Egungo Euskararen Hiztegia (EEH)

okertu, oker(tu), okertzen 1 da/du ad lerro zuzenaren itxura duena makotu. ik makurtu.

Puntu horretan okertzeko moduko bigun zegoen hodia: lortzen zen okerdura oso urrun zegoen perfekziotik, baina [...]. Juan Garzia «Sistema periodikoa» - Primo Levi, 1998 - 44. orr.

Burdina ezer ez balitz bezala okertzen bazuten, pentsa zer egin zezaketen jendearen lepoarekin. Pello Lizarralde «Denak hasperenka» - Gianni Celati, 2005 - 17. orr.

Zutitu, eskuak giltzurrunetara eraman eta atzera okertu zen, hasperen lasaitua eginez. Jon Alonso «Lisboako Setioaren Historia» - José Saramago, 2000 - 374. orr.

Urtza esaten genion ibai-tartearen inguruko haltz luzeak alde batera zein bestera okertzen ziren. Bernardo Atxaga «Soinujolearen semea», 2003 - 83. orr.

Kanabera okertu eta atzera eta aurrera mugitu zen. Koro Navarro «Zertaz ari garen maitasunaz ari garenean» - Raymond Carver, 2003 - 110. orr.

Orain gauak haize eta txikizioz beteak daude; zuhaitzak okertu eta makurtu, eta hostoak zalapartan hegatzen dira. Anton Garikano «Farorantz» - Virginia Woolf, 2001 - 128. orr.

Ikatz zakuen antza zuten, eta gurdiaren ardatzak okertzen zituzten beren zama eskergaz. Karlos Zabala «Parisen sabela» - Emile Zola, 2004 - 43. orr.

Errepidea, ederra hala ere, bihurgune beldurgarriz okertzen eta plegatzen da amildegiaren hegian. Koldo Izagirre «Idi orgaren karranka» - Victor Hugo, 2002 - 189. orr.

Ezpatak su hartu zuen, okertu, eta desagertu arte erre zen. Agustin Otsoa «Eraztunen Jauna III» - J.R.R. Tolkien, 2004 - 144. orr.

Hanka eta oina argaldu, okertu eta ihartu egin zitzaizkion. Askoren artean «Asisko Frantzizko, Asisko Klara», 2002 - 267. orr.

Elurraren pisuaz teilatuak okertu ere egingo zirela. Joseba Sarrionandia «Lagun izoztua», 2001 - 268. orr.

Hain da zama astuna, non hainbatetan [...] bizkarra okertzera behartzen baitu, iturritik edaten ariko balitz bezala. Xabier Montoia «Baina bihotzak dio», 2002 - 79. orr.

Mattini aurpegiko giharrak gogortu zitzaizkion, bekokia zimurtu, eta bizkarrezurra okertu, bihurritu eta kurbatu. Joan Mari Irigoien «Lur bat haratago», 2000 - 370. orr.

Saihets batera okertu eta segituan jotzen nuen horma sorbaldarekin. Bernardo Atxaga «Soinujolearen semea», 2003 - 84. orr.

Ahuleziaren ahuleziaz, Baldwini belaunak okertu egiten zitzaizkion. Lopez de Arana «Manhattan Transfer» - John Dos Passos, 1999 - 502. orr.

Burua sorbalda aldera okertu eta ilea txirikordatu zuen. Anton Garikano «Maitea» - Toni Morrison, 2004 - 121. orr.

Bekaina okertu zuen Tomasek, ez zuen sinesten. Koldo Izagirre «Sua nahi, Mr. Churchil?», 2005 - 159. orr.

Muturra okertu zitzaidan, Isabel Sanjoseren ilegorri tindatua eta bularralde oparoa lehen lerroan ikustean. Aingeru Epaltza «Rock'n'roll», 2000 - 37. orr.

Supituan, ordea, harridurak ahoa okertu zion. Anjel Lertxundi «Ihes betea», 2006 - 30. orr.

2 irud/hed

Ez okertu zuzenbidea alderdikeriaz jokatuz; ez onartu eskupekorik, itsutu egiten baititu pertsona jakintsuak ere eta hondatu egiten zintzoen epaia. Elizen arteko biblia Dt 16,19

3 norabide zuzenetik, berezko edo ohiko norabidetik aldaratu.

Zinkurin bat ere gabe, Keparen gorputza alde batera okertu da, astiki, buruak lurra jo arte. Aingeru Epaltza «Lasto sua», 2005 - 22. orr.

Goitik behera pitzaturiko harresi garaiari bezala gertatuko zaizue: piskanaka okertu eta, halako batean, gutxien ustean, lurrera amiltzen da. Elizen arteko biblia Is 30,13

Atx, lerro hau okertu zait! Pello Salaburu «Euskararen etxea», 2002 - 111. orr.

Platera beherantz okertu balu. Anton Garikano «Farorantz» - Virginia Woolf, 2001 - 138. orr.

Rietiko aintziran zehar bi gizonezko eta bi emakumezko haur batekin txalupan zihoazela, ontzia alde batera okertu eta urez bete zen bat-batean. Askoren artean «Asisko Frantzizko, Asisko Klara», 2002 - 441. orr.

Ispilu erretrobisorea okertu eta gorbataren korapiloa bere lekuan zuzen jartzen du. Xabier Mendiguren Elizegi «16 ipuin amodiozko», 2002 - 62. orr.

Herren egiten zuen zertxobait, edo hobeto esanda, gorputza alde baterantz okertzen zuen ibiltzerakoan, maleta astuna balitzaio bezala. Bernardo Atxaga «Groenlandiako lezioa», 1998 - 164. orr.

Burua albo batera okertu, eta hildakoa aztertzeari ekin zion, margolari batek bere margolana aztertzen duen bezala. Jose Morales «Zazpi urkatuak» - Leonid Nikolaievitx Andreiev, 2006 - 216. orr.

Hogei antzara gari beratua jaten ari ziren etxean, baina menditik arrano bat etorri zen, eta denei lepoa okertu eta hil egin zituen. Juan Kruz Igerabide «Ulises» - Homero, 2000 - 149. orr.

Gogoan dudan azken gauza duk lepoa okertu nuela taxi batean zihoan neska eder-eder bati begiratzeko. Lopez de Arana «Manhattan Transfer» - John Dos Passos, 1999 - 353. orr.

Bakoitza bere bidetik doa, nor bere lerrotik okertu gabe. Elizen arteko biblia Jl 2,7

Zorionez haizeak jaurtitzaileen punteria okertzen zuen. Jon Alonso «Lisboako Setioaren Historia» - José Saramago, 2000 - 371. orr.

Abnerren ondoren abiatu zen Asahel zuzen-zuzen, inora okertu gabe. Elizen arteko biblia 2 Sm 2,19

Euren sorbaldei eragiteko modu hori edo kapela albo batera okertzeko modu hori. Mirentxu Larrañaga «Hona hemen gu biok» - Dorothy Parker, 2006 - 249. orr.

Lilyk pilatua zeukan inpresioen zama okertu eta goitik behera jausi zen ibaika. Anton Garikano «Farorantz» - Virginia Woolf, 2001 - 29. orr.

Pixkanaka, euren bideak aldentzen joan ziren, bide nagusitik okertzen diren bidexkak bezala. Aritz Gorrotxategi «Egurra Pinotxori», 2002 - 46. orr.

4 irud/hed

Zentzuzko jokabidetik okertzen denak hildakoen artean amaituko du. Elizen arteko biblia EsZ 21,16

Baina okertu egiten zen juzguan. Bernardo Atxaga «Soinujolearen semea», 2003 - 79. orr.

Maitatu izan genuen elkar aldi batez, eta gero den-dena okertu zen. Oskar Arana «Brooklyngo erokeriak» - Paul Auster, 2006 - 275. orr.

Den-dena ondo zihoan, baina kolpetik okertu egin zen zerbait. Bernardo Atxaga «Soinujolearen semea», 2003 - 429. orr.

Egia esan, geuk okertzen dugun neurrian da egoera hau ezin eramanezkoa. Josu Zabaleta «Anne Franken egunkaria» - Anne Frank, 2004 - 276. orr.

-Ez, gauza okertu egin zen. Pako Aristi «Urregilearen orduak», 1998 - 276. orr.

Gauzak erabat okertzen badira ez diot senarrari erraztasunak emateko asmorik, ez horixe. Migel Angel Mintegi «Denak du bere prezioa», 2002 - 29. orr.

Gauzak hainbesteraino okertu dira Holandan non haurrak tropelaka aritzen baitira kaleetan bidaztiak geratu eta ogi puska bat eskatzen. Josu Zabaleta «Anne Franken egunkaria» - Anne Frank, 2004 - 91. orr.

Nik zazpi urte nituela langabezian gelditu zen aita, eta, bat-batean, bizitza okertu egin zitzaigun. Ana Urkiza «Zortzi unibertso, zortzi idazle», 2006 - 20. orr.

Gaiztoek tranpa jarri didate; ni, ordea, ez naiz zure legeetatik okertu. Elizen arteko biblia Sal 119,110

Edertasunak liluratu zaitu eta irrikak bihotza okertu. Elizen arteko biblia DnGr 3,56

Laster asko okertu dira agindu nien bidetik; zekor-irudia egin dute, eta haren aurrean ahozpeztu dira. Elizen arteko biblia Ir 32,8

Batzuek bide horretatik okertu eta alferrikako berritsukerietara jo dute. Elizen arteko biblia 1 Tm 1,6

Egiatik okertu egin dira, piztuera jadanik gertatu dela baitiote, horrela batzuen sinesmena galbidean jarriz. Elizen arteko biblia 2 Tm 2,18

Dena den, okertu egingo ginateke baldin eta akats hori [...] ikuspuntu psikologiko baten arabera ulertuko bagenu. Bernardo Atxaga «Lekuak», 2005 - 205. orr.

Kanoia bihotza egon ohi den lekuan jarri nion, okertu nintzen, eskuinaldea eta ezkerraldea nahasi nituen. Fernando Rey «Zorrotz begiratutako trenak» - Bohumil Hrabal, 2002 - 93. orr.

"Gauza horietan euskal artzainak ez gara behin ere okertzen." "Eta nola asmatzen duzue, haizearen norabidea aztertuta?" Bernardo Atxaga «Soinujolearen semea», 2003 - 32. orr.

5 (era burutua izenondo gisa)

Burdina gori okertua kolpatzen duen errementariaren moduan. Agustin Otsoa «Eraztunen Jauna III» - J.R.R. Tolkien, 2004 - 209. orr.

Ia biluzik zegoen, behatz okertu eta maskurtuak zituen. Jose Morales «Zazpi urkatuak» - Leonid Nikolaievitx Andreiev, 2006 - 176. orr.

Adar bat hartu, haria lotu, amu gisa orratz okertu bat erantsi, eta ogi zati bat ipini zion beita gisa. Juan Kruz Igerabide «Nire aitaren fusila» - Hiner Saleem, 2004 - 26. orr.

Alanbre puska herdoildu bat topatzen bazuen, segituan lapurtzen zuen, eta berdin egiten zuen adreilu batekin edo paper urratu batekin edo iltze okertu batekin. Pello Lizarralde «Denak hasperenka» - Gianni Celati, 2005 - 97. orr.

Ero-etxeetako gaixoen aurpegi ilun, begi galdu, buru makur, ezpain okertu haiek. Gotzon Garate «Zakurra, zeure laguna», 2002 - 67. orr.

Xanpaina kopa okertu batetik tantaka ari zen. Lopez de Arana «Manhattan Transfer» - John Dos Passos, 1999 - 59. orr.

Nekez hauteman zitekeen barrunbe beltz hartan bidezidor mehar bat, baranda erori batzuk, pergola okertu bat, zuloz josiriko sahats-enbor zahar bat. Jose Morales «Arima hilak» - Nikolai Gogol, 1998 - 169. orr.

Eguzkia gortinen azpitik limurtzen zen bulegoan eta eztiki distira okertu batek puruen kea ebakitzen zuen. Lopez de Arana «Manhattan Transfer» - John Dos Passos, 1999 - 284. orr.

Nire poztasuna irain otu zitzaiolakoan nago, ezpainetan tristurazko irri okertua agertu baitzitzaion. Edorta Jimenez «Sukar ustelaren urtea», 2004 - 210. orr.

Atalburutik pasatzean atezaina sumatu nuen bere garitako leihatilatik zelatan, eta irribarre okertuan halako bozkario bat antzeman nion, barre-haize bat. Joxean Agirre «Romain zen bere izena», 2003 - 15. orr.

· Ezin baita okertua zuzendu, ez eta zenbatu ere ez dagoena. Elizen arteko biblia Koh 1,15

6 (era burutua izen gisa, hitz elkartuen bigarren osagai bezala)

Une hartan, akabo haren ohiko lepo-okertua, ibilera zurruna, tikak, begiratu iheskorra. Xabier Olarra «Antropologo bat Marten» - Oliver Sacks, 2003 - 233. orr.

hitz multzoen maiztasunak (gutxienez 3 aldiz agertzen direnak)

ahoa okertu (7); ahoa okertu zuen (4); alde batera okertu (6); asko okertu (10); aurpegia okertu (4); aurpegia okertu zuen (3); baldintzak okertu (4); bekaina okertu (3); belaunak okertu (3); bidea okertu (3); bidetik okertu (7); bizkarra okertu (4); burua okertu (8); burua okertu zuen (4); dena okertu (6); dena okertu zen (3); denak okertu (3); denak okertu dira (3)