Egungo Euskararen Hiztegia (EEH)

kamio

kamioika

kamioi (orobat kamion g.er. eta kamiun g.er.) 1 iz

Gazte luzea Ford kamioi batera igo zen. Alberto Ladron Arana «Eguzki beltzaren sekretua», 2004 - 54. orr.

Obabako errepide nagusian, kamioi batek bozina jo zuen. Bernardo Atxaga «Soinujolearen semea», 2003 - 170. orr.

Kamioi batek blokatzen zuen enpresako sarbidea. Pablo Sastre «Elurretan hotsak», 2004 - 29. orr.

Armak eta munizioak kamioian kargatu. Inazio Mujika Iraola «Gerezi Denbora», 1999 - 43. orr.

Ikuskatzaileek arrainez betetako edozein kamioi geldiarazi dezakete. Suhiltzaileen kamioi gehiago iristen ari ziren. Lopez de Arana «Manhattan Transfer» - John Dos Passos, 1999 - 34. orr.

Gizon bat hil da Urnietan, kamioi batek harrapatuta. herria¬

Langile bat hil da Iruñean, kamioi batek azpian harrapatuta. Berria - Ekonomia 2006-01-21

Motor gidari bat hil da Orkoienen, kamioi bat jota. herria¬

Aginagan […] auto batek eta kamioi batek elkar jo zuten. herria¬

Repsol konpainiako kamioi bat irauli zen atzo BI-630 errepidean. herria¬

Ezbeharra Gallastegiren senideak kamioi bat aurreratzen hasi zirenean gertatu zen. Berria - Euskal Herria 2004-08-13

Kamioiaren kabinan. Inazio Mujika Iraola «Gerezi Denbora», 1999 - 54. orr.

Ondorioz betroin zahar guziak kontrolatu eta hil bezain laster Agen-eko erretegira eramaiten dituzte kamiunetan. Herria 2001-03-01

2 (izenondoekin)

Kamioi altu bat zen, sei gurpilekoa. Koro Navarro «Artistakume baten erretratua» - Dylan Thomas, 1999 - 96. orr.

Familia guztia kamioi txikian sartu zen, eta gu, haurrok, atzean, gauzen gainean. Juan Kruz Igerabide «Nire aitaren fusila» - Hiner Saleem, 2004 - 30. orr.

Guardia zibilen jeep eta kamioi berdeak patruilan ibili ziren egun osoan. Joseba Sarrionandia «Lagun izoztua», 2001 - 354. orr.

Tankeak atera zituzten kalera, kamioi metrailetadunak, bazookak, eta desfile izuzkoa antolatu zuten, pauso irmoz, sorbaldak zut, begiradak aurrera. Karlos Linazasoro «Glosolaliak», 2004 - 14. orr.

Coca-Cola banaketako kamioi herdoilduaren atzeko plataformara igota. Juan Luis Zabala «Agur, Euzkadi», 2000 - 154. orr.

Kamioi militarraren iraulkian buruz behera etzanda gaude Gorria eta biok. Joseba Sarrionandia «Lagun izoztua», 2001 - 48. orr.

3 kamioi betea edukiera neurri gisa. ik kamioikada.

Olentzerok Azkuna alkateari eta udaltzainei «kamioi bete ikatz» ekarriko diela esan zuten. Berria - Euskal Herria 2004-12-29

Atzetik segika, Irujok agindu zigun bezala, kamioi bete gudari. Inazio Mujika Iraola «Gerezi Denbora», 1999 - 103. orr.

Australian kamioi bete suhiltzaile behar izan zutela amildegi batetik jausitako koala igotzeko. Unai Elorriaga «SPrako tranbia», 2001 - 71. orr.

4 (hitz elkartuetan lehen osagai gisa)

Kale izkinan katu hil bat zegoelako, kamioi gurpilen batek jo eta bertan zapaldua. Kamioi-ardatz bati lotuta zeharkatu zuen Mohamedek Gibraltar itsasartea. Joseba Sarrionandia «Lagun izoztua», 2001 - 237. orr.

Behiala isotermo izandako kamioi-kaxa orain txabola bihurtuan. Juan Luis Zabala «Agur, Euzkadi», 2000 - 156. orr.

Kamioi istripuek auto ilarak sortu dituzte A-8 autobidean. Berria - Euskal Herria 2004-04-15

Kamioi ilara luzeek iragarri didate mugaren hurbiltasuna. Jon Arretxe «Ekialdeko mamuak», 2003 - 87. orr.

Biriatuko pasabidean sortzen diren kamioi pilaketak saihesteko. Berria - Euskal Herria 2004-05-22

Kamioi zirkulazio handiak auto ilarak eragingo dituelakoan. Berria - Euskal Herria 2006-04-18

Kamioi-partiketak, garraioak eta halakoak gurditxo batez egitera behartu gintuzten. Karlos Linazasoro «Glosolaliak», 2004 - 18. orr.

Zer da hau, baina! kamioi festa dugu, ala! Pablo Sastre «Elurretan hotsak», 2004 - 122. orr.

Kaboa kamioi-zisternaren bolante atzean jarri zen. Jon Alonso «Erretzaileen eremua», 2006 - 134. orr.

Extremadurako herri txikietan barrena ibiltzen diren kamioi-eszenatokiak. Berria - Kultura 2004-08-26

Montblanc peko kamiun-bide famatu harek. Herria 2003-09-18

5 (hitz elkartuetan bigarren osagai gisa)

Txinpartak eta koloretako bolak jaurtikitzen zituen suhiltzaile-kamioi gorri baten barruan. Lopez de Arana «Manhattan Transfer» - John Dos Passos, 1999 - 111. orr.

Eskolatik etxera bueltan, aldaira-kamioia etxe aurrean ikusi nuenean. Eduardo Matauko «Emakume ezezagun baten gutuna» - Stefan Zweig, 2005 - 13. orr.

Etxetik irten eta kalerako bidean haurrak zetozen, amen eskuei helduak, eta garraio kamioiak seinalatzen zituzten. Lander Garro «Orain galdera berriak ditut», 2004 - 41. orr.

Beste auto zuri bat, butano kamioia, taxi bi... Sonia Gonzalez «Ugerra eta kedarra», 2003 - 151. orr.

Garagardo-kamioi batek burrunba egin zuen beherago, kale berean. Lopez de Arana «Manhattan Transfer» - John Dos Passos, 1999 - 75. orr.

Hiltzat jo ninduten azkenean eta hozkailu-kamioi batean ikusi nuen neure burua, hiltegiko bidean pentsatzen dut. Joxan Elosegi «Ahardikeriak» - Marie Darrieussecq, 2004 - 119. orr.

Eta ez dut aipatuko azkenean Cutlass-a bideaz bestaldeko garaje hartara bertara eraman zuen garabi-kamioiarena. Oskar Arana «Brooklyngo erokeriak» - Paul Auster, 2006 - 188. orr.

Bonba-kamioi batez eginiko atentatu suizidak Poliziaren egoitza nagusia suntsitu du. Berria - Mundua 2004-04-22

6 kamioi-gidari ogibidez kamioiak gidatzen dituen pertsona. ik kamioilari.

Senarra, Larry, Consolidated Freight-eko kamioi gidaria zen. Koro Navarro «Zertaz ari garen maitasunaz ari garenean» - Raymond Carver, 2003 - 53. orr.

Kamioi gidaria zela eta batzuetan aste bat edo bi kanpoan egiten zituela. Koro Navarro «Zertaz ari garen maitasunaz ari garenean» - Raymond Carver, 2003 - 54. orr.

Arabiarren petrolioak gora egiten baldin badu, kamioi gidariak protestan hasiko dira. Pello Salaburu «XX. mendearen argi-itzalak», 2001 - 20. orr.

Merkantzia-trenetan ezkutatzen nintzen; kamioi-gidariekin bidaiatzen nuen. Eskarne Mujika «Atzo» - Agota Kristof, 2004 - 37. orr.

Kamioi gidaria barruan harrapatuta geratu zen. herria¬

hitz multzoen maiztasunak (gutxienez 3 aldiz agertzen direnak)

auto eta kamioi (3); bonba kamioi (5); bonba kamioi bat (4); hozkailu kamioi (3); kamioi bat aurreratzen (3); kamioi bat gurutzatuta (5); kamioi bat irauli (13); kamioi bat jo (21); kamioi bat jota (4); kamioi bat leherrarazi (3); kamioi bat lehertu (3); kamioi batek harrapatu (3); kamioi batek harrapatuta (17); kamioi gidari (29); kamioi gidari bat (10); kamioi gidaria (12); kamioi gidariak (10); kamioi gidariaren (3); kamioi gidariari (3); kamioi handi (9); kamioi handi bat (5); kamioi ilara (3); kamioi militar (8); kamioi pasatzen (3); kamioi txiki (10); kamioi txiki bat (3); kamioi txikia (4); kamioi txikiak (3); kamioi ugari (3); kamioi zahar (3); suhiltzaile kamioi (10); suhiltzaile kamioi bat (6); suhiltzaileen kamioi (7); suhiltzaileen kamioi bat (4)