Egungo Euskararen Hiztegia (EEH)

probintzia 1 iz antzinako Erroman, Italiatik at bereganaturiko lurraldea, erromatar legeen eta gobernari baten mendean ipinia; hainbat erreinu edo estatu, edo horietako eskualdeak, banatzen diren zatietako bakoitza.

Klaseen arteko gorrotoen eta probintzia arteko etsaigoen azalpen etsigarri bat. Oskar Arana «Brooklyngo erokeriak» - Paul Auster, 2006 - 225. orr.

Honorioren garaian, Armorikako aldea eta Galiako beste probintziak erreboltatu egin zirela, eta errepublika modukoa eratu zutela. «Legeen espirituaz II» - Montesquieu, 1999 - 299. orr.

Zabala zen Asueroren Inperioa: Indiatik Etiopiaraino hedatzen zen eta ehun eta hogeita zazpi probintzia zituen bere mende. Jose Antonio Mujika «Agindutako lurraren bila II», 2002 - 129. orr.

Bezero ziren printzerriak probintzia bihurtuta zeuden, eta probintziak, berriz, zuzeneko eta zentralizaturiko administrazioaren organo bilakatuta. Iñaki Mendiguren «Historiaren azterketa II» - A.J. Toynbee, 2000 - 24. orr.

Frantsesez idatziko banu, Frantziako probintzia txiki bateko idazlea nintzateke. Ana Urkiza «Zortzi unibertso, zortzi idazle», 2006 - 284. orr.

Patuari atsegin zaizkio errepikapenak, aldaerak, simetriak; hemeretzi mende geroago, Buenos Aireseko probintziako hegoaldean, gaucho bat beste gaucho batzuen erasopean erortzen da. Juan Garzia «Ipuin hautatuak» - Jorge Luis Borges, 1998 - 185. orr.

Burgosko probintzia hemen bukatzen zait eta hasten Palenciakoa; beste eremu mota batean sartu naiz, Tierra de Campos delakoan. Piarres Aintziart «Santiago oinez», 2000 - 124. orr.

Oraindik ere Bartzelonako probintzian geunden. Rafa Egiguren «Mentxakaren aitorpena» - Jose Ramon Goikoetxea, 2006 - 243. orr.

Rieti probintzian, izurrite oso larria zabaldu zen, behi- eta ardi-azienda guztiak krudelki garbitzen ari zena. Askoren artean «Asisko Frantzizko, Asisko Klara», 2002 - 824. orr.

Errusian bertan ikusi ditugu biak, Nijni Novgorod probintzian, azpijokoak prestatzen. Karlos Zabala «Mikel Strogoff» - Jules Verne, 2002 - 268. orr.

Jatorri asiarreko atzerritar guztiek probintziatik atera behar dute hogeita lau ordu igaro baino lehen. Jon Alonso «Lisboako Setioaren Historia» - José Saramago, 2000 - 80. orr.

Probintziako Turismo bulegoak pagatua. Piarres Aintziart «Santiago oinez», 2000 - 193. orr.

Kapitala ez dena ez da ezer, edo, hobeki esanda, probintzia da, kapitaletik kudeatzen den probintzia. Iñaki Segurola «Gaur ere ez du hiltzeko eguraldirik egingo», 2005 - 253. orr.

2 (izenondo eta izenlagunekin)

Erromatar probintzia bihurtu zen Egipto. «Loroaren teorema» - Denis Guedj, 2006 - 177. orr.

Probintzia Batuak ziren orduan Europako ekonomian nagusi, eta haiek eman zuten jarraibidea, koloniekiko harremanetako monopolioa zuten lehen konpainia handiak sortuz. Koro Navarro «Ekonomiaren globalizazioa» - Jacques Adda, 2004 - 37. orr.

Hiru probintzia autonomoetan. Herria 2001-03-08

Bereziki Kabilian, Aljeriako probintzia demokratikoenean bermatzen da Aljereko podorea. Herria 2005-10-06

Gobernu zentralak eskualde eta probintzia ekoizleekin elkarlanean administratuko ditu petrolioa eta gasa. Berria - Harian 2005-10-15

Toki-apezpiku bat, bere aulkia erromatar probintzia dioklezianiko baten erdigune zuena, beren nagusitzat onartu zuten probintzia bereko beste apezpikuek. Iñaki Mendiguren «Historiaren azterketa II» - A.J. Toynbee, 2000 - 50. orr.

Inperioko probintzia ekialdekoenak. «Legeen espirituaz II» - Montesquieu, 1999 - 54. orr.

Gipuzkoa probintzia txikia delako. Berria - Kirola 2006-01-31

Itolarria giro urbano itxi eta bakartietatik Sinistra deritzon probintzia galdura daramakigu Bodorrek. Berria - Kultura 2004-12-15

-Bai, probintzia baltikoetako errusiarra. Karlos Zabala «Mikel Strogoff» - Jules Verne, 2002 - 422. orr.

Agudo konkistatuko dituk Tobolskeko probintzia siberiarrak Ural mendietaraino. Karlos Zabala «Mikel Strogoff» - Jules Verne, 2002 - 273. orr.

Makabeoen erresuman sartu berria zen probintzia jentil bateko seme hura. Iñaki Mendiguren «Historiaren azterketa II» - A.J. Toynbee, 2000 - 265. orr.

Bidezko da eta on iruditzen zait, ni neu ere urrutiko probintziaren batera joatea. Askoren artean «Asisko Frantzizko, Asisko Klara», 2002 - 619. orr.

Inbadituriko probintziak zeharkatu nahian segituko zuen oraindik, edo tatariarren preso izango zen aspalditik? Karlos Zabala «Mikel Strogoff» - Jules Verne, 2002 - 434. orr.

3 irud/hed

Mundu hau Jainkoaren erreinuko probintzia bat da. Iñaki Mendiguren «Historiaren azterketa II» - A.J. Toynbee, 2000 - 140. orr.

4 (hitz elkartuetan lehen osagai gisa; orobat probintzi) ik probintzial.

Soldadu hauen hilketa taliban islamista integrista miliziari egotzi zion Zabolgo probintzia gobernuak. Berria - Mundua 2004-05-05

Nafarroako Probintzia Auzitegiaren sententzia Espainiako Auzitegi Gorenak berretsi zuen. Edurne Elizondo «Itoiz, porlanezko gezurra», 2004 - 65. orr.

Uarkape kiroldegitik Oñatiko Probintzia Artxibo Historikora eramango dituzte dokumentuak. Berria - Kultura 2004-09-02

Ez da izanen notiziarik hain erraz sortu eta hain arin zabaltzen denik, batez ere baserri auzo eta probintzia herrietan, ezkontzei buruzkoa baino. Patziku Perurena «Trapuan pupua», 2001 - 302. orr.

Landetxeen sarrerako mosaiko galaitsuen aurrean, zeinetan libertoek, sestertzioz josirik, probintzia-hirietan udal eginkizunak beretzeko modua bilatzen baitzuten. Juan Garzia «Bizi alegiazkoak» - Marcel Schwob, 2002 - 63. orr.

Lege berriarekin unibertsitatea «probintzia unibertsitate bilakatzeko arriskutik kanpo» geratzen dela gogoratu zuen. Berria - Euskal Herria 2004-02-26

Lege horretan banaketa geografikoa ere kontuan hartuko da, zehazki Autonomia Erkidegoetakoa, eta beharrezko zuzenketak egingo dira probintzia mailan edota tokian-tokian. Berria - Ekonomia 2004-03-30

Probintzia aldeko plaza bat euripean. Monika Etxebarria «Goragalea» - Jean Paul Sartre, 2003 - 142. orr.

Gasteizen 300 bat lagun bildu ziren Probintzia plazan egindako kontzentrazioan. Berria - Euskal Herria 2004-11-26

"Delituez eta Zigorrez" liburuari buruzko iruzkinak, probintzia-abokatu batek eginak. Juan Martin Elexpuru «Delituez eta zigorrez» - Cesare Beccaria, 1999 - 116. orr.

Probintzi hiruburu batean izan daitekeen jokamolderik finenaz estalirik zegoen hori guztia. Jose Morales «Arima hilak» - Nikolai Gogol, 1998 - 263. orr.

Erregimen sekularrarekiko burujabetasun orijinal horren indarrez, zeinen probintzi antolaketa egokitu baitzuen bere helburuetarako. Iñaki Mendiguren «Historiaren azterketa II» - A.J. Toynbee, 2000 - 50. orr.

Orduan hitzaldi labur bat bota die Erregek gaztelaniaz buruzagi politiko, eliz agintari, Probintzi Guraso eta Bizkaiko alkateei. Txillardegi «Putzu», 1999 - 263. orr.

5 Erlijio ordena baten eskualdea, komentu eta etxe kopuru jakin bat daukana; artzapezpiku baten manupeko eliz eskualdea.

Arantzazuko Frantziskotar Probintziak eraginda. Askoren artean «Asisko Frantzizko, Asisko Klara», 2002 - 7. orr.

Orduan jakin zuen zenbat ziren Ordenako eta probintzia bakoitzeko anaiak, eta gainera haien izenak, adina eta profesa-maila, haien kargu eta ohore-tituluak, eta haien dohainak eta erruak ere bai. Askoren artean «Asisko Frantzizko, Asisko Klara», 2002 - 1035. orr.

Jaunaren 1247. urtean, Lyongo kapituluan, anai Gotfredo, Saxoniako probintzia hiru urte eta hilabete batzuez gobernatu ondoren, ministro-kargutik aske utzi zuten. Askoren artean «Asisko Frantzizko, Asisko Klara», 2002 - 1142. orr.

6 (P larriz) Gipuzkoa.

Hemen aratusteak deritxe, Probintzia-aldean iñoteriak edo iñauteriak, Naparroan iagoteak. Pello Zabala «Naturaren mintzoa», 2000 - 82. orr.

hitz multzoen maiztasunak (gutxienez 3 aldiz agertzen direnak)

bilboko probintzia auzitegiko (3); erromatar probintzia (3); frantziako probintzia (4); gipuzkoako probintzia auzitegiak (4); gure probintzia (4); inperioko probintzia (5); madrilgo probintzia auzitegia (3); madrilgo probintzia auzitegiak (6); nafarroako probintzia auzitegiak (9)

probintzia auzitegia (3); probintzia auzitegiak (23); probintzia auzitegian (5); probintzia auzitegiko (7); probintzia batuak (3); probintzia batuen (4); probintzia ezberdinetara (3); probintzia ezberdinetatik (3); probintzia honen inguruetan (3); probintzia osoa (3); probintzia osoan (8); probintzia osoan ez (3); probintzia osoko (6)