Egungo Euskararen Hiztegia (EEH)

oposizio (orobat oposizione g.er.) 1 iz gobernuaren edo agintaritzaren kontrako indar politikoen edo sozialen multzoa; legebiltzarrean, gobernuko alderdien kontrako alderdietako hautetsien multzoa.

Instituzio liberalek ezin dute aurrera egin Oposizioko alderdirik gabe. Xabier Olarra «Deabruaren hiztegia» - Ambroise Bierce, 2001 - 214. orr.

Ezkerreko oposizioko zortzi hautetsiek kontra bozkatu dute inkesta publiko berri bat galdatuz. Herria 2004-07-05

Oposizioko taldeek ez dute testua ontzat eman, eta elkarrizketa falta salatu dute. Berria - Harian 2005-11-25

Foro hori «alderdien arteko kontua» da buruzagi sozialistaren iritziz, «Gobernu-oposizio mekanismoa martxan sartzen ez den foroa». Berria - Harian 2006-03-26

Alabaina, Chavezekiko oposizioa kupidarik gabe ari da gaia [delinkuentzia] haren aurka erabiltzen. Pako Aristi «Venezuela, iraultza isilaren hitzak», 2000 - 29. orr.

«Taxuzko elkarrizketa eraginkorra» hasteko eskatuko die lehendakariak alderdi politikoei, oposiziokoei barne. Berria - Euskal Herria 2004-09-22

2 (izenondoekin)

Marcos ohartu zen oposizio demokratikoak aitzina hartu zuela emaitzetan. Ramuntxo Etxeberri «Skyroom», 2004 - 191. orr.

Garai hartan nazien kontrako oposizio politikoa, batez ere sozialistak eta komunistak, ezin sutsuagoa zen. Alberto Ladron Arana «Eguzki beltzaren sekretua», 2004 - 99. orr.

Oposizio abertzaleak salatu du elkarte bizitzaren lan talde munizipala ez dela ere bildu, buxeta aitzinttoan. Herria 2003-03-06

Aukera Berdintasunerako Legearen eztabaidak aurrera jarraitzen zuen, ezkerreko alderdien oposizio sendoarekin. Berria - Ekonomia 2006-02-10

Aralarrek UPNri oposizio «tinkoa» eginen diola iragarri du Zabaletak. Berria - Euskal Herria 2004-09-09

Putinen oposizio liberaleko hedabide batzuek dudan jarri zuten balantze hau. Berria - Mundua 2004-02-10

3 (hitz elkartuetan lehen osagai gisa)

Viktor Justxenko [...] hautagaiaren ustezko garaipena bertan behera uztea aldarrikatzen duten oposizio indarrek agintearekiko negoziazioak eteten zituztela eta gobernuaren blokeoa berresten zutela iragarri zuten atzo. Berria - Mundua 2004-12-01

Bi oposizio mota daude Haitin. Berria - Mundua 2004-02-15

DUPek oposizio jarrera nabarmen aldatu du bozak irabazi zituenetik. Berria - Mundua 2004-09-17

Schroeder, oposizio sortzaile. Berria - Mundua 2004-08-14

KMT Kuomintang alderdiak (Alderdi Nazionalista) gidatutako oposizio aliantzak (Aliantza Urdina) irabazi ditu Legebiltzarrerako eginiko hauteskundeak, 225 diputatuetatik 113 lortuta. Berria - Mundua 2004-12-12

Ramiros oposizio taldeko kideak Saint-Marceko komisaldegiaz jabetu ziren joan den larunbatean. Berria - Mundua 2004-02-10

Exilioan eginiko oposizio lanak Turkian, Iraken eta Frantzian eman zion oposizioaren ikur nagusia bilakatzeko karisma eta sinesgarritasuna. Berria - Mundua 2004-02-12

4 (hitz elkartuetan bigarren osagai gisa)

Iraken daraman politika defendatzeko eginahal bereziak egiten ari da azken egunotan Etxe Zuria, inbasioaren hirugarren urtemuga eta gerraren kontrako barne zein kanpo oposizio gero eta handiagoa direla-eta. Berria - Mundua 2006-03-21

Aitasantutzak herri-oposizio "idolatrarekin" bat egin zuen gogotsu, eta horrekin urrats handia egin zuen bizantziar agintetik bere burua askatzeko. Iñaki Mendiguren «Historiaren azterketa II» - A.J. Toynbee, 2000 - 298. orr.

5 kontra egitea.

Itoizko Koordinakundearen eta solidarioen inguruan mamitu da urtegiaren kontrako oposizioa. Edurne Elizondo «Itoiz, porlanezko gezurra», 2004 - 13. orr.

Londresen agintean den Alderdi Laboristaren barrenean erabakiak oposizio handia izan zuen. Berria - Mundua 2004-10-22

Alavesen Akziodunen Batzarrean oposizio handirik gabe eztabaidatu dituzte plazaratutako puntu guztiak. Berria - Kirola 2006-01-31

Fariseuek, berriz, apaiz nagusiek, lege-maisuek eta santutasun-itxurak zituzten haiek guztiek oposizio gogorra egin zioten eta azkenean heriotza-zigorra eman. Joan Mari Lekuona «Mistika liburuak» - Eckhart-Tauler, 1997 - 62. orr.

Arrakasta horrek, ekoizle-kartel baten eraginkortasuna baino areago, nazio-estrategia baten egokitasuna adierazten du, erakundeko herrialde kide gehienen oposizio argiarekin bideratu zen arren. Koro Navarro «Ekonomiaren globalizazioa» - Jacques Adda, 2004 - 128. orr.

Neskaren argudioei erakutsitako oposizio faltsua ahantzirik, pozarren egokitu zen besaulkian. Patxi Zubizarreta «Mirarien kalezuloa» - Nagib Mahfuz, 2006 - 190. orr.

«Uniformizaziorantz garamatzan uhin horri oposizio eta erresistentzia» egitea da helburua. Berria - Kultura 2004-10-12

Mugimendu horiek oso klerikalizatua zegoen Eliza ofizialarekiko oposizio-karga handia zuten. Askoren artean «Asisko Frantzizko, Asisko Klara», 2002 - 24. orr.

6 kontrakotasuna.

Desberdintasun horrek, zeina Ipar-Hego oposizioaren osagai baita, metaketa-prozesu ororen bi osagai nagusirekin du zerikusia: kapitalarekin eta lanarekin. Koro Navarro «Ekonomiaren globalizazioa» - Jacques Adda, 2004 - 141. orr.

Mentalitate alternatibista edo manikeoaren propioa izaten da, errealitate osoa bi poloren arteko oposizio eta borroka bezala ikustea (Jainkoa/Deabrua, Ongia/Gaizkia). Joxe Azurmendi «Euskal Herria krisian», 1999 - 129. orr.

Ahozko eta idatzizko jardunen arteko oposizioa, zuria eta beltza bailiran, ez da batere egokia ikergaiari zehazki heldu behar zaionean. J. Garzia / A. Egaña / J. Sarasua «Bat-bateko bertsolaritza», 2005 - 159. orr.

Oposizio nagusiaren terminoak euskal paganismo jatorra eta kristautasun arrotz etorkina dira. Joxe Azurmendi «Euskal Herria krisian», 1999 - 223. orr.

7 (astronomian)

1884an Marte Lurrari buruz oposizio egoeran zegoela, eta laurogei milioi legoatako distantziara besterik ez gugandik. Josu Zabaleta «Fantasiazko ipuinak» - Guy de Maupassant, 2000 - 390. orr.

8 enplegu publikoko lanpostu baterako lehiaketa.

Jakina, katedrari Idoyagaren curriculumari zegokion perfila jarri zitzaion, eta, oposizio hartan entzule izan ginenok argi eta garbi ikusi genuen, hasiera-hasieratik, SKk zer eginik ez zuela. Joxerra Garzia «Kurrin-kurrun vitae», 2004 - 131. orr.

Ahots ona izaki, tenorra izateko oposizio batzuetara aurkeztu zen eta irabazi egin zuen. Berria - Kultura 2004-01-17

Gero, instituturako oposizioak atera zituen. Anjel Lertxundi «Zorion perfektua», 2002 - 108. orr.

Funtzionario izateko oposizioa Euskal Unibertsitatean egin nuen, baina tribunalean bi baino ez ziren bertakoak. Joxerra Garzia «Itsasoan euri», 2003 - 159. orr.

Oposizioa dela, tesia dela, bada tribunal aurreko azterketarik franko unibertsitatean. Joxerra Garzia «Kurrin-kurrun vitae», 2004 - 135. orr.

9 (hitz elkartuetan)

Valentziako Generalitaten Hezkuntza Sailak 2002. urtean eginiko oposizio deialdiari helegitea jarri zion ACPV Valentziako Kultur Ekintza taldeak Oposizio-azterketak, baina, hain dira gogorrak, ezen inor ez baita haietara aurkezten. Berria - Mundua 2004-03-27

hitz multzoen maiztasunak (gutxienez 3 aldiz agertzen direnak)

ezkerreko oposizio (4); oposizio abertzaleak (7); oposizio bakarra (3); oposizio gogorra (3); oposizio guziak (3); oposizio guztia (3); oposizio handia (4); oposizio kontserbadoreak (6); oposizio liberaleko (3); oposizio nagusia (4); oposizio tinkoa (4)

aurkako oposizioa (3); benetako oposizioa (3); ezkerreko oposizioa (12); gobernua eta oposizioa (3); gure oposizioa (3); herritarren oposizioa (4); kontrako oposizioa (8); oposizioa dago (3); oposizioa egiteko (6); oposizioa egiten (8)

aurkako oposizioak (3); ezker anitzeko oposizioak (4); ezkerreko oposizioak (36); gobernuak eta oposizioak (6); kontrako oposizioak (4); leporatu zion oposizioak (4); nahi du oposizioak (5)

oposizioak atera (3); oposizioak aurkeztutako (13); oposizioak bildutako (3); oposizioak dio (6); oposizioak egin (3); oposizioak galdeketa eskatzeko (3); oposizioak irabaziko (3); oposizioak salatu (5); oposizioak uko egin (3); oposizioak uste du (3)

salatu du oposizioak (6); udaleko oposizioak (3); uste du oposizioak (3); venezuelako oposizioak (4)

oposizioan dagoen (5); oposizioan dauden (5); oposizioan den (3); oposizioan egotea (4); oposizioan zegoenean (3)

ezkerreko oposizioaren (3); gobernuaren eta oposizioaren (8)

oposizioaren alde (4); oposizioaren arabera (10); oposizioaren aurka (5); oposizioaren aurkako (5); oposizioaren burua (4); oposizioaren erantzuna (3); oposizioaren eskaera (3); oposizioaren iritzia (3); oposizioaren jarraitzaileek (3); oposizioaren jarraitzaileen (3); oposizioaren jarrera (3); oposizioaren kontra (3); oposizioaren kontrako (6); oposizioaren kritikak (3)