Egungo Euskararen Hiztegia (EEH)

multzo (orobat moltxo g.er., multxo g.er. mutxo g.er. eta mulxo g.er.) 1 iz mota bereko gauzez, bizidun nahiz bizigabeez, osaturiko bilketa. ik talde.

Erdian, berriz, bada multzo bat Nafarroak, Gipuzkoak eta Lapurdik osatua. Koldo Zuazo «Euskara batua», 2005 - 158. orr.

Harrapakin ugari hartu eta bi multzo berdinetan banatu zuten. Elizen arteko biblia 2 M 8,30

Maupassanten ipuinetako gaiak hiru multzo handitan sailkatu ohi dira: [...]. Josu Zabaleta «Fantasiazko ipuinak» - Guy de Maupassant, 2000 - 16. orr.

Hiru multzo erabili dira hemen unibertsitateen gastua aztertzeko, inbestimenduei, soldatei, eta jarduera arruntari dagozkienak. Juan Ignacio Pérez / Pello Salaburu «Unibertsitatea eta euskal gizartea gaur», 2003 - 84. orr.

Zortzi multzo nagusitan bilduko ditugu arauok. Koldo Zuazo «Euskara batua», 2005 - 184. orr.

Idealismoaren arabera mundua gogo-egoeren multzoa da. Askoren artean «Filosofiako gida», 2004 - 186. orr.

Izenburuak aztertzeari ekin zion Perrettek multzo bat eta bestea zertan bereizten ziren ulertzeko. «Loroaren teorema» - Denis Guedj, 2006 - 481. orr.

Erromako eta Greziako mitologian sarri ageri da erlea multzoan, jainko-jainkosen ekintzen inguruan. Pello Zabala «Naturaren mintzoa», 2000 - 248. orr.

Gizon eta animalien multzo haren guztiaren gainean, sekulako denda pilaketa haren gainean, zedroek eta pinuek, talde trinkoetan bildurik, itzal atsegina ematen zuten. Karlos Zabala «Mikel Strogoff» - Jules Verne, 2002 - 257. orr.

Paperezko poltsa bat ireki eta bertatik orri solteek osaturiko multzo bat ateratzen du. Jon Alonso «Lisboako Setioaren Historia» - José Saramago, 2000 - 82. orr.

Makina egurrez egindako multzo sendo bat da, batez ere pisuak mugitzeko ahalmena ematen duena.Herri-sarreran, ezkerrean, gaztelu xahar bat eta eguzki-lore erraldoizko multzo batzuk ikusten ziren. Santiago Iruretagoiena «Arkitekturaz hamar liburuak» - Vitruvio, 2000 - 4610. orr.

Multzo bereziak osatzen dituzten gene erregulatzaileen eraginpean. Juan Garzia «Sagua, eulia, eta gizakia» - François Jacob, 2004 - 110. orr.

Hiru herrialdeotako landareak sailkatzeko, 2.300 multzo (taxon) erabiltzen dira. Berria - Gaiak 2006-04-09

Hona multzoak: A multzoan, Peru, Kolonbia, Venezuela eta Bolivia; B multzoan, Argentina, Uruguai, Mexiko eta Ekuador; C multzoan, Brasil, Costa Rica, Paraguai eta Txile. Berria - Kirola 2004-03-10

Aurrera egiten dutenek bosnako multzoetan jokatuko dute ligaxka. Berria - Kirola 2004-02-21

Eta multzoan etortzen dira zuregana, eta nire herria zure aurrean esertzen da. Elizen arteko biblia Ez 33,31

Denek bazekiten euskaldunei laket zaiela multzoan kantatzea. Elena Touyarou «Hautsi da katea» - Toti Mtz. de Lecea, 2004 - 102. orr.

Multzotan pilatu zituzten eta kiratsez bete zen lurralde osoa. Elizen arteko biblia Ir 8,10

Atal eta multzoetan bereizi. Berria - Kultura 2004-03-06

2 (hitz elkartuetan lehen osagai gisa)

Antzekotasunaren legea: forma edo tamaina bera duten elementuak aiseago pertzibitzen dira multzo-forma beraren osagarri gisa. Josu Zabaleta «Irudia» - Jacques Aumont, 2004 - 70. orr.

Aintzat hartu behar da multzo-soiltze horiek (- kt - > - t -) egiten zituztenak alfabetatu gabeko hiztunak izaten zirela sarri. «Fonetika fonologia hitzez hitz», 2004 - 139. orr.

3 (hitz elkartuetan bigarren osagai gisa; pertsonak)

Gizabanakoek ez dakite bakarrik egoten, eta horregatik sortzen dituzte giza multzo absurdoak. Anjel Lertxundi «Mentura dugun artean», 2001 - 170. orr.

Jende-multzo handiek jarraitu zioten eta Jesusek gaixoak sendatu zizkien. Elizen arteko biblia Mt 19,2

Hamalau bat urteko haur multzo bat zen. Xabier Mendiguren Elizegi «Nerabearen biluzia», 1999 - 10. orr.

Ikasle multzo bat gure etorkizun profesionalaz ari ginen ikastetxeko patioan. Aingeru Epaltza «Rock'n'roll», 2000 - 42. orr.

Kalez kale ibiltari multzo mordoxka topatu dut, baserritarrez jantzirik eta askotan trikitia lagun. Txillardegi «Labartzari agur», 2005 - 146. orr.

Correa tenientea, arma luzeak dakartzan soldadu-multzo baten buru eginik, Finca Vigíara agertu da. Edorta Jimenez «Hemingway eta euskaldunak zerbitzu sekretuetan», 2003 - 245. orr.

Eliz atarian behartsu-multzo handia ikusirik, [...]. Askoren artean «Asisko Frantzizko, Asisko Klara», 2002 - 745. orr.

Egon ere, egon da Homeroren azpian autore bat, edo bi edo autore-multzo bat antzematen ahalegindu dena. Askoren artean «Filosofiako gida», 2004 - 28. orr.

Horieri juntatzen zela Zirikolatz taldeko gazte mutxo on bat, mutil eta nexkato. Herria 2005-06-16

4 (hitz elkartuetan bigarren osagai gisa; gauza fisikoak)

Behingoan, zuhaitz multzo sarri baten aldamenean, etxe isolatu bat begiztatu zuen. Karlos Zabala «Mikel Strogoff» - Jules Verne, 2002 - 242. orr.

Begiratu sagar multzo bati eta esaten zuten, sagar mota bakoitza bereiziz: hau, espuru", "hau, domentxa", "hau, gezeta". Bernardo Atxaga «Soinujolearen semea», 2003 - 65. orr.

Urratsez urrats eraikitzen da arkitektura hori, eta gene multzo berezi baten kargu dago urrats bakoitza. Juan Garzia «Sagua, eulia, eta gizakia» - François Jacob, 2004 - 59. orr.

Aski izan bedi esatea zelula multzo batzuk [...] kolorea pertzibitzen espezializaturik daudela. Josu Zabaleta «Irudia» - Jacques Aumont, 2004 - 27. orr.

Ordurako, nire lehengusua haragi multzo odoltsu bat besterik ez zen, hilotz. Juan Kruz Igerabide «Nire aitaren fusila» - Hiner Saleem, 2004 - 10. orr.

Halako txoritzar beltz-ubel saldo oso bat errai-multzo bati tiraka, hara eta hona, beren moko odoleztatuei sarrats-litsak zerizkiela. Joxe Austin Arrieta «Homo Faber» - Max Frisch, 2001 - 48. orr.

Trenak geldirik txatarra multzoen artean. Harkaitz Cano «Pasaia blues», 1999 - 58. orr.

Bere ingurura begiratu zuen gelan, beste biak giltza-multzoari begira-begira zeuden bitartean. Iñaki Mendiguren «Harry Potter eta Azkabango presoa» - J.K. Rowling, 2002 - 252. orr.

Aire multzo bat hersketa bien arteko eremu itxi batean gelditzen da orduan. «Fonetika fonologia hitzez hitz», 2004 - 36. orr.

Katedrala harri multzo baten oso bestelako gauza da. Josu Zabaleta «Gerrako pilotu» - Antoine Saint-Exupéry, 2003 - 168. orr.

Berak sortzen ditu konstelazio eta zeruko izar-multzo guztiak. Elizen arteko biblia Jb 9,9

4 (hitz elkartuetan bigarren osagai gisa; bestelakoak)

Eduki zehatzik gabeko hots-multzo egoki-usteak. Anjel Lertxundi «Argizariaren egunak», 1998 - 165. orr.

Latinetiko historian ulertzen dira hots berari dagozkion letra multzo horiek: v-b (vaca-bajo), c-z (cereza), c-k-qu (culebra, kilo, quiebra). «Fonetika fonologia hitzez hitz», 2004 - 122. orr.

Hitz multzo edo esaldi palindromoak bilatzea lan neketsua da. Iñaki Arranz «Hitza azti», 2006 - 120. orr.

Paragrafoa esaldi-multzo bat da, argudio, auzi edo gai baten arabera baturiko esaldi-multzoa, alegia. Askoren artean «Filosofiako gida», 2004 - 360. orr.

Izaki batean beha daitezkeen eta bere genotipoak eta inguruneak baldintzatutako karaktere-multzoa da fenotipoa. hitz horietako kontsonante multzoetatik (gl, lg, gn eta abar). Berria - Gaiak 2004-07-25

Ez da ederra, desorekatuak ditu masa-multzoak, baina, ez baitut emakumea kitzikatu nahi, baietz egin diot buruaz. Anjel Lertxundi «Italia, bizitza hizpide», 2004 - 58. orr.

OR erabili beharko duzu erreferentzia-multzoak gainjartzea nahi baduzu. Askoren artean «Filosofiako gida», 2004 - 338. orr.

Horrelako "figurak" [...] ulertu ahal izateko, irudikapen-konbentzio multzo bat ezagutu eta onartu beharra du ikusleak. Josu Zabaleta «Irudia» - Jacques Aumont, 2004 - 109. orr.

Ekonomian merkatua tresna multzo bat dela esaten da, erosleak eta saltzaileak harremanetan jartzen dituen tresna multzoa. Iñaki Heras «Txanponaren bi aldeak», 2003 - 70. orr.

· Pentsamendu bakarra ekonomia-indar multzo baten interesen isla da, guztia ere termino ideologikoetan unibertsala izateko asmoz zabaldutakoa. Iñaki Heras «Txanponaren bi aldeak», 2003 - 94. orr.

5 matematikan, tasun jakin batzuk izan ditzaketen, eta beren artean edo beste multzo batzuetako elementuekin halako erlazioak izateko gai diren elementuen bilketa, kopuruz amaidun edo amaigabea izan daitekeena.

Zenbaki errealen multzoan, ezin zen zenbaki negatibo baten erro karratua atera. «Loroaren teorema» - Denis Guedj, 2006 - 311. orr.

Interpretazio-eremua zenbaki arrunten multzoa bada, eta "txikiagoa izan" bada, s=<1, 3, 5,... > segidak x0x2 formula asetzen du, 1 (x0-ren balioa), 5 (x2-ren balioa) baino txikiagoa delako, hau da, 1<5 betetzen delako. Askoren artean «Filosofiako gida», 2004 - 150. orr.

Multzoek identitate-irizpide garbia dute, unibertsalek ez bezala: A eta B multzo bera dira elementu berak baldin badituzte. Askoren artean «Filosofiako gida», 2004 - 174. orr.

Proposizioen logika eta logika elementala ondo lantzen ditu, multzo-teoriari buruzko parte bat ere badu. Askoren artean «Filosofiako gida», 2004 - 152. orr.

• A1=xnn•N: aldagai indibidualen multzo infinitua izango da, infinitu zenbakigarria, hau da, zenbaki arrunt bezainbeste aldagai izango ditugu. Askoren artean «Filosofiako gida», 2004 - 146. orr.

Kasurik arruntenean multzo hau ere finitua izango da. Askoren artean «Filosofiako gida», 2004 - 146. orr.

Multzo hutsa ere izan daiteke. Askoren artean «Filosofiako gida», 2004 - 146. orr.

D multzo Askoren artean «Filosofiako gida», 2004 - 149. orr.

Analisi konbinatorioa (multzo baten elementuak konbinatzeko era guztiak aztertzea). «Loroaren teorema» - Denis Guedj, 2006 - 85. orr.

D eta D' zuzen ebakitzaile bikotean, AA', BB', CC', lerro paralelo multzoak proportzioan dauden zuzenkiak ebakitzen ditu. «Loroaren teorema» - Denis Guedj, 2006 - 47. orr.

6 multzo buru ik multzoburu.

hitz multzoen maiztasunak (gutxienez 3 aldiz agertzen direnak)

aitzin multzo (18); aitzin multzo indartsua (5); arau multzo (14); arau multzo bat (8); azken multzo (4); datu multzo (4); enuntziatu multzo (19); enuntziatu multzo bat (8); enuntziatuen multzo (5); eraikin multzo (5); etxe multzo (12); gazte multzo (4); gene multzo (4); giza multzo (6); gizon multzo (11); gutun multzo (5); harreman multzo (5); harri multzo (4); herritar multzo (6); hitz multzo (8); hizkuntza multzo (4); ikasle multzo (5); irudi multzo (5); izar multzo (5); jende multzo (88); jende multzo bat (21); jende multzo handi (8); jende multzo handia (9); jokalari multzo (6); kontsonante multzo (4); lagun multzo (7); letra multzo (10)