorri zen bere astoarekin Jainkoaren gizona bere lagunekin bizi zen aterpera; eta sarrera uka ez ziezaioten, astoari barrurantz eragiten zion, esanez: [...]. Askoren artean «Asisko Frantzizko, Asisko Klara», 2002 - 210. orr.

Ene etxean sarrera debekatua baitute zu bezalako atso zahar purtzilek...! Joan Mari Irigoien «Ipuin batean bezala», 2002 - 67. orr.

Sarrera ordaindu egin behar zen. Gotzon Garate «India harrigarria», 2001 - 164. orr.

ik beherago 16. Askoren artean «Asisko Frantzizko, Asisko Klara», 2002 - 574. orr.

Denek espero zuten orduan gizonezko beltzaranaren sarrera oldartsua, baina minutuak aurrera joan ziren eta ez zen beste inor sartu. Joxemari Iturralde «Euliak ez dira argazkietan azaltzen», 2000 - 76. orr.

Trelawney andereñoak ohiko sarrera dramatikoa egin zuen itzalpetik. Iñaki Mendiguren «Harry Potter eta sorgin harria» - J.K. Rowling, 2000 - 241. orr.

Atzo arratsaldean Bere Maiestate Enperadoreak sarrera publikoa egin zuen Tullerietan. Iñigo Aranbarri «Hizlandia», 2006 - 85. orr.

Afrikan, Latino Amerikan, nazioarteko finantza-erakundeek [...] sistematikoki sustatu dute kapitalismoaren sarrera. Koro Navarro «Ekonomiaren globalizazioa» - Jacques Adda, 2004 - 13. orr.

Ameriketako konpainiak ez dute batzuetan sarrera erraza Europan. Pello Salaburu «XX. mendearen argi-itzalak», 2001 - 163. orr.

Hor hartuko nuen nik parte, ikaztegiko sarrera-irteeren kargu egingo nintzela esan baitzidan Angelok: merkatalontziko sotoan pisatutako ikatzak ikaztegira iritsitakoan ere pisu bera zuela kontrolatu behar nuen. Anjel Lertxundi «Ihes betea», 2006 - 219. orr.

· Baduzue denen berri, eta sarrera erraza etxe guztietan. Txillardegi «Putzu», 1999 - 86. orr.

2 (hitz elkartuetan lehen osagai gisa)

Ordu bata ipini dute sarrera-ordua. Agurtzane Juanena «Esan gabe neukana», 2003 - 38. orr.

Bigarrenik sarrera-kodea behar duzu. Askoren artean «Filosofiako gida», 2004 - 342. orr.

Harako krak hura, garezurraren barruan itsatsirik, sarrera-giltza bihurtu zen nire baitan, heriotzarekin aurrez aurre ipintzen ninduen giltza. Juan Kruz Igerabide «Hauts bihurtu zineten», 2005 - 14. orr.

Ingold zen haien gidari [...] Gandalf eta Pippini sarrera-baimena eman zien bera. Agustin Otsoa «Eraztunen Jauna III» - J.R.R. Tolkien, 2004 - 112. orr.

Sarrera-orria betetzerakoan, errepikatu eta letraz letra eman behar izan zituen izen-deiturak. Juan Garzia «Ipuin hautatuak» - Jorge Luis Borges, 1998 - 148. orr.

Kontuan izan behar da, esate baterako, 2001. urtean sarrera azterketa euskaraz egin zutenen kopurua %45 izan zela. Pello Salaburu «Euskararen etxea», 2002 - 72. orr.

3 (hitz elkartuetan bigarren osagai gisa)

Aurreko kapituluetan ikasi dugu zer edo zer seinale-sarreraren mekanismoez, eta aipatu ditugu seinale-irteeraren mekanismo batzuk ere. Irene Aldasoro «Giza gorputza lanean» - John Lenihan, 2006 - 228. orr.

4 irud/hed

(36i) irudian, teoria lanabes gisa itxuratzen da: corpusa du sarreran (input), eta gramatika irteeran (output). Itziar Laka «Egitura sintaktikoak» - Noam Chomsky, 2003 - 78. orr.

Garrantzitsua da egoera horrek zer egiten duen jakitea, zein den horren rol kausala sarreraren (input) eta irteeraren (output) tartean baita gainerako gogo-egoeren sarean ere. Askoren artean «Filosofiako gida», 2004 - 191. orr.

(36ii) irudia gramatika eta corpusa sarreran dituen lanabesa da, irteeran, gramatika zuzena bada "bai", edo zuzena ez bada "ez" erantzuten duena; beraz, gramatikentzako erabaki-prozedura eskaintzen digu. Itziar Laka «Egitura sintaktikoak» - Noam Chomsky, 2003 - 78. orr.

5 norabaitera sartzen den jendearen kopurura.

Astigarragako kiroldegiak oso sarrera aipagarria izan zuen (400 ikusle), eta sarritan nahi lukete tiralariek horrelako giroz. Berria - Kirola 2004-02-15

Sarrera oso polita Zarauzko Aritzbatalde frontoian. Berria - Kirola 2004-01-11

Sarrera txukuna Tolosako Beotibarren, eta dirua parekatuta hasieran. Berria - Kirola 2004-03-30

Denboraldiko sarrera onena espero baita gaur Mendizorrotzan. Berria - Kirola 2004-11-21

Gasteizko Ogeta pilotalekuko harmailek sarrera eskasa izan zuten. Berria - Kirola 2004-08-10

6 dirua banku edo kontu batean sartzea; irabazten den dirua.

Aurrekontu publikoen sarrera eta gastuen arteko oreka. Iñaki Heras «Txanponaren bi aldeak», 2003 - 29. orr.

Gastuak sarrerak baino handiagoak badira, defizit publikoa sortzen da. Iñaki Heras «Txanponaren bi aldeak», 2003 - 35. orr.

Zuzeneko zergen sarrerak berriz, eskasagoak izan ziren, %2,9. Berria - Ekonomia 2004-03-18

Zentraleko laguntzaileak izan ziren bukatzen lehenak, egun bateko sarreren balantzea besterik ez baitzuten egin behar. Xabier Olarra «Iruzurgilea» - James Cain, 2002 - 65. orr.

Zerga progresiboak (sarreren arabera tasa aldakorrak dituztenak) eta erregresiboak (tasa bakarrekoak) bereizten dira. Iñaki Heras «Txanponaren bi aldeak», 2003 - 36. orr.

Txarrerako berriz, dibisen sarrerek produktu inportatuen kontsumoa areagotu zutenean. Koro Navarro «Ekonomiaren globalizazioa» - Jacques Adda, 2004 - 89. orr.

Sektore publikoaren finantzaketa-premiak murriztu egin ziren sarrera fiskalen gainean hazkundeak zuen eragin positiboari esker. Koro Navarro «Ekonomiaren globalizazioa» - Jacques Adda, 2004 - 170. orr.

Sarrera faltsu haiek guztiak diruak ongi koadra zezan eginak ziren. Xabier Olarra «Iruzurgilea» - James Cain, 2002 - 36. orr.

Kaxako sarrera urriak ez baitzuen argindarra eta alokairua estaltzeko adina ematen. Xabier Mendiguren Elizegi «16 ipuin amodiozko», 2002 - 20. orr.

Lanorduak galtzea, produktibitatea beheratzea, etxeko sarreren murrizketa, aurrezkien galera... Pello Salaburu «XX. mendearen argi-itzalak», 2001 - 178. orr.

7 (hitz elkartuetan lehen osagai gisa)

Atzerritar kapitalen sarrera moduak. Koro Navarro «Ekonomiaren globalizazioa» - Jacques Adda, 2004 - 109. orr.

Ordurako libretarentzat sarrera-agiria prestatua nuen eta diru kopurua kopiatua haren aurrean. Xabier Olarra «Iruzurgilea» - James Cain, 2002 - 24. orr.

Ohiz kanpoko mozkinak eta sarrera-hesi gogorrak izatea da merkatu horien ezaugarria. Koro Navarro «Ekonomiaren globalizazioa» - Jacques Adda, 2004 - 68. orr.

8 (hitz elkartuetan bigarren osagai gisa)

Europarrek [...] ondo asko zekiten kapital-sarrera horrek beren ekonomiak biziagotzen zituela. Koro Navarro «Ekonomiaren globalizazioa» - Jacques Adda, 2004 - 149. orr.

9 sarbidea; sarbideko eremua.

Kristalezko atea igaro eta sarreran geundela, atzera begiratu eta piltzar-biltzailea ikusi dinat. Anton Garikano «Bederatzietatik bederatzietara» - Leo Perutz, 2003 - 99. orr.

Alchononek, sarreran, bere kaftan zarpaila, bere litsekiko jantzia eta galtzak erantzi zituen. Koro Navarro «Zortzi kontakizun» - Isaac B. Singer, 2002 - 20. orr.

Erruki-etxeko zaindariaren irudi bitxi bat zegoen sarrerako galeria beiradunean. Anjel Lertxundi «Ihes betea», 2006 - 34. orr.

Hiriko sarreran zegoen Zeusen tenpluko apaizak zezenak ekarrarazi zituen. Elizen arteko biblia Eg 14,13

Bi erreken arteko sarreratik sartu zen. Jon Maia «Riomundo», 2005 - 105. orr.

Bart tirokaldi luzea entzun omen duk Arrameleko zubiaren aldetik, Tolosako sarreran. Txillardegi «Putzu», 1999 - 114. orr.

Txaleterako sarrera ixten zuen burdinesi handiaren aurrean. Joxemari Iturralde «Euliak ez dira argazkietan azaltzen», 2000 - 261. orr.

Atenasko Akropoliaren sarrera diseinatu zuen arkitektoa. Irene Aldasoro «Giza gorputza lanean» - John Lenihan, 2006 - 21. orr.

Sarrera hogeita bost metro zen luze, eta hamabi eta erdi zabal. Elizen arteko biblia Ez 40,36

Cella-rik gabe egindako tenpluek plataforma altxatua izaten dute, eta sarrera harmailaduna. Santiago Iruretagoiena «Arkitekturaz hamar liburuak» - Vitruvio, 2000 - 2070. orr.

Barneko atariak ere bazuen sarrera bat hegoaldera. Elizen arteko biblia Ez 40,27

Abimelekek bere taldearekin aurreratu eta hiriko sarrera hartu zuen. Elizen arteko biblia Epa 9,44

Patiotik zeukan sarrera, eta zurezko mahai handi bat zegoen erdian. Rafa Egiguren «Mentxakaren aitorpena» - Jose Ramon Goikoetxea, 2006 - 117. orr.

Gero, harri bat irauliz, hilobiko sarrera itxi zuen. Elizen arteko biblia Mk 15,46

-Sekretuen Ganberako sarrera! -esan zuen ahots latzez-. Iñaki Mendiguren «Harry Potter eta Azkabango presoa» - J.K. Rowling, 2002 - 215. orr.

Erdiko solairurako sarrera tenpluaren eskuinaldeko saihetsean zegoen. Elizen arteko biblia 1 Erg 6,8

Sarrera giltzaz itxi eta zigilatu egin zuen mila urteak bete arte. Elizen arteko biblia Ap 20,3

Sarrerako burdin-hesiak kirrinka egin zuen. «Loroaren teorema» - Denis Guedj, 2006 - 99. orr.

Sarrerako pasabideak barne patio batera jotzen zuen. Aingeru Epaltza «Rock'n'roll», 2000 - 345. orr.

Dorreak egingo dira portikoen bi aldeetara, dorreetatik makina bidez kateak zeharkatu eta portuko sarrera itxi ahal izateko. Santiago Iruretagoiena «Arkitekturaz hamar liburuak» - Vitruvio, 2000 - 2590. orr.

Bi letrero sarrerakoan: Ez erre batak; Isilik besteak. Txillardegi «Labartzari agur», 2005 - 96. orr.

10 (izenondo eta izenlagunekin)

Buru bat agertu zen sarrera zabalaren eta egongelaren artean zeuden gortinen artetik. Lopez de Arana «Manhattan Transfer» - John Dos Passos, 1999 - 154. orr.

Ez nizkien bisaiak ikusi; sarrera argiztatuan distiratzen ziren bi nabala gorriztatuek bihurrarazi zizkidaten begiak. Aingeru Epaltza «Rock'n'roll», 2000 - 342. orr.

Gryffindor dorreko sarrera ezkutura iritsi ziren. Iñaki Mendiguren «Harry Potter eta sorgin harria» - J.K. Rowling, 2000 - 80. orr.

Apaizak seguru eta harro agertzen ziren, mahai azpian sarrera ezkutu bat egina baitzuten. Elizen arteko biblia DnGr 3,12

Segurtasuneko gnomoen ondotik lasterka igaro eta sarrera nagusira bideratu ziren. Iñaki Mendiguren «Harry Potter eta sorgin harria» - J.K. Rowling, 2000 - 222. orr.

11 (hitz elkartuetan lehen osagai gisa)

Etxe horiek sarrera-gela zoragarriak izaten dituzte eta duintasunez egindako ate egokiak. Santiago Iruretagoiena «Arkitekturaz hamar liburuak» - Vitruvio, 2000 - 2990. orr.

12 (hitz elkartuetan bigarren osagai gisa)

Metro sarrera batean geratu gara aurrekontratua sinatzeko. Harkaitz Cano «Piano gainean gosaltzen», 2000 - 24. orr.

Institutu sarreran Itxaso bere lagunekin hizketan ikusten duenean. Pako Aristi «Urregilearen orduak», 1998 - 282. orr.

Hotel-sarrerako marmolezko bi estatua zuriak baino zurrunago. Anjel Lertxundi «Azkenaz beste», 2005 - 171. orr.

Hantxe gelditu zen Joanes, plaza-sarrera zaintzen, ezer edatera ausartzeke. Felipe Juaristi «Itzarri nahi ez zuen printzesa», 2002 - 152. orr.

Atari-sarrerako oihala. Elizen arteko biblia Zen 3,26

Hilobi-sarrerako harria biratua aurkitu zuten. Elizen arteko biblia Lk 24,2

Asiriako erregeari atsegin emateko, aldatu egin zituen Akazek bai tenplu barruan egina zen larunbatetarako aterpea, bai kanpoan zegoen errege-sarrera. Elizen arteko biblia 2 Erg 16,18

Erregeak bere laguntzaile nagusi hura bidali zuen hiri-sarrera zaintzera. Elizen arteko biblia 2 Erg 7,17

Jendea hiri-sarrerako plazan bilarazi eta sutsu hitz egin zien, esanez: [...]. Elizen arteko biblia 2 Kro 32,6

· Baina liburutegiko kontrol-sarrerara iristen denean, makinak ez dio txartela onartzen. Oskar Arana «Lotsaizuna» - John Maxwell Coetzee, 2004 - 232. orr.

13 gai edo ekitaldi bati buruzko atarikoa. ik hitzaurre; sartaurre.

Lan akademiko baten ohiko eskemak oinarrizko hiru zati ditu: sarrera, garapena eta ondorioa. Askoren artean «Filosofiako gida», 2004 - 357. orr.

Kijoteren sarreran hala dio Cervantesek: [...]. Patziku Perurena «Trapuan pupua», 2001 - 214. orr.

Julio Herranz anaiak "Los Escritos de Francisco y Clara de Asís" libururako prestatu duen sarrera. Askoren artean «Asisko Frantzizko, Asisko Klara», 2002 - 33. orr.

Sarrera: Ezekielen profeta-bokazioa. Elizen arteko biblia Ez 1,1-3 tit

Sarrera honetan Sokratesen aurreko helendarren filosofia aztertzen da. Askoren artean «Filosofiako gida», 2004 - 7. orr.

Bost atal nagusi dauzka sarrera honek. Askoren artean «Filosofiako gida», 2004 - 7. orr.

Sarrera historikoa. Elizen arteko biblia Ba 1,1 tit

Sarrerako ohartxoan esaten zaigunez, [...]. Askoren artean «Asisko Frantzizko, Asisko Klara», 2002 - 72. orr.

"Fern Hill" poemaren sarrera -Aspaldi, artean gazte eta berde ginela...-, datorkigu gogora Erretratuko "Extul Handi" kontakizunaren hasieran: [...]. Koro Navarro «Artistakume baten erretratua» - Dylan Thomas, 1999 - 10. orr.

14 (hitz elkartuetan lehen osagai gisa)

Euskaltzaindian onartua izateko eliza katolikoaren jarrera atzerakoia kritikatuz egin zuen sarrera hitzaldiagatik erbestera joan behar izan zuen. Askoren artean «Filosofiako gida», 2004 - 321. orr.

Hori gaurko sarrera-mintzalditik aparte gelditzen zaidan gaia da. Jon Alonso «Euskal karma», 2001 - 33. orr.

Dibulgazio modura idatzitako sarrera-testua. Iñaki Heras «Txanponaren bi aldeak», 2003 - 334. orr.

Sarrera-liburu on bat da. Askoren artean «Filosofiako gida», 2004 - 20. orr.

Pazkoaldiko III. igandeko mezako sarrera-antifonaren lehen hitza. Askoren artean «Asisko Frantzizko, Asisko Klara», 2002 - 1115. orr.

Liburuaren aurkibideak eta Maimonen sarrera-triptikoak aski behar lukete izan. Xabier Kintana «Alderraien gidaria» - Mose ben Maimon, 2006 - 7. orr.

Aukeratu ditugunak ohikoenak izaten dira hemen Logikako sarrera-ikastaro baterako, baina ezberdintasunak badaude haien artean. Askoren artean «Filosofiako gida», 2004 - 152. orr.

Sarrera-ohar baten bidez, itzultzailea bera Inkisizioarekin izan zitzakeen arazoei zirkin egiten ahalegindu zen. Juan Martin Elexpuru «Delituez eta zigorrez» - Cesare Beccaria, 1999 - 15. orr.

· Beethovenen Bosgarren Sinfoniako sarrera-doinuak. Felipe Juaristi «Airezko emakumeak», 2003 - 196. orr.

15 (hitz elkartuetan bigarren osagai gisa)

Musika-sarrera motz baten ostean, hurrengo igandeko futbol partidei buruzko ohar batzuk ematen hasi zen esataria. Iban Zaldua «Traizioak», 2001 - 155. orr.

16 ikuskari edo emanaldi batera sartzeko aukera ematen duen txartela. ik txartel.

Pentsatu diat larunbateko borrokaldirako sarrera bat erostea. Lopez de Arana «Manhattan Transfer» - John Dos Passos, 1999 - 288. orr.

Londresen bizi den lagun bati operara joateko sarrerak oparitu, nire etxetik mugitu gabe. Pello Salaburu «XX. mendearen argi-itzalak», 2001 - 19. orr.

72 egun falta dira Jokoetarako, 1.833.919 sarrera saldu dira orain arte, eta beste 2.133.096 sarrera jarri dituzte orain salgai. Berria - Kirola 2004-06-02

Parisko Parc des Princes zelaian, ordea, 25.000 edo 30.000 sarrera sal ditzakete. Berria - Kirola 2004-02-05

Gasteizera 1.500 sarrera bidaliko ditu, guztiak 35 eurokoak. Berria - Kirola 2004-06-09

Lauko Finala ikusteko sarrerak agortu dira. Berria - Kirola 2006-04-21

Derbirako sarrera pare bat. Jon Alonso «Euskal karma», 2001 - 24. orr.

Doi-doi eduki nuen denbora derbirako sarrera-multzo bat hartu eta poltsikoratzeko. Jon Alonso «Euskal karma», 2001 - 23. orr.

Sarrera-txartela eskuan zuela, Alejandro atezainaren ondora joan, eta berbetan hasi zen berarekin. Pedro Alberdi «Kafka Bilbon», 2002 - 53. orr.

Sarrera: 25 euro. Patxi Iturritegi «Behi eroak», 2003 - 31. orr.

Sarrera 30 liberetan finkatua da eta emanaldi bat baizik ez da izanen. Herria 2001-05-17

Zera esan zidan, ahapeka, etzaiok beltzari sarrerarik erosi, nik merkeago saltzen dizkiat. Jon Alonso «Euskal karma», 2001 - 17. orr.

17 hiztegi eta kidekoetan, atal nagusi baten izenburua; atal hori bera.

Entziklopediaren batean bilatu beharko zuela erle sarrera edo erlezain sarrera. Unai Elorriaga «Van't Hoffen ilea», 2003 - 137. orr.

"25.000 sarrera ditu", zioen hitzaurrearen egileak, "eta koloretako 72 orri informazio eranskin gisa”. Bernardo Atxaga «Groenlandiako lezioa», 1998 - 27. orr.

Hiztegietan sarrera bakarra dute hitz polisemikoek, sarrera ezberdinak hitz homonimoek. Iñaki Arranz «Hitza azti», 2006 - 80. orr.

Komeniko litzateke han "non" sarrerari, esaterako, begirada bat ematea. Pello Salaburu «Euskararen etxea», 2002 - 184. orr.

Ikus "Askatasun" sarrera. Xabier Olarra «Deabruaren hiztegia» - Ambroise Bierce, 2001 - 295. orr.

Ezohiko sarrera zen hori entziklopedia batean. Unai Elorriaga «Van't Hoffen ilea», 2003 - 160. orr.

Diderotek berak eskaini zion Entziklopediaren sarrera oso bat hobbisme hitzari. Esteban Antxustegi «Herritarra» - Thomas Hobbes, 2004 - 22. orr.

Horregatik, sarrera edo azpisarrera bereziak dituzte hiztegietan, non esamoldearen esanahia argitzen den. Iñaki Arranz «Hitza azti», 2006 - 233. orr.

18 futbolean eta kidekoetan, jokalari batek, pilota kentzeko, aurkariari egiten dion erasoa.

Yachvilik 22 metrora baloia berreskuratu, Gaitanek sarrera egin eta Bidaberi egin zion pasea. Berria - Kirola 2004-09-05

Jonas Gutierrezek sarrera gogorra egin zion Tuniri, eta lurrean utzi zuen. Sarrera erdia baino gehiago Hernaniko Galarreta Jai-Alai pilotalekuan. Berria - Kirola 2006-04-21

Berriz ere Racingen aurkako lagunarteko norgehiagokan, belauna bihurritu zuen sarrera gogor batean. Berria - Kirola 2006-03-29

Moralesen sarrera beldurgarria izan zen lehia itsusitu zuen gauza bakarra. Berria - Kirola 2006-04-02

Aranburuk denboraldiari agur esan behar izan zion, Oriol erdiko atzelariak egin zion sarrera ikaragarriaren ondorioz. Berria - Kirola 2006-04-14

Emerson brasildarrak egun Juventusen dago sarrera itsusia egin zion Contrari, eta errumaniarra larriki lesionatu zuen. Berria - Kirola 2006-02-03

«Egiten dituen sarrerak neurtu behar ditu», dio irribarretsu Sarriugartek. Berria - Kirola 2006-03-11

19 diru sarrera ik diru 31.

20 eguzki sarrera eguzkia ostertzaren azpian ezkutatzea.

Urrezko eguzki-sarrera joaten ari zen eta airea mindurik zegoen. Irene Aldasoro «Dublindarrak» - James Joyce, 1999 - 103. orr.

Udazken hondarreko eguzkii-sarreraren argitasunak estaltzen zituen berdeguneak eta ibilbideak. Irene Aldasoro «Dublindarrak» - James Joyce, 1999 - 102. orr.

Bitartean Fionn eguzki-sarrerari begira zegoen, bere gogoetetan. Joanes Urkixo «Gerlari zuria», 2004 - 165. orr.

21 sarrera egin

Lidia zain zuen Alexisek egin zuenean sarrera etxera. Felipe Juaristi «Airezko emakumeak», 2003 - 44. orr.

Jaunaren 1243. urtean, anai Gotfredok bere sarrera egin zuen probintzian. Askoren artean «Asisko Frantzizko, Asisko Klara», 2002 - 1142. orr.

Burua eta sorbaldak makurtu nituen, hamar minutuan, Yumimoto konpainian sarrera egin nuen egunean, txintik ere atera gabe, inpresio txarra eragin nuela konprenituz. Joxan Elosegi «Durduzaz eta dardaraz» - Amélie Nothomb, 2003 - 8. orr.

Begira jarri zen mostradoreaz harantz, aldi berean Txantoi nagusiak eta Orrondok egingo zuten sarrera zelatatzen zuela. Pedro Alberdi «Kafka Bilbon», 2002 - 24. orr.

Gitarra eta bateria abio bortitz batek sarrera egin zion boz anfetaminiko maliziotsu bati. pentsatu nuen errito hori alderanztea, gaztelaniaz sarrera eginez eta hitzaldia euskaraz. Aingeru Epaltza «Rock'n'roll», 2000 - 28. orr.

Sarrera egin behar nion estasiaren paroxismoari. Joxan Elosegi «Durduzaz eta dardaraz» - Amélie Nothomb, 2003 - 156. orr.

Rafael Calderaren gobernuari petrolioagatik bat-batean 11.000 milioi dolarreko sarrera egin zioten. Pako Aristi «Venezuela, iraultza isilaren hitzak», 2000 - 60. orr.

-Bai, orri hau bete behar duzu eta ehun dolarreko sarrera egin banku-kontu honetan. Jon Arretxe «Ekialdeko mamuak», 2003 - 80. orr.

22 sarrera eman

Eskaileraren beherenean ganga bat zegoen, egiaz katakonba heze, hotz, luze, bihurri baterako sarrera ematen zuena. Josu Zabaleta «Jakintzaren arbola» - Pio Baroja, 2006 - 220. orr.

1569ko apirilaren hondar egunetan, Nabarrenkoxeko ateak ireki ziren ehunka biarnes izuturi sarrera ematearren. Aingeru Epaltza «Mailuaren odola», 2006 - 214. orr.

Beste batzuek ateak bota eta sarrera eman zioten juduen gudarosteari; horrela, jabetu egin ziren hiriaz. helburua da operadoreek sarean aritzeko sarrera ematea. Elizen arteko biblia 2 M 10,36

Markoa, izan ere, irudimen mundurako, irudiak irudikatzen duen diegesirako sarrera ematen duen irekiune bat bezala agertzen da orduan nolabait. Josu Zabaleta «Irudia» - Jacques Aumont, 2004 - 140. orr.

hitz multzoen maiztasunak (gutxienez 4 aldiz agertzen direnak)

baginako sarrera (9); bere sarrera (14); derbirako sarrera (6); diru sarrera (91); diru sarrera garrantzitsua (8); egin zion sarrera (4); egin zuen sarrera (8); egindako sarrera (6); etxeko sarrera (4); euroko diru sarrera (4); euroko sarrera (4); ganberako sarrera (4); herriaren sarrera (5); hiriko sarrera (4); ikusteko sarrera (4); kontzerturako sarrera guztiak (6); portuko sarrera (5)