Egungo Euskararen Hiztegia (EEH)
blankuraZerrautsetan etzanda zeuden bi, begiak zabalik; hirugarrenaren odolak soinekoa blaitzen zion emakumeari. Anton Garikano «Maitea» - Toni Morrison, 2004 - 207. orr.
Kopeta blaitzen hasi zitzaidan, ez dakit lasterketak ala albisteak eraginda. Aingeru Epaltza «Rock'n'roll», 2000 - 71. orr.
Mundu berri honek ere odoletan blaituak ditu bere oinak. Anjel Lertxundi «Azkenaz beste», 2005 - 47. orr.
Euriak blaituta, lehen baino zurbilagoa zirudien neskak. Fernando Morillo «Gloria Mundi», 2004 - 220. orr.
Musuzapia atera eta, euritan blaituz, ahal bezain ongi garbitu nuen aurpegia. Alberto Ladron Arana «Eguzki beltzaren sekretua», 2004 - 125. orr.
Ez al dakusu batzuetan zer ur turrusta mehea behar den, landa zabalak ureztatzeko eta zelaiak blaitzeko? Xabier Amuriza «Gauzen izaeraz» - Lukrezio, 2001 - 341. orr.
Bakarrik eta lasai gelditzen zenean, basoak intziriz betetzen zituen, lurra malkoz blaitzen, eskuaz bularra jotzen. Askoren artean «Asisko Frantzizko, Asisko Klara», 2002 - 891. orr.
Egoeraren dramatikotasunak gora egin ahala Vanessa gajoaren begiak blaituz doaz. Patxi Iturritegi «Behi eroak», 2003 - 64. orr.
· Eta hotza iragazten zait hezur minberatuetaraino, are blaitzenago dizkidan arropa jada mela-mela egindakoetatik barna. Mirentxu Larrañaga «Peaceful soldadua» - Michael Morpurgo, 2006 - 140. orr.
Egunaren argiak blaitu zuen gela. eguzkia Mendi Harritsuen gainetik agertzen hasten da ekialdean, eta argi zurixka urrekara batez blaitzen du kabina. Anton Garikano «Bederatzietatik bederatzietara» - Leo Perutz, 2003 - 67. orr.
Eñaut bertan zegoen, eguzkiak okrez blaitzen zuen landa berdexka batean. Sonia Gonzalez «Ugerra eta kedarra», 2003 - 176. orr.
Haren arima blaiturik bide zegoen folkloreko kontakizunez. Juan Garzia «Bizi alegiazkoak» - Marcel Schwob, 2002 - 161. orr.
Ganduak mendi mazeletan luzakor bilakatzen ziren arratsaldeetan, kanpoaldeko bake hezeak blaitzen ninduen ni, eta soraiotzen, eta bake malenkoniatsu beraz kutsatzen. Txillardegi «Putzu», 1999 - 341. orr.
Negarrari eman zion segidan, sentimenduz blaitutako negar inozo bati. Anjel Lertxundi «Argizariaren egunak», 1998 - 78. orr.
Hau guztia argentineraz blaituriko azentuaz esaten zuen; baina ez argentineraz blaituriko euskaraz, baizik eta argentineraz blaituriko argentineraz. Jon Alonso «Euskal karma», 2001 - 46. orr.
Zorionak eman zizkien dorre-eraikitzaileei, asmamena eta sormena bezalako dohain modernoez blaituriko beren sen praktikoarengatik. Jon Alonso «Lisboako Setioaren Historia» - José Saramago, 2000 - 299. orr.
Mem Ramiresek deiadar egin zuen, hunkipenak ahotsa blaitzen ziola. Jon Alonso «Lisboako Setioaren Historia» - José Saramago, 2000 - 400. orr.
Bioteknologiaren inguruko eztabaida blaitzen duten aspektu etiko-sozialen garrantzia ez dago murrizterik. Berria - Gaiak 2006-02-23
-Hara bertzea -Edurnek, kotoi blaitua matelondotik urrundu gabe-. Aingeru Epaltza «Rock'n'roll», 2000 - 317. orr.
Gabardina blaituaren azpian irakasle zaharrak emaniko gutunazala sentitzen nuen, beldur eta larritasunezko dei bat bidaliz. Alberto Ladron Arana «Eguzki beltzaren sekretua», 2004 - 126. orr.
Horrela eserita geratu ginen, kandela-kondoa erabat bukatu zain, edo gauerditik etxe inguruan uluka arbolen adaburu blaituak astintzen zituen haizea noiz baretuko, edo argia noiz urratuko. Ander Irizar «Eszterren ondarea» - Sandor Marai, 2003 - 140. orr.
Leihoko kristal hautsietako batetik euriaren eragina entzuten nuen lurrean, ur-orratz fin atergabeak lore-multzo blaituetan jolasten. Irene Aldasoro «Dublindarrak» - James Joyce, 1999 - 46. orr.
Larre huts, ihintzez blaituetan barrena itzulikatzeko gura zorrotzez. Juan Garzia «Sistema periodikoa» - Primo Levi, 1998 - 111. orr.
Burua apaldu baitzuen, txingor zakarraren jasak, ur zikinaren blaituak, txintik atera gabe zipriztindu zezan onartuz bezala. Anton Garikano «Farorantz» - Virginia Woolf, 2001 - 37. orr.
argentineraz blaituriko (3); batek blaitzen (3); blaitu eta (5); blaitu zituen (3); blaitu zuen (5); blaituta eta (3); blaitzen ari (3); blaitzen du (4); lurra malkoz blaitzen (3)
